Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    ધમકીઓ વચ્ચે અમિતાભ બચ્ચનની રહસ્યમય પોસ્ટ:ફાયરિંગનું કાવતરું ઘડનારા 2 શૂટર્સની ધરપકડ બાદ કહ્યું- 'બચ ગએ!!'

    2 days ago

    બંગલા જલસાને બોમ્બથી ઉડાવી દેવાની ધમકીઓ મળતી હોવા વચ્ચે અમિતાભ બચ્ચન રવિવારે ચાહકોને મળવા બંગલાની બહાર આવ્યા. ત્યારબાદ તેમણે સર્વાઇવલ પર એક ક્રિપ્ટિક પોસ્ટ કરી. અમિતાભ બચ્ચને સત્તાવાર X એકાઉન્ટ પરથી લખ્યું, ‘બચ ગએ’. મહાનાયકની આ પોસ્ટને સતત મળી રહેલી ધમકીઓ સાથે જોડીને જોવામાં આવી રહી છે. ગુરુવારે સવારે તેમના બંગલાને બોમ્બથી ઉડાવી દેવાની ધમકીભર્યો ઈમેઇલ મળ્યો હતો. આ ઉપરાંત દિલ્હી પોલીસે પણ તેમના ઘરની બહાર ફાયરિંગ કરવાની સાજિશ રચનારા બે શાર્પશૂટર્સને પકડી પાડ્યા છે. આ તમામ ધમકીઓ વચ્ચે અમિતાભ બચ્ચન કડક સુરક્ષા ઘેરામાં જલસાના મુખ્ય ગેટ પર આવ્યા અને મોટી સંખ્યામાં એકઠા થયેલા ચાહકોનું અભિવાદન કર્યું. પ્રિન્ટેડ જેકેટ અને ટોપીમાં જોવા મળ્યા બિગ બી સન્ડે દર્શનમાં કડક સુરક્ષા વચ્ચે અમિતાભ હંમેશની જેમ શાંત દેખાયા. તેમણે સફેદ કુર્તા સાથે ઓરેન્જ, વાદળી અને સફેદ રંગની પ્રિન્ટવાળી જૅકેટ તેમજ મેચિંગ ટોપી પહેરી હતી. મંચ પર આવ્યા બાદ તેમણે સૌથી પહેલાં હાથ જોડીને પ્રશંસકોને નમસ્તે કર્યું અને તાળીઓ પાડી. ત્યારબાદ તેઓ બંને હાથ હલાવતા ભીડમાં હાજર તેમજ દૂર ઊભેલા ફેન્સ તરફ ઈશારો કરી સંવાદ કરતા જોવા મળ્યા. જલસાની બહાર મોટી સંખ્યામાં પ્રશંસકો પોતાના મોબાઇલ ફોનથી તેમની તસવીરો અને વીડિયો બનાવતા જોવા મળ્યા. ગુરુવારે ત્રીજી વખત બોમ્બથી ઉડાવી દેવાનો ઈમેલ મળ્યો હતો મુંબઈ પોલીસના જણાવ્યા મુજબ, ગુરુવાર (12 નવેમ્બર)ની સવારે અમિતાભ બચ્ચનના બંગલા જલસાને બોમ્બથી ઉડાવી દેવાની ધમકી આપતો એક ઈમેલ મળ્યો હતો. આ ઈમેલમાં 27 નવેમ્બર અને 31 ડિસેમ્બર સહિતની ઘણી તારીખોનો ઉલ્લેખ કરવામાં આવ્યો છે. એક મહિનાની અંદર આ ત્રીજી વખત છે જ્યારે બચ્ચનના નિવાસસ્થાનને નિશાન બનાવવાની ધમકી આપવામાં આવી છે. આ પહેલાં 6 નવેમ્બરે જલસાને બોમ્બથી ઉડાવી દેવાની ધમકી આપતો ઈમેલ મળ્યો હતો. જ્યારે, 23 ઑક્ટોબરે મુંબઈના મેયર રિતુ તાવડેને મોકલવામાં આવેલા એક ઈમેલમાં પણ બચ્ચનના બંગલાને બોમ્બથી ઉડાવી દેવાની વાત લખવામાં આવી હતી. ફાયરિંગનું કાવતરું ઘડનારા બે શૂટરોની દિલ્હીમાં ધરપકડ બોમ્બની ધમકીઓ સાથે જ અમિતાભ બચ્ચનના ઘરે ગોળીબાર કરવાના કાવતરાનો પણ ખુલાસો થયો છે. દિલ્હી પોલીસે આ મામલે બે શાર્પશૂટરોની ધરપકડ કરી છે, જેમની ઓળખ જાલંધર નિવાસી વિકાસ ઠાકુર અને તરનતારન નિવાસી દીપક સિંહ તરીકે થઈ છે. પોલીસ સૂત્રોના જણાવ્યા અનુસાર, બંને વિદેશમાં બેઠેલા એક ગેંગસ્ટર માટે કામ કરે છે. 1984ના શીખ વિરોધી રમખાણો અંગે અમિતાભના કથિત નિવેદનને લઈને ગેંગસ્ટર તેમને નિશાન બનાવવા માંગતો હતો, જોકે અમિતાભ આવું કોઈ નિવેદન આપવાનો ઇનકાર કરી ચૂક્યા છે.
    Click here to Read More
    Previous Article
    મોંઘવારીનો વધુ એક ઝટકો:રોજિંદી જરૂરિયાતની વસ્તુઓ મોંઘી થતાં હોલસેલ મોંઘવારી દર 12.29%ને પાર, જાણો તમારા ખિસ્સા પર શું થશે અસર
    Next Article
    મુંબઈની ગલીઓમાં ક્રિકેટ રમ્યા બ્રિટિશ પ્રિન્સ વિલિયમ:સચિન સાથે મુલાકાત કરી; હવે મેટ્રોમાં મુસાફરી કરશે; 18 નવેમ્બરે PM મોદીને મળશે

    Related Entertainment Updates:

    Are you sure? You want to delete this comment..! Remove Cancel

    Comments (0)

      Leave a comment