Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    વરાછા રેલવે પોલીસ લાઈન કેમ્પસમાં ભીષણ આગ:ઝાડમાં લાગેલી આગે વિકરાળ સ્વરૂપ પકડ્યું, જપ્ત કરાયેલા મુદ્દામાલની 26 ગાડીઓ બળીને ખાખ

    7 hours ago

    સુરતના વરાછા રોડ સ્થિત રેલવે પોલીસ લાઈન કેમ્પસમાં અચાનક ભીષણ આગ ભભૂકી ઊઠતાં દોડધામ મચી ગઈ હતી. પોલીસ લાઈન સંકુલમાં ઊભેલા ઝાડમાં લાગેલી આગે ક્ષણવારમાં જ વિકરાળ રૂપ ધારણ કરી લીધું હતું. જોતજોતામાં આગની જ્વાળાઓ આસપાસ પાર્ક કરેલા મુદ્દામાલના વાહનો સુધી પહોંચી ગઈ હતી, જેના કારણે 26 ગાડીઓ સંપૂર્ણપણે બળીને ખાખ થઈ ગઈ હતી. જોકે, સદનસીબે આ દુર્ઘટનામાં કોઈ જાનહાનિ નોંધાઈ નથી. ઝાડમાં લાગેલી આગ વાહનો સુધી ફેલાઈ વરાછા રોડ પર પોદ્દાર આર્કેડની બાજુમાં આવેલી રેલવે પોલીસ લાઈન કેમ્પસમાં એક ઝાડમાં અચાનક આગ લાગી હતી. ઝાડની આસપાસ પોલીસ દ્વારા અલગ-અલગ ગુનાઓમાં જપ્ત કરાયેલી જૂની તથા બંધ હાલતની કુલ 32 જેટલી મુદ્દામાલની ગાડીઓ પાર્ક કરેલી હતી. સૂકા ઝાડ અને પવનના કારણે આગ ઝડપથી પ્રસરી ગઈ હતી અને પાર્ક કરેલા વાહનોને લપેટમાં લઈ લીધા હતા. 26 ગાડીઓ સળગી ગઈ, 6 ગાડીઓ બચી આગ એટલી તીવ્ર હતી કે જોતજોતામાં 26 ગાડીઓ આગની લપેટમાં આવીને સંપૂર્ણપણે ખાખ ગઈ હતી. ઘટનાની જાણ થતાં જ ફાયર કંટ્રોલ રૂમ દ્વારા તાત્કાલિક ઘાંચીશેરી ફાયર સ્ટેશનની ટીમને રવાના કરવામાં આવી હતી. ફાયર ઓફિસર અને તેમની ટીમે વોટર ટેન્કર સહિતના સંસાધનો સાથે ઘટનાસ્થળે પહોંચી પાણીનો મારો ચલાવ્યો હતો. આશરે રાત્રે 9:08 વાગ્યે મળેલી કોલ બાદ સતત દોઢ કલાકથી વધુ સમય સુધી જહેમત ઉઠાવી રાત્રે 10:46 વાગ્યા આસપાસ આગ સંપૂર્ણપણે કાબૂમાં લેવાઈ હતી. ફાયર ટીમના ત્વરિત પગલાંને લીધે અન્ય 6 વાહનો બચી ગયા હતા અને મોટી હોનારત ટળી હતી. આગ દુર્ઘટનામાં મોટા પાયે વાહનોનું નુકસાન આગ સંપૂર્ણ કાબૂમાં આવ્યા બાદ પરિસ્થિતિ નિયંત્રણમાં આવી હતી. આ દુર્ઘટનામાં મોટા પાયે વાહનોનું નુકસાન થયું છે, પરંતુ સમયસરની કાર્યવાહીથી કોઈ જાનમાલ કે માનવહાનિ થઈ નથી. આગ લાગવાનું પ્રાથમિક કારણ જાણવા માટે પોલીસ અને તંત્ર દ્વારા આગળની તપાસ હાથ ધરવામાં આવી છે.
    Click here to Read More
    Previous Article
    નાસીરનગરના અસરગ્રસ્તોને આવાસ ન આપવાની SMCની દરખાસ્ત સામે ભારે રોષ:ડિમોલિશન કાંડમાં 2007નો ઠરાવ દબાવી પાલિકાએ ખેલ પાડ્યો હોવાનો કોંગ્રેસનો આક્ષેપ
    Next Article
    India vs Maldives LIVE Score, SAFF Championship Football Match Today: India Take On Maldives With Semi-Final Spot At Stake

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment