Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    જમીનના ઝોન, રસ્તા અને ટીપી સ્કીમની વિગતો એક ક્લિક પર:26 પ્લાનિંગ ઓથોરિટીના ડેવલપમેન્ટ પ્લાન અને ટીપી સ્કીમના નક્શા એક જ વેબ-જીઆઈએસ પોર્ટલ પર લાવવાની તૈયારી, નાગરિકોને ઘરેબેઠા વિગતો મળશે

    7 hours ago

    ગુજરાતમાં પોતાની જમીન કે પ્લોટ કયા ઝોનમાં આવે છે, ત્યાં રહેણાક કે કોમર્શિયલ બાંધકામની મંજૂરી છે કે નહીં, નજીકમાં કયો રસ્તો પ્રસ્તાવિત છે અથવા જમીન કોઈ ટાઉન પ્લાનિંગ સ્કીમ (TPS) હેઠળ આવે છે કે કેમ, તે જાણવા માટે નાગરિકોએ હવે સરકારી કચેરીઓના ધક્કા ખાવા નહીં પડે. નગર રચના અને મૂલ્યાંકન વિભાગ (TPVD) દ્વારા રાજ્યવ્યાપી Web-GIS પોર્ટલ તૈયાર કરવા માટે એજન્સીની પસંદગી અંગે ટેન્ડર બહાર પાડવામાં આવ્યું છે. આ પોર્ટલ પર ડેવલપમેન્ટ પ્લાન (DP), ટાઉન પ્લાનિંગ સ્કીમ (TPS) અને તેને સંબંધિત નકશા તથા દસ્તાવેજોને એક જ ડિજિટલ પ્લેટફોર્મ પર લાવવામાં આવશે. 26 પ્લાનિંગ ઓથોરિટીના નકશા એક જ પ્લેટફોર્મ પર ટેન્ડરની જોગવાઈ મુજબ રાજ્યની 26 પ્લાનિંગ ઓથોરિટીના ડેવલપમેન્ટ પ્લાનને આ પોર્ટલમાં આવરી લેવામાં આવશે. અંદાજે 2,01,480 હેક્ટર વિસ્તારના DP સંબંધિત ડેટાને ઓનલાઇન ઉપલબ્ધ કરાવવાનો લક્ષ્યાંક છે. હાલ વિવિધ કચેરીઓમાં કાગળના રેકોર્ડ, CAD ડ્રોઇંગ અને અલગ-અલગ GIS સિસ્ટમમાં રહેલી માહિતીનું ડિજિટાઇઝેશન અને જીઓ-રેફરન્સિંગ કરીને તેનું એકીકરણ કરાશે, જેથી તમામ રેકોર્ડ એક જ સિસ્ટમમાં જોઈ શકાય. નકશા પર જમીનનો ઉપયોગ અને રસ્તાની વિગતો જાણી શકાશે નાગરિકો મંજૂર થયેલા ડેવલપમેન્ટ પ્લાન અને ટીપી સ્કીમના નકશા લોકેશન, સ્કીમ, તેના તબક્કા અને સંબંધિત સત્તામંડળના આધારે સરળતાથી શોધી શકશે. જમીન રહેણાક, કોમર્શિયલ કે અન્ય કયા હેતુ માટે નિયત છે, કયા વિસ્તારમાં રિઝર્વેશન છે અને કયા રસ્તા સૂચિત છે, તે નકશા પર જોઈ શકાશે. આ નકશામાં ઝૂમ, પેન, લેયર કંટ્રોલ અને ઇન્ટરેક્ટિવ લેજન્ડ જેવી આધુનિક સુવિધાઓ પણ ઉપલબ્ધ રહેશે. 411 જૂની ટીપી સ્કીમના રેકોર્ડનું માઇગ્રેશન હાલના TPVD Web-GIS પ્લેટફોર્મ પર ઉપલબ્ધ 411 ટીપી સ્કીમના રેકોર્ડને નવા પોર્ટલ પર માઇગ્રેટ કરાશે, જેમાંથી આશરે 107 સ્કીમના રેકોર્ડને અપગ્રેડ કરવાની કામગીરી હાથ ધરાશે. તેમાં જૂના રેકોર્ડનું સ્કેનિંગ, તબક્કાવાર થયેલા ફેરફારો અને સુધારાઓનો સમાવેશ થશે. આ ઉપરાંત ટીપી સ્કીમની તૈયારીથી લઈને મંજૂરી અને અમલીકરણ સુધીની સમગ્ર પ્રક્રિયાના ડિજિટલ સંચાલન માટે અલગ મોડ્યુલ તૈયાર કરાશે. મહેસૂલ વિભાગ અને ODPS સાથે સીધું જોડાણ આ પોર્ટલને મહેસૂલ વિભાગના જમીન રેકોર્ડ, ઓનલાઇન ડેવલપમેન્ટ પરમિશન સિસ્ટમ (ODPS) અને સ્થાનિક સ્વરાજ્યની સંસ્થાઓની GIS એપ્લિકેશન સાથે જોડવામાં આવશે. તેનાથી જમીનના રેકોર્ડ અને બાંધકામની મંજૂરી વચ્ચે સંકલન વધશે. ટીપી સ્કીમની પ્રક્રિયામાં F-Form, નોટિસ, સુનાવણી, મંજૂરી અને કાનૂની કેસનું ડિજિટલ ટ્રેકિંગ પણ શક્ય બનશે. AI આધારિત સુવિધા અને 12 મહિનામાં અમલીકરણ AI અને ડેશબોર્ડ: અધિકારીઓ માટે MIS, ડેશબોર્ડ અને એનાલિટિક્સની સુવિધા વિકસાવાશે. RFPમાં AI આધારિત સુવિધાઓનો પણ સમાવેશ કરાયો છે, જેમાં નેચરલ લેંગ્વેજ દ્વારા માહિતી શોધવી, પત્રો તૈયાર કરવા, રેકોર્ડમાં ખૂટતી વિગતો ઓળખવી અને નિયમોના પ્રાથમિક પાલનની ચકાસણી જેવી બાબતો વિભાગની મંજૂરી મુજબ અમલમાં મુકાશે. સમયમર્યાદા: વર્ક ઓર્ડર મળ્યાના 12 મહિનામાં પોર્ટલ તૈયાર કરવાનું આયોજન છે, ત્યારબાદ 3 વર્ષ સુધી ઓપરેશન અને મેન્ટેનન્સની જવાબદારી રહેશે. હાલ એજન્સીની પસંદગી માટે ટેન્ડર પ્રક્રિયા ચાલી રહી છે. નકશાને કાનૂની પ્રમાણપત્ર ગણી શકાશે નહીં કઈ માહિતી જાહેર જનતા માટે ખુલ્લી રાખવી અને કઈ માહિતી માત્ર વિભાગીય ઉપયોગ પૂરતી મર્યાદિત રાખવી, તેના પ્રોટોકોલ TPVD દ્વારા નક્કી કરવામાં આવશે. પોર્ટલ પર દેખાતા નકશાને જમીનની માલિકી કે ઝોનિંગ અંગેના કાનૂની પ્રમાણપત્ર તરીકે ગણવામાં આવશે નહીં. અંતિમ સત્તાવાર પ્રમાણપત્ર મેળવવા માટે નાગરિકોએ સંબંધિત કચેરીની નિયત પ્રક્રિયા અનુસરવાની રહેશે.
    Click here to Read More
    Previous Article
    ધારાસભ્યએ બેફામ ગાળો ભાંડી, VIDEO:અરવિંદ લાડાણીએ ફોર્ચ્યુનરમાંથી ઉતરી ફડાકા ઝીંક્યા, રાજકોટનાં બેનબા ભરાયાં, ખુલાસો આપવામાં પતિદેવની ગેંગેંફેંફેં
    Next Article
    ગિરનારની લીલી પરિક્રમામાં સુરતની ખડેપગે સેવા:ભાવિકોના ભોજન માટે અન્નક્ષેત્ર ધમધમતું કરાયું, 300 ડબ્બા તેલ, 450 મણ લોટ- અને મણ મોઢે શાકભાજી

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment