Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    4 દુષ્કર્મના કેસમાં હોલિવૂડ હીરો દોષી જાહેર!:રસેલ બ્રાન્ડને 10 વર્ષની સજા, કોર્ટે કહ્યું- તમે યૌન શિકારી છો; 2 વર્ષમાં કેટી પેરી સાથેનું લગ્નજીવન તૂટ્યું

    8 hours ago

    હોલિવૂડ એક્ટર અને કોમેડિયન રસેલ બ્રાન્ડને દુષ્કર્મ અને યૌન શોષણના કેસોમાં દોષી ઠેરવીને 10 વર્ષની સજા સંભળાવવામાં આવી છે. રસેલ બ્રાન્ડ પૉપ સ્ટાર કેટી પેરીના પૂર્વ પતિ પણ છે. તેના પર આરોપ હતો કે તેણે પોતાના સેલિબ્રિટી સ્ટેટસનો ફાયદો ઉઠાવીને અનેક મહિલાઓનું યૌન શોષણ કર્યું. આ કેસો 1999થી 2009ની વચ્ચેના છે. સપ્ટેમ્બર 2023માં બે બ્રિટિશ ટીવી ચેનલો અને અખબારોની સંયુક્ત તપાસ બાદ પહેલીવાર આ આરોપો જાહેરમાં આવ્યા હતા. ત્યારબાદ બ્રિટિશ પોલીસે આ કેસની તપાસ શરૂ કરી હતી. બીબીસીના અહેવાલ અનુસાર, રસેલ બ્રાન્ડ વિરુદ્ધ દુષ્કર્મ અને યૌન ઉત્પીડન સાથે જોડાયેલા કુલ 7 કેસોની તપાસ કરવામાં આવી હતી. તેમાંથી 4 કેસોમાં તેમને દોષી ઠેરવવામાં આવ્યા, જ્યારે 3 કેસોમાં નિર્દોષ જાહેર કરવામાં આવ્યા. રસેલ બ્રાન્ડ કયા કેસોમાં દોષી ઠર્યા? રસેલ બ્રાન્ડ પર અલગ-અલગ મહિલાઓ સાથે દુષ્કર્મ અને યૌન ઉત્પીડનના આરોપો લાગ્યા હતા. ફરિયાદી પક્ષના જણાવ્યા મુજબ, તેમણે પોતાની પ્રસિદ્ધિનો ફાયદો ઉઠાવીને મહિલાઓ સુધી પહોંચ બનાવી અને તેમનું શોષણ કર્યું. કેસોની ઘટનાક્રમ આ પ્રમાણે છે- 1999: દક્ષિણ ઇંગ્લેન્ડના બોર્નમથમાં રસેલ બ્રાન્ડે એક મહિલા સાથે દુષ્કર્મ કર્યું. 2001: લંડનમાં એક મહિલા સાથે ઓરલ દુષ્કર્મ અને જાતીય ઉત્પીડન કર્યું. 2004: લંડનના એક બારમાં જન્મદિવસની પાર્ટી દરમિયાન એક મહિલાનું જાતીય ઉત્પીડન કર્યું. 2009: એક કોમેડી શો બાદ બેકસ્ટેજ મળવા આવેલી મહિલા ચાહકને પોતાના ઘરે લઈ જઈને તેના પર દુષ્કર્મ કર્યું. કયા કેસમાં કેટલી સજા મળી? રસેલ બ્રાન્ડને અલગ-અલગ કેસોમાં દોષિત ઠેરવાયા બાદ જેલની સજા સંભળાવવામાં આવી. બે કેસોમાં રસેલ બ્રાન્ડ નિર્દોષ પણ જાહેર થયા કોર્ટે કેટલાક આરોપોમાં રસેલ બ્રાન્ડને નિર્દોષ જાહેર કર્યા. તેમાં 1999માં બોર્નમથમાં લેબર પાર્ટીના સંમેલન દરમિયાન એક હોટલના રૂમમાં બીજી મહિલા સાથે દુષ્કર્મ કરવાનો આરોપ પણ સામેલ હતો. આ ઉપરાંત, લંડન સ્થિત મ્યુઝિક ચેનલ MTVની ઑફિસમાં એક મહિલાને પુરુષોના બાથરૂમમાં ખેંચી લઈ જવા અને તેની સાથે જાતીય હુમલો કરવાનો પ્રયાસ કરવાના આરોપમાંથી પણ તેમને નિર્દોષ જાહેર કરવામાં આવ્યા. જજે કહ્યું- તમે જાતીય શિકારી બની ગયા હતા સાઉથવર્ક ક્રાઉન કોર્ટમાં સજા સંભળાવતી વખતે ન્યાયાધીશ જોએલ બેનેથને રસેલ બ્રાન્ડના વર્તન પર આકરી ટિપ્પણી કરી. તેમણે કહ્યું, "લગભગ 20 વર્ષ પહેલાં રસેલ બ્રાન્ડ પ્રસિદ્ધ થઈ રહ્યા હતા. તમે હોશિયાર હતા અને ઘણા લોકોની નજરમાં રમૂજી તથા કરિશ્માઈ હતા. તમે યૌન શિકારી પણ બની ચૂક્યા હતા." નિર્ણય સંભળાવતી વખતે રસેલ બ્રાન્ડ ગ્રે સૂટ, ખુલ્લા કોલરવાળું શર્ટ અને ઢીલી સફેદ ટાઈ પહેરેલા હતા. તેમના લાંબા, સફેદ થઈ રહેલા વાળ માથાની ટોચ પર અંબોડામાં બાંધેલા હતા. તેમના જમણા હાથમાં ક્રોસ પણ હતો. કોર્ટમાં રસેલ બ્રાન્ડે પોતાને નિર્દોષ ગણાવ્યા હતા. તેમનું કહેવું હતું કે મહિલાઓ સાથેના તેમના તમામ સંબંધો સંમતિથી બંધાયા હતા. અભિયોજન પક્ષે કહ્યું- સેલિબ્રિટી સ્ટેટસનો દુરુપયોગ કર્યો સરકારી વકીલ રિયલ કર્મી-જૉન્સે કોર્ટમાં કહ્યું કે રસેલ બ્રાન્ડે મહિલાઓ સુધી પહોંચ મેળવવા માટે પોતાના સેલિબ્રિટી દરજ્જાનો ઉપયોગ કર્યો હતો. તેમણે કહ્યું, "તેણે પોતાની પ્રસિદ્ધિનો લાભ લઈને મહિલાઓ સુધી એવી પહોંચ બનાવી, જેના વિના આ ગુનાઓ થઈ શક્યા ન હોત. આથી તેનો એ વિશ્વાસ પણ વધ્યો કે આવા ગુનાઓ કર્યા પછી પણ તે બચી શકે છે." બીજી તરફ, બચાવ પક્ષના વકીલ ઇયાન વિન્ટરે ન્યાયાધીશને રસેલ બ્રાન્ડના સારા ચારિત્ર્યને ધ્યાનમાં રાખવા અપીલ કરી. તેમણે કહ્યું કે 1995માં મારિજુઆના રાખવાના કેસ સિવાય બ્રાન્ડનો કોઈ ગુનાહિત રેકોર્ડ નથી. તેમણે એ પણ જણાવ્યું કે બ્રાન્ડે ચેરિટીનું કામ કર્યું છે અને ડ્રગ્સ તથા દારૂની લતમાંથી બહાર આવવામાં લોકોને મદદ કરી છે. બચાવ પક્ષે દુષ્કર્મના કેસને ઓછો ગંભીર દર્શાવવાનો પ્રયાસ કરતાં કહ્યું કે બ્રાન્ડને એવા વ્યક્તિ તરીકે જોવો જોઈએ, જે સંમતિથી બનેલા સંબંધ દરમિયાન ખૂબ આગળ વધી ગયો અને સંમતિની મર્યાદા પાર કરી ગયો. પત્ની, પિતા અને સમર્થકો કોર્ટની બહાર હાજર રહ્યા રસેલ બ્રાન્ડની પત્ની લૉરા અને તેમના પિતા રોન બ્રાન્ડ સાઉથવાર્ક ક્રાઉન કોર્ટમાં હાજર હતા. કેસની સુનાવણી દરમિયાન બ્રાન્ડ જામીન પર બહાર હતા, પરંતુ દોષિત ઠેરવાયા બાદ તેમને જેલમાં મોકલી દેવામાં આવ્યા. રસેલ બ્રાન્ડ વિરુદ્ધ જાતીય શોષણના કેસો કેવી રીતે સામે આવ્યા? સપ્ટેમ્બર 2023માં બ્રિટિશ અખબાર ધ સન્ડે ટાઈમ્સ, ધ ટાઈમ્સ ઑફ લંડન અને ટીવી નેટવર્ક ચેનલ 4એ સંયુક્ત તપાસ અહેવાલ પ્રકાશિત કર્યો હતો. આ અહેવાલમાં અનેક મહિલાઓએ પોતાની ઓળખ છુપાવીને રસેલ બ્રાન્ડ પર દુષ્કર્મ અને જાતીય શોષણના આરોપો લગાવ્યા હતા. મહિલાઓએ જણાવ્યું હતું કે બ્રાન્ડે પોતાની પ્રસિદ્ધિનો લાભ લઈને તેમનું શોષણ કર્યું હતું. અહેવાલ સામે આવ્યા બાદ બ્રિટિશ પોલીસે કેસની તપાસ શરૂ કરી. પોલીસે લગભગ 18 મહિના સુધી બ્રાન્ડના જૂના રેકોર્ડ અને તેમના વર્તન સંબંધિત માહિતીની તપાસ કરી. ત્યારબાદ એકત્રિત કરાયેલા પુરાવા અને ફરિયાદોના આધારે તેમની વિરુદ્ધ કાયદેસરની કાર્યવાહી કરવામાં આવી. ‘ડ્રગ્સ અને સેક્સનો વ્યસની હતો, પરંતુ દુષ્કર્મી નહોતો’ આરોપો જાહેર થયા બાદ રસેલ બ્રાન્ડે પોતાના સત્તાવાર X અકાઉન્ટ પર અનેક વીડિયો જાહેર કરીને સફાઈ આપી હતી. એક વીડિયોમાં તેમણે કહ્યું હતું, “વર્ષો પહેલાં હું ડ્રગ એડિક્ટ અને સેક્સ એડિક્ટ હતો, પરંતુ દુષ્કર્મી નહોતો. હું મૂર્ખ હતો, પરંતુ મેં ક્યારેય દુષ્કર્મ કર્યો નથી. મેં ક્યારેય એવી કોઈ જાતીય પ્રવૃત્તિમાં ભાગ લીધો નથી, જેમાં સામેની વ્યક્તિની સંમતિ ન હોય.” કેટી પેરી સાથે કર્યા હતા લગ્ન, બે વર્ષમાં છૂટાછેડા રસેલ બ્રાન્ડનું અંગત જીવન પણ ઘણી ચર્ચામાં રહ્યું છે. તેમણે વર્ષ 2010માં અમેરિકન પોપ સ્ટાર કેટી પેરી સાથે લગ્ન કર્યા હતા. જોકે, બંનેનો સંબંધ લાંબો સમય ટક્યો નહીં અને લગ્નના લગભગ બે વર્ષ બાદ જ બંને અલગ થઈ ગયા. ત્યારબાદ વર્ષ 2017માં રસેલ બ્રાન્ડે લેખિકા લૉરા બ્રાન્ડ સાથે લગ્ન કરી લીધા.
    Click here to Read More
    Previous Article
    રોકેટથી વિવેક રંજન અગ્નિહોત્રીની બાલ્કનીમાં લાગી આગ:'ધ કાશ્મીર ફાઇલ્સ'ના ડિરેક્ટર ભડક્યા, પછી પોસ્ટ ડિલીટ કરીને કહ્યું- નારાજગીનું કારણ બનવું નથી
    Next Article
    અમિત શાહે પરિવાર સાથે રણબીર કપૂરની ‘રામાયણ’ જોઈ:વિડિયો વાઈરલ; સોશિયલ મીડિયામાં ચર્ચા, યુઝર્સે કહ્યું- ભગવાન રામ ભાજપ ને મોદીથી મોટા

    Related Entertainment Updates:

    Are you sure? You want to delete this comment..! Remove Cancel

    Comments (0)

      Leave a comment