Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    'માફી'ના નાટક પાછળ મોતનો ખેલ:અશ્વિનીકુમારમાં યુવકની હત્યા કરનાર 3 અમરોલીથી દબોચાયા, ગાડી ચલાવવાની સામાન્ય બોલાચાલીમાં મર્ડર

    6 hours ago

    સુરતના અશ્વિનીકુમાર વિસ્તારમાં દિવાળીના તહેવાર દરમિયાન ગાડી ચલાવવા જેવી સામાન્ય બાબતે થયેલી બોલાચાલીની અદાવત રાખી રાજુ સરોજ, રમેશ બિંદ અને સાહિલ સોનકર સહિતના શખ્સોએ રાજેન્દ્ર સુરેશભાઈ માળીની જાહેરમાં ચપ્પુના ઘા ઝીંકી ઘાતકી હત્યા નીપજાવી હતી. આરોપીઓએ સમાધાન અને માફી માંગવાના બહાને બોલાવી આ લોહીયાળ ખેલ ખેલ્યો હતો. ત્રણ આરોપીઓની ક્રાઇમ બ્રાન્ચએ ધરપકડ કરી હતી. સમાધાનના બહાને બોલાવી લોહીયાળ ખેલ ખેલ્યો ગત તારીખ 8 નવેમ્બરના રોજ મૃતક રાજેન્દ્ર માળી અને ફરિયાદીને આરોપીઓ સાથે ગાડી ચલાવવા બાબતે સામાન્ય બોલાચાલી થઈ હતી. જેની અદાવત રાખી 10 નવેમ્બરે સાંજે 5 વાગ્યે અટલજીનગર શનિદેવ મંદિરની પાછળ આવેલી શેરીના નાકે આરોપીઓએ 'અમારે માફી માંગવી છે અને સમાધાન કરવું છે' તેમ કહી રાજેન્દ્રને બોલાવ્યો હતો. ત્યારબાદ ઝપાઝપી કરી તીક્ષ્ણ હથિયાર વડે જીવલેણ હુમલો કરી રાજેન્દ્રનું હત્યા નીપજાવી આરોપીઓ ફરાર થઈ ગયા હતા. ટેકનિકલ સર્વેલન્સથી અમરોલીમાંથી ત્રિપુટી ઝડપાઈ આ ચકચારી હત્યાના બનાવ બાદ અશ્વિનીકુમાર પોલીસ સ્ટેશનમાં ગુનો નોંધાયો હતો અને સુરત ક્રાઈમ બ્રાંચની અલગ-અલગ ટીમોએ તપાસનો ધમધમાટ શરૂ કર્યો હતો. પોલીસે ઘટનાસ્થળની વિઝિટ કરી સીસીટીવી ફૂટેજ અને ટેકનિકલ સર્વેલન્સના આધારે તપાસ તેજ કરી હતી. દરમિયાન, ક્રાઈમ બ્રાંચના એન્ટી ઓર્ગેનાઈઝડ અને નાસતા ફરતા સ્કોડના પીએસઆઈ એસ.આર. દુબેની ટીમને મળેલી ચોક્કસ બાતમીના આધારે અમરોલી અંજની ઈન્ડસ્ટ્રીયલ વિસ્તારમાંથી મુખ્ય 3 આરોપીઓને ઝડપી પાડવામાં આવ્યા હતા. વોન્ટેડ આરોપી રાહુલ ગુપ્તાની શોધખોળ શરૂ આ અંગે પીઆઈ આર.આઈ. જાડેજાએ જણાવ્યું હતું કે, અશ્વિનીકુમાર વિસ્તારમાં ગાડી ચલાવવાની બોલાચાલીમાં રાજેન્દ્રભાઈ માળીની હત્યા કરનાર મૂળ ઉત્તર પ્રદેશના રહેવાસી રાજુ રામકિશોર સરોજ (ઉ.વ. 22), રમેશ સુભાષભાઈ બિંદ (ઉ.વ. 21) અને સાહિલ પપ્પુભાઈ સોનકર (ઉ.વ. 19)ની ધરપકડ કરી અશ્વિનીકુમાર પોલીસને સોંપવાની તજવીજ હાથ ધરાઈ છે. આ ગુનામાં સામેલ અન્ય 1 વોન્ટેડ આરોપી રાહુલ ગુપ્તા (રહે. અમરોલી આવાસ)ને પકડવા માટે પોલીસની ટીમો કાર્યરત છે.
    Click here to Read More
    Previous Article
    રાહુલ ગાંધી બોલ્યા- 2014માં વિપક્ષ આઘાતમાં હતો:અગાઉ કડક મુકાબલા અને ગઠબંધન જોવા મળતાં હતાં, પરંતુ હવે બધું બદલાઈ ગયું છે
    Next Article
    દિવાળીથી લાભ પાંચમ સુધી ગોધરામાં 12 ઇમરજન્સી કોલ મળ્યા:ગત વર્ષની સરખામણીએ ફાયર વિભાગના કેસમાં બમણો વધારો;12 કોલમાંથી 11 આગના બનાવ

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment