Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    બહેરી-મુંગી સરકારને જગાડવા ખેડૂત આક્રોશ સભા:22 ઓક્ટોબરે મોરબીમાં ખેડૂતોને સિંચાઈ માટે પાણી આપવા, વીજપોલનાં પ્રશ્નો ઉકેલવા અને સૌરાષ્ટ્રને દુષ્કાળગ્રસ્ત જાહેર કરવા સહિતની માંગ કરાશે

    11 hours ago

    2

    0

    👍 ❤️ 😂 😮 😢 😡 😘 🤐 🥰

    સભામાં પ્રદેશ કોંગ્રેસનાં નેતાઓ સહિત 20 હજારથી વધુ ખેડૂતો ઉમટી પડે તેવી શક્યતા ગુજરાતમાં ખેડૂતોના પ્રશ્નો અને પડતર માંગણીઓને લઈને રાજકારણ ગરમાયું છે. આ મામલે હવે કોંગ્રેસ મેદાને આવી છે. અને આગામી 22 ઓક્ટોબરે મોરબી ખાતે કોંગ્રેસ દ્વારા ભવ્ય 'ખેડૂત આક્રોશ મહાસભા'નું આયોજન કરવામાં આવ્યું છે. આ સભાનો મુખ્ય હેતુ બહેરી-મૂંગી સરકારને જગાડવાનો અને સિંચાઈનું પાણી આપવા, વીજપોલનાં પ્રશ્નો ઉકેલવા અને સૌરાષ્ટ્રને દુષ્કાળગ્રસ્ત જાહેર કરવા સહિતની ખેડૂતોની માંગોને વાચા આપવાનો હોવાનું કોંગ્રેસનાં પૂર્વ ધારાસભ્ય લલિત કગથરાએ જણાવ્યું હતું. તેમજ આ આક્રોશ સભામાં પ્રદેશ કોંગ્રેસ પ્રમુખ અમિત ચાવડા, સાંસદ ગેનીબેન ઠાકોર, વરિષ્ઠ નેતા શક્તિસિંહ ગોહિલ, અને પૂર્વ MLA પરેશ ધાનાણી સહિત દિગ્ગજ નેતાઓ ખાસ ઉપસ્થિત રહેશે અને 20 હજારથી વધુ ખેડૂતો આ સભામાં ઉમટી પડશે તેવી પ્રબળ શક્યતા વ્યક્ત કરી હતી. સૌરાષ્ટ્રને દુષ્કાળગ્રસ્ત જાહેર કરવા અને સિંચાઈના પાણીની માંગ કોંગ્રેસના પૂર્વ ધારાસભ્ય લલિત કગથરાએ જણાવ્યું હતું કે આ વર્ષે વરસાદનું પ્રમાણ ઓછું રહ્યું છે અને સૌરાષ્ટ્રમાં દુષ્કાળ જેવી ગંભીર પરિસ્થિતિ સર્જાઈ છે. તેથી સરકારે તાત્કાલિક ધોરણે સૌરાષ્ટ્રના જિલ્લાઓને દુષ્કાળગ્રસ્ત જાહેર કરવા જોઈએ. તેમણે સવાલ ઉઠાવ્યો હતો કે, "સૌની યોજનાનો ફાયદો ઓછા વરસાદમાં ન મળે તો ક્યારે મળે?" સરકારે માત્ર પીવા માટે પાણી રિઝર્વ રાખવાની નીતિ છોડીને અત્યારે ખેડૂતોને સિંચાઈ માટે તાત્કાલિક સૌની યોજનાનું પાણી આપવું જોઈએ, કારણ કે ખેડૂતોને અત્યારે પાણીની સૌથી વધુ જરૂર છે. આ મુદ્દે વાત આગળ વધારતા કોંગ્રેસના પૂર્વ ધારાસભ્ય લલિત વસોયાએ જણાવ્યું હતું કે ભાદર-2 ડેમનું પાણી પીવાલાયક ન હોવા છતાં ખેડૂતોને સિંચાઈ માટે પાણી આપવામાં આવતું નથી, જે અન્યાય છે. તેમણે માંગ કરી હતી કે ખેડૂતોને પાકનું સિંચાઈ માટેનું પાણી વહેલી તકે મળવું જ જોઈએ. ગ્રીન કોરિડોર અને એલાઈમેન્ટ બદલવાના આક્ષેપો લલિત કગથરાએ ગ્રીન કોરિડોરના મામલે સરકાર અને ભાજપના નેતાઓ પર ગંભીર આક્ષેપો કર્યા હતા. અને જણાવ્યું કે ગ્રીન કોરિડોરમાં રીબડાથી લઈને એરપોર્ટ સુધી ખેડૂતોની કરોડો રૂપિયાની જમીનો સસ્તા ભાવે પડાવી લેવામાં આવી રહી છે. ગાળાથી લઈને વઘાસિયા સુધી વારંવાર પ્રોજેક્ટનું એલાઈમેન્ટ માત્ર એટલા માટે બદલવામાં આવે છે કે તેમાં મોરબી ભાજપના નેતાઓના કારખાના કે જમીનો આવતી હોય છે. ખેડૂતોના ભોગે કોઈપણ પ્રકારનું ઇન્ફ્રાસ્ટ્રક્ચર સ્વીકાર્ય નથી. "જીવતા બાપાની સેવા ન થાય અને મરી ગયા પછી મોટો દાળો કરવાનો કોઈ મતલબ નથી," તેવી લોકભોગ્ય ઉક્તિ ટાંકીને તેમણે ખેડૂતોના હિતોનું રક્ષણ કરવા પર ભાર મૂક્યો હતો. વીજપોલ અને વીજસંકટ અંગે આક્રમક રજૂઆત વીજળી અને વીજપોલના પ્રશ્ને સરકારને ઘેરતા લલિત કગથરાએ આક્ષેપ કર્યો હતો કે સરકાર દાદાગીરી કરીને ખેડૂતોની ખેતરોમાં વીજપોલ નાખી રહી છે, જેના કારણે ખેડૂતોની જમીનો નકામી થઈ રહી છે અને આ બધું માત્ર અદાણી કંપનીને ફાયદો કરાવવા માટે કરવામાં આવી રહ્યું છે. હાલ રાજ્યમાં ગંભીર વીજસંકટ સર્જાઈ રહ્યું છે, જેમાં સાંજે 4 વાગ્યાથી સવારે 4 વાગ્યા સુધી ખેડૂતો માટે સંપૂર્ણ વીજકાપ રહે છે, જેના કારણે ખેડૂતોની મુશ્કેલીઓ અનેકગણી વધી ગઈ છે. વીજપોલના મુદે હાલ ચાલી રહેલા આંદોલનો અને ખેડૂતોની વળતરની માંગણીઓને કોંગ્રેસ પક્ષ સંપૂર્ણ સમર્થન આપે છે. પાકવીમા અને મગફળીની ખરીદીના પ્રશ્નો પૂર્વ ધારાસભ્ય લલિત વસોયાએ પાકવીમા મુદ્દે સરકારને ઘેરી હતી. તેમણે જણાવ્યું હતું કે ગુજરાતને બાદ કરતા દેશના અન્ય તમામ રાજ્યોમાં જૂની પાકવીમા યોજના યથાવત રીતે ચાલુ છે. ગુજરાતમાં પણ જૂની પાકવીમા યોજના ફરીથી શરૂ કરવામાં આવે અને ખેડૂતોના પેન્ડિંગ વળતરના કેસોનો તાત્કાલિક નિકાલ લાવવામાં આવે તેવી માંગ આ સભામાં મુખ્યરૂપે ઉઠાવવામાં આવશે. આ ઉપરાંત, દુષ્કાળની સ્થિતિને કારણે ઘાસચારાનું ઉત્પાદન ખૂબ ઓછું થયું છે, ત્યારે સરકારે પશુપાલકો અને ખેડૂતોને આર્થિક સહાય કરવી જોઈએ. વધુમાં તેમણે જણાવ્યું હતું કે, મધ્યપ્રદેશ અને અન્ય રાજ્યોની જેમ ગુજરાતમાં પણ 'ભાવાંતર યોજના' લાગુ કરવામાં આવે, જેથી ખેડૂતોને ટેકાના ભાવ અને બજાર ભાવ વચ્ચેનો જે તફાવત હોય તે સીધો તેમના ખાતામાં જમા થઈ શકે. આ માંગણીને લઈને કોંગ્રેસના ડેલિગેશને અગાઉ પણ રાજ્યપાલ અને મુખ્યમંત્રીને આવેદનપત્ર આપીને સૌરાષ્ટ્રભરમાં ભાવાંતર યોજના શરૂ કરવા રજૂઆત કરી હતી. આ મામલે પણ સરકાર દ્વારા કોઈ પગલાં લેવામાં આવ્યા નહીં હોવાને કારણે ખેડૂતો ભારે હાલાકી ભોગવી રહ્યા છે. મગફળીની ટેકાના ભાવે ખરીદી વિશે વાત કરતા લલિત કગથરાએ જણાવ્યું હતું કે આ વર્ષે મગફળીનું ઉત્પાદન ખૂબ જ ઓછું થયું છે. ખેડૂતો મગફળી ટેકાના ભાવે વેચી શકે તેમ નથી, અને આ વર્ષે ટેકાના ભાવ કરતા ઓપન માર્કેટ યાર્ડમાં ખેડૂતોને વધુ ભાવ મળવાના છે, જેના કારણે ટેકાના ભાવે નોંધણી કરાવનાર ખેડૂતોની સંખ્યા ગયા વર્ષ કરતા 25% જેટલી ઘટી ગઈ છે. તેથી સરકારે ટેકાના ભાવે ખરીદી પાછળ કરોડો રૂપિયાનો જે ખર્ચ થાય છે, તે સીધો ખેડૂતોના બેંક ખાતામાં જમા કરાવવો જોઈએ. લલિત કગથરાએ જણાવ્યું હતું કે, ખેડૂતોના ખાતરમાં રૂ. 500નો વધારો કરી દીધો છે અને ખાતરના ભાવમાં સ્વીચ પાડી દીધી છે. તેમણે વધુમાં જણાવ્યું હતું કે આ ભાવે ખાતર નાખે, આ ભાવની રૂ. 2000ની દવા છાંટીને માણસ બોલ પેદા કરે અને પછી મોલ પેદા કરવા માટે થઈને શું તેને ખબર નહોતી કે વરસાદ નહીં પડે? આ દવા ન છાંટવી, આ ખાતર ન નાખવું, આ ખેડૂત જે નોંધારો છે અને આપણે જે વીમા યોજનાની વાત કરીએ છીએ એટલા માટે કરીએ છીએ કે તમામ પ્રોડક્ટના વીમા ઉતરે. મારી ફેક્ટરી હોય, મારો શેડ હોય, મારું ઇનહાઉસ હોય તો પણ વીમો ઉતરે તો ખેડૂતના પાકનો વીમો શું કામ ન ઉતરે અને સરકારે એમાં સહાય કરવી જોઈએ તેવી મારી સ્પષ્ટ માગણી છે. ખેડૂત આક્રોશ સભામાં વધુમાં વધુ કિસાનોને ઉમટી પડવાની અપીલ તેમણે કરી હતી.
    Click here to Read More
    • Share:
    આઠમ-નવમીએ બન્ને મંદિરે ભક્તોનું ઘોડાપૂર:450 વર્ષ જૂના કોટ વિસ્તારના મંદિરે શિવાજી મહારાજે આશીર્વાદ લીધા હતા, 312 વર્ષ જૂનું મહાકાળી મંદિર 18 ભુજાવાળી પ્રતિમાનું રહસ્ય
    Previous Article
    આઠમ-નવમીએ બન્ને મંદિરે ભક્તોનું ઘોડાપૂર:450 વર્ષ જૂના કોટ વિસ્તારના મંદિરે શિવાજી મહારાજે આશીર્વાદ લીધા હતા, 312 વર્ષ જૂનું મહાકાળી મંદિર 18 ભુજાવાળી પ્રતિમાનું રહસ્ય
    Next Article
    एनएल चर्चा 445: क्या दिल्ली का आंदोलन बीजेपी को चुनौती दे सकता है?
    एनएल चर्चा 445: क्या दिल्ली का आंदोलन बीजेपी को चुनौती दे सकता है?

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment

      Send