Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    ભાવનગર મનપાની 28 નવેમ્બરે સાધારણ સભા:મેયરના અધ્યક્ષસ્થાને અખિલેશ સર્કલ હોલના ભાડા ઘટાડા સહિત ચાર દરખાસ્તોને બહાલી અપાશે

    6 hours ago

    ભાવનગર મહાનગરપાલિકાની આગામી તા. 28, શનિવારના રોજ મેયર ઉષાબેન તલરેજાના અધ્યક્ષસ્થાને સાધારણ સભા યોજાનાર છે. આ બેઠકમાં કર્મચારીને તબીબી આર્થિક સહાય, રહેમરાહે નિમણૂક, અખિલેશ સર્કલ કોમ્યુનિટી હોલના દૈનિક ભાડામાં ઘટાડો અને ચિત્રા ટી.પી. સ્કીમ નં. 24-બીની પુનઃરચના સહિતના ચાર મહત્વપૂર્ણ કામોને બહાલી આપવા અંગે નિર્ણય લેવામાં આવશે. કર્મચારીને રૂ. 75,177ની સહાય અને રહેમરાહે નિમણૂક વોટર વર્ક્સ વિભાગના કાયમી જુનિયર ક્લાર્ક દેવાભાઈ બોઘાભાઈ ચાવડાને ટુ-વ્હીલર સ્લીપ થવાથી અકસ્માત નડ્યો હતો, જેની ત્વરિત સારવાર પાછળ થયેલો રૂ. 75,177નો ખર્ચ આર્થિક સહાય પેટે ચૂકવવા નિર્ણય લેવાશે. આ ઉપરાંત, સોલિડ વેસ્ટ મેનેજમેન્ટ વિભાગના કાયમી સફાઈ કામદાર મધુબેન મોહનભાઈ વાળોદરાનું ચાલુ ફરજ દરમિયાન અવસાન થતાં, નિયમ મુજબ તેમના વારસદાર પુત્ર પ્રદિપ છગનભાઈ વાળોદરાને પાંચ વર્ષ માટે ફિક્સ પગારથી સફાઈ કામદાર તરીકે રહેમરાહે નિમણૂક આપવા મંજૂરી અપાશે. અખિલેશ સર્કલ કોમ્યુનિટી હોલના ભાડામાં ઘટાડો કરાશે અખિલેશ સર્કલ કોમ્યુનિટી હોલનો 5 વર્ષનો કોન્ટ્રાક્ટ પૂર્ણ થતાં નવું ટેન્ડર ન થાય ત્યાં સુધી જૂની એજન્સી 'ગાયત્રી મંડપ સર્વિસ'ને 10 ટકા વધારા સાથે રિન્યૂઅલ અપાયું છે. વધુમાં, નવા ટેન્ડર માટે સ્ટેન્ડિંગ કમિટી દ્વારા સૂચિત કરાયેલા નવા દૈનિક ભાડા (GST સિવાય) નક્કી કરાશે, જેમાં આખા દિવસનું ભાડું રૂ. 22,367થી ઘટાડી રૂ. 15,000, સવારની શિફ્ટનું રૂ. 12,000થી ઘટાડી રૂ. 7,000 અને સાંજની શિફ્ટનું ભાડું રૂ. 14,000થી ઘટાડી રૂ. 8,000 રાખવા અંગે નિર્ણય થશે. ટી.પી. સ્કીમ નં. 24-બી (ચિત્રા)ની પુનઃરચના અંગે નિર્ણય ટી.પી. સ્કીમ નં. 24-બી (ચિત્રા) રદ કરવાની દરખાસ્ત રાજ્ય સરકારે નામંજૂર કરી હોવાથી હવે નગર રચના અધિકારીની કામચલાઉ પુનઃરચનાની દરખાસ્તને પરામર્શ અપાશે. જેમાં રેલવે કોલોનીથી સર્વે નં. 57 સુધીનો 60 મીટરનો રોડ અને મસ્તરામ મંદિરથી સતનામ ચોક સુધીનો 24 મીટરનો રોડ યથાવત રાખી, ડેવલપ થયેલી સોસાયટીઓમાં હયાત રસ્તાની પહોળાઈ મુજબ જ ટી.પી. રસ્તા સૂચિત કરવા તેમજ અન્ય ડી.પી. રોડ રદ કરવા અંગે નિર્ણય લેવાશે. આ ઉપરાંત અધ્યક્ષસ્થાનેથી રજૂ થનારા અન્ય તુમારો પર પણ ચર્ચા થશે.
    Click here to Read More
    Previous Article
    21મીએ દેવઉઠી એકાદશી, વિઠ્ઠલનાથજી ભગવાનનો વરઘોડો નીકળશે:ભગવાન વિઠ્ઠલનાથજી-તુલસીજી રાત્રે ફેરા ફરશે, ભક્તો ચાંલ્લા વિધિમાં તિલક કરશે
    Next Article
    નીરજા ગુપ્તાની કુલપતિ પ્રૃથુલ દેસાઈ સાથેની મુલાકાતથી વિવાદ:'શું આ મિટિંગ સેટિંગ માટે કરી', NSUIનો કુલપતિની ઓફિસમાં હોબાળો, પૂર્વ કુલપતિની યુનિવર્સિટીમાં પ્રવેશબંધીની માગ

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment