Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    બોટાદના કારીયાણી ગામે 250 વર્ષ જૂની પરંપરા આજે પણ અકબંધ:બેસતા વર્ષના દિવસે ગાયોના ધણને દોડાવીને લેવાય છે શુકન, અશ્વ હરીફાઈ બની આકર્ષણનું કેન્દ્ર

    8 hours ago

    આધુનિકતાના યુગમાં અનેક વર્ષો જૂની પરંપરાઓ લુપ્ત થઈ રહી છે, ત્યારે બોટાદ જિલ્લાના કારીયાણી ગામે આશરે 250 વર્ષ જૂની અનોખી પરંપરા આજે પણ જીવંત રાખી છે. નવા વર્ષના પ્રારંભે એટલે કે બેસતા વર્ષના દિવસે ગામમાં ગાયોના ધણને દોડાવીને શુકન લેવાની પરંપરા શ્રદ્ધા અને ઉત્સાહ સાથે નિભાવવામાં આવે છે. ઢોલ-નગારાના નાદ સાથે ગાયોનું ધણ દોડાવાયું બેસતા વર્ષના દિવસે બપોરના સમયે ગામના તમામ માલધારીઓ પોતાની ગાયોને ગામના ચોરા પાસે એકત્રિત કરે છે. ત્યારબાદ ઢોલ-નગારાના ગડગડાટ અને આતશબાજી વચ્ચે ગાયોના ધણને આખા ગામમાં દોડાવવામાં આવે છે. આ અનોખી પરંપરાનો નજારો જોવા માટે ગ્રામજનો મોટી સંખ્યામાં ઉમટી પડે છે અને સમગ્ર ગામમાં ઉત્સવનો માહોલ છવાઈ જાય છે. ગાયોની રજથી સુખ-સમૃદ્ધિ મળતી હોવાની માન્યતા ગામલોકોમાં એવી લોકમાન્યતા છે કે ગાયો દોડતી વખતે ઊડતી ધૂળ એટલે કે રજ ઘરો અને લોકો પર પડે તો આખું વર્ષ ગામમાં સુખ, શાંતિ અને સમૃદ્ધિ જળવાઈ રહે છે. સાથે જ લોકોનું સ્વાસ્થ્ય સારું રહે અને નિરોગી જીવન પ્રાપ્ત થાય છે. હિંદુ ધર્મમાં ગાયને માતાનો દરજ્જો આપવામાં આવ્યો છે, ત્યારે કારીયાણી ગામના લોકો માટે આ પરંપરા માત્ર ઉત્સવ નહીં, પરંતુ આસ્થા અને સંસ્કૃતિનું પ્રતીક બની રહી છે. ભગવાન સ્વામિનારાયણે શરૂ કરી હતી પરંપરા લોકવાયકા મુજબ, આશરે 250 વર્ષ પહેલાં ભગવાન શ્રી સ્વામિનારાયણે કારીયાણી ગામમાં બેસતા વર્ષના દિવસે ગાયો દોડાવવાની પરંપરાની શરૂઆત કરી હતી. ત્યારથી આજદિન સુધી ગામલોકો એકજૂથ થઈને આ પરંપરાને જાળવી રહ્યા છે. પેઢી દર પેઢી આગળ વધતી આ પરંપરા આજે પણ ગામની આગવી ઓળખ બની રહી છે. ગાયોના ધણ બાદ અશ્વ હરીફાઈ યોજાઈ ગાયોના ધણ દોડાવવાની પરંપરા પૂર્ણ થયા બાદ ગામમાં અશ્વ હરીફાઈનું પણ આયોજન કરવામાં આવ્યું હતું. આ હરીફાઈમાં વિવિધ ઘોડાઓએ ભાગ લીધો હતો. ઘોડાઓની હરીફાઈ નિહાળવા માટે મોટી સંખ્યામાં ગ્રામજનો ઉમટી પડ્યા હતા. ગાયોના ધણ અને અશ્વ હરીફાઈના આયોજનથી બેસતા વર્ષના ઉત્સવમાં વિશેષ આકર્ષણ ઉમેરાયું હતું. આમ, સમય અને યુગ બદલાયા હોવા છતાં કારીયાણી ગામના લોકોની આસ્થા અને પરંપરા આજે પણ અકબંધ છે. 250 વર્ષ જૂની આ પરંપરા ગામની ધાર્મિક શ્રદ્ધા, સામૂહિક એકતા અને સાંસ્કૃતિક વારસાને જીવંત રાખી રહી છે.
    Click here to Read More
    Previous Article
    ભાયલીના રહેણાંક વિસ્તારમાં મગર ચડી આવતા દોડધામ:જોવા માટે લોકોા ટોળા એકઠા થયા, વનવિભાગની ટીમે રેસ્ક્યૂ કરી પાંજરે પૂર્યો
    Next Article
    રાજકોટના 35 વર્ષીય ટ્રાવેલ્સ સંચાલકનું હાર્ટએટેકથી મોત:પરિવારમાં નવા વર્ષની ખુશી માતમમાં ફેરવાઈ, 5 વર્ષના પુત્રએ પિતાની છત્રછાયા ગુમાવી

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment