Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    બ્રેટ રેન્ડેલને પહેલીવાર ન્યૂઝીલેન્ડની ટીમમાં તક:ભારત સામેની છેલ્લી 2 વન-ડેમાં સામેલ; પાંચમી મેચમાં ક્લાર્કસન પણ રમશે

    6 hours ago

    ન્યૂઝીલેન્ડે ભારત સામેની વન-ડે સિરીઝની છેલ્લી બે મેચ માટે 31 વર્ષીય ઝડપી બોલર બ્રેટ રેન્ડેલને ટીમમાં સામેલ કર્યો છે. રેન્ડેલને પહેલીવાર સિનિયર આંતરરાષ્ટ્રીય ટીમમાં સ્થાન મળ્યું છે. બીજી તરફ, ઓલરાઉન્ડર જોશ ક્લાર્કસન પાંચમી અને છેલ્લી વન-ડે માટે ટીમ સાથે જોડાશે. ન્યૂઝીલેન્ડ ક્રિકેટ (NZC)એ ગુરુવારે આ જાહેરાત કરી હતી. ચોથી વન-ડે શુક્રવારે, ભારત સિરીઝમાં 2-0થી આગળ સિરીઝની ચોથી મેચ શુક્રવારે માઉન્ટ મૌંગાનુઈમાં રમાશે, જ્યારે પાંચમી અને છેલ્લી મેચ રવિવારે રમાશે. 5 મેચની સિરીઝમાં ભારતીય ટીમ 2-0થી આગળ છે. ત્રીજી વન-ડે વરસાદને કારણે રદ થઈ હતી. કોચે કહ્યું- ડોમેસ્ટિક ક્રિકેટમાં સતત સારું પ્રદર્શન કર્યું, ડેબ્યૂની તક મળી શકે છે ન્યૂઝીલેન્ડના હેડ કોચ રોબ વૉલ્ટરે રેન્ડલની પહેલી વાર આંતરરાષ્ટ્રીય ટીમમાં પસંદગી થતાં ખુશી વ્યક્ત કરી. તેમણે કહ્યું કે 31 વર્ષીય ઝડપી બોલરે ઘરેલુ ક્રિકેટમાં સતત સારું પ્રદર્શન કર્યું છે અને તેના આધારે ટીમમાં સ્થાન બનાવ્યું છે. કોચે સંકેત આપ્યા કે રેન્ડલને ભારત સામેની છેલ્લી બે વન-ડેમાં ડેબ્યૂ કરવાની તક મળી શકે છે. વૉલ્ટરે કહ્યું, ‘જ્યારે કોઈ ખેલાડીની પહેલી વાર આંતરરાષ્ટ્રીય ટીમમાં પસંદગી થાય છે, ત્યારે તે હંમેશાં ખાસ ક્ષણ હોય છે. અમે બ્રેટ માટે ખૂબ ખુશ છીએ. તે છેલ્લા ઘણા સમયથી ઘરેલુ ક્રિકેટમાં સતત સારું પ્રદર્શન કરી રહ્યો છે અને આ તકનો હકદાર છે.’ 145 પ્રોફેશનલ મેચ રમી ચૂક્યો છે, ડર્બીશાયર તરફથી પણ રમ્યો બ્રેટ રેન્ડલ ન્યૂઝીલેન્ડના ડોમેસ્ટિક ક્રિકેટના અનુભવી ઝડપી બોલર છે. તે અત્યાર સુધીમાં 145 પ્રોફેશનલ મેચ રમી ચૂક્યા છે. તેમાં ન્યૂઝીલેન્ડ-A માટે રમાયેલી 5 મેચ પણ સામેલ છે. રેન્ડેલ હાલમાં જ ઈંગ્લેન્ડની કાઉન્ટી ચેમ્પિયનશિપમાં ડર્બીશાયર તરફથી રમીને પરત ફર્યો છે. હવે તેને પહેલી વાર ન્યૂઝીલેન્ડની સિનિયર ટીમમાં સ્થાન મળ્યું છે. ટેસ્ટ સિરીઝની તૈયારી માટે કોચિંગ સ્ટાફમાં ફેરફાર ભારત અને ન્યૂઝીલેન્ડ વચ્ચે 19 નવેમ્બરથી ટેસ્ટ સિરીઝ શરૂ થશે. તેની તૈયારીઓ માટે ન્યૂઝીલેન્ડના નિયમિત કોચિંગ સ્ટાફના કેટલાક સભ્યો વન-ડે ટીમથી અલગ થઈ ગયા છે. બોલિંગ કોચ જેકબ ઓરમ, બેટિંગ કોચ લ્યુક રોન્ચી અને સ્ટ્રેન્થ એન્ડ કન્ડિશનિંગ (SC) કોચ ક્રિસ ડોનાલ્ડસન ટેસ્ટ ટીમની તૈયારીઓ માટે વેલિંગ્ટન જવા રવાના થઈ ગયા છે. તેમની જગ્યાએ નૉર્થર્ન ડિસ્ટ્રિક્ટ્સના પાથવે કોચ મિચ રેનવિક અને SC કોચ કોરી માઇલ્સને વન-ડે ટીમ સાથે જોડ્યા છે. બંને મુખ્ય કોચ રૉબ વૉલ્ટર અને માર્ટિન ગપ્ટિલ સાથે છેલ્લી બે વન-ડેમાં ટીમના કોચિંગ સ્ટાફનો ભાગ રહેશે. પાંચમી વન-ડેમાં નહીં રમે મેટ હેનરી અને કાઇલ જેમિસન ન્યૂઝીલેન્ડે ચોથી અને પાંચમી વન-ડે માટે અલગ-અલગ ટીમ જાહેર કરી છે. ઝડપી બોલર મેટ હેનરી અને કાઇલ જેમિસન ચોથી વન-ડેની ટીમમાં સામેલ છે, પરંતુ પાંચમી મેચ માટે પસંદ કરાયેલી ટીમમાં બંનેને સ્થાન મળ્યું નથી. પાંચમી વન-ડે માટે ઑલરાઉન્ડર જોશ ક્લાર્કસન અને ઝડપી બોલર બ્લેર ટિકનરને ટીમમાં સામેલ કર્યા છે. ન્યૂઝીલેન્ડે 19 નવેમ્બરથી ભારત સામે ટેસ્ટ સિરીઝ રમવાની છે. આવી સ્થિતિમાં છેલ્લી વન-ડે માટે ટીમમાં કરવામાં આવેલા આ ફેરફારોને ટેસ્ટ સિરીઝની તૈયારીઓ સાથે જોડીને જોઈ શકાય છે.
    Click here to Read More
    Previous Article
    Kulgam Terror Attack की किसने ली जिम्मेदारी? 30 Rounds Firing in 15 Seconds | Kulgam CCTV Video News
    Next Article
    શેરબજારમાં આજે ફ્લેટ કારોબાર:સેન્સેક્સ 81,900 અને નિફ્ટી 25,250 પર, રિયલ્ટી અને બેન્કિંગ શેરોમાં વધુ ખરીદી

    Related સપોર્ટ Updates:

    Are you sure? You want to delete this comment..! Remove Cancel

    Comments (0)

      Leave a comment