Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    આગામી દિવસોમાં પણ દબાણો દૂર કરવાની કામગીરી હાથ ધરાશે:કસકથી ઝાડેશ્વર સુધી 150 દબાણો પર બુલડોઝર‎ફરી વળ્યું, રોડ માર્જિન ખાલી કરાવવાની ઝુંબેશ

    9 hours ago

    ભરૂચ શહેરમાં ટ્રાફિકની સમસ્યા હળવી કરવા અને જાહેર માર્ગોને દબાણમુક્ત બનાવવાના હેતુથી વહીવટી તંત્ર દ્વારા મેગા ઝુંબેશ શરૂ કરવામાં આવી છે. કસક સર્કલથી ઝાડેશ્વર ચોકડી સુધીના મુખ્ય માર્ગ પર તંત્રનું બુલડોઝર ફરી વળ્યું હતું. પોલીસ બંદોબસ્ત વચ્ચે હાથ ધરાયેલી કાર્યવાહીમાં 150થી વધુ દબાણો દૂર કરવામાં આવ્યાં હોવાનું માર્ગ અને મકાન વિભાગે જણાવ્યું છે. પ્રાંત અધિકારી મનીષા મનાણી, મામલતદાર માધવી મિસ્ત્રી અને નગરપાલિકાના ચીફ ઓફિસર હરીશ અગ્રવાલ સહિતના અધિકારીઓની દેખરેખ હેઠળ દબાણ હટાવવાની કામગીરી હાથ ધરાઈ હતી. માર્ગ અને મકાન વિભાગના જણાવ્યા અનુસાર, રોડ માર્જિનમાં આવતા 5થી 10 મીટરના વિસ્તારમાં ઊભાં કરાયેલાં દબાણો દૂર કરવામાં આવ્યાં છે. અત્યાર સુધીમાં અંદાજે 150થી વધુ દબાણો હટાવવામાં આવ્યાં છે. આગામી દિવસોમાં પણ આ ઝુંબેશ ચાલુ રાખવામાં આવશે. દબાણો દૂર થતાં માર્ગ પર અવરજવર માટે વધુ જગ્યા ઉપલબ્ધ થવાની સાથે વાહનચાલકોને ટ્રાફિકની સમસ્યામાંથી રાહત મળવાની આશા છે. જોકે, આ કામગીરી બાદ કેટલા મીટર માર્ગ ખુલ્લો થયો અને કેટલો વિસ્તાર દબાણમુક્ત બન્યો તેની વિગતવાર માહિતી હજુ જાહેર થઈ નથી. શહેરમાં અગાઉ પણ વિવિધ વિસ્તારોમાં દબાણ હટાવવાની કામગીરી હાથ ધરાઈ હતી, પરંતુ થોડા સમય બાદ ફરી દબાણો ઊભાં થતાં હોવાની ફરિયાદો સામે આવતી રહી છે. આથી હાલની ઝુંબેશમાં ખુલ્લા થયેલા માર્ગો પર ફરી દબાણો ન થાય તે માટે તંત્ર દ્વારા સતત મોનિટરિંગ અને નિયમિત કાર્યવાહી કરવી જરૂરી બનશે. દબાણ હટાવ્યા બાદ ફરી ન થાય તે મોટો પડકાર‎ • 150થી વધુ દબાણો દૂર: માર્ગ અને મકાન વિભાગના જણાવ્યા મુજબ કસકથી ઝાડેશ્વર‎સુધીની કામગીરીમાં 150થી વધુ દબાણો હટાવાયાં.‎ • 5થી 10 મીટરનું રોડ માર્જિન: રોડ માર્જિનમાં આવતા દબાણોને નિશાન બનાવી કાર્યવાહી‎કરાઈ.‎ • ઝુંબેશ ચાલુ રહેશે: આગામી દિવસોમાં પણ તબક્કાવાર દબાણો દૂર કરવાની કામગીરી‎હાથ ધરાશે.‎ • કાયમી ઉકેલ જરૂરી: અગાઉ પણ દબાણો દૂર કરાયાં બાદ ફરી ઊભાં થયાં હોવાની ફરિયાદો‎રહી છે. આથી માત્ર દબાણ હટાવવાથી નહીં, પરંતુ પુનઃ દબાણ અટકાવવાની વ્યવસ્થાથી જ‎ટ્રાફિક સમસ્યાનો કાયમી ઉકેલ આવી શકશે.‎
    Click here to Read More
    Previous Article
    ઠંડી શરૂ થતાં જ શ્વાસની તકલીફ વધી:108ના કોલમાં 35% સુધીનો ઉછાળો
    Next Article
    વિરોધ ઉગ્ર બની ગયો:ભારતમાલા પ્રોજેક્ટની માપણી કરવા પહોંચેલી ટીમને ખેડૂતોના વિરોધને લીધે પરત ફરવું પડ્યું

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment