Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    ધોરડો-સફેદ રણના માર્ગે 42 એકમોની તપાસ:આરોગ્ય વિભાગે પીવાના પાણી, રસોડાં અને ખાદ્ય સામગ્રીની સ્વચ્છતા ચકાસી

    6 hours ago

    કચ્છના ધોરડો અને સફેદ રણની મુલાકાતે આવતા પ્રવાસીઓના આરોગ્યની સુરક્ષા માટે જિલ્લા આરોગ્ય વિભાગે ચેકિંગ અભિયાન શરૂ કર્યું છે. ભુજથી ધોરડો તરફના માર્ગે હોટલ, રિસોર્ટ, રેસ્ટોરન્ટ અને હોમ સ્ટે સહિત અંદાજે 42 એકમોની તપાસ કરાઈ હતી.જિલ્લા કલેક્ટર અનિલ રાણાવસિયા અને જિલ્લા વિકાસ અધિકારી અતિરાગ ચપલોતના માર્ગદર્શન હેઠળ મુખ્ય જિલ્લા આરોગ્ય અધિકારીની આગેવાનીમાં અલગ-અલગ ટીમોએ ઓચિંતી મુલાકાત લીધી હતી. ટીમોએ સ્વચ્છતા અને ખાદ્ય સુરક્ષાની સ્થિતિ તપાસી હતી. પ્રવાસન સીઝનમાં દેશ-વિદેશના પ્રવાસીઓની અવરજવર વધે છે. આ દરમિયાન હોટલ અને રિસોર્ટમાં પીવાનું પાણી શુદ્ધ રહે અને ભોજનની ગુણવત્તા જળવાય તે માટે તપાસ કરવામાં આવી હતી.ટીમોએ પીવાના પાણીના સ્ત્રોત, પાણી સંગ્રહવાની વ્યવસ્થા, ટાંકીઓની સ્વચ્છતા અને તેની નિયમિત સફાઈ થાય છે કે નહીં તે ચકાસ્યું હતું. પાણીજન્ય રોગો ફેલાતા અટકાવવા સંચાલકોને સુરક્ષિત પીવાના પાણીની વ્યવસ્થા જાળવવા સૂચના અપાઈ હતી. હોટલ અને રેસ્ટોરન્ટનાં રસોડાંમાં રસોઈ બનાવવાની જગ્યા, વાસણોની સ્વચ્છતા, કાચા અને તૈયાર ખોરાકનો સંગ્રહ, ખાદ્ય સામગ્રીની ગુણવત્તા, કચરાનો નિકાલ અને પરિસરની સફાઈ તપાસવામાં આવી હતી.ખાદ્ય સામગ્રી ખુલ્લી રાખવામાં આવે છે કે નહીં, માખી-જીવાતોથી બચાવની વ્યવસ્થા છે કે નહીં અને રસોડાના કર્મચારીઓ વ્યક્તિગત સ્વચ્છતાના નિયમો પાળે છે કે નહીં તે પણ ચકાસાયું હતું. તપાસ દરમિયાન સંચાલકોને માર્ગદર્શન અપાયું હતું. પાણીની ટાંકીઓ સમયાંતરે સાફ કરવા, ખોરાકનો યોગ્ય સંગ્રહ કરવા અને સ્વચ્છતાના નિયમોનું પાલન કરવા તેમને સૂચના આપવામાં આવી હતી. આરોગ્ય વિભાગે જણાવ્યું કે પ્રવાસીઓના આરોગ્ય સાથે બાંધછોડ ચલાવી લેવામાં નહીં આવે. આગામી દિવસોમાં પણ હોટલ, રિસોર્ટ, હોમ સ્ટે અને ખાણીપીણીનાં એકમોમાં તપાસ ચાલુ રહેશે. કચ્છ આવતા પ્રવાસીઓને સુરક્ષિત અને આરોગ્યપ્રદ વાતાવરણ આપવું અભિયાનનો ઉદ્દેશ છે.
    Click here to Read More
    Previous Article
    ડિસમિસ પોલીસકર્મી આકાશ પટેલ સામે વધુ એક FIR:વેપારી પાસેથી ₹50 લાખ પડાવ્યા બાદ પોરબંદર APMC ચેરમેનને પણ ચૂંટણી ટિકિટના નામે છેતરવાનો પ્રયાસ કર્યો
    Next Article
    બોટાદની દરગાહમાં ઉર્ષ ઉજવાયો:30 વર્ષથી ઉજવણી, આ વર્ષે 4થી 5 હજાર લોકો માટે નિયાઝનું આયોજન

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment