મોર્નિંગ ન્યૂઝ બ્રીફ:જનગણનામાં પહેલીવાર જાતિ બતાવવી પડશે; રિજિજૂ બોલ્યા- જો પેલેટ ગન ચાલી તો 2 જ ઘાયલ કેમ; સમય રૈનાના કેસ રદ, બે દિવસ ભારે વરસાદની આગાહી

નમસ્તે, કેન્દ્ર સરકારે જનગણના-2027 માટે 40 સવાલોની યાદી બહાર પાડી. કોકરોચ વિવાદ પર ચીફ જસ્ટિસ ઓફ ઈન્ડિયા સૂર્યકાંતનું વધુ એક નિવેદન સામે આવ્યું. મોર્નિંગ ન્યૂઝ બ્રીફમાં આગળ બતાવીશું કે દિવ્યાંગો પર કમેન્ટ કરવાના મામલામાં સુપ્રીમ કોર્ટે કોમેડિયન સમય રૈનાને રાહત આપી. ⏰ આજની ઈવેન્ટ્સ, જેના પર રહેશે નજર 1. આજે ભારત તેની 600મી ટેસ્ટ મેચ રમશે, આ મેચ શ્રીલંકા સામે રમાશે. 📰 કાલના મોટા સમાચારો 1. આઝાદી પછી પહેલી વાર વસ્તી ગણતરીમાં જાતિ પૂછવામાં આવશે:કોવિડ વેક્સિન ક્યાં લીધી, કેટલા બેંક ખાતા જેવા 40 પ્રશ્નો પૂછશે; યાદી જાહેર દેશમાં વસ્તી ગણતરી માટે કેન્દ્ર સરકારે શુક્રવારે 40 પ્રશ્નોની યાદી જીહેર કરી છે. આમાં વ્યક્તિનું નામ, કામ, ધર્મ, ભાષા, બાળકોની સંખ્યા, મોબાઇલ નંબર, આધાર અને પાસપોર્ટ નંબર વગેરેનો સમાવેશ થાય છે. વસ્તી ગણતરી દરમિયાન જાતિ પણ પૂછવામાં આવશે. એસસી કે એસટી એટલે કે અનુસૂચિત જાતિ કે જનજાતિમાંથી છે કે નહીં. આમાં અન્ય પછાત વર્ગ કે સામાન્યનો વિકલ્પ નથી. કેન્દ્ર સરકારે શુક્રવારે વસ્તી ગણતરી દરમિયાન લોકોની ગણતરીના તબક્કામાં પૂછવામાં આવનાર 40 પ્રશ્નોની યાદી જાહેર કરી છે, જેમાં જાતિ અને કોવિડ વેક્સિનેશનનું સ્થળ જેવા પ્રશ્નો પણ સામેલ છે. દેશના રજિસ્ટ્રાર જનરલ મૃત્યુંજય કુમાર નારાયણના આદેશથી જારી કરાયેલી યાદીમાં તમામ પ્રશ્નોની માહિતી આપવામાં આવી છે, જેમ કે શું વ્યક્તિ અનુસૂચિત જાતિ કે અનુસૂચિત જનજાતિનો છે અને તેની જાતિ શું છે. સંપૂર્ણ સમાચાર વાંચો 2. હું પણ વિદ્યાર્થી રહ્યો છું, વિદ્યાર્થીઓને વિરોધ પ્રદર્શનનો સંપૂર્ણ અધિકાર:બાર કાઉન્સિલ પર ભડક્યા CJI સૂર્યકાંત, કહ્યું- આ મારા અને વિદ્યાર્થીઓ વચ્ચેની વાત, તમે દખલ કરનાર કોણ? સુપ્રીમ કોર્ટે શુક્રવારે હૈદરાબાદની લો યુનિવર્સિટી, NALSAR સાથે સંકળાયેલા વિવાદને લઈને બાર કાઉન્સિલ ઓફ ઈન્ડિયાને ફટકાર લગાવી. CJI સૂર્યકાંતે કહ્યું કે આ વિદ્યાર્થીઓ અને મારી વચ્ચેની વાતચીત છે, BCI તેમાં દખલ કરનાર કોણ હોય છે? CJI સૂર્યકાંતે BCIના તે સર્ક્યુલર પર નારાજગી વ્યક્ત કરી જેમાં NALSARના 2026 બેચના લો ગ્રેજ્યુએટ્સનું વકીલ તરીકે એનરોલમેન્ટ રોકવા માટે કહેવામાં આવ્યું હતું. CJIએ કહ્યું- આ બિલકુલ કોઈ કારણ વીનાનું હતું. સંપૂર્ણ સમાચાર વાંચો 3. રિજિજુ બોલ્યા- જંતર-મંતર પર ગોળી નહોતી ચાલી:તો કોણે ચલાવી તે સવાલ જ ઊભો થતો નથી, હજારોની ભીડમાં પેલેટ ગનથી માત્ર બે જ શા માટે ઘાયલ થયા સંસદીય કાર્ય મંત્રી કિરેન રિજિજુએ શુક્રવારે જણાવ્યું હતું કે જંતર-મંતર પર પોલીસે પ્રદર્શનને રોકવા માટે વધુ બળનો પ્રયોગ કર્યો ન હતો. ઇન્ડિયા ટુડેને આપેલા એક ઇન્ટરવ્યુમાં રિજિજુએ કહ્યું કે, જ્યારે હજારોની ભીડ સંસદ તરફ આગળ વધશે ત્યારે સુરક્ષા દળો રોકવાનો પ્રયાસ તો કરશે જ. રિજિજુએ આગળ કહ્યું કે, વિપક્ષ પ્રદર્શન દરમિયાન ગોળીબાર થવાનો ખોટો દાવો કરી રહ્યો છે. જ્યારે જંતર-મંતર પર ગોળી ચાલી જ નથી, તો કોણે ચલાવી તેવો પ્રશ્ન ઊભો થતો નથી. સંપૂર્ણ સમાચાર વાંચો 4. સમય રૈના સહિત 5 કોમેડિયનો પરના કેસ રદ્દ:‘ઇન્ડિયાઝ ગોટ લેટેન્ટ’માં દિવ્યાંગોની મજાક ઉડાવી હતી, સુપ્રીમે કહ્યું- આ પ્રતિભાશાળી યુવાનો ઇન્ડિયાઝ ગોટ લેટેન્ટ વિવાદમાં યુટ્યુબર અને કોમેડિયન સમય રૈના સહિત પાંચ કોમેડિયન વિરુદ્ધ દાખલ કરાયેલા કેસને સુપ્રીમ કોર્ટે રદ કર્યો છે. તેમના પર શોમાં દિવ્યાંગ બાળક પર ખોટી ટિપ્પણી કરવાનો આરોપ હતો. સમય રૈના ઉપરાંત વિપુલ ગોયલ, બલરાજ પરમજીત સિંહ ઘઈ, સોનાલી ઠક્કર ઉર્ફે સોનાલી આદિત્ય દેસાઈ અને નિશાંત જગદીશ તંવરને પણ રાહત મળી છે. સંપૂર્ણ સમાચાર વાંચો 5. 10માંથી 9 પાકિસ્તાનીઓએ ભારતને માન્યો ખતરો: 21% ભારતીય મુસ્લિમોનો પાકિસ્તાન પર સકારાત્મક અભિપ્રાય, હિંદુઓમાં માત્ર 6%; અમેરિકી સર્વેના ચોંકાવનારા આંકડા 10 માંથી 9 પાકિસ્તાનીઓ ભારતને ખતરો માને છે, આ વાત અમેરિકી પ્યુ રિસર્ચ સેન્ટરના સર્વેમાં સામે આવી છે. ભારતીયો પણ પોતાનો સૌથી મોટો દુશ્મન પાકિસ્તાનને જ માને છે. સર્વેમાં કહેવામાં આવ્યું કે બંને દેશોના લોકો પાડોશી સાથે સારા સંબંધો ઈચ્છે છે, પરંતુ વિશ્વાસનો અભાવ છે. ભારત પોતાનો સૌથી મહત્વપૂર્ણ ભાગીદાર રશિયાને માને છે. જ્યારે, પાકિસ્તાને ચીનને પોતાનો સૌથી મોટો સહયોગી દેશ માન્યો છે. સંપૂર્ણ સમાચાર વાંચો 6. છ સિસ્ટમ સક્રિય, બે દિવસ ભારે વરસાદની આગાહી:15 ઓગસ્ટે 4 જિલ્લામાં યલો એલર્ટ, 3 દિવસ માછીમારોને દરિયો ન ખેડવા ચેતવણી; બાલાસિનોરમાં ધોધમાર વરસાદ હવામાન વિભાગ દ્વારા ગુજરાતમાં આગામી સાત દિવસ સુધી વરસાદી માહોલ યથાવત્ રહેવાની આગાહી કરવામાં આવી છે. હાલમાં છ વરસાદી સિસ્ટમ સક્રિય હોવાથી આજે 14 ઓગસ્ટે રાજ્યના 9 જિલ્લામાં અને આવતીકાલે 15 ઓગસ્ટે 4 જિલ્લામાં યલો એલર્ટ સાથે ભારે વરસાદની આગાહી કરવામાં આવી છે. રાજ્યમાં અત્યાર સુધીમાં 494.5 મિમી (19.44 ઈંચ) વરસાદની થવો જોઈએ, જેની સામે 501.6 મિમી (19.72 ઈંચ) વરસાદ નોંધાયો છે, જે 1 ટકા વધુ છે. સંપૂર્ણ સમાચાર વાંચો 7. રાષ્ટ્રપતિ પોલીસ મેડલ જાહેર, ગુજરાતના 19 પોલીસ અધિકારી-કર્મચારીઓનું સન્માન થશે:અમિતકુમાર વિશ્વકર્મા અને બહાદુરસિંહ ચુડાસમાને વિશિષ્ટ સેવા મેડલ, જુઓ લિસ્ટ સ્વતંત્રતા દિવસ-2026 નિમિત્તે પોલીસ સેવામાં વિશિષ્ટ કામગીરી અને લાંબા સમયની ઉત્કૃષ્ટ સેવા બદલ આપવામાં આવતા President’s Medal for Distinguished Service (PSM) માટે ગુજરાતના કુલ 19 પોલીસ અધિકારી-કર્મચારીઓની પસંદગી કરવામાં આવી છે. કેન્દ્ર સરકાર દ્વારા જાહેર કરાયેલી યાદીમાં ગુજરાતના અધિકારીઓ અને કર્મચારીઓના નામનો સમાવેશ કરવામાં આવ્યો છે. ગુજરાતમાંથી પસંદ થયેલા 19 પોલીસકર્મીઓમાં એક અધિકારી એડિશનલ ડિરેક્ટર જનરલ કક્ષાના, એક ડેપ્યુટી સુપરિન્ટેન્ડેન્ટ, એક ઈન્સ્પેક્ટર, બે આર્મ્ડ પોલીસ સબ ઈન્સ્પેક્ટર/સબ ઈન્સ્પેક્ટર કક્ષાના તથા અન્ય સબ ઈન્સ્પેક્ટર, આસિસ્ટન્ટ સબ ઈન્સ્પેક્ટર અને હેડ કોન્સ્ટેબલનો સમાવેશ થાય છે. સંપૂર્ણ સમાચાર વાંચો 🎭 આજનું કાર્ટૂન ⚡ કેટલાક મહત્વના સમાચારો હેડલાઈનમાં 1.નેશનલ : રાષ્ટ્રપતિએ કહ્યું- સિંધુ જળ સંધિ મુલતવી રાખવી યોગ્ય પગલું:તેનો ફાયદો આપણા ખેડૂતોને થશે; સ્વતંત્રતા દિવસ પહેલાં રાષ્ટ્રના નામે સંદેશ આપ્યો (સંપૂર્ણ સમાચાર વાંચો) 2.ઈન્ટરનેશનલ : નેતન્યાહૂએ બ્રિટનને 'ઇસ્લામિક રિપબ્લિક' ગણાવ્યો:બોલ્યા- પરમાણુ હથિયાર રાખનારો પહેલો એવો દેશ હશે; ઇઝરાયલને લઈને ઇંગ્લેન્ડમાં વિચાર બદલાયા (સંપૂર્ણ સમાચાર વાંચો) 3.નેશનલ : કૂતરાએ બાળક પર કર્યો હુમલો, માથું-ચહેરા પર કરડ્યો:લોહીલુહાણ હાલતમાં રાહદારીઓએ હોસ્પિટલ પહોંચાડ્યો, 50 ટાંકા આવ્યા; વારાણસીના BHUમાં બની ઘટના (સંપૂર્ણ સમાચાર વાંચો) 4.ઈન્ટરનેશનલ : જાપાનમાં એક કલાકમાં આખા મહિનાનો વરસાદ:4નાં મોત, એરપોર્ટ પર 7 હજાર લોકો ફસાયા; પહેલીવાર જોખમની સૌથી મોટી ચેતવણી જારી (સંપૂર્ણ સમાચાર વાંચો) 5.બિઝનેસ : જુલાઈમાં જથ્થાબંધ મોંઘવારીમાં નજીવો ઘટાડો:WPI મોંઘવારી જૂનના 9.87% થી ઘટીને 9.78% થઈ, સરકારી ડેટામાં માહિતી સામે આવી (સંપૂર્ણ સમાચાર વાંચો) 6.સ્પોર્ટ્સ : લેસ્બિયન મેરેજ, ચિટિંગ અને ટીમ-મેઈટ સાથે અફેર!:ઓસ્ટ્રેલિયાની વાઇસ કેપ્ટનના લગ્ન તૂટ્યા; એશ્લે ગાર્ડનરે પત્નીનાં આરોપ પર ઇન્સ્ટાગ્રામ પર જવાબ આપીને મૌન તોડ્યું (સંપૂર્ણ સમાચાર વાંચો) 🗣️ ચર્ચિત નિવેદન 😲 અજબ ગજબ ભૂંડ જેવો અવાજ કાઢવાની સ્પર્ધા ફ્રાન્સના એક ગામમાં ભૂંડ જેવો અવાજ કાઢવાની સ્પર્ધા યોજાઈ. ટ્રી-સુર-બાઈઝ ગામમાં નિર્ણાયકોએ પ્રદર્શનના આધારે વિજેતા પસંદ કર્યો. નોએલ જેમેટે દસમવાર આ ખિતાબ જીત્યો. આ સ્પર્ધા પોરકાયાડે ફેસ્ટિવલનો ભાગ છે. 📸 ફોટો, જે પોતે સમાચાર છે 🌟 ભાસ્કરની એક્સક્લૂસિવ સ્ટોરીઝ, જે સૌથી વધારે વંચાઈ 1. તહેવારોમાં મોંઘવારીનો બોમ્બ ફુટશે:સાબુથી ચા-બિસ્કિટ સુધી, ગ્રાહકોને લૂંટવા કંપનીઓનું નવું તરકટ, આ રીતે સમજો પડીકાંથી ખિસ્સાં ખાલી કરવાનો ખેલ 2. સનીપાજીને કારણે આમિર ખાનની ભીષ્મ પ્રતિજ્ઞા!:સેટ પર ડિરેક્ટરે એક્ટ્રેસને લગ્ન કરવાનું કહ્યું, વાત ના માની તો ફિલ્મમાંથી હાંકી કાઢી; પિતાના ડિવોર્સ વગર બે લગ્ન 3. આજનું એક્સપ્લેનર:પિટબુલ ડોગ મહિલા પર જ કેમ તૂટી પડ્યો, જાંઘ-બાવડામાં બચકાં ભર્યા; શું ડરીને ભાગવું ખોટું; કૂતરાઓની સાયકોલોજી સમજો 4. શું બાંગ્લાદેશ બોર્ડર વાળા ગામોમાં લૂંટપાટ-છેડતી અટકી?:જમીન મળી પરંતુ ફેન્સિંગ મુશ્કેલ, રસ્તો બદલી લે છે નદી, તણાઈ જાય છે BSF કેમ્પ 5. ‘દર વખતે લોચા મારો છો’:હર્ષ સંઘવીએ રિક્ષામાંથી હાથ બહાર કાઢીને કમાન્ડોને ઝાટક્યા, પૂતળું બાળતાં જૂતું સળગ્યું, જુઓ VIDEO 🌍 કરંટ અફેર્સ ⏳ આજના દિવસનો ઈતિહાસ 📊​​​​​​​ માર્કેટની સ્થિતિ 🌦️ મોસમનો મિજાજ શનિવારનું રાશિફળ:સ્વાતંત્ર્ય દિને મેષ અને કર્ક રાશિને આર્થિક મુશ્કેલીમાંથી મુક્તિ મળશે, તુલા રાશિની ગ્રહ સ્થિતિ ઉત્તમ રહેશે (સંપૂર્ણ રાશિફળ વાંચો)