Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    દિવાળીની રાત્રે 2 મર્ડર, 5થી વધુ ઘાયલ:સુરતમાં ફટાકડા ફોડવા ગયેલા યુવકને છાતીમાં તીક્ષ્ણ હથિયારના ઘા ઝીંક્યા, અમરેલીમાં ટ્રકના ભાડાના મનદુઃખમાં છરી મારી

    10 hours ago

    સમગ્ર રાજ્ય જ્યારે દિવાળીના પર્વે રોશની અને ફટાકડાના અવાજ સાથે ઉત્સવ મનાવી રહ્યું હતું, ત્યારે સુરત અને અમરેલીમાં જૂની અદાવત અને મનદુઃખના કારણે હિંસક ઘટનાઓ સામે આવી છે. સુરતમાં 18 વર્ષીય યુવકની છાતીમાં તીક્ષ્ણ હથિયારના ઘા ઝીંકી નિર્મમ હત્યા કરવામાં આવી છે, જ્યારે અમરેલીના ખાંભામાં જૂથ અથડામણમાં એક વ્યક્તિનું મોત નીપજ્યું છે અને એક મહિલા સહિત પાંચથી વધુ લોકો ગંભીર રીતે ઘાયલ થયા છે. સુરતમાં બાળકો સાથે ફટાકડા ફોડી રહેલા યુવકની નિર્મમ હત્યા સુરતના ભટાર વિસ્તારમાં દિવાળીની રાત્રે બાળકો સાથે ફટાકડા ફોડી રહેલા 18 વર્ષીય પ્રસિદ્ધ સંતોષ મોરે (ઉર્ફે સન્ની) પર અસામાજિક તત્વોએ પાછળથી જીવલેણ હુમલો કર્યો હતો. સામાન્ય બોલાચાલી બાદ જૂની અદાવતના કારણે 6 થી 7 અસામાજિક તત્વોએ એકસંપ થઈને સન્નીની છાતીમાં તીક્ષ્ણ હથિયારના 5 ઊંડા ઘા ઝીંકી દીધા હતા. દારૂ-ગાંજાનો ધંધો કરતા અસામાજિક તત્વોએ જૂની અદાવતમાં હુમલો કર્યો : મિત્ર મૃતક સાથે કલરકામ કરતા તેના મિત્ર ધર્મેન્દ્રના જણાવ્યા મુજબ, સન્ની બાળકો સાથે શાંતિથી ફટાકડા ફોડી રહ્યો હતો ત્યારે શાહિદ અને તેના પરિવારે વગર કારણે ગાળાગાળી શરૂ કરી હતી. શાહિદ અને તેના સાગરીતો વિસ્તારમાં દારૂ તથા ગાંજાનો ગેરકાયદે ધંધો કરે છે અને અગાઉની જૂની દુશ્મનીને કારણે અવારનવાર સન્નીને મારવાની ફિરાકમાં રહેતા હતા. સન્ની ત્યાંથી જવાનો પ્રયાસ કરી રહ્યો હતો ત્યારે જ ટોળાએ તૂટી પડીને ક્રૂરતાપૂર્વક હત્યા કરી નાખી હતી. લોહીલુહાણ હાલતમાં સિવિલ ખસેડાયો ઘટના બની તે સાથે જ ગંભીર રીતે ઘવાયેલા સન્નીને તેના મિત્રો રિક્ષા મારફતે તાત્કાલિક નવી સિવિલ હોસ્પિટલ લઈ ગયા હતા. જોકે, છાતીમાં ઊંડા ઘા વાગ્યા હોવાથી ટૂંકી સારવાર દરમિયાન જ તબીબોએ તેને મૃત જાહેર કર્યો હતો. પરિવારનો આર્થિક આધારસ્તંભ એવા 18 વર્ષીય યુવાન પુત્રના અચાનક અવસાનથી પરિજનોમાં ઘેરા શોકની કાલિમા છવાઈ ગઈ છે. CCTVના આધારે પોલીસે તપાસનો ધમધમાટ શરૂ કર્યો આ સમગ્ર ઘટના આસપાસ લાગેલા સીસીટીવી કેમેરામાં કેદ થયો હોવાનું માનવામાં આવી રહ્યું છે. સ્થાનિકોની માહિતી મુજબ ઘટનાસ્થળે લાઈવ કેમેરા કાર્યરત હોવાથી હુમલાખોરોની ઓળખ મેળવવી સરળ બનશે. હાલ ખટોદરા પોલીસે ઘટનાસ્થળના સીસીટીવી ફૂટેજ કબજે કરીને હત્યાનો ગુનો નોંધી આરોપીઓને ઝડપી પાડવા ચક્રો ગતિમાન કર્યા છે. અમરેલીમાં ટ્રકના ભાડાના મનદુઃખમાં બે જૂથ વચ્ચે લોહીયાળ અથડામણ અમરેલી જિલ્લાના ખાંભા શહેરના ભગતવી પરા વિસ્તારમાં દિવાળીની રાત્રે અગાઉના ટ્રકના ભાડા બાબતના મનદુઃખને લઈ એક જ જ્ઞાતિના બે જૂથ સામસામે આવી ગયા હતા. સામાન્ય બોલાચાલીમાંથી મામલો બિચકતાં બંને પક્ષ તીક્ષ્ણ હથિયારો સાથે મારામારી પર ઉતરી આવ્યા હતા, જેના કારણે સમગ્ર વિસ્તારમાં અફરાતફરી અને ભયનો માહોલ સર્જાયો હતો. સુલતાન સોલંકીનું છરીના ઘા વાગવાથી મોત તીક્ષ્ણ હથિયારો વડે થયેલા આ હિંસક હુમલામાં 40 વર્ષીય સુલતાન દાઉદભાઈ સોલંકીને છરીના ગંભીર ઘા વાગતાં તેમનું સ્થળ પર જ કે સારવાર દરમિયાન મોત નીપજ્યું હતું, જેથી બનાવ હત્યામાં પરિણમ્યો હતો. મૃતકના શવને પોપોર્ટમોર્ટમની કાર્યવાહી માટે અમરેલી હોસ્પિટલ ખાતે ખસેડવામાં આવ્યું છે. મહિલા સહિત પાંચથી વધુ લોકો ઈજાગ્રસ્ત આ જૂથ અથડામણમાં 5થી વધુ લોકો ગંભીર રીતે ઘાયલ થયા છે. તમામ ઈજાગ્રસ્તોને પ્રાથમિક સારવાર બાદ વધુ ઉપચાર અર્થે ખાંભા અને અમરેલીની હોસ્પિટલમાં ભરતી કરવામાં આવ્યા છે. ખાંભા પોલીસની સમયસૂચકતાથી મોટી હોનારત અટકી ઘટના અંગે જાણ થતાં જ ખાંભા પોલીસકાફલો મોડી રાત્રે જ ઘટનાસ્થળે પહોંચી ગયો હતો. મારામારી ચાલુ હતી તે દરમિયાન જ પોલીસે સમયસૂચકતા દાખવી સ્થિતિ પર કાબૂ મેળવી લીધો હતો અને નાસભાગ વચ્ચે વધુ ઘર્ષણ થતું અટકાવ્યું હતું. હાલ ખાંભા પોલીસે ગુનો નોંધી કાયદેસરની કાર્યવાહી હાથ ધરી છે. દિવાળીના તહેવાર વચ્ચે બનેલી આ બેવડી હત્યાની ઘટનાથી સુરત અને અમરેલીમાં ભારે ચકચાર મચી ગઈ છે.
    Click here to Read More
    Previous Article
    ભાડજના હરે કૃષ્ણ મંદિરમાં દીપોત્સવ ઉજવાયો:ભક્તોએ દીવા પ્રગટાવી આરતી કરી; રાધા-માધવની પાલખી મંદિર પરિસરમાં ફેરવાઈ
    Next Article
    Mumbai Indians "Won't Miss Hardik Pandya": Ex KKR Star On Trade Talks With Punjab Kings

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment