Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    પૂરઝડપે આવતી કાર પલટી, બે યુવક 15 ફૂટ ઉછળી પટકાયા:બન્નેના મોત, અન્ય એક ઈજાગ્રસ્ત, મોરબીમાં સ્વિફ્ટ ગુલાટી મારી વીજ ટ્રાન્સફોર્મર સાથે અથડાઈ, રાજકોટના યુવકો ડેકોરેશનનું કામ કરતા'તા

    2 days ago

    રાજકોટથી મોરબી તરફ પૂરઝડપે જઈ રહેલી સ્વિફ્ટ કાર ટંકારા નજીક 8થી વધુ વખત પલટી ગઈ હતી. જે બાદ ઈલેક્ટ્રિક થાંભલા સાથે અથડાઈ હતી. કારમાં સવાર બે યુવકો 15 ફૂટ ઉછળી રોડ પર પટકાયા હતા. જેથી બન્નેના મોત થયા છે. જ્યારે એક યુવક ઈજાગ્રસ્ત છે. શનિવારે સવારે 8:30 વાગ્યાની આસપાસ ખજૂરા હોટલ પાસે આ અકસ્માત થયો હતો. જેનો વીડિયો પણ સામે આવ્યો છે. ફ્લાવર ડેકોરેશનનું કામ કરતા યુવકો મોરબી જતા હતા ગત શનિવારે સવારે રાજકોટમાં રહેતા જીવણ સવજી ડાભી, અમન ગણેશ બાબરીયા તેમજ પ્રભાત લામકા ત્રણેય સ્વિફ્ટ કાર લઈને રાજકોટથી મોરબી જવા નીકળ્યા હતા. આ ત્રણેય યુવાન ફ્લાવર ડેકોરેશનનું કામ કરતા હતા. જે કામ અર્થે જ મોરબી આવી રહ્યા હતા. પૂરઝડપે આવતી કાર ગોળાઈ મારતી વખતે બેકાબૂ બની આ દરમિયાન મોરબી-રાજકોટ હાઇવે પર ટંકારા નજીક ઓવરસ્પિડ હોવાથી ગોળાઈમાં કારનો ટર્ન લાગ્યો ન હતો. જેથી કાર ચાલક અમને સ્ટેયરિંગ પરથી કાબૂ ગુમાવી દેતા કાર એક બાદ એક 8થી વધુ ગુલાટી ખાઈ ગઈ હતી. જે બાદ કાર ટીસી સાથે અથડાઈ હતી. કાર ચાલક અને આગળ બેઠેલો યુવક કારમાંથી બહાર ફંગોળાઈ ગયા હતા અને રોડ પર પટકાયા હતા. અકસ્માતની 3 તસવીરો બે યુવકો કારમાંથી બહાર ફંગોળાયા આ અકસ્માત એટલો ગંભીર હતો કે, કાર જ્યારે પલટી ખાઈ ત્યારે તેમાં બેઠેલા ત્રણ યુવાન પૈકીના કાર ચાલક અમન અને આગળ બેઠેલો યુવક પ્રભાત બન્ને કારમાંથી બહાર ફંગોળાઈ 15 ફૂટ ઊંચા ઉડીને રોડ પર પટકાયા હતા. જેથી તેઓને માથામાં તેમજ શરીરના અન્યભાગમાં ગંભીરઈજા પહોંચતા ઘટનાસ્થળે જ મોત થયા હતા. જ્યારે કારની પાછળની સીટ પર સવાર જીવણભાઈને હોઠમાં તેમજ વાસના ભાગે ઇજાઓ થઈ હતી. જેથી તેને રાજકોટની મધૂરમ હોસ્પિટલમાં સારવાર માટે ખસેડવામાં આવ્યો છે. હાલમાં પોલીસે અકસ્માતના બનાવ સંદર્ભે રાજકોટની ક્રાઈસ્ટ હોસ્પિટલની સામે રહેતા જીવણ સવજી ડાભીની ફરિયાદ લઈને ટંકારા તાલુકા પોલીસ સ્ટેશન ખાતે સ્વિફ્ટ ગાડી નંબર GJ 3 PR 5938 ના ચાલક મૃતક અમન ગણેશ બાબરીયા સામે ગુનો નોંધ્યો છે.
    Click here to Read More
    Previous Article
    પરિણીતા ઘર બહાર નળ ચેક કરવા ગઈ'ને બીભત્સ ઈશારા કર્યા:સરસપુરમાં પાડોશી શખ્સે છેડતી કરી, સસરા ઠપકો આપવા જતા હુમલો કર્યો
    Next Article
    નાણાવટી ચોકમાં સ્કોર્પિયો ચાલકે વેપારીને ગળામાં છરી મારી:જલારામ જયંતિની તૈયારી વચ્ચે વાહન હટાવવા મામલે માથાકૂટ, પોલીસ આવતા કાર મૂકી ઉમંગ ભુત ભાગ્યો

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment