Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    દક્ષિણ ગુજરાતની સર્વપ્રથમ જંગલ સફારી વેકેશનમાં સુરતીઓની પહેલી પસંદ:કેવડી ઇકો-ટૂરિઝમ સાઇટ પર ત્રણ દિવસમાં 250 લોકોએ જિપ્સીમાં વાઇલ્ડલાઇફનો રોમાંચ માણ્યો

    17 hours ago

    સુરતના લોકોમાં હવે વેકેશન દરમિયાન જંગલ અને પ્રકૃતિના ખોળે ફરવાનો નવો ટ્રેન્ડ જોવા મળી રહ્યો છે. સાસણ-ગીર કે ડાંગની જેમ હવે ઘરઆંગણે જ વાઇલ્ડલાઇફનો રોમાંચ માણવાની તક મળતા સુરતીઓમાં ભારે ઉત્સાહ છે. વન વિભાગ દ્વારા માંડવી તાલુકા સ્થિત સુપ્રસિદ્ધ 'કેવડી ઇકો-ટૂરિઝમ સાઇટ' ખાતે દક્ષિણ ગુજરાતની સર્વપ્રથમ જંગલ સફારી શરૂ કરવામાં આવી છે, જેને પ્રથમ દિવસથી જ અદભૂત પ્રતિસાદ મળી રહ્યો છે. વેકેશનના માહોલ વચ્ચે સફારી શરૂ થયાના માત્ર ત્રણ જ દિવસમાં 250 જેટલા પ્રવાસીઓએ આ રોમાંચક સફરનો લાભ લીધો છે. 2,300 હેક્ટરના જંગલમાં 5 કિમીનો રોમાંચક ટ્રેક સુરતથી આશરે 80 કિલોમીટરના અંતરે આવેલા કેવડી ખાતે 2,300 હેક્ટરમાં ફેલાયેલા ગાઢ જંગલમાં પ્રવાસીઓ માટે ખાસ મોડિફાઇડ 8-સીટર ઓપન સફારી વાહન (જિપ્સી) મૂકવામાં આવ્યું છે. કેવડીથી શરૂ થઈ જંગલ વચ્ચે આવેલા રાજાટાકા સુધીના 5 કિલોમીટરના નેચરલ ટ્રેક પર પ્રવાસીઓને ઝરખ અને ઉડતી ખિસકોલી સહિતની સમૃદ્ધ જૈવવિવિધતા અને વન્યજીવનના દર્શન થઈ રહ્યા છે. અત્યાર સુધી અહીં માત્ર નાઇટ હોલ્ટ અને ડે-પિકનિકની સુવિધા હતી, પરંતુ હવે ઓપન સફારી શરૂ થતા પ્રવાસન ક્ષેત્રે એક નવો અધ્યાય શરૂ થયો છે. ખાસ વાત એ છે કે અહીં મોબાઇલ નેટવર્ક ન હોવાથી પ્રવાસીઓને 'ડિજિટલ ડિટોક્સ'નો પણ અનોખો અનુભવ મળે છે. ‘સુરતમાં સમૃદ્ધ જંગલ છે, આવનારી પેઢી તેને જાણે તે જરૂરી’ આ પ્રોજેક્ટ અંગે સુરતના DFO (નાયબ વન સંરક્ષક) ધીરજ કુમારે કહ્યું હતું કે, હું જ્યારથી સુરતમાં આવ્યો છું, ત્યારથી બધા લોકો એક જ વાત પૂછી રહ્યા છે કે, 'સુરતમાં ફોરેસ્ટ પણ છે શું?' કારણ કે સુરત તો બે વસ્તુઓ માટે ફેમસ છે: ડાયમંડ અને ટેક્સટાઇલ. પરંતુ આપ સૌને જાણીને એ ખુશી થશે કે સુરતમાં ખૂબ જ રિચ (સમૃદ્ધ) ફોરેસ્ટ છે અને તેને એક્સપ્લોર કરવા માટે વન વિભાગે આ જંગલ સફારી શરૂ કરી છે. આ સફારીના માધ્યમથી લોકો સુરતના બાયોડાયવર્સ ફોરેસ્ટ અને વાઇલ્ડલાઇફને એક્સપિરિયન્સ કરી શકશે તથા આવનારી જનરેશનને પણ જણાવી શકશે કે સુરતમાં આવું સુંદર જંગલ છે. રોજના 3 સ્લોટ અને ઓનલાઇન બુકિંગની સુવિધા કેવડી ઇકો-ટૂરિઝમ સાઇટ પર પ્રવાસીઓ માટે દરરોજ 3 સ્લોટમાં સફારીની સુવિધા ઉપલબ્ધ કરાવવામાં આવી છે. જેમાં સોમવારથી શુક્રવાર સુધી જિપ્સીનું ભાડું 3,500 રૂપિયા (8 વ્યક્તિના ગ્રુપ માટે વ્યક્તિદીઠ 438 રૂપિયા) અને શનિ-રવિ વીકેન્ડમાં 5,000 રૂપિયા (વ્યક્તિદીઠ 625 રૂપિયા) રાખવામાં આવ્યું છે. પ્રવાસીઓ કેવડી ઇકો-ટૂરિઝમની સત્તાવાર વેબસાઇટ પરથી ઓનલાઇન બુકિંગ કરાવી પરિવાર સાથે ટ્રી-હાઉસ, ઇગ્લૂ કે કોટેજમાં રોકાણ સાથે સફારીનો આનંદ માણી શકે છે.
    Click here to Read More
    Previous Article
    ન્યૂયોર્કમાં 3 માળની ઈમારત ધરાશાયી, 2નાં મોત:કાટમાળમાં દટાયેલા લોકોને બહાર કાઢવામાં 250 લોકોની ટીમનું બચાવ અભિયાન; બિલ્ડિંગ 96 વર્ષ જૂની હતી
    Next Article
    છીડીયામાં પાટીદાર યુવક પરિવારે 11મો સન્માન સમારોહ યોજ્યો:વિદ્યાર્થીઓ, યુવાનો અને વડીલોનું સન્માન; ધારાસભ્ય કિરીટ પટેલ સહિતના અગ્રણીઓ હાજર

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment