Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    સેલવાસામાં લગ્નની લાલચ આપી 4 વર્ષ સુધી યુવતીનું શોષણ:આરોપીએ દુષ્કર્મ આચરી 4 વાર ગર્ભપાત પણ કરાવ્યો, મારપીટ કરી જાનથી મારી નાખવાની ધમકી આપ્યાની ફરિયાદ

    6 hours ago

    દાદરા અને નગર હવેલીના સેલવાસામાં લગ્ન કરવાની લાલચ આપીને યુવતીનું ચાર વર્ષ સુધી કથિત શારીરિક અને માનસિક શોષણ કરવામાં આવ્યું હોવાનો મામલો સામે આવ્યો છે. સૈફ મિર્ઝા નામના યુવક સામે યુવતીએ લગ્નનું વચન આપી શારીરિક સંબંધ બાંધવા, ચાર વખત ગર્ભપાત કરાવવા દબાણ કરવા, મારપીટ કરવા અને જાનથી મારી નાખવાની ધમકી આપવાના આક્ષેપ સાથે પોલીસ ફરિયાદ નોંધાવી છે. આ ઉપરાંત યુવતીની આશરે ₹1.30 લાખની કિંમતની સોનાની ચેઇન પણ બળજબરીથી લઈ લીધી હોવાનો ફરિયાદમાં ઉલ્લેખ કરવામાં આવ્યો છે. ફરિયાદ મુજબ, વર્ષ 2022માં સેલવાસાના બાવિસા ફળિયા સ્થિત ગોવિંદા કોમ્પ્લેક્સ ખાતે યુવતીની સૈફ મિર્ઝા સાથે ઓળખાણ થઈ હતી. ત્યારબાદ આરોપીએ યુવતીને લગ્ન કરવાનું વચન આપ્યું હતું. આ વિશ્વાસના આધારે બંને વચ્ચે સંબંધો બંધાયા હતા. આરોપી યુવતીના રૂમ તેમજ હોટલમાં મળવા જતો હોવાનો પણ ફરિયાદમાં ઉલ્લેખ છે. ચાર વખત ગર્ભવતી થતાં ગર્ભપાત કરાવવા દબાણ કર્યાનો આક્ષેપ યુવતીના જણાવ્યા મુજબ, ચાર વર્ષના સંબંધ દરમિયાન તે ચાર વખત ગર્ભવતી થઈ હતી. જોકે આરોપીએ લગ્ન નહીં થાય અને હાલમાં બાળક જોઈતું નથી તેમ કહી ગર્ભપાત કરાવવા દબાણ કર્યું હતું. આરોપીએ દવાઓ આપીને ગર્ભપાત કરાવ્યાનો પણ આક્ષેપ કરવામાં આવ્યો છે. એટલું જ નહીં, આરોપી જેલમાં હતો ત્યારે તેના મિત્ર મારફતે પણ ગર્ભપાતની દવા અપાવવામાં આવી હોવાની ફરિયાદમાં વિગતો આપવામાં આવી છે. ખાનગી વીડિયો વાયરલ કરવાની ધમકી આપી માનસિક ત્રાસ યુવતીએ ફરિયાદમાં વધુમાં જણાવ્યું છે કે આરોપી પાસે તેના ખાનગી વીડિયો હોવાનો દાવો કરી સોશિયલ મીડિયા પર વાયરલ કરવાની ધમકી આપતો હતો. પોલીસને વીડિયો આપીને જેલમાં મોકલાવી દેવાની ધમકી આપી માનસિક ત્રાસ આપતો હોવાનો પણ આક્ષેપ છે. આ ઉપરાંત નશાની હાલતમાં યુવતીના રૂમ પર આવી મારપીટ અને ગાળાગાળી કરતો હતો. એક વખત રૂમનો દરવાજો પણ તોડી નાખ્યો હોવાનો ફરિયાદમાં ઉલ્લેખ કરવામાં આવ્યો છે. ₹1.30 લાખની સોનાની ચેઇન બળજબરીથી લઈ લીધી ફરિયાદ મુજબ, ઓગસ્ટ 2025માં પૈસાની જરૂરિયાત હોવાનું જણાવી આરોપીએ યુવતી પાસેથી આશરે ₹1.30 લાખની કિંમતની સોનાની ચેઇન બળજબરીથી લઈ લીધી હતી. આ ચેઇન પર ગોલ્ડ લોન મેળવી નાણાંનો ઉપયોગ કર્યો હોવાનો પણ યુવતીએ આક્ષેપ કર્યો છે. અન્ય યુવતી સાથે સગાઈની જાણ થતાં જાનથી મારી નાખવાની ધમકી યુવતીને આરોપીની ઉત્તર પ્રદેશના આઝમગઢમાં અન્ય યુવતી સાથે સગાઈ થઈ હોવાની જાણ થતાં તેણે આ અંગે પૂછપરછ કરી હતી. આ દરમિયાન આરોપીએ તેને જાનથી મારી નાખવાની ધમકી આપી હોવાનો આક્ષેપ છે. ત્યારબાદ 9 નવેમ્બરે આરોપી ફરી યુવતીના રૂમ પર આવ્યો હતો અને ઝઘડો કરી ધમકી આપતાં યુવતીએ 112 નંબર પર ફોન કરીને મદદ માગી હતી. 20 નવેમ્બરે BNSની કલમ 69 હેઠળ ગુનો નોંધાયો આ સમગ્ર ઘટનાથી ત્રાસેલી યુવતી પિતા સાથે પોલીસ સ્ટેશન પહોંચી હતી અને આરોપી વિરુદ્ધ ફરિયાદ નોંધાવી હતી. સેલવાસા પોલીસે 20 નવેમ્બર 2026ના રોજ સૈફ મિર્ઝા સામે BNSની કલમ 69 હેઠળ ગુનો નોંધી વધુ તપાસ હાથ ધરી છે. ફરિયાદમાં કરવામાં આવેલા આક્ષેપોની સત્યતા પોલીસ તપાસ બાદ જ સ્પષ્ટ થશે.
    Click here to Read More
    Previous Article
    વલસાડમાં ભાજપે નૂતન વર્ષનું સ્નેહમિલન યોજ્યું:નરેન્દ્ર મોદી અને ભૂપેન્દ્ર પટેલ વર્ચ્યુઅલી જોડાયા; પક્ષના પદાધિકારીઓ, સંગઠનના હોદ્દેદારો અને કાર્યકરો હાજર રહ્યા
    Next Article
    ENE Repeat Box Office Collection Day 4: Vishwak Sen Starrer Holds Steady On First Sunday

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment