Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    કન્સ્ટ્રક્શન સાઈટ પર બીજા માળેથી પટકાતા 2 વર્ષીય બાળકીનું મોત:પરિવાર 10 દિવસ પહેલા જ રોજગારી અર્થે સુરત આવ્યો હતો, એકની એક દીકરી ગુમાવી

    6 hours ago

    શહેરના ગોડાદરા-ડિંડોલી વિસ્તારમાં માતા-પિતા માટે લાલ બત્તી સમાન એક અત્યંત હૃદયદ્રાવક ઘટના સામે આવી છે. અહીં એક કન્સ્ટ્રક્શન સાઈટ પર કડિયાકામ કરતા શ્રમિક પરિવારની માત્ર બે વર્ષની માસૂમ બાળકી રક્ષા પવાર રમતા-રમતા બીજા માળેથી નીચે પટકાતા તેનું કરુણ મોત નીપજ્યું છે. ઘટના બનતા જ બાળકીને તાત્કાલિક સારવાર અર્થે સુરતની સિવિલ હોસ્પિટલમાં ખસેડવામાં આવી હતી, પરંતુ ટૂંકી સારવાર બાદ ફરજ પરના તબીબોએ તેને મૃત જાહેર કરી હતી. કામની વ્યસ્તતા વચ્ચે દીકરી નજર સામેથી ઓઝલ થઈ મૂળ મધ્યપ્રદેશના દિવેલ ગામના રહેવાસી રાજુભાઈ પવાર અને તેમની પત્ની રોજગારીની શોધમાં હજુ દસ દિવસ પહેલા જ સુરત આવ્યા હતા. ગોડાદરા-ડિંડોલી વિસ્તારમાં ચાલી રહેલી કન્સ્ટ્રક્શન સાઈટ પર પતિ-પત્ની મજૂરીકામ કરી રહ્યા હતા અને તેમની એકની એક દીકરી રક્ષા ત્યાં રમી રહી હતી. આ અંગે મૃતક બાળકીના પિતા રાજુભાઈએ ભારે હૈયે જણાવ્યું કે, અમે બંને ઉપરના ભાગે કામ કરી રહ્યા હતા અને દીકરી રક્ષા નીચે રમી રહી હતી. થોડીવાર બાદ તે દેખાતી બંધ થઈ જતાં હું તેને જોવા માટે નીચે ગયો હતો, ત્યારે ખબર પડી કે તે બીજા માળેથી નીચે પટકાઈ છે. એકની એક દીકરી ગુમાવતા પરિવાર શોકમગ્ન શ્રમિક દંપતીના નાનકડા પરિવારમાં પતિ-પત્ની અને તેમની બે વર્ષીય લાડકવાયી દીકરી રક્ષા એમ ત્રણ જ સભ્યો હતા. સુરત આવ્યાના ગણતરીના દિવસોમાં જ એકની એક સંતાનને ગુમાવવાનો વારો આવતા શ્રમિક પરિવાર પર જાણે આભ ફાટી પડ્યું છે. હાલ સમગ્ર ઘટનાને પગલે પરિવારજનો ઘેરા શોકમાં ગરકાવ થઈ ગયા છે અને કન્સ્ટ્રક્શન સાઈટ પર કામ કરતા શ્રમિકોના બાળકોની સુરક્ષાને લઈને ફરી એકવાર ગંભીર સવાલો ઊભા થયા છે.
    Click here to Read More
    Previous Article
    ધોલેરા હાઈવે પર કાર પલટી, દંપતીનું મોત, 4 ઘાયલ:8 વર્ષીની દીકરીની હાલત ગંભીર, સ્ટિયરિંગ પરથી કાબૂ ગુમાવતાં કાર રસ્તાની બાજુમાં ઉતરી ગઈ
    Next Article
    દિવાળીનો તહેવાર માતમમાં ફેરવાયો:કલોલ-ઇસંડ રોડ પર બે બાઇક વચ્ચે અકસ્માત, 18 વર્ષીય યુવતીનું સારવારમાં મોત

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment