Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    વિશ્વ કલ્યાણ મહોત્સવનો પ્રારંભ વડોદરાથી થશે:25 નવેમ્બરથી સપ્તદિવસીય કાર્યક્રમમાં ભાગવત સત્સંગ અને વિવિધ સેવાકીય આયોજનો

    10 hours ago

    વલ્લભકુળભૂષણ ષષ્ઠ પીઠાધીશ્વર પરમ પૂજ્ય ગોસ્વામી 108 શ્રી દ્વારકેશલાલજી મહારાજશ્રીની ષષ્ઠીપૂર્તિ નિમિત્તે વર્ષભર ચાલનારા 'વિશ્વ કલ્યાણ મહોત્સવ'નો પ્રારંભ વડોદરાથી થવા જઈ રહ્યો છે. આગામી 25 નવેમ્બરથી 1 ડિસેમ્બર, 2026 દરમિયાન વાઘોડિયા રોડ સ્થિત રેવાપાર્ક ગરબા ગ્રાઉન્ડ ખાતે મહોત્સવનું ભવ્ય આયોજન કરવામાં આવ્યું છે. સમદિવસીય સત્સંગ અને ધાર્મિક કાર્યક્રમો મહોત્સવના પ્રારંભિક તબક્કામાં 25 નવેમ્બરથી 1 ડિસેમ્બર દરમિયાન સમદિવસીય શ્રીમદ્ ભાગવત સત્સંગ યોજાશે, જેનું રસમય પ્રવચન પરમ પૂજ્ય શ્રી શરણમકુમારજી મહોદયશ્રીના મુખેથી થશે. આ ઉપરાંત વ્રજ 84 કોશ અને ગિરિરાજજી દર્શન-પરિક્રમા, ગિરિરાજજીનું નિત્ય પૂજન, અષ્ટ ગૌમાતા પૂજન, યમુનાજી વિશ્રામઘાટ ખાતે મહાઆરતી, છપ્પન ભોગ મહોત્સવ તેમજ યુવા, મહિલા અને બાળ શિબિરોનું આયોજન કરાયું છે. છ દાયકાની સેવા અને સંસ્કારની જીવનયાત્રા પૂજ્ય મહારાજશ્રીના 60 વર્ષના જીવનકાળ દરમિયાન પુષ્ટિમાર્ગીય સિદ્ધાંતો અને સેવામાર્ગનો વ્યાપ વિશ્વભરમાં વિસ્તર્યો છે. વૈષ્ણવ યુવા સંગઠન અને વિપો (VIPO) દ્વારા યુવા પેઢીને ધર્મ અને સંસ્કાર સાથે જોડવામાં આવ્યા છે, જ્યારે સામાજિક, શૈક્ષણિક અને આરોગ્યલક્ષી સેવાકાર્યો દ્વારા વિશ્વકલ્યાણની ભાવનાને મૂર્ત રૂપ આપવામાં આવ્યું છે. સેવા અને સકારાત્મક પરિવર્તનનો સંકલ્પ યુવા વૈષ્ણવાચાર્ય પરમ પૂજ્ય ગોસ્વામી 108 શ્રી આશ્રયકુમારજી મહોદયશ્રી અને પરમ પૂજ્ય ગોસ્વામી 108 શ્રી શરણમકુમારજી મહોદયશ્રીના માર્ગદર્શન હેઠળ યોજાતા આ મહોત્સવનો મુખ્ય હેતુ સેવા, સંસ્કાર, શક્તિ અને સમર્પણના મૂલ્યો જનજન સુધી પહોંચાડવાનો છે. મહોત્સવ દરમિયાન દીકરીઓને વિદ્યાદાન, ભૂખ્યાને અન્નદાન, વૃક્ષદાન અને જ્ઞાનદાન જેવી પ્રવૃત્તિઓને પ્રોત્સાહન આપી સમાજમાં સકારાત્મક પરિવર્તન લાવવાનો પ્રયાસ કરાશે. ભારત-વિદેશમાં ઉજવણી અને મહોત્સવની પૂર્ણાહુતિ આ મહોત્સવ માત્ર વડોદરા પૂરતો સીમિત ન રહેતા સમગ્ર વર્ષ દરમિયાન ભારત તેમજ વિદેશોમાં વિવિધ ધાર્મિક, સામાજિક, શૈક્ષણિક અને સેવાકીય કાર્યક્રમો દ્વારા ઉજવાશે. મહોત્સવની પરિપૂર્ણતા રૂપે તા. 2 નવેમ્બરથી 3 ડિસેમ્બર, 2027 દરમિયાન શ્રી યદુનાથજીની વ્રજ 84 કોશ યાત્રા યોજાશે, જેમાં વ્રજભૂમિ ખાતે પૂજ્ય ગુરુદેવના જન્મદિવસની ઉજવણીનો ભાવ પણ રાખવામાં આવ્યો છે. શ્રી ગિરરાજજીનું પૂજન-પરિક્રમા, યમુનાજીની મહારતીનો લાભ ભક્તોને મળશે આ કાર્યક્રમ અંગે યુવા વૈષ્ણવાચાર્ય પ.પૂ.ગો.108 શ્રી આશ્રયકુકરજી મહોદયશ્રીએ જણાવ્યું હતું કે,જગતગુરુ શ્રીમદ્ વલ્લભાચાર્ય મહાપ્રભુજીની દિવ્ય પરંપરામાં શ્રેષ્ઠ પીઠના ગાદીપતિ પૂજ્ય પિતૃચરણ શ્રેષ્ઠ પીઠાધીશ્વર પરમ પૂજ્ય ગોસ્વામી 108 શ્રી દ્વારકેશલાલજી મહારાજશ્રીના ષષ્ટિપૂર્તિ મહોત્સવ (60મા વર્ષમાં મંગલ પ્રવેશ) નિમિત્તે સમગ્ર શ્રેષ્ઠ પીઠના નિજજનો દ્વારા 'વિશ્વ કલ્યાણ મહોત્સવ'નું આયોજન કરવામાં આવ્યું છે. આ સાત દિવસીય મહોત્સવ 25 નવેમ્બરથી 1 ડિસેમ્બર 2026 દરમિયાન વાઘોડિયા ખાતે રેવા પાર્ક ગરબા ગ્રાઉન્ડમાં યોજાશે, જેમાં દરરોજ શ્રીમદ્ ભાગવતજી પર સત્સંગ કથા અને વિવિધ સાંસ્કૃતિક કાર્યક્રમો સાથે વ્રજની 84 કોસ પરિક્રમાની ઝાંખી, શ્રી ગિરરાજજીનું પૂજન-પરિક્રમા અને શ્રી યમુનાજીની મહારતીનો લાભ ભક્તોને મળશે. 8 અલગ-અલગ નસ્લની ગાયો સાથે 'અષ્ટગૌ માતા મંદિર' સ્થાપિત કરાશે આ મહોત્સવ દરમિયાન પૂજ્ય મહારાજશ્રીના જન્મદિવસે વલ્લભકુલ પરંપરા મુજબ વિવાહ ક્રમ, માર્કંડી પૂજાનો વૈદિક ક્રમ અને સાંજે વિશેષ સત્કાર સમારોહ યોજાશે. સાથોસાથ, આ સાત દિવસમાં પ્રથમ વખત વેદોમાં વર્ણવેલી આઠ અલગ-અલગ નસ્લની ગાયો સાથે 'અષ્ટગૌ માતા મંદિર' સ્થાપિત કરવામાં આવશે, જેનું નિત્ય પૂજન અને પરિક્રમા થઈ શકશે, તેમજ દેશ-વિદેશની હવેલીઓમાંથી ઠાકોરજી વડોદરા પધારી શ્રી યમુનાજીના વિશ્રામ ઘાટ પર પ્રથમ વખત ભવ્ય 56 ભોગનું આયોજન કરવામાં આવશે.
    Click here to Read More
    Previous Article
    ભગવાન શ્રી નરસિંહજીના વરઘોડાને પગલે વડોદરામાં પોલીસ કમિશનરનું જાહેરનામું:24 નવેમ્બરે અનેક રસ્તાઓ વાહનચાલકો માટે બંધ રહેશે, જાણો કયા છે નો પાર્કિંગ ઝોન અને વૈકલ્પિક રસ્તાઓ
    Next Article
    Earthquake In Kutch | કચ્છમાં ભૂકંપનો આંચકો, દુધઈ નજીક કેન્દ્રબિંદુ | Dudhai | News 18 Gujarati

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment