Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    સુરતમાં છઠ પૂજાનો ભક્તિમય માહોલ:ડિંડોલી તળાવ પર 2 લાખ ભક્તો ઉમટશે, ઘાટ પર છાણ-માટીના લીંપણ સાથે તડામાર પૂર્વ તૈયારીઓ

    7 hours ago

    સુરત મહાનગરમાં વસતા ઉત્તર ભારતીય સમુદાય દ્વારા આસ્થાના મહાપર્વ છઠ પૂજાની પૂર્વ તૈયારીઓ પૂરજોશમાં શરૂ થઈ ગઈ છે. ખાસ કરીને પરવત પાટિયા નજીક આવેલા ડિંડોલી છઠ સરોવર (તળાવ) પર આ વર્ષે આશરે બે લાખથી વધુ શ્રદ્ધાળુઓ ઉમટી પડવાની ધારણા છે. પૂજાના દિવસે મોટી સંખ્યામાં ભીડ એકત્ર થતી હોવાથી શ્રદ્ધાળુઓ અઠવાડિયા અગાઉથી જ ઘાટ પર પહોંચીને વ્યવસ્થા સંભાળી રહ્યા છે. પરિવારો સાથે મળીને ઘાટની સફાઈ કરી પૂજા માટે સ્થાન સુનિશ્ચિત કરવાની તૈયારીઓમાં લાગી ગયા છે, જેથી પૂજાના દિવસે કોઈ અગવડ ન પડે. ઘાટ પર ગાયના છાણ-માટીથી પવિત્ર 'વેદી' નિર્માણ અને લીંપણની અનોખી પરંપરા છઠ પૂજામાં સ્થાનની પવિત્રતા સર્વોપરી ગણાય છે. તળાવના કિનારે ભક્તો દ્વારા તૈયારીના ભાગરૂપે ગાયના છાણ અને માટીના મિશ્રણથી સુંદર ઓટલો એટલે કે ‘વેદી’ (ચૌરા અથવા સિરસોભાતા) બનાવવામાં આવી રહી છે. ગાયના છાણનું પવિત્ર લીંપણ કરી તેની પર સિંદૂર અને અક્ષતથી છઠી મૈયાનું સ્થાપન કરવામાં આવે છે. આ વેદીની ઉપર શેરડીના પાંચ સાંઠા બાંધીને મંડપ ઊભો કરાય છે, જ્યાં દીવાઓ પ્રગટાવીને ‘કોસી’ ભરવાની માનતા પૂરી થાય છે. ઘાટ ઉપરાંત ઘરોમાં પણ પ્રસાદ રાંધવા માટે માટી અને છાણથી ખાસ નવો ચૂલો તૈયાર કરવામાં આવે છે. સફાઈ, બેરિકેડિંગ અને લાઈટિંગની સજ્જતા વિશાળ જનમેદનીને સંભાળવા માટે સુરત મહાનગરપાલિકા (SMC), સ્થાનિક સેવા સમિતિઓ અને પોલીસ તંત્ર દ્વારા વ્યાપક વ્યવસ્થા હાથ ધરાઈ છે. તળાવના ઊંડા પાણીમાં કોઈ દુર્ઘટના ન બને તે માટે મજબૂત બેરિકેડિંગ, સુરક્ષા જાળી અને ફાયર બ્રિગેડના તૈરાકો તૈનાત કરવામાં આવ્યા છે. સમગ્ર પરિસરમાં રાત્રિ દરમિયાન યોગ્ય ઉજાસ માટે હાઈ-માસ્ટ ફ્લડ લાઈટ્સ, સીસીટીવી કેમેરા, મહિલાઓ માટે અલાયદા ચેન્જિંગ રૂમ, પીવાના શુદ્ધ પાણીના સ્ટોલ તેમજ પ્રાથમિક સારવાર કેન્દ્ર ઊભા કરાયા છે. સુગમ વાહન વ્યવહાર માટે પાર્કિંગનું પણ આયોજન કરવામાં આવ્યું છે. 4 દિવસીય કઠોર નિર્જળા વ્રતનું વિધાન આ પર્વમાં સૂર્યદેવ અને છઠી મૈયાની ઉપાસના અત્યંત કઠિન નિયમો સાથે થાય છે. પ્રથમ દિવસે ‘નહાય-ખાય’માં પવિત્ર સ્નાન બાદ દૂધી-ભાતનું સાત્વિક ભોજન લેવાય છે. બીજા દિવસે ‘ખરના’ના આખો દિવસ ઉપવાસ પછી સાંજે ગોળની ખીર અને રોટલીનો પ્રસાદ ગ્રહણ કરાય છે. ત્રીજા દિવસે 36 કલાકના અખંડ નિર્જળા વ્રત વચ્ચે સાંજે ડિંડોલી તળાવના જળમાં ઊભા રહી આથમતા સૂર્યને સંધ્યા અર્ઘ્ય અપાય છે. ચોથા દિવસે વહેલી સવારે ઉગતા સૂર્યનારાયણને ઉષા અર્ઘ્ય અર્પણ કરી પારણાં સાથે પર્વની પૂર્ણાહુતિ થાય છે.
    Click here to Read More
    Previous Article
    ભરૂચની સોસાયટીમાં મહિલાઓએ 6 ફૂટની રંગોળી બનાવી:શ્રીનાથજીની રંગોળીથી નવી પેઢીને ભારતીય સંસ્કૃતિ અને પરંપરાથી પરિચિત કરવાનો પ્રયાસ
    Next Article
    જામનગરની મહિલા ક્રિકેટર નેહા ચાવડાની વેસ્ટ ઝોન ટીમમાં પસંદગી:ભારતીય સ્ટાર સ્મૃતિ માંધાનાની કેપ્ટનશીપ હેઠળ રમશે; ઓડિશાના કટક ખાતે 21 નવેમ્બરથી આંતર-ઝોનલ ટુર્નામેન્ટ

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment