Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    વંથલી-માણાવદર હાઈવે પર ત્રિપલ અકસ્માત,:જૂનાગઢમાં વંથલી-માણાવદર હાઈવે પર ત્રિપલ અકસ્માતમાં ઉત્તર ક્રિયાથી પરત ફરતા દંપતીનું મોત: અન્ય 2 થી 3 વ્યક્તિઓ ગંભીર રીતે ઈજાગ્રસ્ત.

    6 hours ago

    ​જૂનાગઢ જિલ્લાના વંથલી-માણાવદર હાઈવે પર એક ગમખ્વાર ત્રિપલ અકસ્માત ની ઘટના સામે આવી છે. આ અકસ્માત ડમ્પર, બાઇક અને રિક્ષા વચ્ચે અથડામણને કારણે સર્જાયો હતો. આ ભયાનક અકસ્માતમાં ઘટનાસ્થળે જ પતિ-પત્નીનું કરૂણ મૃત્યુ નીપજ્યું હતું, જ્યારે અન્ય બે થી ત્રણ વ્યક્તિઓને ગંભીર ઈજાઓ પહોંચી હતી. અકસ્માતની આ ઘટના બાદ હાઈવે પર થોડીવાર માટે ટ્રાફિકજામના દ્રશ્યો પણ સર્જાયા હતા. ​મૃત્યુ પામનાર દંપતી સાતલપુર ગામે તેમના ફુવાના ઉત્તર ક્રિયાના કાર્યક્રમમાં ગયા હતા. ત્યાંથી સાતલપુરથી પ્લાસવા તરફ પરત ફરી રહ્યા હતા તે દરમિયાન આ દુર્ઘટના ઘટી હતી. મૃતકોમાં મનીષાબેન ધોણીયા (ઉંમર વર્ષ 60) અને તેમના પતિ ચંદુભાઈ ધોણીયા (ઉંમર વર્ષ 63) નો સમાવેશ થાય છે. સ્વજનના બેસણા કે ઉત્તર ક્રિયાથી પરત ફરતી વખતે જ આ પરિવાર પર આભ તૂટી પડતા સમગ્ર પંથકમાં શોકનો માહોલ છવાઈ ગયો છે. ​અકસ્માતની જાણ થતા જ બચાવ કામગીરી હાથ ધરવામાં આવી હતી. 108 એમ્બ્યુલન્સ મારફતે તાત્કાલિક તમામ ઈજાગ્રસ્તોને સારવાર અર્થે જૂનાગઢ હોસ્પિટલ ખાતે ખસેડવામાં આવ્યા હતા. બીજી બાજુ, અકસ્માતના કારણે હાઈવે પર સર્જાયેલા ટ્રાફિકજામને ધ્યાનમાં રાખીને પોલીસ તાત્કાલિક ઘટનાસ્થળે દોડી આવી હતી અને ભારે જહેમત બાદ ટ્રાફિક સમસ્યા દૂર કરીને વાહનવ્યવહાર પૂર્વવત કરાવ્યો હતો.
    Click here to Read More
    Previous Article
    અમૂલે દૂધ બાદ દહીં અને લસ્સીના ભાવ વધાર્યા:એક કિલો દહીંમાં ₹5 અને લસ્સીમાં ₹2નો વધારો ઝીંકાયો, આજથી ભાવવધારો અમલી
    Next Article
    છઠ મહાપર્વનો રંગ જામ્યો, 3000 શ્રદ્ધાળુઓ ઉમટશે:નદીના અભાવે ગરબા ગ્રાઉન્ડમાં બનાવ્યો ખાસ જળકુંડ, 200થી વધુ વ્રતીઓ 15 અને 16 નવેમ્બરે ઉગતા-આથમતા સૂર્યને અર્ઘ્ય અર્પણ કરશે

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment