Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    સુરત બાર એસોસિયેશનનો ચૂંટણી જંગ:18 ડિસેમ્બરે યોજાશે ચૂંટણી, એડવોકેટ કમલનયન અસારાવાલાની ચૂંટણી કમિશનર તરીકે નિમણૂક, મોબાઈલ અને ઓફિસ મુલાકાતથી ઉમેદવારોનો પ્રચાર શરૂ

    6 hours ago

    સુરત જિલ્લા બાર એસોસિયેશન (ધ સુરત ડિસ્ટ્રિક્ટ બાર એસોસિએશન) ની આગામી ચૂંટણીને લઈને કોર્ટ પરિસરમાં રાજકીય ગરમાવો તેજ બન્યો છે. બાર કાઉન્સિલ ઓફ ગુજરાતના નિયમો અને ધારાધોરણો મુજબ આગામી 18 ડિસેમ્બર, 2026ના રોજ બાર એસોસિયેશનની ચૂંટણી યોજાવા જઈ રહી છે. આ ચૂંટણી પ્રક્રિયાના સુચારુ સંચાલન માટે આજે બાર એસોસિયેશનના હોદ્દેદારો અને કારોબારી કમિટીના સભ્યોની એક અર્જન્ટ સંયુક્ત મીટિંગ યોજવામાં આવી હતી, જેમાં ચૂંટણી કમિશનરની સત્તાવાર નિયુક્તિ કરવામાં આવી છે. એડવોકેટ કમલનયન અસારાવાલાને સોંપાઈ ચૂંટણીની જવાબદારી સુરત જિલ્લા બાર એસોસિયેશનની સંયુક્ત મીટિંગમાં ગુજરાત બાર એસોસિએશનોના નિયમો, 2015ના નિયમ-49 (સી અને ડી) મુજબ સિનિયર એડવોકેટ કમલનયન પ્રવિણચંદ્ર અસારાવાલાની ચૂંટણી કમિશનર તરીકે નિમણૂક કરવામાં આવી છે. તેમને ચૂંટણી કાર્યક્રમ અને તેની આનુષંગિક પ્રક્રિયા સંબંધે તમામ સત્તાઓ સુપરત કરવામાં આવી છે. આ ઉપરાંત ચૂંટણીની કામગીરી માટે મદદનીશ ચૂંટણી અધિકારીઓ અને અન્ય સહાયક અધિકારીઓની નિમણૂક કરવાની સત્તા પણ તેમને આપવામાં આવી છે. ચૂંટણી પ્રક્રિયા દરમિયાન બાર એસોસિયેશનના અન્ય રોજિંદા વહીવટી કામો વર્તમાન હોદ્દેદારો અને કાઉન્સિલના નેજા હેઠળ યથાવત ચાલુ રહેશે. મોબાઈલ અને ઓફિસ મુલાકાતથી ઉમેદવારોનો પ્રચાર શરૂ ચૂંટણીની તારીખ નજીક આવતા જ વકીલ આલમમાં ભારે ઉત્સાહ જોવા મળી રહ્યો છે. હાલમાં સંભવિત ઉમેદવારોએ પોતપોતાની રીતે ચૂંટણી પ્રચારના શ્રીગણેશ કરી દીધા છે. ઉમેદવારો સોશિયલ મીડિયા અને મોબાઈલ મેસેજના માધ્યમથી વકીલોનો સંપર્ક સાધી રહ્યા છે, જ્યારે ઘણા ઉમેદવારો વકીલોની ઓફિસ-ઓફિસ ફરીને રૂબરૂ મુલાકાત કરી સમર્થન માંગી રહ્યા છે. અત્યાર સુધીમાં પ્રમુખ પદ માટે 1 નામ, ઉપપ્રમુખ પદ માટે 4થી 5 નામ, મંત્રી પદ માટે 2થી 3 નામ અને ખજાનચી પદ માટે 2 નામો ચર્ચામાં આવ્યા છે. આ ઉપરાંત કાઉન્સિલ મેમ્બર માટે પણ અનેક ઉમેદવારોએ પ્રચાર તેજ કર્યો છે. બાર એસોસિયેશનના પ્રમુખ ઉદય પટેલનું નિવેદન સુરત જિલ્લા બાર એસોસિયેશનના પ્રમુખ ઉદય પટેલે જણાવ્યું હતું કે, "અમારી માતૃસંસ્થા બાર કાઉન્સિલ ઓફ ગુજરાતે ચૂંટણી માટેના જે નિયમો અને ધારાધોરણો લેખિતમાં મોકલાવ્યા છે, તે પ્રમાણે આજરોજ હોદ્દેદારો, કો-ઓપ્ટ મેમ્બર અને કાઉન્સિલ મેમ્બરોની અર્જન્ટ મીટિંગ યોજવામાં આવી હતી. આ મીટિંગમાં નિયમ મુજબ ચૂંટણી કમિશનરની નિયુક્તિ કરી દેવામાં આવી છે. હાલ વિવિધ હોદ્દાઓ અને કાઉન્સિલ મેમ્બર માટે ઉમેદવારોએ મોબાઈલ અને રૂબરૂ મુલાકાત દ્વારા પોતાનો પ્રચાર શરૂ કરી દીધો છે."
    Click here to Read More
    Previous Article
    GTA 6 Fever: How Brands Are Cashing In On The Mania To Grab Consumers' Attention
    Next Article
    સુરેન્દ્રનગરમાં મેડિકલ કોલેજ પાછળની પાંચથી વધુ સોસાયટીઓના રસ્તા બિસ્માર:5થી 7 ફૂટના ખાડાવાળા રસ્તાઓથી ત્રસ્ત સ્થાનિકોએ હનુમાન ચાલીસા વગાડી વિરોધ નોંધાવ્યો

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment