Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    ભગવાન સ્વામિનારાયણની 201 વર્ષ જૂની પાઘડી:સુરતી પરિવાર સાત પેઢીથી સાચવે છે, દર વર્ષે ભાઈબીજના દિવસે દર્શન; પાઘડીના રક્ષણ માટે આ ખાસ વ્યવસ્થા

    8 hours ago

    ઇતિહાસ મુજબ, સંવત 1881માં જ્યારે સાક્ષાત સ્વામિનારાયણ ભગવાન વિચરણ કરતાં કરતાં સુરત પધાર્યા હતા, ત્યારે સુરતના એક પારસી પરિવાર સાથે તેમનો એક દિવ્ય સંબંધ બંધાયો હતો. સુરતના તત્કાલીન નગરશ્રેષ્ઠી અને ઉચ્ચ હોદ્દો ધરાવતા પારસી અરદેશર કોટવાલ ભગવાનના પરમ સત્સંગી હતા. ભગવાન જ્યારે સુરતથી વિદાય લઈ રહ્યા હતા, ત્યારે અરદેશર કોટવાલની ભક્તિ અને સેવાથી પ્રસન્ન થઈને તેમણે પોતાના શિરે બાંધેલી પવિત્ર પાઘડી તથા શ્રીફળ ભેટ સ્વરૂપે અર્પણ કર્યા હતા. આજે 201 વર્ષ વીતી ગયા હોવા છતાં, પારસી પરિવારની 7 પેઢીઓ આ ઐતિહાસિક અને પવિત્ર ધરોહરનું પોતાના જીવની જેમ જતન કરી રહી છે. વર્ષોથી ચાલી આવતી પરંપરા મુજબ માત્ર ભાઈબીજના પવિત્ર દિવસે જ આ ઐતિહાસિક પાઘડીના દર્શન જાહેર જનતા માટે ખુલ્લા મૂકવામાં આવે છે, જેમાં મોટી સંખ્યામાં ભક્તો દર્શન કરી ધન્યતા અનુભવે છે. ભગવાને અરદેશરને પાઘડી અને શ્રીફળ ભેટ આપ્યા સંવત 1881ના માગશર સુદ ત્રીજના દિવસે ભગવાને સુરતથી પ્રસ્થાન કર્યું હતું. તે સમયે અરદેશર કોટવાલે ભગવાનના રોકાણ, આગતા-સ્વાગતા અને સુરક્ષાની ઉત્તમ વ્યવસ્થા કરી હતી. વિદાય વેળાએ કોટવાલના મનમાં ભાવ જાગ્યો હતો કે ભગવાન પોતાની કોઈ પ્રિય સ્મૃતિ આપી જાય, જેની તેઓ નિત્ય પૂજા-અર્ચના કરી શકે. અંતર્યામી ભગવાને ભક્તનો મનોભાવ જાણીને પોતાનું મસ્તક સમાન પાઘ અને શ્રીફળ ભેટ આપ્યા હતા. કાળક્રમે આ અમૂલ્ય સ્મૃતિ અરદેશર કોટવાલના પુત્ર જહાંગીરશાહ અને ત્યારબાદ તેમની પત્ની ડોશીબાઈ પાસેથી મોસાળ સોરાબજી એડલજી વાડિયા પરિવાર પાસે આવી પહોંચી હતી, જે પરંપરા આજે પણ અવિરત ચાલે છે. પાઘડીના રક્ષણ માટે અલાયદો રૂમ અને આ ખાસ વ્યવસ્થા સુરતના સૈયદપુરામાં રહેતા વાડિયા પરિવારે આ પવિત્ર પાઘડીની સુરક્ષા માટે ઘરમાં એક અલાયદો પૂજા રૂમ તૈયાર કર્યો છે. 201 વર્ષ જૂની આ પાઘડી કુદરતી રીતે સુરક્ષિત રહે અને તેને કોઈ નુકસાન ન પહોંચે તે માટે તેને ખાસ લાકડાની પેટીમાં રાખવામાં આવે છે. તેમાં કોઈ જીવાત કે જંતુ ન થાય તે હેતુથી પરિવાર નિયમિતપણે કપૂરની ગોટીઓ, લવિંગ અને નેપ્થલીન બોલ્સ મૂકે છે. આ પરંપરાગત ઉપાયો થકી કાપડ અને તેની પવિત્રતા આજે પણ અકબંધ જળવાઈ રહી છે. સાતમી પેઢી રોજ સવારે પાઘડીની પૂજા કરે છે પરિવારની સાતમી પેઢીનું પ્રતિનિધિત્વ કરતા શેઝાદ વાડિયાએ ભાસ્કરને કહ્યું હતું કે, આ જે પાછળ તમે સ્વામિનારાયણ ભગવાનની પાઘડી જુઓ છો તે સાક્ષાત ભગવાને મારા પૂર્વજ અરદેશર કોટવાલને ભેટ આપી હતી. પાઘડી અને શ્રીફળ બંને 201 વર્ષ જૂના છે. અમે આ પરિવારની 7મી પેઢી છીએ. ભગવાનનું માથું જ અમારી પાસે છે તેવા ભાવ સાથે અમે રોજ સવારે નિયમિત પૂજા કરીએ છીએ. પારસી ધર્મ અને સ્વામિનારાયણ સંપ્રદાયનો અનોખો સમન્વય વાડિયા પરિવાર મૂળ પારસી સમુદાયનો હોવા છતાં બે સદીથી વધુ સમયથી સ્વામિનારાયણ ધર્મને પોતાના હૃદયમાં સ્થાન આપ્યું છે. પરિવારના સભ્યો પારસી પરંપરા મુજબ પવિત્ર જનોઈ (કુસ્તી) ધારણ કરવાની સાથે ગળામાં શ્રીજી મહારાજની કંઠી પણ પહેરે છે.
    Click here to Read More
    Previous Article
    25 મોટા પ્રોજેક્ટમાં વિલંબ, ₹2 લાખ કરોડનો ખર્ચ વધ્યો:આટલામાં 4200 શાળાઓ બની જાત, કેન્દ્ર સરકારના પૈમાના પોર્ટલના અહેવાલમાં ખુલાસો
    Next Article
    દિવાળી અને નવા વર્ષે રાબડામાં ભક્તોની ભીડ ઉમટી:માં વિશ્વંભરી તીર્થધામમાં દર્શન માટે વલસાડ સહિતના વિસ્તારોમાંથી શ્રદ્ધાળુઓ પહોંચ્યા

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment