Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    ગોપાલક યુવક મંડળ દ્વારા કૂવો ઊંડો કરી પાણીની વ્યવસ્થા:ગિરનાર લીલી પરિક્રમા રૂટ પર માળવેલા ઘોડી ખાતે 20 ફૂટ કૂવો ઊંડો ઉતાર્યો, 2 કિલોમીટર લાંબી પાઇપલાઇન નખાઈ

    7 hours ago

    જૂનાગઢના ગિરનાર જંગલમાં યોજાતી 36 કિલોમીટરની વિશ્વપ્રસિદ્ધ ગિરનાર લીલી પરિક્રમામાં દર વર્ષે લાખોની સંખ્યામાં યાત્રાળુઓ પુણ્યનું ભાથું બાંધવા માટે આવે છે. આ વર્ષે ચોમાસા દરમિયાન નહિવત વરસાદ થયો હોવાના કારણે જંગલ વિસ્તારમાં પાણીની ગંભીર સમસ્યા સર્જાઈ છે, જેને લઈને યાત્રિકોને હાલાકી ભોગવવી ન પડે તે માટે તંત્રની સાથે વિવિધ સેવાભાવી સંસ્થાઓએ પણ અત્યારથી જ તડામાર તૈયારીઓ શરૂ કરી દીધી છે. પરિક્રમા રૂટ પર આવતા માળવેલા ઘોડી ખાતે લાંબા સમયથી યાત્રિકો માટે પાણીની પરબ ચલાવતા રાજુલાના ગોપાલક યુવક મંડળ દ્વારા આ વર્ષે પાણીની તંગીને ધ્યાનમાં રાખીને એક અભૂતપૂર્વ અને ભગીરથ સેવાકાર્ય હાથ ધરવામાં આવ્યું છે. છેલ્લા 22 દિવસથી કૂવો સાફ અને ઊંડો ઉતારવાનું કામ શરૂ ​રાજુલા ગોપાલક યુવક મંડળના પ્રમુખ ભગવાનભાઈ શામળભાઈ ભરવાડે જણાવ્યું હતું કે, ગિરનારની લીલી પરિક્રમાના રૂટ પર પાણીની ભારે અછત હોવાને કારણે અમે છેલ્લા 20થી 22 દિવસથી કૂવો સાફ કરવાનું અને ઊંડો ઉતારવાનું સરાહનીય કામ શરૂ કર્યું છે. જ્યારે અમારી ટીમ આ કૂવા પર આવી ત્યારે વર્ષોનો ગાળ અને કચરો ભરાઈ જવાના કારણે તેમાં માત્ર ૩ ફૂટ જ પાણી કે ગાળ બતાવતો હતો. વાસ્તવમાં આ કૂવો 35 ફૂટ ઊંડો છે. મંડળના સ્વયંસેવકોના સાથ-સહકારથી અત્યાર સુધીમાં 20 ફૂટ સુધી ઊંડે ઉતરીને કૂવો સાફ કરી દેવામાં આવ્યો છે, જેનાથી પરિક્રમા દરમિયાન યાત્રાળુઓને પાણીની કોઈ જ અછત નહીં સર્જાય તેવી પૂરી આશા છે. સાધન-સામગ્રી સ્વયંસેવકોએ ખંભે ઉપાડીને લાવ્યા ​આ સેવાકાર્ય દરમિયાન જંગલના દુર્ગમ વિસ્તારો હોવાના કારણે ભારે મુશ્કેલીઓનો સામનો કરવો પડ્યો છે. સુખનાળાથી આ સ્થળ સુધી કોઈપણ પ્રકારના વાહનવ્યવહારની સગવડ ન હોવાથી તમામ જરૂરી સામગ્રી અને સાધનો સ્વયંસેવકોએ પોતાના ખંભે ઉપાડીને લાવવા પડ્યા છે. આ કૂવાથી અંદાજે ૨ કિલોમીટર દૂર માળવેલા ઘોડી સ્થિત પરબ સુધી પાઇપલાઇન નાખીને પંપ દ્વારા પાણી ઉપર ચડાવવાની સફળ વ્યવસ્થા કરવામાં આવી છે. મંડળ દ્વારા છેલ્લા 3-4 વર્ષથી આ ઓડી (જંગલ વિસ્તાર) પર સતત નિઃસ્વાર્થ સેવા આપવામાં આવી રહી છે. પાણીનો જરાય બગાડ ન કરવા યાત્રિકોને અપીલ ​પરિક્રમામાં આવતા તમામ યાત્રિકો પુણ્ય કમાવવા માટે આવે છે અને ગોપાલક યુવક મંડળના તમામ સભ્યોના પરસ્પર સહકારથી જ આ અઘરી કામગીરી શક્ય બની રહી છે. પ્રમુખે ઉમેર્યું હતું કે હાલમાં જંગલમાં પાણીની પરિસ્થિતિ અત્યંત વિકટ છે, તેથી પરિક્રમામાં પધારતા તમામ યાત્રિકોને નમ્ર અપીલ છે કે તેઓ પાણીનો જરાય બગાડ ન કરે અને તંત્ર તેમજ સેવાભાવી સંસ્થાઓને સાથ-સહકાર આપે. ગિરનારી મહારાજ અને દત્તાત્રેય ભગવાનની દયાથી આટલી વિકટ પરિસ્થિતિ વચ્ચે પણ આ સેવાકાર્ય અવિરતપણે સારી રીતે ચાલી રહ્યું છે.
    Click here to Read More
    Previous Article
    વડોદરામાં 50 વર્ષ બાદ રાષ્ટ્રીય ખો-ખો ચેમ્પિયનશિપ યોજાશે:21થી 25 નવેમ્બર દેશના 1500થી વધુ ખેલાડીઓ મેદાનમાં ઉતરશે, 5 દિવસમાં 120 રોમાંચક મેચો રમાશે
    Next Article
    ચીનને પાડી દેવાનો પ્લાન તૈયાર:6 દિવસ, 3 સમિટ અને મોટો ખેલ, મોદીના બન્ને હાથમાં લાડવા, ગુજરાતને મોટો ફાયદો થઇ શકે, 3 પેટર્નથી ગેમ સમજો

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment