Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    પાટણ-ડીસા હાઈવે પર આઈશરની ટક્કરે 2નાં મોત, 4 ઘાયલ:રામાપીરના કેમ્પે દર્શન કરવા જતાં પદયાત્રીઓને નડ્યો અકસ્માત; ગ્રામજનોએ પીછો કરતા વાહન મૂકી ફરાર

    2 days ago

    પાટણ જિલ્લાના સરસ્વતી તાલુકાના જંગરાલ ગામ નજીક પાટણ-ડીસા હાઈવે પર 11 નવેમ્બર 2026ની રાત્રે એક ગમખ્વાર માર્ગ અકસ્માત સર્જાયો હતો. વાગડોદ ખાતે રામાપીરના (રામાધણી) કેમ્પમાં દર્શન કરવા માટે પગપાળા જઈ રહેલા 6 યુવકને ડીસા તરફથી પૂરઝડપે આવી રહેલી બટાકા ભરેલી આઈશર ગાડીએ ટક્કર મારી હતી. આ દુર્ઘટનામાં 19 અને 23 વર્ષીય બે યુવકના મોત નીપજ્યા છે, જ્યારે અન્ય 4 યુવકને ઈજાઓ થતા સારવાર અર્થે હોસ્પિટલમાં ખસેડવામાં આવ્યા છે. મૃતક યુવાનોની યાદી હોસ્પિટલમાં દાખલ ઈજાગ્રસ્ત યુવાનોની યાદી આઈશરની ટક્કરે 2 પદયાત્રી યુવકના મોત, 4 ઘાયલ જંગરાલ ગામના રહેવાસી જામાભાઈ મલાભાઈ રબારીએ વાગડોદ પોલીસ સ્ટેશનમાં નોંધાવેલી ફરિયાદ મુજબ, ભાઈબીજની રાત્રે આશરે 8:30 વાગ્યે તેમનો 19 વર્ષીય પુત્ર તુષાર ગામના અન્ય યુવકો સાથે વાગડોદ નજીક આવેલા રામાપીરના કેમ્પ ખાતે દર્શન કરવા પગપાળા નીકળ્યો હતો. આ યુવકો ગામની ભાગોળમાંથી નીકળીને માત્ર 100 મીટર જેટલા અંતરે પાટણ-ડીસા હાઈવે પર જંગરાલ ગામની સીમમાં આવેલા વિસત માતાજીના મંદિર પાસેથી પસાર થઈ રહ્યા હતા. તે દરમિયાન રાત્રે આશરે 9 વાગ્યાના સુમારે ડીસા તરફથી પૂરઝડપે અને ગફલતભરી રીતે આવી રહેલી GJ 02 AT 7820 નંબરની બટાકા ભરેલી આઈશર ગાડીના અજાણ્યા ચાલકે પગપાળા જતા આ યુવકોને અડફેટે લીધા હતા. ગ્રામજનોએ પીછો કરતા ચાલક વાહન મૂકી નાસી છૂટ્યો ટક્કર માર્યા બાદ આઈશરચાલક ઘટનાસ્થળે ઊભા રહેવાને બદલે વાહન લઈને પાટણ તરફ નાસી છૂટ્યો હતો. બનાવની જાણ થતા જ ગ્રામજનોમાં દોડધામ મચી ગઈ હતી અને ગામની અન્ય ગાડીઓ લઈને આઈશરનો પીછો કરવામાં આવ્યો હતો. ગ્રામજનોએ પીછો કરીને વડું ગામ નજીક આ આઈશર ગાડીને ઝડપી પાડી હતી, પરંતુ તે પહેલા જ ચાલક વાહન સ્થળ પર મૂકીને અંધારાનો લાભ લઈ ફરાર થઈ ગયો હતો. યુવકો વાગડોદ ખાતે રામાપીરના કેમ્પે દર્શન કરવા જતાં હતા અકસ્માત બાદ સ્થાનિક લોકોએ તાત્કાલિક 108 એમ્બ્યુલન્સને જાણ કરતા ઈજાગ્રસ્તોને સારવાર માટે પાટણની પલ્સ હોસ્પિટલ ખાતે ખસેડવામાં આવ્યા હતા. જ્યાં ફરજ પરના તબીબે 19 વર્ષીય તુષાર જામાભાઈ રબારી (દેસાઈ)ને મૃત જાહેર કર્યો હતો, જ્યારે ગંભીર રીતે ઘાયલ 23 વર્ષીય વિરમ બાબુભાઈ દેસાઈનું પણ સારવાર દરમિયાન મોત નીપજ્યું હતું. બંને મૃતક જંગરાલ ગામના રહેવાસી હતા અને તેમના મૃતદેહને પોસ્ટમોર્ટમ અર્થે ધારપુર સિવિલ હોસ્પિટલ ખાતે લઈ જવામાં આવ્યા હતા. આ દુર્ઘટનામાં ઘાયલ થયેલા જંગરાલ ગામના આનંદ પીરાભાઈ રબારી, વિશાલ મફાભાઈ રબારી અને નૈતિક વિનોદભાઈ રબારીને પાટણની પલ્સ આઈસીયુ હોસ્પિટલમાં સારવાર હેઠળ રાખવામાં આવ્યા છે. જ્યારે દેલવાડા ગામના જનક રમેશભાઈ રબારી (ભાણો)ને પાટણ ખાતે ડો. પ્રભુ ચૌધરીના દવાખાને સારવાર આપવામાં આવી રહી છે. ધારપુર હોસ્પિટલ ખાતેથી પોલીસે ફરિયાદીનું નિવેદન લઈ ફરાર આઈશરચાલક વિરુદ્ધ ભારતીય ન્યાય સંહિતાની કલમ 106(1), 281, 125(a), 125(b) તેમજ મોટર વાહન અધિનિયમની કલમ 177, 184 અને 134 મુજબ ગુનો નોંધ્યો છે. આ સમગ્ર મામલે વાગડોદ પોલીસ સ્ટેશનના પોલીસ સબ ઈન્સ્પેક્ટર પ્રતાપસિંહ મદારસિંહ બોડાણા દ્વારા ફરાર ચાલકની શોધખોળ સહિતની વધુ તપાસ હાથ ધરવામાં આવી છે.
    Click here to Read More
    Previous Article
    SRHની માલિક કાવ્યા મારન અને અનિરુદ્ધ લગ્નના બંધનમાં બંધાયા:ગ્રીસમાં ડેસ્ટિનેશન વેડિંગ, રજનીકાંત-પૂર્વ CM સ્ટાલિન હાજર રહ્યા; જુઓ તસવીરો
    Next Article
    દિલ્હીમાં ખુલ્લી ગટરમાં પડ્યો 4 વર્ષનો બાળક:24 કલાક બાદ ટુકડાઓમાં મળ્યો મૃતદેહ, વેસ્ટ ટ્રીટમેન્ટ પ્લાન્ટના મશીનમાં કપાઈ ગયાની આશંકા

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment