Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    કાકાએ સગીર ભત્રીજીને ગર્ભનિરોધક ગોળીઓ ખવડાવી 5 મહિના દુષ્કર્મ આચર્યું:પેટમાં દુઃખાવો ઉપડતા ભાંડો ફૂટ્યો, પત્ની રિસામણે હોય આરોપી ભાઈ-ભાભી સાથે રહેતો હતો

    14 hours ago

    1

    0

    👍 ❤️ 😂 😮 😢 😡 😘 🤐 🥰

    રાજકોટમાં કાકા-ભત્રીજીના સંબંધને લજવતો ચકચારી કિસ્સો સામે આવ્યો છે. 14 વર્ષીય ભત્રીજી પર કૌટુંબિક કાકાએ પાંચ મહિના સુધી દુષ્કર્મ આચર્યાનો ઘટસ્ફોટ થયો છે. ચોંકાવનારી વાત એ છે કે, સગીર ભત્રીજી ગર્ભવતી ન બને તે માટે કાકા દ્વારા તેને ગર્ભનિરોધક ગોળીએ ખવરાવવામાં આવતી હતી. સગીરાને પેટમાં દુઃખાવો ઉપડ્યા બાદ હોસ્પિટલે સારવાર માટે લઈ જવાતા આરોપી કાકાનો ભાંડો ફૂટ્યો હતો. પોલીસે કાકાની ધરપકડ કરી વધુ તપાસ હાથ ધરી છે. સગીરાની માતા રિસામણે બેસી હોય તે અને તેના પિતા કાકા સાથે રહેતા હતા. કાકા અને ભત્રીજી જ્યારે ઘર પર એકલા હોય ત્યારે તેનો લાભ ઉઠાવી કુકર્મ આચરતો હતો. પીડિતાને પેટમાં દુઃખાવો ઉપડતા કાકાના પાપનો ઘડો ફૂટ્યો આ શરમજનક ઘટનાનો પર્દાફાશ ત્યારે થયો જ્યારે બુધવારના રોજ 14 વર્ષની સગીરાને અચાનક પેટમાં અસહ્ય દુખાવો ઉપડ્યો હતો. મધ્યપ્રદેશના ઉજ્જૈનથી રાજકોટ આવીને કામ કરતા પરિવારમાં જ્યારે બાળકીની તબિયત લથડી, ત્યારે તેના પિતાએ તેની પૂછપરછ કરી હતી. આ દરમિયાન બાળકી પાસેથી કેટલીક શંકાસ્પદ ગોળીઓ મળી આવી હતી. બાળકીને તાત્કાલિક હોસ્પિટલ લઈ જવામાં આવી, જ્યાં તબીબોએ તપાસ બાદ જણાવ્યું કે આ ગોળીઓ ગર્ભનિરોધક છે. તબીબોએ પિતાને ચેતવણી આપી હતી કે આટલી નાની વયે આવી ગોળીઓના સતત સેવનથી ગર્ભાવસ્થા તો અટકે છે, પરંતુ શરીરમાં ગંભીર ઇન્ફેક્શન અને જીવલેણ જોખમ ઊભું થઈ શકે છે. પિતાના પગ નીચેથી જમીન સરકી ગઈ તબીબોની વાત સાંભળી પિતાના પગ નીચેથી જમીન સરકી ગઈ હતી. જ્યારે બાળકીને વિશ્વાસમાં લઈને પૂછવામાં આવ્યું ત્યારે તેણે રડતા રડતા પોતાની સાથે વીતેલી 5 મહિનાની આપવીતી વર્ણવી હતી. સગીરાએ જણાવ્યું કે તેનો કૌટુંબિક કાકો, જે તેમની સાથે જ રહે છે, તે છેલ્લા પાંચ મહિનાથી જ્યારે ઘરમાં કોઈ ન હોય ત્યારે તેની સાથે બળજબરીપૂર્વક શારીરિક સંબંધ બાંધતો હતો. પાપ છુપાવવા માટે તે બાળકીને સતત ગોળીઓ ખાવા મજબૂર કરતો હતો. પત્ની રિસામણે હોવાથી માસૂમ પર નજર બગાડી પોલીસની પ્રાથમિક તપાસમાં ચોંકાવનારી વિગતો સામે આવી છે. 37 વર્ષીય આરોપીની પત્ની છેલ્લા 8 મહિનાથી તેના 4 બાળકો સાથે પિયરમાં રિસામણે રહેવા જતી રહી હતી. ઘરમાં પત્નીની ગેરહાજરીનો લાભ ઉઠાવી કાકાએ પોતાની જ ભત્રીજી પર નજર બગાડી હતી. પાંચ મહિના પહેલા જ્યારે પિતા મજૂરી કામ માટે બહાર ગયા હતા, ત્યારે આરોપીએ પ્રથમ વખત દુષ્કર્મ આચર્યું હતું અને ત્યારબાદ સતત ધાકધમકી આપીને બાળકીનું શોષણ ચાલુ રાખ્યું હતું. આરોપી સામે પોક્સો હેઠળ ગુનો નોંધી ધરપકડ કરવામાં આવી બાળકીના પિતાએ આ મામલે બી ડિવિઝન પોલીસ સ્ટેશનમાં ફરિયાદ નોંધાવી છે. પોલીસે આરોપી વિરુદ્ધ BNS ની કલમ 65(1), 351(3) અને પોક્સો એક્ટ (POCSO Act) ની કલમ 4(2) તથા 6(1) મુજબ ગુનો દાખલ કર્યો છે. પીઆઈ સુધીર રાણાના માર્ગદર્શન હેઠળ પોલીસે ત્વરિત કાર્યવાહી કરી આરોપીની ધરપકડ કરી લીધી છે. સગીરા અને આરોપી ઘરે એકલા હોય ત્યારે કુકર્મ આચરતો રાજકોટનાં બી-ડિવિઝન પોલીસ ઇન્સ્પેક્ટર એસ. એસ. રાણેએ જણાવ્યું હતું કે, આ મામલે નોંધાયેલી ફરિયાદ મુજબ છેલ્લા 5 માસથી તેના કાકા આ રીતે ભોગ બનનાર સાથે સંબંધો બનાવી રહ્યા હતા અને તેને ગર્ભ રહે નહીં તે માટે અવારનવાર ગોળીઓ પણ ખવડાવતા હતા. આ ઘટના જ્યારે ભોગ બનનાર અને આરોપી એકલા ઘરે હોય એવા સમયે બનતી હતી. તેઓ સંયુક્ત પરિવારમાં એક જ ઘરમાં સાથે રહેતા હતા, જેથી જ્યારે પણ એવો મોકો મળતો અને બંને એકલા હોય ત્યારે આરોપી સમયનો લાભ ઉઠાવી, ધમકાવી ભોગ બનનાર સાથે દુષ્કર્મ આચરતો હતો. વધુમાં તેમણે જણાવ્યું કે, આ આરોપીની પત્ની છેલ્લા 8 માસથી રિસામણે તેના પિયર મધ્ય પ્રદેશ ખાતે ગયેલી છે અને તે રિસામણે હોવાથી આરોપી અહીં તેના ભાઈ સાથે રહેતો હતો. હાલ પોક્સો સહિતની અલગ-અલગ કલમો હેઠળ ગુનો નોંધવામાં આવ્યો છે અને આરોપીની ધરપકડ કરવામાં આવી છે. પોલીસે આરોપીના કપડાં કબજે કર્યા છે અને જે સ્થળે આ બનાવ બન્યો છે ત્યાંથી પણ મહત્વના પુરાવા એકત્ર કર્યા છે. આ સાથે એફએસએલના અધિકારીઓ અને ક્રાઈમ એક્સપર્ટ અધિકારીઓને સાથે રાખીને પુરાવા મેળવવામાં આવ્યા છે. આ ઉપરાંત અગાઉ જ્યારે ભોગ બનનારના પિતાએ આરોપીને મેસેજ કરીને દવાઓ વિશે પૂછ્યું હતું, તે તમામ વોટ્સએપ મેસેજ અને ચેટિંગ રિકવર કરવા માટે આરોપીનો મોબાઈલ પણ કબજે લેવામાં આવ્યો છે.
    Click here to Read More
    • Share:
    ઇરાકમાં US દૂતાવાસ પર મિસાઈલ હુમલો:દુબઈમાં એરસ્ટ્રાઇક, નેધરલેન્ડમાં યહૂદી સ્કૂલ પાસે હુમલો; ઇઝરાયલી હુમલામાં ઇરાનમાં નવજાત સહિત 6નાં મોત
    Previous Article
    ઇરાકમાં US દૂતાવાસ પર મિસાઈલ હુમલો:દુબઈમાં એરસ્ટ્રાઇક, નેધરલેન્ડમાં યહૂદી સ્કૂલ પાસે હુમલો; ઇઝરાયલી હુમલામાં ઇરાનમાં નવજાત સહિત 6નાં મોત
    Next Article
    વિઠ્ઠલવાડીમાં જાહેરમાં જુગાર રમતા 10 ઝડપાયા:પોલીસે સ્થળ પરથી જુગારનું સાહિત્ય અને રોકડા રૂ.27 હજાર કબજે કર્યા
    વિઠ્ઠલવાડીમાં જાહેરમાં જુગાર રમતા 10 ઝડપાયા:પોલીસે સ્થળ પરથી જુગારનું સાહિત્ય અને રોકડા રૂ.27 હજાર કબજે કર્યા

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment

      Send