Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    મનપાનો ફૂડ વિભાગ એક્શનમાં:રાજકોટનાં કોઠારીયાની મંત્ર બેકરીમાંથી બ્રેડ, એસેન્સ, કલર અને ફ્લેવર સહિત 38 કિલો અખાદ્ય જથ્થાનો નાશ, મલાઈ, માવા ઉપરાંત આઈસ્ક્રીમનાં નમુના લીધા

    7 hours ago

    રાજકોટ મનપાનાં ફૂડ વિભાગ દ્વારા સ્પેશિયલ ડ્રાઈવ અંતર્ગત શહેરની કુલ 62 પેઢીઓમાં સર્વેલન્સ ચેકિંગ હાથ ધરવામાં આવ્યું હતું, જેમાં કુલ 2 પેઢીને નોટિસ આપી રૂ.2,000નો વહીવટી ચાર્જ વસૂલાયો હતો અને 5 ખાદ્ય નમૂના લેબોરેટરીમાં મોકલાયા હતા. આ દરમિયાન કોઠારીયા ગામ પાસેની મંત્ર બેકરીમાં અનહાઇજેનિક કન્ડિશન અને લાઇસન્સ બાબતે નોટિસ આપી રૂ.1000 વહીવટી ચાર્જ વસૂલવામાં આવ્યો હતો, તેમજ ત્યાંથી બેકરી રો મટીરીયલ્સ, મીઠાઈ, બ્રેડ, કલર, એસેન્સ અને ફ્લેવર સહિતનો એક્સપાયરી ડેટ વીતેલો કુલ 38 kg અખાદ્ય જથ્થો મળી આવતા તેનો સ્થળ પર જ નાશ કરી મલાઈ, માવોઅને મોતીચૂર લાડુના નમૂના લેવાયા હતા. ઉપરાંત પેડક રોડ પર આવેલી સંજના ફેશનમાંથી કેસર પિસ્તા આઇસ્ક્રીમ અને વેનીલા આઈસ્ક્રીમના નમૂના લેવામાં આવ્યા હતા. પ્રાપ્ત વિગત મુજબ રાજકોટ મહાપાલિકાની આરોગ્ય શાખાના ફૂડ વિભાગ દ્વારા ખાદ્યપદાર્થોમાં થતી ભેળસેળ તેમજ અસ્વચ્છતા સામે કડક કાર્યવાહી કરવા સ્પેશિયલ ડ્રાઈવ યોજવામાં આવી હતી. વિવિધ વિસ્તારોમાં હાથ ધરાયેલી આ તપાસ દરમિયાન કુલ મળી 62 પેઢીઓની ચકાસણી કરવામાં આવી હતી. આ કાર્યવાહી દરમિયાન ખાદ્ય સુરક્ષાના ધારાધોરણોનું ઉલ્લંઘન કરતી પેઢીઓ સામે પગલાં ભરતા કુલ 38 કિલો અખાદ્ય, વાસી, પડતર તેમજ એક્સપાયર્ડ જથ્થાનો સ્થળ પર જ નાશ કરવામાં આવ્યો હતો. ઉપરાંત ફૂડ સેફ્ટી સ્ટાન્ડર્ડ એક્ટ-2006 હેઠળ કુલ 5 ખાદ્ય નમૂના લઈને તેનું પૃથ્થકરણ થાય તે માટે લેબોરેટરીમાં મોકલી આપવામાં આવ્યા છે. તપાસ દરમિયાન ખામીઓ જણાતા 2 પેઢીને સ્ટોરેજ, લાઇસન્સ તેમજ હાઈજેનિક કન્ડિશન બાબતે નોટિસ ફટકારવામાં આવી હતી અને કુલ રૂ.2,000નો વહીવટી ચાર્જ વસૂલ કરવામાં આવ્યો હતો. જેમાં કોઠારીયા ગામ આગળ કોઠારીયા વોટર ટેંક સામે આવેલી મંત્ર બેકરીમાં અનહાઇજેનીક કન્ડિશન તેમજ લાઇસન્સ બાબતે નોટિસ આપવામાં આવી હતી. આ પેઢીમાં બેકરી રો મટીરીયલ્સ, મીઠાઈ, બ્રેડ, કલર, એસેન્સ અને ફ્લેવર સહિતનો એક્સપાયરી ડેટ વીતેલો કુલ 38 કિલો જથ્થો મળી આવતા તેનો સ્થળ પર નાશ કરાયો હતો, ઉપરાંત રૂ.1000નો વહીવટી ચાર્જ વસૂલીને મલાઈ (લૂઝ), માવો (લૂઝ) અને મોતીચૂર લાડુ (લૂઝ) એમ કુલ 03 નમૂના લેવામાં આવ્યા હતા. આ સિવાય પેડક રોડ પર સીટી ગોલ્ડ પ્લાઝા ખાતે આવેલી સંજના ફેશનમાંથી કેસર પિસ્તા આઇસ્ક્રીમ (લુઝ) અને વેનીલા આઈસ્ક્રીમ (લુઝ) એમ કુલ 02 નમૂના લેવામાં આવ્યા હતા. ગોંડલ રોડ પર વૃદ્ધાશ્રમ સામે રોનક કોમ્પ્લેક્સમાં આવેલી આઇ મોગલ પાન હોટલને લાઇસન્સ બાબતે નોટિસ આપવાની સાથે રૂ.1000નો વહીવટી ચાર્જ વસૂલ કરવામાં આવ્યો હતો. આમ, મહાનગરપાલિકાની ટીમ દ્વારા વિવિધ વિસ્તારોમાં ખાદ્ય ચીજવસ્તુઓનું વેચાણ કરતી એકમો પર સતત નજર રાખીને કાયદેસરની કાર્યવાહી કરવામાં આવી હતી. આ ઉપરાંત ફૂડ વિભાગની ટીમે નાના મવા રોડ પર નાના મવા સર્કલ થી શાસ્ત્રીનગર અજમેરા સુધીના પટ્ટામાં મોંઝિનિસ કેક શોપ, અમૃત એન્ટરપ્રાઇઝ, નટ બટ, ચોકો બાઈટ કેક શોપ, મઠાવાલા ડોટ કોમ, વરૂડી એજન્સી, સહિતની વિવિધ પેઢીઓમાં તપાસ કરી હતી. સાથે સાથે બજરંગવાડી વિસ્તારમાં મોમાઇ આઈસક્રીમ જય જલીયાણ એન્ટરપ્રાઇઝ, બાલાજી ભૂંગળા બટેટા સહિત જુદી-જુદી 62 પેઢીઓમાં પણ સર્વેલન્સ ચેકિંગ કરવામાં આવ્યું હતું.
    Click here to Read More
    Previous Article
    મોંઘવારી અને ભેળસેળના મુદ્દે મોરબી AAPનું કલેક્ટરને આવેદન:ગેસ, પેટ્રોલ-ડીઝલ સહિત જીવનજરૂરી ચીજવસ્તુઓના ભાવ પર નિયંત્રણ લાવવાની માંગ
    Next Article
    UGC Flags 32 Universities As Fake, Students Advised To Verify Before Admission

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment