Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    ગેરકાયદેસર ગૌવંશ હેરાફેરીનો પર્દાફાશ:શિહોર-રાજકોટ રોડ પરથી ગેરકાયદેસર ગૌવંશની હેરાફેરી કરતી પીકઅપ વાન ઝડપાઈ, મહારાષ્ટ્રનો ચાલક ઝડપાયો, મહારાષ્ટ્રના બે શખ્સો સામે ગુનો દાખલ, 2 ગાયોને મુક્ત કરાવી

    6 hours ago

    શિહોર પોલીસે રૂ.1.70 લાખના મુદ્દામાલ સાથે ગૌવંશની હેરાફેરી કરતી મહારાષ્ટ્ર પાસિંગની વાન ઝડપી શિહોર પોલીસ સ્ટેશનના સ્ટાફે નાઈટ પેટ્રોલિંગ દરમિયાન મળેલી ચોક્કસ બાતમીના આધારે શિહોર-રાજકોટ રોડ પર વોચ ગોઠવીને ગેરકાયદેસર રીતે ગૌવંશની હેરાફેરી કરતી એક પીકઅપ વાન ઝડપી પાડી છે, પોલીસે વાહનમાંથી ક્રૂરતાપૂર્વક બાંધેલી 2 ગાયોને મુક્ત કરાવી કુલ રૂ.1,70,000 નો મુદ્દામાલ કબજે કર્યો છે. આ બનાવ અંગે સિહોર પોલીસે મથકેથી મળતી માહિતી મુજબ પોલીસ સ્ટાફની ટીમ રાત્રે નાઈટ પેટ્રોલિંગમાં હતી. તે દરમિયાન રાત્રે 11:10 વાગ્યે બાતમી મળી હતી કે, શિહોર-રાજકોટ રોડ તરફથી મહારાષ્ટ્ર પાસિંગની એક પીકઅપ ગાડી નંબર MH-48-BM-8489 માં ગૌવંશ ભરીને લઈ જવામાં આવી રહ્યા છે., બાતમીના આધારે પોલીસે બે પંચોને સાથે રાખી રાત્રે 11:25 વાગ્યે પોલીસ સ્ટેશન બહાર રોડ પર વોચ ગોઠવી હતી. તે દરમિયાન શંકાસ્પદ પીકઅપ વાન પસાર થતા પોલીસે તેને રોકવાનો ઈશારો કર્યો હતો. ચાલકે વાન થોડે આગળ ઉભી રાખતા જ બાજુની સીટમાં બેઠેલો એક શખ્સ અંધારાનો લાભ લઈ નાસી છૂટ્યો હતો, જ્યારે પોલીસે ચાલકને ઝડપી પાડ્યો હતો. પકડાયેલા ચાલકની પૂછપરછ કરતા તેણે પોતાનું નામ દેવશિંગ રાયશિંગ કવાડ ઉં.વ.42, રહે.આનવાપાડા, તા. ભોકરદન, જિ.જાલના, મહારાષ્ટ્ર હોવાનું જણાવ્યું હતું. જ્યારે ફરાર થઈ ગયેલા શખ્સનું નામ મુકીમ મોશીનભાઈ શેખ રહે.આનવા ગામ, તા. ભોકરદન, જિ. જાલના, મહારાષ્ટ્ર હોવાનું ખુલ્યું છે, ગાડીના પાછળના ભાગે તપાસ કરતા 2 ગાયોના પગ અને મોઢું દોરડાથી ક્રૂરતાપૂર્વક બાંધેલા હતા તેમજ વાહનમાં ઘાસચારા કે પાણીની કોઈ વ્યવસ્થા નહોતી. ચાલક પાસે ગૌવંશની હેરાફેરી અંગેની કોઈ પરમિટ કે વાહનના જરૂરી દસ્તાવેજો પણ મળી આવ્યા ન હતા. પોલીસે રૂ.20,000 ની કિંમતની 2 ગાયો અને રૂ.1,50,000 ની કિંમતની પીકઅપ વાન મળી કુલ રૂ.1,70,000 નો મુદ્દામાલ કબજે કર્યો છે, જ્યારે ચાલક દેવશિંગ કવાડની ધોરણસર અટકાયત કરવામાં આવી છે બંને આરોપીઓ વિરુદ્ધ પશુ પ્રત્યે ઘાતકીપણા અધિનિયમ, મોટર વ્હીકલ એક્ટ તેમજ ભારતીય ન્યાય સંહિતાની સંબંધિત કલમો હેઠળ ગુનો નોંધી ફરાર આરોપીને ઝડપી પાડવા વધુ તપાસ હાથ ધરી છે.
    Click here to Read More
    Previous Article
    ભાજપના નેતાના પુત્ર સામે PM આવાસના નામે ઠગાઈની ફરિયાદ:સરકારી આવાસ યોજનાના અધિકારી-કર્મચારી તરીકેની ખોટી ઓળખ આપી આવાસ યોજનામાં દુકાન અપાવવાના બહાને શિક્ષિકા પાસેથી 12 લાખ રૂપિયા પડાવ્યા, 3 સામે ફરિયાદ
    Next Article
    સુરેલી ગામે મકાનમાં આગ લાગી:ગોધરા નગરપાલિકાના ફાયર વિભાગે પાણીનો મારો ચલાવી આગ કાબૂમાં લીધી

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment