મોર્નિંગ ન્યૂઝ બ્રીફ:કેરળમાં ચોમાસાંની તોફાની એન્ટ્રી; 24 રાજ્યમાં વાવાઝોડાનું એલર્ટ, રાજ્યસભા માટે ગુજરાતના 4 ચહેરા જાહેર, કુવૈત એરપોર્ટ પર ઇરાનના ડ્રોન હુમલાનો ભયાનક વીડિયો

નમસ્તે, જમ્મુ-કાશ્મીરના રિયાસીમાં વાદળ ફાટ્યું. આનાથી કેટલાય ઘરોને નુકસાન પહોંચ્યું. બીજી તરફ, કુવૈત એરપોર્ટ પર ઈરાની ડ્રોન હુમલાનો વીડિયો સામે આવ્યો છે. મોર્નિંગ ન્યૂઝ બ્રીફમાં TCS પછી વિપ્રોમાં ધર્માંતરણના આરોપના સમાચાર પણ જણાવીશું... ⏰ આજની ઈવેન્ટ્સ, જેના પર રહેશે નજર 1. PM મોદી ગુજરાત અને દમણના પ્રવાસે રહેશે. તેઓ 22000 કરોડ રૂપિયાના પ્રોજેક્ટ્સ શરૂ કરશે. 2. આસામમાં હિમંતા કેબિનેટનું પ્રથમ વિસ્તરણ થશે. 12 ધારાસભ્યો મંત્રી પદના શપથ લેશે. 📰 કાલના મોટા સમાચારો 1. કુવૈત અરપોર્ટ પર ઈરાની ડ્રોન હુમલાનો વીડિયો:બ્લાસ્ટથી છતના ફુરચા બોલી ગયા; 1 ભારતીયનું મોત, 63 ઘાયલ કુવૈત ઇન્ટરનેશનલ એરપોર્ટ પર ગઈકાલે થયેલા ઈરાની ડ્રોન હુમલાનો એક વીડિયો સોશિયલ મીડિયા પર વાયરલ થયો છે. તેમાં એક ડ્રોન એરપોર્ટની છત સાથે અથડાય છે, જેનાથી તેના ફુરચા બોલી જાય છે.આ હુમલામાં એક ભારતીય નાગરિકનું મૃત્યુ થયું હતું, જ્યારે 63 લોકો ઘાયલ થયા હતા. કુવૈતના સ્વાસ્થ્ય મંત્રાલય અનુસાર, ઘણા લોકોને માથા અને શરીરના અન્ય ભાગોમાં ગંભીર ઈજાઓ થઈ હતી. વાંચો સંપૂર્ણ સમાચાર 2. ચોમાસું કેરલમ પહોંચ્યું, આ વખતે 3 દિવસ મોડું:7 દિવસ સુધી ભારે વરસાદની શક્યતા; MP-રાજસ્થાન સહિત 24 રાજ્યોમાં વાવાઝોડા-વરસાદનું એલર્ટ ભારતીય હવામાન વિભાગ (IMD)એ દાવો કર્યો છે કે ચોમાસાએ કેરલમમાં પ્રવેશ કરી લીધો છે. તેની અસરથી કેરલમ ઉપરાંત તમિલનાડુ અને કર્ણાટકમાં કેટલીક જગ્યાએ આગામી 7 દિવસ ભારે વરસાદ થઈ શકે છે. હવામાન વિભાગે અગાઉ અનુમાન લગાવ્યું હતું કે ચોમાસું 26 મેના રોજ કેરલમ પહોંચશે. આ વખતે ચોમાસું 3 દિવસ મોડું છે. સામાન્ય રીતે તે 1 જૂને કેરલમ પહોંચે છે. ત્યારબાદ દોઢ મહિનામાં આખા દેશને આવરી લે છે. 17 સપ્ટેમ્બરની આસપાસ રાજસ્થાનના રસ્તે પરત ફરવાનું શરૂ કરે છે અને 15 ઓક્ટોબર સુધીમાં પૂર્ણ થઈ જાય છે. વાંચો સંપૂર્ણ સમાચાર 3. TCS પછી વિપ્રોમાં ધર્માંતરણનો આરોપ:પીડિતાએ કહ્યું- કર્મચારીએ ઇસ્લામ અપનાવવા, મુસ્લિમ સાથે સંબંધ બાંધવા કહ્યું, ફરિયાદ કરી તો રાજીનામું લીધું પુણેની એક મહિલાએ વિપ્રો ટેક્નોલોજીસ કંપની પર ધાર્મિક ઉત્પીડન, કાર્યસ્થળ પર ભેદભાવ અને જબરદસ્તી રાજીનામું અપાવવાના આરોપો લગાવ્યા છે. મહિલા પહેલા આ કંપનીમાં કામ કરતી હતી. આ આરોપો પુણેમાં હિંદુ જનજાગૃતિ સમિતિ દ્વારા આયોજિત પ્રેસ કોન્ફરન્સ દરમિયાન લગાવવામાં આવ્યા હતા. આ દરમિયાન પૂર્વ કર્મચારીએ તે ઘટના વિશે જણાવ્યું, જે તેની સાથે તે સમયે બની હતી જ્યારે તે હિંજવાડી ઓફિસમાં કામ કરતી હતી. વાંચો સંપૂર્ણ સમાચાર 4. ફાયરિંગ કેસમાં ખાન સરની પોલીસ પૂછપરછ કરી રહી છે:ફાયરિંગ કરનાર બંને ગાર્ડ્સની ધરપકડ; જ્ઞાનબિંદુ ગ્રુપે કહ્યું- પોતે ગોળી ચલાવીને અમને ફસાવ્યા પટનામાં ખાન સરના કોચિંગ સેન્ટર પર 2 જૂનની રાત્રે થયેલા ફાયરિંગ કેસમાં નવો વીડિયો સામે આવ્યો છે. આ વીડિયો જ્ઞાન બિંદુ કોચિંગ દ્વારા જાહેર કરવામાં આવ્યો છે. વીડિયોમાં દાવો કરવામાં આવ્યો છે કે વિવાદ દરમિયાન ફાયરિંગ ખાન સરના ગાર્ડે કર્યું હતું. જ્ઞાન બિંદુ ટીમના આદર્શ કુમારે ગુરુવારે પ્રેસ કોન્ફરન્સમાં વીડિયો જાહેર કરતા કહ્યું કે આખી ઘટના અગાઉથી પ્લાન કરવામાં આવી હતી. ફાયરિંગ ખાન સરના કહેવા પર કરવામાં આવ્યું. તેમણે સવાલ ઉઠાવ્યો કે વીડિયોમાં રોશન આનંદ ક્યાંય દેખાતા નથી, તો તેમની ધરપકડ કેમ થઈ. સાથે જ ખાન સરની ધરપકડની માંગ પણ કરી. વાંચો સંપૂર્ણ સમાચાર 5. કોહલી અફઘાનિસ્તાન સામેની વનડે સિરીઝ નહીં રમે:રોહિતની ફિટનેસ પર પણ સસ્પેન્સ, 14 જૂને ટીમ ઇન્ડિયા પ્રથમ વનડે રમશે ભારતના સિનિયર બેટર વિરાટ કોહલી હેમસ્ટ્રિંગની ઈજાને કારણે અફઘાનિસ્તાન સામેની વનડે સીરિઝમાંથી બહાર થઈ ગયા છે. ન્યૂઝ એજન્સી PTIએ BCCIના એક સૂત્રને ટાંકીને કોહલીના સીરિઝમાંથી બહાર થવાની પુષ્ટિ કરી છે. જોકે, BCCIએ આ મામલે કોઈ નિવેદન બહાર પાડ્યું નથી. એજન્સીએ લખ્યું- ‘કોહલી હેમસ્ટ્રિંગની ઈજાને કારણે વનડે સીરિઝમાંથી બહાર છે.’ વિરાટને દુનિયાના સૌથી ફિટ ક્રિકેટરોમાં ગણવામાં આવે છે. 37 વર્ષના કોહલીએ RCBને સતત બીજો ખિતાબ અપાવવામાં મહત્વની ભૂમિકા ભજવી હતી. તેમણે ફાઇનલ મેચમાં અણનમ 75 રનની ઇનિંગ રમી હતી. વાંચો સંપૂર્ણ સમાચાર 6. ગુજરાતમાં રાજ્યસભાની 4 સીટના ભાજપના ઉમેદવાર જાહેર:સૌરાષ્ટ્રમાંથી બે અને ઉત્તર-મધ્ય ગુજરાતમાંથી એક-એકને ટિકિટ, પૂર્વ MLAના પુત્ર જીતેન્દ્ર કણઝારીયા MP બનશે ભાજપ દ્વારા ગુજરાતના રાજ્યસભાના 4 ઉમેદવારના નામ જાહેર કરવામાં આવ્યા છે. રાજ્યસભા ચૂંટણીને લઈને ભાજપે તૈયારીઓ તેજ કરી છે. મુખ્યમંત્રીના ગાંધીનગર સ્થિત નિવાસસ્થાને ટૂંક સમયમાં મહત્વપૂર્ણ બેઠક યોજાશે, જેમાં ભાજપ પ્રદેશ અધ્યક્ષ જગદીશ વિશ્વકર્મા પણ ખાસ ઉપસ્થિત રહેશે. બેઠકમાં રાજ્યસભા ચૂંટણીની વ્યૂહરચના અને ઉમેદવારોના સમર્થનમાં જરૂરી આયોજન અંગે ચર્ચા થવાની શક્યતા છે. આ દરમિયાન તમામ ભાજપ ધારાસભ્યોને ગાંધીનગર નહીં છોડવા માટે સૂચના આપવામાં આવી હોવાનું જાણવા મળ્યું છે. બીજી તરફ, સોમવારે ભાજપના તમામ ચાર ઉમેદવારો વિજય મુહૂર્તમાં રાજ્યસભા ચૂંટણી માટે પોતાના ઉમેદવારીપત્રો દાખલ કરશે. વાંચો સંપૂર્ણ સમાચાર 7. અમદાવાદમાં આજથી પ્રથમ વર્લ્ડ યોગાસન ચેમ્પિયનશીપનો પ્રારંભ:યુદ્ધની સ્થિતિ વચ્ચે ઈરાનના ખેલાડીઓ ભાગ લેવા પહોંચ્યા, PMએ કહ્યું- 'આજે વર્લ્ડની સ્પોર્ટસ લેગેસીમાં નવો અધ્યાય જોડાયો' ગુજરાતમાં અમદાવાદના આંગણે આજથી વિશ્વની પ્રથમ યોગાસન ચેમ્પિયનશીપનો પ્રારંભ થયો છે. પીએમ મોદીએ વર્ચ્યુઅલી ઉપસ્થિત રહી ચેમ્પિયનશીપનો પ્રારંભ કરાવ્યો. મોદીએ કહ્યું કે, આજથી વિશ્વની સ્પોર્ટસ લેગેસીમાં નવો અધ્યાય જોડાયો છે. ચેમ્પિયનશીપના પ્રારંભ પ્રસંગે યોગગુરુ બાબા રામદેવ પણ ઉપસ્થિત રહ્યા હતા. મહત્વનું છે કે, અમદાવાદમાં આજથી શરૂ થયેલી વર્લ્ડ યોગાસન ચેમ્પિયનશીપમાં 60 થી વધુ દેશના 400થી વધુ સ્પર્ધકો ભાગ લેવા આવ્યા છે. જેમાં ઈરાનના ખેલાડીઓ પણ અમદાવાદ પહોંચ્યા છે. વાંચો સંપૂર્ણ સમાચાર ⚡ કેટલાક મહત્વના સમાચારો હેડલાઈનમાં 1.નેશનલ : કોકરોચ જનતા પાર્ટીએ કહ્યું- CBSE ચેરમેનનું ટ્રાન્સફર માત્ર દેખાડો:સરકાર સાથે વાતચીત કરવા તૈયાર; દિલ્હીમાં પ્રથમ પ્રેસ કોન્ફરન્સ કરી, 6 જૂને પ્રદર્શન વાંચો સંપૂર્ણ સમાચાર 2.ઈન્ટરનેશનલ : હોર્મુઝ સંકટ વચ્ચે વેનેઝુએલાના રાષ્ટ્રપતિ ભારત આવ્યા:PM મોદી સાથે મુલાકાત કરી, તેલ સપ્લાય પર મોટો કરાર થવાની શક્યતા વાંચો સંપૂર્ણ સમાચાર 3.નેશનલ : 13 દિવસમાં જ તૂટી 28 વર્ષ જૂની TMC:દિલ્હીથી શરૂ થયો બળવોનો ખેલ, 58 ધારાસભ્યો અલગ; શુભેન્દુની બેઠકમાં મમતાના નજીકના લોકો પહોંચ્યા વાંચો સંપૂર્ણ સમાચાર 4.ઈન્ટરનેશનલ : ‘કારામેલો’ કૂતરા પર ભીડાયા બ્રાઝિલ-મેક્સિકો:ચલણ અને સાંસ્કૃતિક પ્રતીકનો વિવાદ; બ્રાઝિલે કહ્યું- સાંબા જ અમારી ઓળખ છે વાંચો સંપૂર્ણ સમાચાર 5.બિઝનેસ : મુકેશ અંબાણીથી આગળ નીકળ્યા ટિકટોકના માલિક:યિમિંગ એશિયાના બીજા સૌથી ધનિક વ્યક્તિ બન્યા, અંબાણી ત્રીજા સ્થાને સરક્યા વાંચો સંપૂર્ણ સમાચાર 6.સ્પોર્ટ્સ : કોહલી અફઘાનિસ્તાન સામેની વનડે સિરીઝ નહીં રમે:રોહિતની ફિટનેસ પર પણ સસ્પેન્સ, 14 જૂને ટીમ ઇન્ડિયા પ્રથમ વનડે રમશે વાંચો સંપૂર્ણ સમાચાર 7.ધર્મ તહેવાર જ્યોતિષ : શું જીવનમાંથી સમસ્યાઓ ક્યારેય પૂરી થશે ખરી?:સંતે ગાયોના ઉદાહરણ દ્વારા આપ્યો આંખ ઉઘાડનારો જવાબ વાંચો સંપૂર્ણ સમાચાર 🗣️ ચર્ચિત નિવેદન 😲 અજબ ગજબ ઘેટાં ચરાવવાની નોકરી માટે 1000થી વધુ અરજીઓ ચીનના ઇનર મંગોલિયામાં ઘેટાં ચરાવવાની 2 નોકરીઓ માટે 48 કલાકમાં 1000થી વધુ લોકોએ અરજી કરી. નોકરીમાં ₹2.4 લાખ મહિને પગાર અને મફત રહેવા-ખાવાની સુવિધા છે. સારો પગાર અને શાંત જીવનની ઈચ્છાને કારણે કેટલાય યુવાનોએ આ નોકરીમાં રસ દાખવ્યો. 📸 ફોટો, જે પોતે સમાચાર છે 🌟 ભાસ્કરની એક્સક્લૂસિવ સ્ટોરીઝ, જે સૌથી વધારે વંચાઈ 1. પારકી પંચાત : એ ભાગો, ભાગો...બે આખલાએ ગામ ગાંડું કર્યું:એકે દવાખાનામાં ઘુસી ધમાચકડી મચાવી, બીજો દુકાનનો સોદો પાડવા પહેલા માળે ચડ્યો!, નેતાઓએ સાઇકલ પર સીન નાખ્યા 2. એક્સક્લૂસિવ : સિંગાપોર, દુબઇ, ચીન સુધી ફ્લાઇટ ઉડાડતી કચ્છની પહેલી મહિલા પાયલટ:ઇન્ડિગોએ એરબસની કમાન સોંપી, કોસ્ટ ગાર્ડના ઓફિસરને આંખમાં આંખ મિલાવી કહ્યું- હું પૈસા કમાવા નથી આવી 3. ભાસ્કર ઇન્વેસ્ટિગેશન : બેંક નહીં, રેકોર્ડ નહીં, કરોડો અહીંથી ત્યાં:ઓનલાઈન પેમેન્ટની જેમ પડે છે હવાલા, બે માફિયા કેમેરા પર એક્સપોઝ 4. 'રિસેપ્શન પર બેઠેલી છોકરી તે જ હાલતમાં બળી ગયેલી':દિલ્હી અગ્નિકાંડમાં 21 મોત, નારાજ લોકો બોલ્યા- રહેણાંક વિસ્તાર કેવી રીતે હોટલ હબ બન્યો 5. બ્લેકબોર્ડ:વિચાર્યું કે હત્યા કરું-પોલીસ પકડે અને જીવતો સાબિત થઈ જાઉં:ભાઈનું અપહરણ કર્યું, વીપી સિંહ સામે ચૂંટણી લડી; તો પણ મરેલો જ માનવામાં આવ્યો 6. જોજો, ઠંડક આપતું AC ક્યાંક 'બોમ્બ' ન બની જાય!:એસીમાં બ્લાસ્ટ થવા પાછળ 12 કારણો જવાબદાર, 6 સંકેતોને અવગણશો નહીં; જાણો 13 સેફ્ટી ટિપ્સ 7. એક્સક્લૂસિવ : ખેલ મહાકુંભમાં જીતેલા ખેલાડીઓના રૂપિયા ક્યાં ગયા?:અંડર 15થી 60 વર્ષના સ્પર્ધકોને છેતરપિંડીનો અહેસાસ, ઘણાએ રમવાનું છોડ્યું, અધિકારીનો દાવો- 52 કરોડ તો આપ્યા 8. એશિયામાં ભારતનો રૂપિયો ખરાબ સ્થિતિમાં:પાકિસ્તાની રૂપિયો મજબૂત થયો; આખરે સરકારથી ક્યાં ચૂક થઈ રહી છે, ટૉપ એક્સપર્ટ્સ પાસેથી સમજો 🌍 કરંટ અફેર્સ ⏳ આજના દિવસનો ઈતિહાસ 📊​​​​​​​ માર્કેટની સ્થિતિ 🌦️ મોસમનો મિજાજ શુક્રવારનું રાશિફળ:મિથુન, કર્ક અને તુલા રાશિને કારકિર્દીમાં ધાર્યું પરિણામ મળશે, સિંહ રાશિ પ્રગતિના નવા આયામો સર કરશે (સંપૂર્ણ રાશિફળ વાંચો)