મોર્નિંગ ન્યૂઝ બ્રીફ:નેતન્યાહુને પતાવી દેવા ઇરાન મરણિયું, બંગાળ સહિત 5 રાજ્યમાં ચૂંટણીની તારીખો જાહેર; કિંજલ પછી હવે ચૌધરી સમાજની દીકરીને પરત લાવવા માંગ

નમસ્તે, ગઈકાલના મોટા સમાચાર પશ્ચિમ બંગાળ-આસામ સહિત પાંચ રાજ્યોમાં ચૂંટણીની તારીખોની જાહેરાતના રહ્યા. બીજા સમાચાર ઈરાનના છે, તેણે ધમકી આપી છે કે તેઓ નેતન્યાહુને શોધીને મારી નાખશે. ⏰ આજની ઈવેન્ટ્સ, જેના પર રહેશે નજર 1. 10 રાજ્યોની 11 રાજ્યસભા બેઠકો પર ચૂંટણી થશે. 26 ઉમેદવારો બિનહરીફ ચૂંટાયા છે. 2. સંસદમાં બજેટ સત્રની કાર્યવાહીના બીજા તબક્કાનો છઠ્ઠો દિવસ છે. સંસદમાં LPG ના મુદ્દા પર ચર્ચા થવાની શક્યતા છે. 📰 કાલના મોટા સમાચારો 1. પશ્ચિમ બંગાળમાં 23 અને 29 એપ્રિલે મતદાન:તમિલનાડુમાં 23 એપ્રિલે, આસામ-કેરળ-પુડુચેરીમાં 9 એપ્રિલે વોટિંગ; ગુજરાતના ઉમરેઠમાં 23 એપ્રિલે પેટાચૂંટણી; 4 મેએ તમામના પરિણામ ચૂંટણી પંચે રવિવારે આસામ, કેરળ, પુડુચેરી, તમિલનાડુ અને પશ્ચિમ બંગાળની વિધાનસભા ચૂંટણીની જાહેરાત કરી. તમિલનાડુમાં સિંગલ ફેઝમાં 23 એપ્રિલે મતદાન થશે. જ્યારે, બંગાળમાં બે ફેઝમાં 23 અને 29 એપ્રિલે મતદાન થશે. ત્રણ રાજ્યો કેરળ, આસામ અને પુડુચેરીમાં સિંગલ ફેઝ એટલે કે 9 એપ્રિલે મતદાન થશે. પાંચેય રાજ્યોનું પરિણામ 4 મેના રોજ આવશે. ગુજરાતમાં ઉમરેઠ બેઠક પર ધારાસભ્ય ગોવિંદભાઇ પરમારનું નિધન થતાં બેઠક ખાલી પડી છે, જેના પર પેટાચૂંટણી યોજાશે, 23 એપ્રિલના રોજ મતદાન તો 4 મેના રોજ પરિણામ જાહેર થશે. મુખ્ય ચૂંટણી કમિશનર જ્ઞાનેશ કુમારે જણાવ્યું કે પાંચ રાજ્યો-કેન્દ્રશાસિત પ્રદેશોમાં 17.4 કરોડ મતદારો છે. અહીં 824 બેઠકો પર ચૂંટણી યોજાવાની છે. વાંચો સંપૂર્ણ સમાચાર 2. ઈરાને કહ્યું- જો નેતન્યાહૂ જીવે છે તો તેને શોધીને મારીશું: બાળકોનો હત્યારો છે; નેતન્યાહૂની હત્યાનો દાવો ઇઝરાયલે ફગાવ્યો ઈરાનની ઇસ્લામિક રિવોલ્યુશનરી ગાર્ડ કોર્પ્સ (IRGC) એ ઈઝરાયલના વડાપ્રધાન નેતન્યાહુને શોધીને મારવાની ધમકી આપી હતી. 'અલ જઝીરા' મુજબ, IRGC એ કહ્યું કે, "બાળકોનો હત્યારો જો જીવિત છે, તો અમે પૂરી તાકાતથી તેનો પીછો કરીશું અને તેને મારી નાખીશું." નેતન્યાહુનો 13 માર્ચના રોજ એક વીડિયો સંદેશ સામે આવ્યો હતો. આ વીડિયોના એક ફ્રેમમાં તેમના જમણા હાથમાં છ આંગળીઓ હોવાનો દાવો કરવામાં આવ્યો. ત્યારબાદ એવો પણ દાવો કરવામાં આવ્યો કે નેતન્યાહુની હત્યા થઈ ગઈ છે. પરંતુ ઈઝરાયલી વડાપ્રધાન કાર્યાલયે નિવેદન જાહેર કરીને કહ્યું કે વડાપ્રધાન સુરક્ષિત છે અને આવા અહેવાલો ફેક ન્યૂઝ છે. વાંચો સંપૂર્ણ સમાચાર 3. ઉરીમાં ઘૂસણખોરીનો પ્રયાસ નિષ્ફળ, એક આતંકી ઠાર:બુછારમાં ઓપરેશન DIGGI-2 ચાલુ; પૂંછમાં ઓપરેશન શેરીકલાં દરમિયાન જવાન શહીદ કાશ્મીરના બારામુલા જિલ્લાના ઉરી સેક્ટરમાં 'ઓપરેશન DIGGI-2' દરમિયાન એક પાકિસ્તાની આતંકવાદી માર્યો ગયો. આ કાર્યવાહી ત્યારે થઈ જ્યારે ભારતીય સેનાના જવાનોએ નિયંત્રણ રેખા એટલે કે LoC પાસે કેટલીક હલચલ જોઈ. ત્યારબાદ સેના અને જમ્મુ-કાશ્મીર પોલીસે સંયુક્ત ઓપરેશન ચલાવ્યું. 14-15 માર્ચની રાત્રે બુછાર વિસ્તારમાં ઘૂસણખોરી કરી રહેલા આતંકવાદીએ ફાયરિંગ શરૂ કરી દીધું. આમાં આતંકવાદી માર્યો ગયો. સેનાએ આતંકવાદી પાસેથી હથિયારો જપ્ત કર્યા છે, જેમાં એક AK રાઇફલ, પિસ્તોલ અને દારૂગોળો શામેલ છે. ઓપરેશન હાલમાં ચાલુ છે. વાંચો સંપૂર્ણ સમાચાર 4. 950નો બાટલો રૂ. 3500માં મળે છે:ગેસ એજન્સીઓ પર સવારે 4 વાગ્યાથી લાઈનો લાગી; સુરતમાં રેલવે સ્ટેશને ભીડ, લોકો વતનની વાટ પકડી અમેરિકા-ઇઝરાયલના ઇરાન સાથેના યુદ્ધને કારણે દેશમાં LPG સંકટ વધી ગયું છે. મધ્ય પ્રદેશ, ઉત્તર પ્રદેશ, પંજાબ-ચંદીગઢ, હરિયાણા અને રાજસ્થાન સહિતના અન્ય રાજ્યોમાં સિલિન્ડર માટે સવારથી જ ગેસ એજન્સીઓ અને ગોડાઉન પર લાઇનો લાગી ગઈ છે. LPG સંકટને કારણે ગેસ સિલિન્ડરની કાળાબજારી પણ વધી ગઈ છે. 950 રૂપિયામાં મળતો ગેસ સિલિન્ડર 3500 રૂપિયામાં અને 2 હજાર રૂપિયાનો કોમર્શિયલ સિલિન્ડર બ્લેકમાં 5 હજાર રૂપિયામાં વેચાઈ રહ્યો છે. સુરતમાં વસતા પરપ્રાંતીય શ્રમિકોના ગેસ સંકડ વચ્ચે હવે ધીરજનાં બાણ ખુટી જતાં અને કોરોનાકાળ જેવી સ્થિતિ ન સર્જાય તેવા ડરથી વતનની વાટ પકડી રહ્યાં છે. વાંચો સંપૂર્ણ સમાચાર 5. ગિલ-મંધાના બેસ્ટ ઈન્ટરનેશનલ ક્રિકેટર ઓફ ધ યર:2 વર્ષમાં ICC ટ્રોફી જીતનારી પાંચેય ટીમો સન્માનિત, દ્રવિડ-મિથાલીને લાઇફટાઇમ અચીવમેન્ટ એવોર્ડ ભારતીય કેપ્ટન શુભમન ગિલ અને સ્મૃતિ મંધાનાને રવિવારે BCCI ઇન્ટરનેશનલ ક્રિકેટર ઓફ ધ યર તરીકે પસંદ કરવામાં આવ્યા છે. આ સાથે BCCI દ્વારા 1983 વર્લ્ડકપ વિજેતા ટીમના સભ્ય રોજર બિન્ની અને પૂર્વ કેપ્ટન રાહુલ દ્રવિડને કર્નલ સીકે નાયડુ લાઇફટાઇમ અચીવમેન્ટ એવોર્ડથી સન્માનિત કરવામાં આવ્યા. BCCI રવિવારે દિલ્હીમાં નમન એવોર્ડ 2026નું આયોજન કર્યું. આ દરમિયાન ભારતીય મહિલા ટીમના પૂર્વ કેપ્ટન મિતાલી રાજને BCCI લાઇફટાઇમ અચીવમેન્ટ એવોર્ડ આપવામાં આવ્યો. આ સાથે અંડર-19 ટીમના કેપ્ટન આયુષ મ્હાત્રેને ડોમેસ્ટિકમાં શ્રેષ્ઠ પ્રદર્શન માટે લાલા અમરનાથ એવોર્ડ માટે પસંદ કરવામાં આવ્યા. વાંચો સંપૂર્ણ સમાચાર 6. ગાંધીનગરમાં સ્ટેટ IBનો સિનિયર ઓફિસર 80 હજારની લાંચ લેતા ઝડપાયો:રાજકારણીના પોલીસ પ્રોટેકશનની અરજીમાં પોઝિટિવ અભિપ્રાય આપવા લાંચ માગી હતી ગાંધીનગરના સરગાસણ વિસ્તારમાં આજે એન્ટી કરપ્શન બ્યુરો દ્વારા ગોઠવવામાં આવેલા એક છટકામાં સ્ટેટ ઇન્ટેલીજન્સ બ્યુરોમાં ફરજ બજાવતો એક અધિકારી લાંચ લેતા રંગેહાથ ઝડપાઈ ગયો છે. સાણંદ સેન્ટરના સિનિયર ઇન્ટેલીજન્સ ઓફીસર કેતન ગીરીશભાઇ દવેએ એક જાગૃત નાગરિકના પોલીસ પ્રોટેક્શનને રીન્યુ કરવા માટે પોઝિટિવ અભિપ્રાય આપવાના બદલામાં 80 હજાર રૂપિયાની માંગણી કરી હતી. જે રકમ સ્વીકારતા જ એસીબીની ટીમે તેમને દબોચી લીધો છે. ગુજરાતમાં આ કદાચ IBનો પ્રથમ PI હશે જે લાંચ લેતા એસીબીના હાથે ઝડપાયો હોય. આ સમગ્ર ટ્રેપની કામગીરી ગાંધીનગર એસીબી એકમના ફિલ્ડ પોલીસ ઇન્સ્પેક્ટર એચ.બી. ચાવડા દ્વારા કરવામાં આવી હતી. આરોપી વિરુદ્ધ ગુનો નોંધી કાયદેસરની કાર્યવાહી હાથ ધરવામાં આવી છે. વાંચો સંપૂર્ણ સમાચાર 7. કિંજલ રબારી બાદ હવે ચૌધરી સમાજની દીકરીને પરત લાવવા માંગ:રૂની ગામની ચૌધરી સમાજની દીકરીને ઉણ ગામનો રબારી યુવક ભગાડી ગયાના આક્ષેપ, 18 માર્ચે ચૌધરી સમાજનું મહાસંમેલન વાવ-થરાદ અને ભાભર પંથકમાં સામાજિક સૌહાર્દ અને દીકરીઓની સુરક્ષાને લઈને ફરી એકવાર ગરમાવો જોવા મળી રહ્યો છે. તાજેતરમાં શિનાવાડની સિંગર કિંજલ રબારીના કિસ્સામાં ચૌધરી સમાજે મધ્યસ્થી કરી દીકરીને પરત સોંપ્યા બાદ, હવે રૂની ગામના ચૌધરી સમાજના પરિવારે પણ પોતાની દીકરીને પરત મેળવવા રબારી સમાજ અને પોલીસ પાસે ન્યાયની ગુહાર લગાવી છે. રૂની ગામની ચૌધરી સમાજની દીકરીને ઉણ ગામનો એક રબારી યુવક ભગાડી ગયો હોવાનો આક્ષેપ છે. પરિવારના જણાવ્યા અનુસાર આ ઘટનાને ઘણો સમય વીતી ગયો હોવા છતાં દીકરીનો કોઈ પત્તો લાગ્યો નથી. દીકરીના પિતા જગમાલભાઈએ આક્ષેપ કર્યો છે કે, દીકરી ઘરમાંથી દાગીના લઈને ગઈ છે અને આ મામલે પોલીસમાં ફરિયાદ કરવા છતાં તંત્ર દ્વારા પૂરતો રસ લેવામાં આવ્યો નથી. વાંચો સંપૂર્ણ સમાચાર 🎭 આજનું કાર્ટૂન ⚡ કેટલાક મહત્વના સમાચારો હેડલાઈનમાં 1.નેશનલ : રાજસ્થાનમાં બોમ્બ બ્લાસ્ટ માટે પાકિસ્તાનથી IED મોકલવામાં આવ્યું:4 દિવસ સુધી આરોપીઓ વિસ્ફોટકોની રાહ જોતા રહ્યા, 3 જગ્યાએ બ્લાસ્ટનું ષડયંત્ર વાંચો સંપૂર્ણ સમાચાર 2.ઈન્ટરનેશનલ : નેપાળમાં 7 ભારતીય શ્રદ્ધાળુઓનાં મોત:મનકામના મંદિરથી પરત ફરતી બસ 200 ફૂટ ઊંડી ખીણમાં ખાબકી, ડ્રાઇવર બચી ગયો; 7 ગંભીર રીતે ઈજાગ્રસ્ત વાંચો સંપૂર્ણ સમાચાર 3.નેશનલ : મોદીને નીચ નહીં, નીચ જાતિના માણસ કહ્યા હતા:મણિશંકરે કહ્યું- તેમનું ચારિત્ર્ય નીચ, જૂઠું બોલીને- ખોટી વાતો ફેલાવીને વડાપ્રધાન બન્યા વાંચો સંપૂર્ણ સમાચાર 4.ઈન્ટરનેશનલ : યુદ્ધ વચ્ચે 2 લાખ બાળકો ઘરવિહોણા, PHOTOS:ખુલ્લા મેદાનમાં પડેલી મિસાઈલ સાથે રમતો બાળક, હુમલાઓ વચ્ચે ભય-રસ્તા પર વિતી રહ્યું છે બાળપણ વાંચો સંપૂર્ણ સમાચાર 5.બિઝનેસ : IPO ના પબ્લિક શેરહોલ્ડિંગ નિયમોમાં ફેરફાર:મિનિમમ લિમિટ 5% થી ઘટાડીને 2.5% કરી, જિયો અને NSE નું લિસ્ટિંગ સરળ બનશે વાંચો સંપૂર્ણ સમાચાર 6.સ્પોર્ટ્સ : રેપના આરોપ બાદ RCBના બોલર યશ દયાલે કર્યા લગ્ન:પત્ની શ્વેતા છે જાણીતી ઈન્ફ્લુએન્સર, ક્રિકેટ જગતમાંથી કોઈ ન પહોંચ્યું; પરિવાર-મિત્રોની હાજરીમાં ફર્યા સાત ફેરા વાંચો સંપૂર્ણ સમાચાર 7.ધર્મ તહેવાર જ્યોતિષ : સૂર્યદેવનું મીન રાશિમાં ગોચર:કર્ક અને કુંભ જાતકોના ધન-વૈભવમાં વધારો થશે, સિંહ જાતકોના મિલકતના પ્રશ્નો ઉકેલાશે; 12 રાશિ પર શું અસર થશે વાંચો સંપૂર્ણ સમાચાર 🗣️ ચર્ચિત નિવેદન 😲 અજબ ગજબ સૌથી લાંબા કાનવાળો ગધેડો, બનાવ્યો વર્લ્ડ રેકોર્ડ અમેરિકાના જ્યોર્જિયામાં ‘હોપ’ નામના એક ગધેડાએ સૌથી લાંબા કાનનો ગિનિસ વર્લ્ડ રેકોર્ડ બનાવ્યો છે. આ ગધેડાના કાનની લંબાઈ 40.20 સેન્ટિમીટર, એટલે કે અંદાજે 1 ફૂટ 3 ઈંચ છે. તેના કાન 12 ઈંચના સબવે સેન્ડવિચ કરતા પણ મોટા છે. આ પહેલા બ્રિટનના ‘બમ્બૂ’ નામના ગધેડાના નામે આ રેકોર્ડ હતો. ઉત્તર પ્રદેશમાં એક શખસે નકલી દસ્તાવેજોના આધારે બે સરકારી નોકરીઓ મેળવી લીધી અને લગભગ 33 વર્ષ સુધી બંને વિભાગોમાંથી પગાર લેતો રહ્યો. આ મામલો RTI દ્વારા બહાર આવ્યો છે. કોર્ટે આરોપીને 7 વર્ષની કેદ અને ₹30,000નો દંડ ફટકાર્યો છે. 📸 ફોટો, જે પોતે સમાચાર છે 🌟 ભાસ્કરની એક્સક્લૂસિવ સ્ટોરીઝ, જે સૌથી વધારે વંચાઈ 1. ભક્તોનાં દાનથી કે સરકારી જમીન હડપીને બન્યા આસારામના આશ્રમ?: શી રીતે સર્જાયું ₹10 હજાર કરોડનું સામ્રાજ્ય? જુઓ ‘આસારામ’ સિરીઝનો નવો એપિસોડ 2. આજનું એક્સપ્લેનર: CEC જ્ઞાનેશ કુમારે ચૂંટણીની તારીખો જાહેર કરી, વિપક્ષ તેમને પદ પરથી હટાવવાની તૈયારીમાં; શું છે મમતા બેનર્જીનો આ રાજકીય દાવ? 3. સન્ડે બિગ સ્ટોરી : કોણ છે દુબઇમાં ભારતીયોની મદદ કરનારા ધીરજ જૈન?: બુર્જ ખલીફાના 141મા માળે ઓફિસ, 80 હજાર સ્ક્વેર ફૂટનું ફાર્મ હાઉસ; લોકો છૂટા પડ્યાં ત્યારે આંખમાં આંસુ હતા 4. ખાખી કવર :દેશનો સૌથી ‘ફેમસ’ સિરિયલ કિલર ‘ઑટો શંકર’: 6 હત્યા, 5 પત્ની, બે વેશ્યાગૃહો ચલાવ્યા, નેતાઓને સ્ત્રીઓ સપ્લાય કરી, જેલ તોડી છેલ્લે ફાંસીએ ચડ્યો 5. બંગાળમાં પરિવર્તન યાત્રા શું BJPને જીત અપાવશે: ભીડ ઓછી, લોકો બોલ્યા- BJPને વોટ આપીએ પરંતુ બોલવામાં જીવનું જોખમ 6. સંડે જઝબાત: પોતાના 4 દીકરા-દીકરીને ઝેર આપીને કેવી રીતે મારું?: તે આખો દિવસ પથારીમાં પડ્યા રહે છે; લગ્ન કરવાની ઉંમરે ચમચીથી જમાડું છું 🌍 કરંટ અફેર્સ ⏳ આજના દિવસનો ઈતિહાસ 🌦️ મોસમનો મિજાજ સોમવારનું રાશિફળ: મેષ-કુંભ રાશિના સપના સાકાર થશે, મિથુન રાશિને કરિયરમાં મળશે મોટી સફળતા; જાણો તમારો દિવસ કેવો રહેશે વાંચો સંપૂર્ણ રાશિફળ