મોર્નિંગ ન્યૂઝ બ્રીફ:ગુજરાતમાં પેટ્રોલ માટે અંધાધૂંધી, મોદીએ કહ્યું- યુદ્ધની અસર લાંબા સમય સુધી રહી શકે છે, સોનામાં 40 વર્ષનો સૌથી મોટો કડાકો

નમસ્તે, ગઈકાલના સૌથી મોટા સમાચાર સંસદમાં વડાપ્રધાન નરેન્દ્ર મોદીના નિવેદનના રહ્યા. તેમણે કહ્યું કે પશ્ચિમ એશિયામાં ચાલી રહેલા યુદ્ધની અસર લાંબા સમય સુધી રહી શકે છે. બીજા મોટા સમાચાર શંકરાચાર્ય અવિમુક્તેશ્વરાનંદના એલાન સાથે જોડાયેલા રહ્યા. તેઓ પોતાની 'ચતુરંગિણી સેના' બનાવશે. ⏰ આજની ઈવેન્ટ્સ, જેના પર રહેશે નજર 1. યુપીના સંભલમાં શાહી જામા મસ્જિદ અને હરિહર મંદિર વિવાદ મામલે સિવિલ કોર્ટમાં સુનાવણી થશે. 📰 કાલના મોટા સમાચારો 1. મોદીએ કહ્યું- હોર્મુઝ સ્ટ્રેટ બંધ કરવાનું સ્વીકાર્ય નથી:કોરોનાની જેમ કસોટીનો સમય, ધીરજ રાખી, એક થઇને લાંબો સમય લડવાની તૈયારી કરો; વાતચીતથી જ ઉકેલ આવશે પશ્ચિમ એશિયામાં સંઘર્ષની પરિસ્થિતિ પર પીએમ મોદીએ પહેલીવાર સંસદમાં સંબોધન કર્યુ. મોદીએ કહ્યું- હું આ ગૃહમાં પશ્ચિમ એશિયામાં ચાલી રહેલા સંઘર્ષ અને ભારત પર તેની અસર અંગે ચર્ચા કરવા આવ્યો છું. ત્યાંની પરિસ્થિતિ હાલમાં ચિંતાજનક છે. લોકસભામાં 25 મિનિટના ભાષણમાં તેમણે કહ્યું કે તણાવનો અંત આવવો જોઈએ. વાતચીત જ એકમાત્ર ઉકેલ છે. પીએમ મોદીએ કહ્યું કે નાગરિકો અને પાવર પ્લાન્ટ પર હુમલા અસ્વીકાર્ય છે. હોર્મુઝ સ્ટ્રેટને બંધ કરવાનું સ્વીકાર્ય નહીં. પીએમએ કહ્યું, સરકાર દેશમાં તેલ અને ગેસ સંકટને રોકવાનો પ્રયાસ કરી રહી છે. આ માટે, અમે હવે 27 દેશોને બદલે 41 દેશોમાંથી આયાત કરી રહ્યા છીએ. પશ્ચિમ એશિયામાં એક કરોડ ભારતીયો રહે છે. તેમની સુરક્ષા અમારી પ્રાથમિકતા છે. વાંચો સંપૂર્ણ સમાચાર 2. ટ્રમ્પે કહ્યું- મુજતબા ખામેનીનું મોત નથી ઇચ્છતો:વેનેઝુએલા જેવી ઈરાનમાં નવી સરકાર બનશે, આ માટે તેઓ એક ખાસ વ્યક્તિ સાથે વાતચીત કરી રહ્યા છે અમેરિકી રાષ્ટ્રપતિ ડોનાલ્ડ ટ્રમ્પે કહ્યું છે કે તેઓ ઈરાનના સુપ્રીમ લીડર મુજતબા ખામેનીનું મૃત્યુ નથી ઈચ્છતા. તેમણે એમ પણ કહ્યું કે તેઓ નથી જાણતા કે મુજતબા જીવિત છે કે નહીં. ફ્લોરિડામાં પત્રકારો સાથેની વાતચીતમાં ટ્રમ્પે કહ્યું કે ઈરાનમાં સત્તા પરિવર્તન થઈ શકે છે અને આ દિશામાં એક ખાસ વ્યક્તિ સાથે વાતચીત ચાલી રહી છે. અમેરિકા ઈરાનમાં નવી રાજકીય વ્યવસ્થાના વિકલ્પો પર કામ કરી રહ્યું છે. તેમણે કહ્યું કે વેનેઝુએલાની જેમ કોઈ નવો નેતા સામે લાવી શકાય છે અથવા પછી અમેરિકા સાથે મળીને જોઈન્ટ લીડરશિપનું મોડેલ પણ અપનાવી શકાય છે. ટ્રમ્પે દાવો કર્યો છે કે ઈરાન વાતચીત માટે ઉત્સુક છે અને જલ્દી સમજૂતી કરવા માંગે છે. તેમણે કહ્યું કે 5 દિવસ કે તેનાથી ઓછા સમયમાં આ ડીલ થઈ શકે છે. વાંચો સંપૂર્ણ સમાચાર 3. સોનાના ભાવમાં 40 વર્ષમાં સૌથી મોટો ઘટાડો:અઠવાડિયામાં 10%નો કડાકો, રોકડ માટે ખાડી દેશો સોનું વેચવા માંડ્યા, રોકાણકારોનું પ્રોફિટ બુકિંગ, ચાંદી પણ ક્રેશ આજે 23 માર્ચે સોના-ચાંદીના ભાવમાં ઘટાડો જોવા મળ્યો. ઇન્ડિયા બુલિયન એન્ડ જ્વેલર્સ એસોસિએશન (IBJA) અનુસાર, 10 ગ્રામ 24 કેરેટ સોનું સવારે 12,077 રૂપિયા ઘટીને 1.35 લાખ રૂપિયા પર ખુલ્યું, પરંતુ સાંજે 7,649 રૂપિયાના ઘટાડા સાથે 1.40 લાખ રૂપિયા પર બંધ થયું. આ પહેલા તેની કિંમત 1.47 લાખ હતી. જ્યારે, એક કિલો ચાંદીની કિંમત સવારે 30,864 રૂપિયા ઘટીને 2.01 લાખ રૂપિયા પર ખુલી, પરંતુ સાંજે 17,760 રૂપિયાની રિકવરી પછી 13,104 રૂપિયાના ઘટાડા સાથે 2.19 લાખ પર બંધ થઈ. આ પહેલા શુક્રવારે તેની કિંમત 2.32 લાખ રૂપિયા પ્રતિ કિલો હતી. 40 વર્ષમાં સોનાની કિંમતમાં આટલો મોટો ઘટાડો થયો છે. વાંચો સંપૂર્ણ સમાચાર 4. શંકરાચાર્ય 2.18 લાખ સૈનિકોની ચતુરંગિણી સેના બનાવશે:કાશીમાં કહ્યું- સેના ગાય, ધર્મ-શાસ્ત્ર અને મંદિરની રક્ષા કરશે; પહેલા રોકશે, ટોકશે પછી ઠોકશે વારાણસીમાં શંકરાચાર્ય સ્વામી અવિમુક્તેશ્વરાનંદ સરસ્વતીએ સોમવારે ચતુરંગિણી સેના બનાવવાની જાહેરાત કરી. તેમણે કહ્યું- ચતુરંગિણી સેનામાં 2 લાખ 18 હજાર 700 સૈનિકો હશે. તેમાં દેશભરમાંથી લોકો ભરતી થશે. તેમણે જણાવ્યું- આ સેના ગૌરક્ષા, ધર્મ રક્ષા, શાસ્ત્ર રક્ષા અને મંદિર રક્ષાનું કાર્ય કરશે. તેમનો ડ્રેસ પીળો હશે. હાથમાં પરશુ હશે. તેના માટે શ્રીશંકરાચાર્ય ચતુરંગિણી સભાની રચના કરી છે. તેમાં 27 સભ્યો હશે. તેના અધ્યક્ષ તેઓ પોતે હશે. શંકરાચાર્યે કહ્યું- 1 પત્તી (ટીમ)માં 10 લોકો હશે. 21 હજાર 870 ટીમો બનશે તો સેના તૈયાર થઈ જશે. ભારતમાં હાલ લગભગ 800 જિલ્લા છે. જો દરેક જિલ્લામાં 27 ટીમો, એટલે કે 270 લોકો તૈયાર થઈ ગયા, તો 2 લાખ 16 હજાર લોકો તૈયાર થઈ જશે. વાંચો સંપૂર્ણ સમાચાર 5. ‘ધુરંધર’માં રણવીરનો 'ઘોસ્ટ લુક':મેકઅપની મહેનતનો BTS વીડિયો વાઈરલ; બોક્સઓફિસ પર 'કિંગ ઓફ લ્યારી'નું રાજ, 4 દિ'માં 750 કરોડની રેકોર્ડબ્રેક કમાણી રણવીર સિંહની ફિલ્મ ‘ધુરંધર: ધ રીવેન્જ’એ ફક્ત ચાર દિવસમાં વિશ્વભરમાં ₹750 કરોડની કમાણી કરી છે. ગઈકાલે રવિવાર આ ફિલ્મે ફક્ત ભારતમાં ₹114.85 કરોડની કમાણી કરી હતી. ફિલ્મે શાહરુખ ખાનની ‘પઠાણ’ અને ‘RRR’ દ્વારા અગાઉના સપ્તાહના બોક્સ ઓફિસ રેકોર્ડ તોડી નાખ્યા છે. શાહરુખ ખાનની ‘પઠાણ’ એ પાંચ દિવસના વિસ્તૃત સપ્તાહના અંતે ₹287 કરોડની કમાણી કરી હતી. ‘ધુરંધર 2’ એ હવે ‘બાહુબલી 2’ (₹591 કરોડ), ‘કલ્કી 2898 AD’ (₹500 કરોડ) અને ‘RRR’ (₹470 કરોડ) દ્વારા સ્થાપિત શરૂઆતના સપ્તાહના રેકોર્ડને વટાવી દીધો છે. તે હવે ભારતીય સિનેમા ઇતિહાસમાં બીજા ક્રમે સૌથી વધુ શરૂઆતના સપ્તાહના અંતે ઉભરી આવી છે, જે ફક્ત ‘પુષ્પા 2’ (₹762 કરોડ) પછી છે. વાંચો સંપૂર્ણ સમાચાર 6. અમદાવાદમાં અછતની અફવા રાજ્યમાં ફેલાઈ, અન્ય શહેરોમાં પણ લાંબી લાઈનો:સરકારે કહ્યું- ' તમામ પંપ પર પેટ્રોલ મળી રહે તે માટે તૈયારી', અફવાથી દૂર રહેવા 'ભાસ્કર'ની અપીલ અમદાવાદ સહિતના શહેરોમાં સવારના સમયે કેટલાક પેટ્રોલપંપ બંધ જોવા મળ્યા હતા. જેના કારણે પેટ્રોલ મળતું બંધ થઈ જશે તેવા ડરના કારણે વાહનચાલકો પેટ્રોલ પંપ પર પહોંચવા લાગ્યા હતા. સાંજ પડતા જ અમદાવાદ, સુરત, વડોદરા અને રાજકોટ સહિતના શહેરોના પેટ્રોલ પંપ પર લાંબી કતારો લાગતા ટ્રાફિકજામના દૃશ્યો જોવા મળ્યા. સ્થિતિ બગડવા લાગતા સરકાર પણ એકશનમાં આવી છે. નાયબ મુખ્યમંત્રી હર્ષ સંઘવીએ લોકોને અફવામાં ન દોરાવવા અપીલ કરી છે. રાજ્યમાં તમામ પેટ્રોલ પંપ પર પેટ્રોલ-઼ડીઝલનો જથ્થો મળતો રહે તે માટે સરકાર વ્યવસ્થા કરી રહી હોવાની વાત કરી છે. સંઘવીએ કહ્યું કે, લોકોએ અફવામાં આવી પેટ્રોલ પંપ પર લાઈનો લગાવવાની જરુર નથી. વાંચો સંપૂર્ણ સમાચાર 7. 'મોદીને ટ્રમ્પે એપ્સ્ટિનથી કંટ્રોલ કરી રાખ્યા છે':PMએ કહ્યું તમે જેમ હુકમ કરશો એમ કરીશું, કોઈ પાસેથી તેલ નહીં ખરીદીએ, વડોદરામાં આદિવાસીના કાર્યક્રમમાં રાહુલ ગાંધી ગુજરાતમાં સ્થાનિક સ્વરાજ્યની ચૂંટણી પહેલા રાહુલ ગાંધી ગુજરાત આવ્યા હતા. અંબાજીથી ઉમરગામ સુધી આવેલા આદિવાસી પટ્ટા ઉપર આદિવાસીઓના અધિકારો માટે લડતા વિવિધ સ્વૈચ્છિક સંસ્થાના આગેવાનો, સમાજના ઉત્થાન માટે કામ કરતા લીડરો અને પ્રબુધ્ધ નાગરિકો સાથે રાહુલ ગાંધીએ સંવાદ કર્યો હતો. ત્યાર બાદ તેઓ 4.45 વાગ્યે દિલ્હી જવા રવાના થયા હતા. ત્રણ વાગ્યે તેઓ વડોદરા એરપોર્ટ પર પહોંચ્યા હતા. જ્યાં મોટી સંખ્યામાં કોંગ્રેસના કાર્યકર્તાઓ આવકારીને 'રાહુલ ગાંધી જિંદાબાદ'ના નારા લગાવ્યા હતા. ત્યાર બાદ આજવા ચોકડી પાસે આવેલા દીનદયાળ ઉપાધ્યાય હોલ ખાતે આદિવાસી અધિકાર સંવિધાન સંમેલનમાં હાજરી આપવા પહોંચ્યા હતા. જ્યાં તેમણે 34 મિનિટ સુધી સંબોધન કર્યું હતું. વાંચો સંપૂર્ણ સમાચાર 🎭 આજનું કાર્ટૂન ⚡ કેટલાક મહત્વના સમાચારો હેડલાઈનમાં 1.નેશનલ : તમિલનાડુમાં ભાજપ 27 બેઠકો પર ચૂંટણી લડશે:કેરળ ભાજપ પ્રમુખ ચંદ્રશેખરની ઉમેદવારી રદ કરવાની માંગ:કોંગ્રેસનો દાવો- સોગંદનામામાં માહિતી છુપાવી વાંચો સંપૂર્ણ સમાચાર 2.ઈન્ટરનેશનલ : યુદ્ધ વચ્ચે ઓઈલ-ગેસથી ઈરાનની રેકોર્ડ કમાણી:હોર્મુઝ સ્ટ્રેટમાંથી જહાજ લઇ જવા માટે 18.8 કરોડનો ટોલ ટેક્સ નાખ્યો; ખાડી દેશોનું ઉત્પાદન 70% સુધી ઘટ્યું વાંચો સંપૂર્ણ સમાચાર 3.નેશનલ : પ્રયાગરાજમાં કોલ્ડ સ્ટોરેજ ધરાશાયી, 4નાં મોત:20 લોકો દટાયા હોવાની આશંકા, બચાવ કામગીરી ચાલુ; 1 કિમી સુધી ફેલાયો એમોનિયા ગેસ વાંચો સંપૂર્ણ સમાચાર 4.ઈન્ટરનેશનલ : ન્યૂયોર્ક એરપોર્ટ પર વિમાન-ટ્રકની ટક્કર, બંને પાયલોટના મોત:એર ટ્રાફિક કંટ્રોલરે સ્ટોપ-સ્ટોપ બૂમ પાડી, 72 મુસાફરો સવાર હતા વાંચો સંપૂર્ણ સમાચાર 5.બિઝનેસ : શેરબજારના રોકાણકારો માટે સારા સમાચાર!:ટ્રમ્પની ઈરાન પર હુમલા રોકવાની જાહેરાત પછી ગ્લોબલ માર્કેટમાં ઉછાળો, ક્રૂડ ઓઈલમાં એક ઝાટકે ઘટાડો વાંચો સંપૂર્ણ સમાચાર 6.સ્પોર્ટ્સ : સૌરભ દુબે-દસુન શનાકા IPLમાં સામેલ:હર્ષિત રાણાના રિપ્લેસમેન્ટ પર નિર્ણય બાકી; લીગમાં અત્યાર સુધી 10 ખેલાડીઓના રમવા પર શંકા વાંચો સંપૂર્ણ સમાચાર 7.ધર્મ તહેવાર જ્યોતિષ : નવરાત્રિ, સર્વાર્થસિદ્ધિ અને રવિ યોગનો દુર્લભ સંયોગ:માઁ સ્કંદમાતાની આરાધનાથી ખુલશે સંતાન સુખના દ્વાર; પૂજા દરમિયાન પીળા વસ્ત્રો-ભોગનું મહત્ત્વ વાંચો સંપૂર્ણ સમાચાર 🗣️ ચર્ચિત નિવેદન 😲 અજબ ગજબ માછલીએ કાર ચલાવીને બનાવ્યો વર્લ્ડ રેકોર્ડ નેધરલેન્ડમાં બ્લબ નામની એક ગોલ્ડફિશ માછલીએ કાર ચલાવીને વર્લ્ડ રેકોર્ડ બનાવ્યો છે. પાણીથી ભરેલી ટેન્કમાં લગાવવામાં આવેલી મોશન સેન્સર ટેકનોલોજી માછલીની દિશાને ટ્રેક કરતી હતી, જેના કારણે કાર પણ તે જ દિશામાં ચાલતી હતી. આ માછલીએ માત્ર 1 મિનિટમાં 40 ફૂટથી વધુ અંતર કાપ્યું. 📸 ફોટો, જે પોતે સમાચાર છે 🌟 ભાસ્કરની એક્સક્લૂસિવ સ્ટોરીઝ, જે સૌથી વધારે વંચાઈ 1. ભાસ્કર સિરીઝ : ‘આસારામનો પડછાયો પણ ઘરમાં ન જોઇએ’: દીપેશના ઘરે આસારામ બેઠા એ ગાદી લોકોએ બાળી નાખી! જુઓ ‘આસારામ’ સિરીઝનો નવો એપિસોડ 2. આજનું એક્સપ્લેનર: રૂપિયો અત્યાર સુધીના સૌથી નીચલા સ્તરે, શું 100 પાર કરશે? તમારા ખિસ્સા કેવી રીતે ખાલી થશે; સરકાર શું કરી રહી છે? 3. મંડે મેગા સ્ટોરી : ઈરાન હાર કેમ નથી માની રહ્યું: 22 દિવસના યુદ્ધમાં કેટલું નુકસાન થયું; શું ટ્રમ્પ-નેતન્યાહુ યુદ્ધ સમાપ્ત કરવાનો રસ્તો શોધી રહ્યા છે? 4. ભાસ્કર એક્સક્લૂસિવ : 'ઈરાન - અઝરબૈજાન બોર્ડર પર ફસાયા, ધડાકાઓમાં રાત કાઢવી મુશ્કેલ': ભારતીય વિદ્યાર્થીઓ બોલ્યા- 1.5 લાખની ટિકિટ નકામી, નવી લેવાના પૈસા નથી 5. Editor's View: ટ્રમ્પનાં અલ્ટિમેટમનો ઉલાળિયો: ખામેનીની દફનવિધિ ન થવાની ત્રણ સંભાવના, મોજતબા પર સસ્પેન્સ, જાણો ઇરાનની સત્તા, સંતાકૂકડી અને સંઘર્ષની રહસ્યમય કહાની 🌍 કરંટ અફેર્સ ⏳ આજના દિવસનો ઈતિહાસ 📊​​​​​​​ માર્કેટની સ્થિતિ 🌦️ મોસમનો મિજાજ મંગળવારનું રાશિફળ: સિંહ-કન્યા રાશિ માટે સફળતાનો માર્ગ મોકળો બનશે, કુંભ રાશિએ આર્થિક લેવડ-દેવડ પર રોક લગાવી! વાંચો સંપૂર્ણ રાશિફળ