Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    વડોદરામાં કોટક મહિન્દ્રા બેંક સાથે 22 લાખની છેતરપિંડી:ગ્રાહકોને જાણ કર્યા વિના તેમના નામે બેંકમાંથી લોન મેળવી ફર્નિચર શોરૂમના ખાતામાં નાણાં જમા કરાવ્યા, ફર્નિચર શોરૂમના સંચાલક, બેંક કર્મચારી સહિત 3 સામે ફરિયાદ

    1 day ago

    વડોદરા શહેરમાં કોટક મહિન્દ્રા બેંક સાથે છેતરપિંડી થયાનો મામલો સામે આવ્યો હતો. શહેરના પંડ્યા બ્રિજ પાસે આવેલા ભારત ફર્નિચર શોરૂમના સંચાલક, બેંકના કર્મચારી અને એક થર્ડ પાર્ટીની મહિલા એજન્ટે ભેગા મળીને ગ્રાહકોના નામે ખોટી રીતે કન્ઝ્યુમર લોન મેળવી બેંકને 22,03,636 રૂપિયાનું આર્થિક નુકસાન પહોંચાડ્યું છે. આ સમગ્ર કૌભાંડમાં ગ્રાહકોને ફર્નિચર ખરીદવા માટે લોન લેવામાં આવી હોવાના દર્શાવી બનાવટી બિલો બેંકની સિસ્ટમમાં અપલોડ કરવામાં આવતાં હોવાનું તપાસમાં બહાર આવ્યું હતું. આ મામલે ફતેગંજ પોલીસે ગુનો નોંધીને વધુ તપાસ હાથ ધરી છે. આ અંગે અમદાવાદના વસ્ત્રાલ વિસ્તારમાં રહેતા અને કોટક મહિન્દ્રા બેંકમાં ગુજરાતના લીગલ મેનેજર મીહીર વિવેક પેંડસે (ઉં.વ. 34) એ ફતેગંજ પોલીસ સ્ટેશનમાં નોંધાવેલી ફરિયાદ મુજબ, જુલાઈ-ઓગસ્ટ 2025 દરમિયાન બેંકની કલેક્શન ટીમના મેનેજર કશ્યપ તન્નાએ રિસ્ક કંટ્રોલ યુનિટ (RCU)ને ઈ-મેઈલ મારફતે ભારત ફર્નિચર શોરૂમ દ્વારા બેંકના કર્મચારી અને થર્ડ પાર્ટી એજન્ટ સાથે મળીને છેતરપિંડી કરવામાં આવી હોવાની જાણ કરી હતી. ત્યારબાદ બેંકના રિસ્ક ઇન્વેસ્ટિગેશન વિભાગે તપાસ હાથ ધરી હતી. તપાસમાં જાણવા મળ્યું હતું કે, પંડ્યા બ્રિજ પાસે આવેલા ભારત ફર્નિચર શોરૂમની માલિકી ફાતેમા અબ્બાસ બંદુકવાલાના નામે હતી, જ્યારે શોરૂમનું સંચાલન અને તમામ વ્યવહારો તેમના પતિ અબ્બાસ હુસેનભાઈ બંદુકવાલા સંભાળતા હતા. કોટક મહિન્દ્રા બેંક અને ભારત ફર્નિચર વચ્ચે 2 ઓક્ટોબર 2020ના રોજ ડીલર એગ્રીમેન્ટ કરવામાં આવ્યો હતો. જ્યારે 7 ઓગસ્ટ 2023ના રોજ બેંકના જુનિયર એસોસિયેટ તરીકે અંકુરકુમાર વાળંદની શોરૂમ ખાતે સેલ્સ ઓફિસર તરીકે નિમણૂક કરવામાં આવી હતી. ફરજાનાબાનુ ઇલિયાસ ચૌહાણ નામની મહિલા થર્ડ પાર્ટી એજન્ટ બેંકમાંથી મહિલા ગ્રાહકોને લોન અપાવવાનું કામ કરતી હતી. તે રોકડ નાણાંની જરૂરિયાત ધરાવતા ગ્રાહકોને ભારત ફર્નિચર શોરૂમ અથવા પોતાના ઘરે લઈ જઈ અંકુર વાળંદ સાથે મુલાકાત કરાવતી હતી. ત્યારબાદ અંકુર અને અબ્બાસ ગ્રાહકોને ફર્નિચરની પ્રોડક્ટ બતાવી તેમના નામે કન્ઝ્યુમર લોનની પ્રક્રિયા કરતા હતા. આ માટે ગ્રાહકોના આધારકાર્ડ, પાનકાર્ડ અને બેંકની વિગતો મેળવી પ્રોડક્ટ સાથેના ફોટોગ્રાફ્સ પણ લેવામાં આવતા હતા. જોકે, ફોટોગ્રાફ્સ શોરૂમમાં લેવાના બદલે ફરજાનાના ઘરે અથવા અન્ય સ્થળે લેવામાં આવતા હતા. બેંકની RCU ટીમ દ્વારા ગ્રાહકોને વેરિફિકેશન માટે ફોન કરવામાં આવે, ત્યારે શું જવાબ આપવો તેની પણ અગાઉથી તાલીમ આપવામાં આવતી હતી. ગ્રાહકોને કઈ પ્રોડક્ટ ખરીદી છે અને કયા શોરૂમમાંથી લોન લીધી છે તે અંગે ચોક્કસ જવાબ આપવા સમજાવવામાં આવતા હતા. લોન મંજૂર થયા બાદ ડિલિવરી ઓર્ડર જનરેટ થતો હતો અને તેના આધારે અબ્બાસ ગ્રાહકોના નામે બિલ બનાવતા હતા. જોકે, અસલ બિલના બદલે અંકુર વાળંદ વધુ રકમની લોન મેળવવાના ઇરાદે બિલ બુક એપ્લિકેશન મારફતે પ્રોડક્ટની કિંમતના બનાવટી અને વધુ રકમના બિલ તૈયાર કરી બેંકની સેલ્સફોર્સ સિસ્ટમમાં અપલોડ કરતો હતો. આ રીતે બેંકની ઓપરેશન ટીમ દ્વારા લોનની રકમ ભારત ફર્નિચરના બેંક ખાતામાં જમા કરવામાં આવતી હતી. લોનની રકમ જમા થયા બાદ અંકુર અને ફરજાનાબાનુ ગ્રાહકોને તેમની લોન કેન્સલ થઈ ગઈ હોવાનું કહી દેતા હતા. બીજી તરફ, ડીલરની જવાબદારી મુજબ ગ્રાહકોના ઘરે ફર્નિચરની ડિલિવરી કરવાની હોવા છતાં કોઈ પ્રોડક્ટ પહોંચાડવામાં આવતી નહોતી. શરૂઆતના 3 EMI ભરાયા બાદ લોનના હપ્તા બાઉન્સ થવા લાગતાં બેંકની કલેક્શન ટીમે તપાસ કરી હતી. ત્યારે અનેક ગ્રાહકોને તેમના નામે લોન લેવામાં આવી હોવાની જાણ પણ ન હોવાનું અને તેમને કોઈ પ્રોડક્ટ મળી ન હોવાનું સામે આવ્યું હતું. બેંક દ્વારા અબ્બાસ બંદુકવાલા અને અંકુર વાળંદ પાસે ગ્રાહકોને પ્રોડક્ટ પહોંચાડ્યાના ડિલિવરી ચલણ માગવામાં આવ્યાં હતાં, પરંતુ બંને કોઈ સંતોષકારક જવાબ આપી શક્યા નહોતા. ફરિયાદમાં માર્ચ 2024થી એપ્રિલ 2025 દરમિયાન ગ્રાહકોના નામે લોન પ્રોસેસ કરી બનાવટી બિલો અપલોડ કરીને ભારત ફર્નિચરના ડીલર કોડ મારફતે બેંકમાંથી રકમ મેળવવામાં આવી હતી. આ સમગ્ર કાવતરામાં ભારત ફર્નિચરના સંચાલક અબ્બાસ હુસેનભાઈ બંદુકવાલા, બેંક કર્મચારી અંકુરકુમાર પ્રકાશભાઈ વાળંદ અને ફરજાનાબાનુ ઇલિયાસ ચૌહાણની સંડોવણી હોવાનું જણાવી બેંકને કુલ રૂ. 22,03,636નું નુકસાન પહોંચાડવા બદલ ત્રણેય સામે ફતેગંજ પોલીસ સ્ટેશનમાં ફરિયાદ નોંધાવવામાં આવી છે.
    Click here to Read More
    Previous Article
    બિહારમાં PMએ નીતિશ સેતુનું ઉદ્ઘાટન કર્યું:મોદીએ પુલ પર ચાલતાં ચાલતાં ગમછો લહેરાવ્યો, નીતિશને ભેટી પડ્યા; 227 યોજનાઓ શરૂ કરી
    Next Article
    3 આઇ.ટી. એન્જિનિયરોએ વેરહાઉસમાંથી 104 લેપટોપ ચોર્યા:2 નવા લેપટોપ ગાયબ થતાં CCTV તપાસતા 6 મહિનાથી ચાલતી ચોરીનો ભાંડો ફૂટ્યો

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment