Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    રહેવાસીઓ માટે દિવાળીની રાત બની કાળરાત્રિ:થાણેની 17 માળની રહેજા કાર્લાઈન ઈમારતમાં ભીષણ આગ લાગી: ઊડતા ફટાકડા પર પાબંધી

    16 hours ago

    થાણેમાં બહુમજલી રાહેજા ગાર્ડનમાં રહેજા કાર્લાઈન ઈમારતમાં આવેલી 17 માળની ઈમારતના રહેવાસીઓ માટે રવિવારની દિવાળીની રાત કાળી રાત બની ગઈ. રાત્રે 8.30 વાગ્યે ઈમારતના 8મા માળે ભીષણ આગ લાગી ફાટી નીકળી હતી અને આગ ધીમે ધીમે 14મા માળ સુધી ફેલાઈ ગઈ. આગમાં ફસાયેલા 50 રહેવાસીઓને સુરક્ષિત રીતે બચાવી લેવામાં આવ્યા. આ આગ રોકેટથી લાગી હોવાની શંકા છે, જેથી થાણેમાં અમુક જગ્યાએ ફટાકડા ફોડવાની મનાઈ કરાઈ છે અને રોકેટ સહિત ઊડતા ફટાકડાઓ ફોડવા પર પ્રતિબંધ લાદવામાં આવ્યો છે. ઈમારતમાં આગ લાગવાની માહિતી મળતા જ થાણે ફાયર વિભાગ અને થાણે મ્યુનિસિપલ કોર્પોરેશનની ટીડીઆરએફ ટીમ ઘટનાસ્થળે દોડી ગઈ અને રાહત કાર્ય શરૂ કર્યું. દરમિયાન આગ લાગવાની માહિતી મળતાં જ ઉપ મુખ્યમંત્રી એકનાથ શિંદે, સાંસદ નરેશ મ્હસ્કે, ધારાસભ્ય રવિન્દ્ર ફાટક પણ ઘટનાસ્થળે પહોંચી ગયા. આ પછી તેઓએ આગને કારણે ઉપરના માળે ફસાયેલા નાગરિકો સાથે વાતચીત કરી અને તેમને આશ્વાસન આપ્યું. તેમને ઈમારતના રેફ્યુજી એરિયામાં રહેવાનું પણ કહેવામાં આવ્યું અને બાકીના નાગરિકોને ઈમારતની અગાશી પર જવાનું કહેવામાં આવ્યું. દરમિયાન ફાયર વિભાગે પોતાના શ્રેષ્ઠ પ્રયાસો બાદ થોડા કલાકોની મહેનત બાદ આગ પર કાબૂ મેળવ્યો. ત્યાર બાદ સીડી અને સ્ટ્રેચરનો ઉપયોગ કરીને ફસાયેલા નાગરિકોને સુરક્ષિત રીતે બહાર કાઢવામાં આવ્યા. આગથી નીકળતા ધુમાડાને કારણે ઇમારતની લિફ્ટનો ઉપયોગ થઈ શક્યો નહીં. જોકે ઇમારતમાં ફસાયેલા તમામ 50 રહેવાસીઓ તેમજ કૂતરા અને બિલાડી જેવાં તેમનાં પાલતુ પ્રાણીઓને મોડી રાત સુધીમાં સુરક્ષિત રીતે બચાવી લેવામાં આવ્યાં હતાં. ઘણી જગ્યાઓએ આગ બાદ રોકેટ પર બંધી:ગઈકાલે થાણે શહેર સહિત જિલ્લામાં ઘણી જગ્યાએ બનેલી વિવિધ આગની ઘટનાઓને ધ્યાનમાં રાખીને એવું જોવા મળ્યું છે કે ફટાકડા ઉડાવવા એ આ આગ પાછળના ઘણાં કારણોમાંનું એક છે. તેથી જિલ્લા કલેક્ટર શ્રીકૃષ્ણ પંચાલે રવિવારે મોડી રાત્રે એક આદેશ જારી કરીને સમગ્ર થાણે જિલ્લામાં રોકેટ અને હવામાં ઊડતા અન્ય ફટાકડાઓ ઉડાવવા પર પ્રતિબંધ મૂક્યો છે. આ પ્રતિબંધ આગામી ત્રણ મહિના માટે અમલમાં રહેશે. ડ્રોનની મદદથી રહેવાસીઓને શોધ્યા આગ ખરેખર ફટાકડાના કારણે લાગી હતી કે શોર્ટ સર્કિટના કારણે તે નક્કી કરવા માટે તપાસ શરૂ કરી છે. જોકે સમયસર મદદ અને થાણે ફાયર વિભાગ અને ટીડીઆરએફ કર્મચારીઓના અથાક પ્રયાસોને કારણે કોઈ પણ અનિચ્છનીય ઘટના વિના આગ પર કાબૂ મેળવી શકાયો. ઘટના બાદ શિંદેએ જણાવ્યું હતું કે ફાયર બ્રિગેડે અત્યાધુનિક ડ્રોનનો ઉપયોગ કરીને રહેવાસીઓ કયા માળે ફસાયેલા છે તે ચોક્કસ રીતે શોધી કાઢ્યું હતું. આ સમયે ધારાસભ્ય નિરંજન ડાવખરે, થાણે મ્યુનિસિપલ કમિશનર સૌરભ રાવ, કોર્પોરેટર વિકાસ રેપાલે, કોર્પોરેટર નમ્રતા ભોસલે જાધવ, કોર્પોરેટર મીનલ સાંખે, થાણે મ્યુનિસિપલના અધિકારીઓ, ફાયર વિભાગના અધિકારીઓ, ટીડીઆરએફ ટીમના કર્મચારીઓ હાજર રહ્યા હતા. આ જગ્યાઓ પર ફટાકડા ફોડવા મનાઈ આ અંતર્ગત, મોટી ઇમારત પરિસર, પાર્કિંગ લોટ, ખુલ્લી જગ્યાઓ જેવા સ્થળોએ ફટાકડા ફોડવા પર પ્રતિબંધ મૂકવામાં આવ્યો છે. આ આદેશનો અમલ કરવાનો ઇનકાર કરનાર વ્યક્તિ, જૂથ અથવા સંગઠન સામે આપત્તિ વ્યવસ્થાપન કાયદાની જોગવાઈઓ અનુસાર કડક કાર્યવાહી કરવામાં આવશે. સ્થાનિક પોલીસ, ફાયર વિભાગ અને વહીવટીતંત્રને આ આદેશનો અમલ કરવા સૂચના આપવામાં આવી છે.
    Click here to Read More
    Previous Article
    દિવાળીની ઉજવણી કરી શહેર ઊંઘ્યું, સફાઈ સૈનિકો જાગ્યા:શહેરે દિવાળી ઉજવી આકાશ ચમકાવ્યું, પછી સફાઈ સૈનિકોએ શહેરને ચમકાવ્યું
    Next Article
    चांदपुर में हुई राखी की हत्या का खुलासा, आरोपी प्रेमी गिरफ्तार

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment