Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    ‘જેલથી મારું જીવિત પાછા ફરવું મુશ્કેલ’:મને રોજ 22 કલાક એકલો રાખવામાં આવી રહ્યો છે, હું બ્રેન હેમરેજ કે હાર્ટ એટેકથી મરી જઈશ; ઇમરાન ખાનનો જજને ઇમોશનલ લેટર

    2 days ago

    પાકિસ્તાનના પૂર્વ વડાપ્રધાન ઇમરાન ખાને દેશની ત્રણ મોટી અદાલતોના ન્યાયાધીશોને પત્ર લખીને પોતાના અને પત્ની બુશરા બીબીના સારવારની માગ કરી છે. તેમણે દાવો કર્યો કે ડૉક્ટરોએ તેમને બ્રેન હેમરેજ અને હાર્ટ એટેક આવવાના જોખમની ચેતવણી આપી છે. તેમણે આરોપ લગાવ્યો કે જેલમાં તેમને દરરોજ 22-22 કલાક એકલા રાખવામાં આવે છે. તેમની તબિયત સતત બગડી રહી છે અને તેમને ડર છે કે તેઓ જેલમાંથી જીવતા પરત નહીં ફરી શકે. ઇમરાન તોશાખાના કેસમાં ઑગસ્ટ 2023થી રાવલપિંડીની અડિયાલા જેલમાં બંધ છે. તેમને મળવા માટે તેમની બહેનોએ આંદોલન પણ કર્યું હતું. પરિવાર અને વકીલોને મળવા પર પણ પ્રતિબંધ આ પત્ર પાકિસ્તાનની ફેડરલ કૉન્સ્ટિટ્યુશનલ કોર્ટ, સુપ્રીમ કોર્ટ અને ઇસ્લામાબાદ હાઈકોર્ટના મુખ્ય ન્યાયાધીશોને મોકલવામાં આવ્યો છે. ઇમરાનના વકીલ સલમાન સફદરે X પર આ પત્રો પોસ્ટ કર્યા છે. તેમાં ઇમરાને આરોપ લગાવ્યો છે કે તેમને પરિવારના સભ્યો અને વકીલોને મળવાની, પુત્રો સાથે ફોન પર વાત કરવાની, પુસ્તકો વાંચવાની અને ટીવી જોવાની મંજૂરી નથી. તેમણે જણાવ્યું કે આ વર્ષે તેમના વકીલને તેમની સાથે માત્ર ચાર વખત મળવા દેવામાં આવ્યા છે. બીજી તરફ, બુશરા બીબીના વકીલને પણ તેમની સાથે માત્ર એક જ વાર મળવાની મંજૂરી મળી છે. દર અઠવાડિયે પત્ની સાથે થતી મુલાકાત પણ કોઈ કારણ જણાવ્યા વિના બંધ કરી દેવામાં આવી છે. ઇમરાને એમ પણ કહ્યું કે તેમની બહેનો કસ્ટડીમાં છે, પરંતુ તેમને તેમની સાથે મળવા દેવામાં આવતા નથી. ઇમરાને કહ્યું- મેડિકલ બોર્ડે મારી માનસિક પરેશાની સ્વીકારી ઇમરાનના જણાવ્યા મુજબ, જેલના મેડિકલ બોર્ડે તેમની માનસિક પરેશાનીને સ્વીકારી હતી. બોર્ડે તેમને પત્ની અને પરિવારજનો સાથે વધુ વાર મળવાની મંજૂરી આપવાની સલાહ આપી હતી. સાથે જ પુસ્તકો વાંચવા અને ટીવી જોવાની સુવિધા આપવાનું પણ કહ્યું હતું. પરંતુ આ ભલામણોનો અમલ કરવામાં આવ્યો નથી. તેમણે પત્રમાં લખ્યું, જેલમાં કોઈને મારી સાથે વાત કરવાની કે જવાબ આપવાની મંજૂરી નથી. જ્યારે હું તેમને સલામ કરું છું અથવા કુરાનની કોઈ આયત વાંચું છું, ત્યારે પણ કોઈ જવાબ આપતું નથી. ઇમરાનનો આરોપ છે કે આ પ્રતિબંધો જાણીજોઈને લગાવવામાં આવ્યા છે, જેથી તેમની તબિયત બગડે અને તેમનું મનોબળ તૂટી જાય. જમણી આંખની 85% દૃષ્ટિ જતી રહી હોવાનો દાવો ઇમરાને જણાવ્યું કે 10 ફેબ્રુઆરીએ મુલાકાત દરમિયાન તેમના વકીલને જાણ થઈ કે તેમની જમણી આંખની 85% દૃષ્ટિ જતી રહી છે. તેમનો આરોપ છે કે તે સમયે ન તો પરિવારને અને ન તો તેમના કાનૂની સલાહકારોને આ અંગે જાણ કરવામાં આવી હતી. તેમણે પોતાના બ્લડ પ્રેશરનો પણ ઉલ્લેખ કર્યો. ઇમરાનના જણાવ્યા અનુસાર, જેલમાં રહેવા દરમિયાન તેમનું બ્લડ પ્રેશર પહેલાં 130થી 150, પછી 170 અને 10 નવેમ્બરે 192 અને 193 સુધી પહોંચી ગયું. પત્ની બુશરા બીબીની આંખોની દૃષ્ટિ જતી રહેવાનો પણ ભય ઇમરાને કહ્યું કે પત્ની બુશરા બીબીની હાલતને કારણે જ તેમણે અદાલતોને પત્ર લખવાનો નિર્ણય કર્યો. તેમના અનુસાર, એપ્રિલમાં બુશરાની આંખના પડદા એટલે કે રેટિનામાં તકલીફ થઈ હતી. આ પછી તેમની આંખની જટિલ સર્જરી કરાવવામાં આવી. ઇમરાનનો આરોપ છે કે આ ઓપરેશન ગુપ્ત રીતે કરવામાં આવ્યું અને ત્યાર બાદ બુશરાને ફરીથી એકાંત કોટડીમાં મોકલી દેવામાં આવ્યા. ઇમરાને જણાવ્યું કે આ મહિને જ્યારે તેઓ પત્નીને મળ્યા ત્યારે બુશરા ન તો પ્રકાશ સહન કરી શકી રહી હતી અને ન તો પોતાની આંખો ખોલી શકી રહી હતી. તેમણે ચેતવણી આપી કે જો ટૂંક સમયમાં બીજું ઓપરેશન કરવામાં નહીં આવે તો બુશરાની આંખોની દૃષ્ટિ કાયમ માટે જઈ શકે છે.
    Click here to Read More
    Previous Article
    IPOમાં ગુજરાતનો દબદબો:ગ્રે માર્કેટમાં ભાવ કોણ નક્કી કરે છે? અરજી કરતા પહેલાં ત્રણ મુદ્દાનું ખાસ ધ્યાન રાખો, પહેલીવાર જાણો હજારો કરોડની દુનિયાની ડાર્ક સાઇડ
    Next Article
    Banaskantha News | બનાસકાંઠાના તેનીવાડામાં જૂથ અથડામણનો મામલો | Group Clash | Gujarati News

    Related International Updates:

    Are you sure? You want to delete this comment..! Remove Cancel

    Comments (0)

      Leave a comment