Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    અમદાવાદથી વિયેતનામની નોન-સ્ટોપ ફ્લાઇટ શરૂ:ફૂ ક્વોક માટે 2 ડિસેમ્બરથી સીધી ફ્લાઇટ મળશે, અઠવાડિયામાં પાંચ દિવસ ઉડાન

    6 hours ago

    સન ફૂ ક્વોક એરવેઝ દ્વારા અમદાવાદ-ફૂ ક્વોક વિયેતનામ વચ્ચે નોન-સ્ટોપ ફ્લાઇટ શરૂ કરવામાં આવશે. 2 ડિસેમ્બરથી શરૂ થનારી આ ફ્લાઇટ અઠવાડિયામાં પાંચ દિવસ ઉડાન ભરશે. ફેબ્રુઆરી 2027થી અઠવાડિયાના સાતેય દિવસ ફ્લાઇટ શરૂ કરવાનું આયોજન છે. આ રૂટને લઈને 14 નવેમ્બરના રોજ અમદાવાદની હયાત હોટેલમાં સન ફૂ ક્વોક એરવેઝ દ્વારા એજન્ટ સેમિનાર અને પ્રેસ કોન્ફરન્સ યોજાઈ હતી. જેમાં 105 ટ્રાવેલ એજન્ટ અને 20 મીડિયા હાઉસના પ્રતિનિધિઓ હાજર રહ્યા હતા. ભારત માટે એરલાઇનનો આ પ્રથમ રૂટ છે. આ રૂટ પર એરબસ A321neo એર ક્રાફટનું સંચાલન અમદાવાદથી વિયેતનામના ફૂ ક્વોક જવા ઇચ્છતા પ્રવાસીઓ માટે હવે સીધી હવાઈ સેવા ઉપલબ્ધ થશે. આ ફ્લાઇટ શરૂ થવાથી મુસાફરોને અન્ય શહેરમાં રોકાયા વગર સીધા ફૂ ક્વોક પહોંચવાની સુવિધા મળશે. એરલાઇન દ્વારા આ રૂટ પર એરબસ A321neo એર ક્રાફટનું સંચાલન કરવામાં આવશે. તેમાં મુસાફરોને ફુલ સર્વિસ સુવિધા આપવામાં આવશે. ટિકિટમાં 23 કિલો ચેક-ઇન બેગેજ અને 7 કિલો કેબિન બેગેજ સામેલ હશે. ફેબ્રુઆરી 2027ની દરરોજ ફલાઈટ ઉડશે ફૂ ક્વોકથી ફ્લાઇટ 9G315 સાંજે 7:35 વાગ્યે ઉપડીને રાત્રે 11:30 વાગ્યે અમદાવાદ પહોંચશે. જ્યારે અમદાવાદથી ફ્લાઇટ 9G314 રાત્રે 1 વાગ્યે ઉપડીને સવારે 7:15 વાગ્યે ફૂ ક્વોક પહોંચશે. શરૂઆતમાં દર સોમવાર, બુધવાર, ગુરુવાર, શુક્રવાર અને રવિવારે ફ્લાઇટનું સંચાલન થશે. ફેબ્રુઆરી 2027ની શરૂઆતથી અઠવાડિયાના સાતેય દિવસ ફ્લાઇટ શરૂ કરવાની યોજના છે. ઇન-ફ્લાઇટ એન્ટરટેઇનમેન્ટની સુવિધા પણ મળશે ઇન્ડિયન મુસાફરોની પસંદગી અને ધાર્મિક માન્યતાઓને ધ્યાનમાં રાખીને એરલાઇન દ્વારા ફ્લાઇટમાં ખાસ ભોજનની વ્યવસ્થા કરવામાં આવી છે. જેમાં બીફ અને પોર્ક પીરસવામાં આવશે નહીં. નોનવેજ ભોજનમાં માત્ર ચિકન અને ફિશનો સમાવેશ થશે. આ ઉપરાંત મુસાફરોની વિનંતી પર શાકાહારી ભોજન પણ ઉપલબ્ધ કરાવાશે. ફ્લાઇટમાં વાયરલેસ ઇન-ફ્લાઇટ એન્ટરટેઇનમેન્ટની સુવિધા પણ મળશે. એપથી ટિકિટ બુક કરાવનારા મુસાફરોને 20 ટકા ડિસ્કાઉન્ટ એરલાઇન દ્વારા 16 ઓક્ટોબરથી 13 ડિસેમ્બર 2026 દરમિયાન વેબસાઇટ અથવા મોબાઇલ એપથી ટિકિટ બુક કરાવનારા મુસાફરોને 31 માર્ચ 2027 સુધીની મુસાફરી માટે બેઝ ફેર પર 20 ટકા વધારાનું ડિસ્કાઉન્ટ આપવામાં આવશે. આ ઉપરાંત પ્રવાસીઓને ફૂ ક્વોકમાં સન વર્લ્ડ હોન થોમ કેબલ કારની ટિકિટ, WOW પાસ દ્વારા પ્રાયોરિટી એક્સેસ અને સન ગ્રુપની રિસોર્ટ તથા મનોરંજન સેવાઓ પર 30 ટકા સુધીનું ડિસ્કાઉન્ટ આપતું પેકેજ પણ મળશે. નવા રૂટથી ભારતીય પ્રવાસીઓ માટે ફૂ ક્વોકની મુસાફરી સરળ બનશે વર્ષ 2025 દરમિયાન સીધી ફ્લાઇટની સુવિધા ન હોવા છતાં અંદાજે 1.50 લાખ ભારતીય પ્રવાસીઓએ ફૂ ક્વોકની મુલાકાત લીધી હતી. અગાઉના વર્ષની સરખામણીએ આ સંખ્યામાં 328 ટકાનો વધારો નોંધાયો હતો. જ્યારે સમગ્ર વિયેતનામમાં વર્ષ 2025 દરમિયાન 7.46 લાખ ભારતીય પ્રવાસીઓ પહોંચ્યા હતા. નવા રૂટથી ભારતીય પ્રવાસીઓ માટે ફૂ ક્વોકની મુસાફરી સરળ બનશે. સાથે જ ફૂ ક્વોકથી હનોઈ, હો ચી મિન્હ સિટી, દા નાંગ, ન્હા ત્રાંગ સહિતના વિયેતનામના અન્ય શહેરો સુધી પહોંચવાની કનેક્ટિવિટી પણ મળશે. ભારતનાં અન્ય શહેરોમાં પણ નવા રૂટ થઈ શકે અમદાવાદ પશ્ચિમ ભારતનું મહત્વનું ઔદ્યોગિક અને વેપારી કેન્દ્ર હોવાથી આ સીધી ફ્લાઇટથી બંને દેશો વચ્ચે વેપાર અને બિઝનેસ ટ્રાવેલને પણ પ્રોત્સાહન મળવાની આશા છે. વિયેતનામથી ગુજરાત આવતા પ્રવાસીઓ અને ઉદ્યોગપતિઓ માટે પણ આ રૂટ ઉપયોગી બનશે. સન ફૂ ક્વોક એરવેઝના સેલ્સ ડિરેક્ટર ટ્રાન વિયેત લોઈએ જણાવ્યું હતું કે, અમદાવાદ-ફૂ ક્વોક સીધી ફ્લાઇટ ભારત અને વિયેતનામ વચ્ચેની કનેક્ટિવિટીને વધુ મજબૂત બનાવશે. એરલાઇન વર્ષ 2027ના પ્રથમ ક્વાર્ટરમાં ભારતનાં અન્ય શહેરોમાં પણ નવા રૂટ શરૂ કરવાની યોજના ધરાવે છે.
    Click here to Read More
    Previous Article
    ફાઈનલમાં આર્યવીર સેહવાગની જબરદસ્ત ફિફ્ટી:રનચેઝમાં ટીમ ઈન્ડિયાની જોરદાર બેટિંગ, 338 રનના ટાર્ગેટ સામે INDનો સ્કોર 90/0
    Next Article
    પવનચક્કીના કોપર કેબલની ચોરીમાં ત્રણ આરોપી ઝડપાયા:રાજુલામાં કંપનીના ગોડાઉનમાંથી ₹16.39 લાખના કેબલ ચોરાયા; ₹4.01 લાખનો મુદ્દામાલ કબજે, ચાર આરોપી ફરાર

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment