Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    રવિ પુષ્ય નક્ષત્રમાં 450 કરોડથી વધુના સોના-ચાંદીની ખરીદી:છેલ્લા 3 દિવસમાં ગોલ્ડના ભાવ ઘટતા ચાર મહાનગરોમાં લોકો ધનતેરસ પહેલા જ આજના શુભ દિવસે ખરીદી કરવા ઉમટ્યા

    1 day ago

    1

    0

    👍 ❤️ 😂 😮 😢 😡 😘 🤐 🥰

    આજે રવિ પુષ્ય નક્ષત્રાના શુભ મુહૂર્તને લઈ રાજ્યની સોનાચાંદીની માર્કેટમાં ખરીદીનો માહોલ જોવા મળ્યો. છેલ્લા ત્રણ દિવસ દરમિયાન ગોલ્ડના ભાવમાં થયેલો ઘટાડો અને આજના શુભ મુહૂર્તને લઈ અમદાવાદ, સુરત, વડોદરા અને રાજકોટના લોકોએ અંદાજિત 450 કરોડથી વધુના સોના-ચાંદીની ખરીદી કરી. ચાર મોટા શહેરોમાં જ એક દિવસમાં 450 કરોડથી વધુ સોના-ચાંદીનું વેચાણ ગુજરાતમાં અમદાવાદ, સુરત, વડોદરા અને રાજકોટ શહેરની વાત કરીએ તો આજે પુષ્ય નક્ષત્રના દિવસે 450 કરોડથી વધુના સોના-ચાંદીની લોકો દ્વારા ખરીદી કરવામાં આવી. અમદાવાદમાં 70 કરોડના સોનાની અને 90 કરોડના ચાંદી સહિત અંદાજિત 160 કરોડનું વેચાણ થયું. સુરતમાં એક જ દિવસમાં અંદાજીત રૂ. 140 કરોડ, વડોદરામાં 90 કરોડ અને રાજકોટમાં અંદાજિત 70થી 80 કરોડના સોના-ચાંદીનું વેચાણ થયું. અમદાવાદમાં આજે પુષ્ય નક્ષત્રના શુભ મુહૂર્તને લઈને સોના-ચાંદીની ખરીદી માટે જ્વેલર્સની દુકાનોમાં વહેલી સવારથી જ ગ્રાહકોનો ભારે ધસારો જોવા મળ્યો.શુભ મુહૂર્તમાં સોનું કે ચાંદી ખરીદવું સમૃદ્ધિ અને ધનલાભનું પ્રતીક માનવામાં આવતું હોવાથી લોકો આ દિવસે ખાસ ખરીદી કરવાનું પસંદ કરે છે. સોનાના દાગીના, સિક્કા અને ચાંદીની વસ્તુઓની ખરીદી માટે મોટી સંખ્યામાં લોકો જ્વેલર્સની દુકાનોમાં પહોંચ્યા. શુભમુહૂર્તમાં ખરીદી માટે લોકોએ એડવાન્સ બુકિંગ કરાવ્યું એબી જ્વેલર્સના ડિરેક્ટર કીર્તન સોનીએ જણાવ્યું હતું કે, આજે સોનાનો ભાવ 1.43 લાખ છે તે પણ GST સાથે જેથી ગયા વર્ષની સરખામણીએ આ વર્ષે પણ અગાઉથી એડવાન્સ બુકિંગ થઈ ગયા હતા. તેમજ સવારથી એડવાન્સ બુકિંગ કરાવેલા ગ્રાહકો અને અન્ય ગ્રાહકો પણ ખરીદી માટે આવી રહ્યા છે. છેલ્લા ત્રણ દિવસમાં ભાવમાં ઘટાડો થયો છે પરંતુ ગયા વર્ષની સરખામણીએ 10,000 રૂપિયા ભાવ વધુ છે. જોકે ત્રણ દિવસમાં જે ભાવ ઘટ્યા તેને લોકો વધાવી મોટા પ્રમાણમાં ખરીદી કરી રહ્યા છે. ગ્રાહક કોમલે જણાવ્યું હતું કે, હું મારા માતા પિતાના ઘરેથી પણ એ જ સંસ્કાર લઈને આવી છું કે ધનતેરસના દિવસે કે પુષ્ય નક્ષત્રના દિવસે સોનાની કે ચાંદીની ખરીદી કરવી જોઈએ. જેથી સાસરિયામાં આવ્યા બાદ પણ આ જ પરંપરા સાચવી રાખી છે. જે પણ સોનુ કે ચાંદી લઈએ છીએ તેની ધનતેરસના દિવસે પૂજા પણ કરીએ છીએ. સોનાના ભાવ ઘટ્યા છે જેથી ચોક્કસથી ફાયદો થયો છે જે લેવું હતું તેના કરતા થોડું વધારે લઈ શક્યા છીએ. સોનાના ભાવમાં ઘટાડો થતા ખરીદી માટે લોકોમાં ઉત્સાહ સુરતના ડી. ખુશાલભાઈ જ્વેલર્સના દીપકભાઈ ચોક્સીએ જણાવ્યું હતું કે, "જ્યારે પુષ્ય નક્ષત્ર હોય છે ત્યારે લોકો ખૂબ જ શુભ મુહૂર્તમાં ખરીદી કરતા હોય છે. અગાઉ સોના અને ચાંદીના ભાવ ઊંચા હોવાથી બજાર મંદ જેવું લાગતું હતું, પરંતુ ભાવ ઘટવાથી આ વખતે ધનતેરસ અને આજના પુષ્ય નક્ષત્રમાં ખૂબ સારી ઘરાકી જોવા મળી રહી છે." તેઓએ વધુમાં જણાવ્યું કે, "સોનાનો ભાવ જે અગાઉ બે લાખ ઉપર પહોંચી ગયો હતો, તે હવે ઘટીને અંદાજે 1,75,000 રૂપિયા આસપાસ પહોંચ્યો છે અને ચાંદી જે 4 લાખ ઉપર હતી તે ઘટીને અંદાજે 2 લાખની અંદર આવી ગઈ છે. ભાવ ઘટવાના આ ફાયદાને કારણે સુરત શહેરમાં લોકો શુભ પ્રસંગો માટે અગાઉથી જ ખરીદીની બુકિંગ કરાવતા હોય છે અને આજના દિવસે સોનું-ચાંદી ખરીદવું ખૂબ જ શુભ મનાય છે." મહિલા ગ્રાહકોમાં પણ સોના-ચાંદીની ખરીદીનો ભારે ઉત્સાહ સુરતમાં વેસુથી ખરીદી કરવા આવેલાં મહિલા ગ્રાહક અરૂણા ચોહાણે જણાવ્યું હતું કે, "પહેલાં સોનાના ભાવ ખૂબ વધારે હતા જેથી ખરીદી કરવાનું મન નહોતું થતું. આજે પુષ્ય નક્ષત્ર છે અને આજે જે ખરીદી કરીએ તેમાં વધારો થાય, તેથી અમે અહીં ખરીદી કરવા આવ્યા છીએ. શુભમુહૂર્તમાં વડોદરાવાસીઓએ સોના-ચાંદીના સિક્કા અને દાગીના ખરીદ્યા સારા ગણદેવીકર જ્વેલર્સના માલિક સુનિલભાઈ ગણદેવીકરે જણાવ્યું હતું કે, સોશિયલ મીડિયા પર સોનાના ભાવ અંગે ફેલાયેલી વિવિધ અટકળો અને નિષ્ણાતોના વિરોધાભાસી મંતવ્યોને કારણે સામાન્ય લોકોમાં મૂંઝવણ પ્રવર્તી રહી છે. સોશિયલ મીડિયા પર સોનાના ભાવ ઘટીને એક લાખ કે તેથી નીચે જવાની અફવાઓને કારણે લોકો ખરીદી કરતા અચકાઈ રહ્યા છે. સોનાના ભાવ અગાઉની ઊંચી સપાટીથી ઘટીને હાલ આશરે 1,43,000 રૂપિયા સુધી પહોંચ્યા છે. બજારમાં અસ્થિરતા અને અફવાઓના લીધે ગ્રાહકોનો ઉત્સાહ અપેક્ષિત કરતા ઓછો જોવા મળ્યો છે. ગ્રાહક પરેશભાઈ પ્રજાપતિએ જણાવ્યું હતું કે આ દિવસ સોનું, ચાંદી, ઇલેક્ટ્રોનિક્સ વસ્તુઓ કે વાહનો જેવી નવી ચીજવસ્તુઓની ખરીદી માટે અત્યંત શુભ માનવામાં આવે છે, જેથી પવિત્ર દિવસે તેમણે પણ નાની વસ્તુની ખરીદી કરી છે. હાલ સોનાના ભાવમાં ઘટાડો જોવા મળ્યો છે અને સોનામાં એક નવું બોટમ બની રહ્યું છે. નાણાકીય દ્રષ્ટિકોણથી અંદાજ લગાવતા તેમણે જણાવ્યું હતું કે આગામી સમયમાં સોનાના ભાવ ઘટીને 1,37,000 રૂપિયા સુધી પણ જઈ શકે છે. રાજકોટમાં ગત વર્ષ કરતા આ વર્ષે 30 ટકા વધુ વેચાણ થવાનો અંદાજ રવિ પુષ્ય નક્ષત્ર અને દિવાળીના તહેવારને લઈને સોના-ચાંદીની ખરીદી અંગે રાજકોટના વેપારી રિતેશભાઈ સોનીએ જણાવ્યું હતું કે, આજે રવિપુષ્ય નક્ષત્ર હોવાને કારણે સવારથી જ ગ્રાહકોની ભારે ભીડ જોવા મળી રહી છે. ગુરુપુષ્ય નક્ષત્રના હિસાબે કોઈપણ મુહૂર્ત જોયા વગર આખો દિવસ સોનું અને ચાંદી બંને ખરીદી શકાય છે. સોના-ચાંદીના ભાવમાં મોટો ઘટાડો આવ્યો છે, જેથી પાંચ-સાત દિવસ પહેલાં ચાંદીનો ભાવ રૂ. 2,00,000 ની આસપાસ હતો તે ઘટીને અત્યારે રૂ. 1,80,000 થી રૂ. 1,85,000 સુધી પહોંચ્યો છે. તેમજ સોનાનો ભાવ અગાઉ રૂ. 1,35,000 હતો તે ઘટીને અત્યારે રૂ. 1,28,000 થયો છે, જ્યારે હાઈએસ્ટ ભાવ સોનાનો રૂ. 1,40,000 થી રૂ. 1,45,000 અને ચાંદીનો રૂ. 2,60,000 સુધી હતો. દિવાળીના માહોલને લઈને ગ્રાહકોમાં ખૂબ જ ઉત્સાહ છે અને ગ્રાહકો ખરીદી કરવા આવી રહ્યા છે. ગત વર્ષ કરતા આ વર્ષે ગ્રાહકી ઘણી સારી છે અને ગ્રાહકોમાં 30 ટકાનો વધારો જોવા મળી રહ્યો છે, જેથી આ વર્ષની દિવાળી ખૂબ જ સરસ જશે તેવી ચોક્કસ આશા છે. ગ્રાહક ગીતાબેન મકવાણાએ જણાવ્યું હતું કે, આજે રવિપુષ્ય નક્ષત્ર ખૂબ જ સરસ છે અને તહેવારની મોસમ તેમજ ભાવમાં થયેલા ઘટાડાને કારણે તેઓ પરિવાર સાથે સોનું ખરીદવા માટે આવ્યા છે. તેમણે વધુમાં ઉમેર્યું હતું કે અન્ય કોઈપણ ક્ષેત્રમાં રોકાણ કરવા કરતાં સોનામાં કરવામાં આવતું રોકાણ હંમેશાં સુરક્ષિત રહે છે, જેનાથી ભવિષ્યમાં સારો ફાયદો અને ઉત્તમ વળતર પ્રાપ્ત થાય છે. જેને લઈને આજે સોનાના દાગીનાની ખરીદી કરવા આવ્યા છીએ. સોના-ચાંદીની ખરીદી માટે રવિ પુષ્ય નક્ષત્રને મનાય છે અતિ શુભ પુષ્ય નક્ષત્રમાં ખરીદી માટે અત્યંત શુભ માનવામાં આવે છે. ધાર્મિક માન્યતા અનુસાર આ દિવસે ખરીદેલી કિંમતી વસ્તુઓ ઘરમાં સુખ, સમૃદ્ધિ અને સૌભાગ્ય લાવે છે. ખાસ કરીને સોના-ચાંદીને લક્ષ્મીજી સાથે જોડવામાં આવતાં હોવાથી લોકો આ દિવસે રોકાણ અને શુભ શરૂઆતના હેતુથી પણ ખરીદી કરે છે.આજના દિવસે સોના-ચાંદીના સિક્કા, દાગીના અને અન્ય વસ્તુઓની ખરીદી કરવાનું વિશેષ મહત્ત્વ છે, કારણ કે આ દિવસે ખરીદી કરવાથી તેમાં અનેકગણો વધારો થાય છે તેવી લોકમાન્યતા છે.
    Click here to Read More
    • Share:
    પ્રાંતિજની અંબુજા કંપનીમાંથી ચોરી કરનાર ઇકો કાર સાથે બે ઝડપાયા:195.62 કિલો કોપર સહિત ₹7.64 લાખનો મુદ્દામાલ કબજે; એક આરોપી વોન્ટેડ
    Previous Article
    પ્રાંતિજની અંબુજા કંપનીમાંથી ચોરી કરનાર ઇકો કાર સાથે બે ઝડપાયા:195.62 કિલો કોપર સહિત ₹7.64 લાખનો મુદ્દામાલ કબજે; એક આરોપી વોન્ટેડ
    Next Article
    વડોદરા ગેસ લિમિટેડ દ્વારા CNG-PNGના ભાવમાં વધારો:CNG 89 રૂપિયાથી વધીને 90.50 રૂપિયા, PNG 55.74 રૂપિયાથી વધીને 56.24 રૂપિયા પ્રતિ CMS થયો
    વડોદરા ગેસ લિમિટેડ દ્વારા CNG-PNGના ભાવમાં વધારો:CNG 89 રૂપિયાથી વધીને 90.50 રૂપિયા, PNG 55.74 રૂપિયાથી વધીને 56.24 રૂપિયા પ્રતિ CMS થયો

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment

      Send