Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    ચાલુ લક્ઝરી બસના દરવાજેથી 3 વર્ષનું બાળક નીચે પટકાયું, CCTV:માતા ફોનમાં વ્યસ્ત હતી ને કેબિન સુધી પહોંચ્યું, સુરતમાં ડ્રાઈવરની એકાએક નજર પડતા બચાવવા પ્રયાસ કર્યો પણ..

    1 day ago

    મુસાફરી દરમિયાન મોબાઈલ ફોનનો અતિરેક અને બાળકો પ્રત્યેની સહેજ અમથી બેદરકારી કેટલી જીવલેણ સાબિત થઈ શકે છે, તેનો એક રૂંવાડા ઉભા કરી દેતો કિસ્સો સુરતના કીમ નજીક સામે આવ્યો છે. સૌરાષ્ટ્રથી સુરત આવી રહેલી એક લક્ઝરી બસમાં માતા ફોન પર વાતચીતમાં મશગૂલ રહી અને તેનું 2 થી 3 વર્ષનું માસૂમ બાળક રમતા-રમતા આગળના ભાગે આવી ચાલુ બસે નીચે પટકાયું હતું. જોકે, બસ ચાલકની સતર્કતા અને સમયસૂચકતાને કારણે બાળકનો ચમત્કારિક બચાવ થયો છે. આ સમગ્ર શ્વાસ થંભાવી દેનારી ઘટના બસમાં લાગેલા CCTV કેમેરામાં કેદ થઈ ગઈ છે, જેના ફૂટેજ હાલ સોશિયલ મીડિયામાં વાયરલ થઈ રહ્યા છે. માતા ફોનમાં વ્યસ્ત રહી ને બાળક કેબિન સુધી પહોંચ્યું 7 નવેમ્બરના રોજ એક ખાનગી લક્ઝરી બસ સૌરાષ્ટ્ર તરફથી મુસાફરોને લઈને સુરત પરત ફરી રહી હતી. બસમાં મુસાફરોની સંખ્યા પ્રમાણમાં ઓછી હતી. આ બસમાં એક મહિલા પોતાના બે નાના બાળકો સાથે મુસાફરી કરી રહી હતી. મુસાફરી દરમિયાન મહિલા મોબાઈલ ફોન પર વાતચીત કરવામાં એટલી વ્યસ્ત થઈ ગઈ કે તેનું ધ્યાન પોતાના બાળકો પરથી સંપૂર્ણપણે હટી ગયું હતું. માતાની આ બેદરકારીનો લાભ લઈ 2-3 વર્ષનું એક માસૂમ બાળક બસની ગેલેરીમાં રખડતું-રખડતું ડ્રાઈવર કેબિનની નજીક આગળના ભાગે આવી પહોંચ્યું હતું. સંતુલન ગુમાવતા બાળક ચાલુ બસે નીચે પટકાયું ડ્રાઈવર કેબિન પાસે પહોંચ્યા બાદ બાળક ત્યાં આડી પાડેલી સીટ પર ચડીને બેસવાનો પ્રયાસ કરી રહ્યું હતું. બસ ચાલુ હોવાથી બાળકે અચાનક પોતાનું સંતુલન ગુમાવ્યું હતું અને તે સીધું જ બસની અંદર નીચે પટકાયું હતું. ડ્રાઈવરની સતર્કતા અને તબીબની માનવતાએ જીવ બચાવ્યો ઘટના બની ત્યારે બસ કીમ નજીક સાદા રોડ પરથી પસાર થઈ રહી હતી. રોડ પર ટ્રાફિક હોવાને કારણે બસની ગતિ અંદાજે 25 થી 30 કિલોમીટર પ્રતિ કલાકની આસપાસ ધીમી હતી. બાળક નીચે પડતાની સાથે જ બસ ડ્રાઈવરનું ધ્યાન ગયું હતું. ડ્રાઈવરે જરાય ગભરાયા વિના સમયસૂચકતા વાપરી તાત્કાલિક બ્રેક મારી બસ ઉભી રાખી દીધી હતી અને બૂમાબૂમ કરી અન્ય મુસાફરોને જાણ કરી હતી. બસ ઉભી રહેતા જ બાળકને તુરંત નીચેથી ઉંચકી લેવામાં આવ્યું હતું. સદનસીબે બસની ગતિ ધીમી હોવાથી અને ડ્રાઈવરે સમયસર બ્રેક મારી દેતા બાળકને કોઈ ગંભીર ઈજા પહોંચી ન હતી, માત્ર શરીરે સામાન્ય છોલાયું હતું. આ જ સમયે બસની પાછળ પોતાની કારમાં આવી રહેલા એક તબીબે પણ માનવતા દાખવી પોતાની કાર ઉભી રાખી હતી અને બાળકની પ્રાથમિક તપાસ કરી તે સંપૂર્ણ સુરક્ષિત હોવાની ખાતરી આપી હતી. વાલીઓમાં જાગૃતિ લાવવા CCTV ફૂટેજ વાયરલ આ ઘટના બાદ બસ માલિકે સમગ્ર હકીકત જાણવા માટે બસના CCTV ફૂટેજ તપાસ્યા હતા. ફૂટેજ જોતા સ્પષ્ટ થયું હતું કે આ દુર્ઘટનામાં ડ્રાઈવરનો કોઈ જ વાંક ન હતો, પરંતુ માતાની મોબાઈલ પર વાત કરવાની બેદરકારીને કારણે આ બનાવ બન્યો હતો. ભવિષ્યમાં બસ કે અન્ય વાહનોમાં મુસાફરી કરતા માતા-પિતા પોતાના નાના બાળકો પ્રત્યે સજાગ રહે અને મુસાફરી દરમિયાન આવી બેદરકારી ન દાખવે, તેવા જાગૃતિના હેતુથી આ CCTV ફૂટેજ સોશિયલ મીડિયામાં હાલ વાયરલ થઈ રહ્યા છે.
    Click here to Read More
    Previous Article
    રૂમડીયામાં 80 ટીમોની ક્રિકેટ ટુર્નામેન્ટ શરૂ:કવાંટ તાલુકામાં જુનિયર સ્ક્વોડ અને ગ્રામ પંચાયતનું આયોજન, 20 દિવસ ચાલશે; ફાઇનલમાં વિજેતા ટીમોને ઇનામ મળશે
    Next Article
    Opinion: Opinion | History Is Repeating Itself In Pakistan's Rawalkot, And India Should Be Worried

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment