Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    અસારવા રેલ્વે સ્ટેશન પાસેથી 13 કિલો ગાંજા સાથે ત્રણ ઝડપાયા:ઓડિશાથી ગાંજો મંગાવી કડી અને બુઢાસણમાં છૂટક વેચતા, મુખ્ય સપ્લાયર વોન્ટેડ

    1 day ago

    અમદાવાદના અસારવા રેલ્વે સ્ટેશનથી આગળ અલ્કા બેકરી પાસે એક પેસેન્જર ઓટો રિક્ષામાંથી રૂ. 6.81 લાખના 13 કિલો 622 ગ્રામ ગાંજાના જથ્થા સાથે કડીના ત્રણ શખ્સોને પોલીસે ઝડપી પાડ્યા છે. તેમજ બે આરોપીને રાઉન્ડઅપ કરી લીધા છે. પોલીસે ગાંજો, ઓટો રિક્ષા, 3 મોબાઈલ ફોન અને રોકડ મળી કુલ રૂ. 7.96 લાખનો મુદ્દામાલ કબજે કર્યો છે. ઓડિશાના મુખ્ય સપ્લાયરને વોન્ટેડ જાહેર કર્યો છે. ઓડિશાથી ગાંજો મંગાવી કડી GIDC અને બુઢાસણ વિસ્તારમાં છૂટક વેચાણ કરતા હતા. અગાઉ મુખ્ય સપ્લાયરે બે વખત ગાંજાની ડિલિવરી કરી હોવાનું સામે આવ્યું છે. રિક્ષામાંથી જ ત્રણેય પેડલરોને પકડી પાડ્યા ​શહેરકોટડા પોલીસની ટીમ પેટ્રોલિંગમાં હતી ત્યારે બાતમી મળી હતી કે કડીનો મુનાફખાન ઉર્ફે ભાયો તેના સાગરિતો સાથે રિક્ષામાં ગાંજાનો જથ્થો લઈ અસારવા રેલ્વે સ્ટેશન તરફથી મેમ્કો તરફ જવાનો હતો. જેના આધારે પોલીસે અસારવા રેલ્વે સ્ટેશનથી આગળ અલ્કા બેકરી પાસે વોચ ગોઠવી એક રિક્ષાને પકડી હતી. રિક્ષામાંથી મુનાફખાન ઉર્ફે ભાયા ઉમેદખાન હિમ્મતખાન કુરેશી, હુસેનખાન કાલેખા ઉમરખા પઠાણ અને રિક્ષાચાલક સરફરાજ ઉર્ફે શાહરૂખ ફરીદભાઈ હસુભાઈ શેખને ઝડપી લીધા હતા. ત્રણેય કડીના રહેવાસી છે. તેમની પાસે રહેલી બે બેગના 7 પેકેટ અને જેકેટમાંથી મળેલી પ્લાસ્ટિકની થેલીમાંથી કુલ 13 કિલો 622 ગ્રામ ગાંજો મળી આવ્યો હતો. પોલીસે ગાંજા ઉપરાંત રૂ. 55 હજારના 3 મોબાઈલ સહિત કુલ રૂ. 7.69 લાખનો મુદ્દામાલ જપ્ત કર્યો હતો. ઓઓડિશાથી ગોમતીપુરમાં ગાંજો મોકલ્યો હતો, 2 રાઉન્ડઅપ આરોપીઓની પૂછપરછ દરમિયાન ગાંજાનો જથ્થો ઓડિશાના ગણેશે પોતાના બે માણસો નંદકિશોર અને સુમંતા મારફતે ટ્રેનમાં ગોમતીપુર ગાંજો મોકલ્યો હતો. મુનાફખાને નંદકિશોરને ફોન-પે મારફતે રૂ. 75 હજાર ઓનલાઈન ચૂકવ્યા હતા અને રૂ. 1 લાખ રોકડા આપ્યા હતા. ત્યારબાદ બંને ડિલિવરી બોયને રેલવે સ્ટેશન ઉતારીને આરોપીઓ કડી પરત જઈ રહ્યા હતા ત્યારે ઝડપાયા હતા. જ્યારે નંદકિશોર અને સુમંતાને રેલવે એલસીબીની મદદથી પોલીસે રાઉન્ડઅપ કરી લીધા છે. ગાંજાના બંધાણી ગ્રાહકોને ઓળખતો હતો અને માલની હેરફેરમાં મદદ કરતો તેમજ મુનાફખાન ઉર્ફે ભાયો કુરેશી છેલ્લા બે મહિનાથી ઓડિશાના ગણેશ નામના શખ્સના સંપર્કમાં હતો. તેણે અગાઉ પણ બે વખત ગાંજો મંગાવીને વેચ્યો હતો. તેણે પોતાના ફોનમાં ગણેશનો નંબર 'અક્રમ-3' નામે સેવ કર્યો હતો. જ્યારે ​સરફરાજ ઉર્ફે શાહરૂખ શેખ કડી અને આસપાસના વિસ્તારનો જાણકાર હોવાથી ગાંજાના બંધાણી ગ્રાહકોને ઓળખતો હતો અને માલની હેરફેરમાં મદદ કરતો હતો. ​અને ત્રીજો આરોપી બેકાર હોવાથી અને અગાઉ રિક્ષા ચલાવતો હોવાથી ગાંજો પીનારા ગ્રાહકો શોધી લાવવામાં મદદ કરતો હતો.
    Click here to Read More
    Previous Article
    જેલમાંથી છૂટ્યાના 5 દિવસમાં જ ફરી 2 એક્ટિવા ચોર્યા:રીઢા વાહનચોરને વડોદરા ક્રાઇમ બ્રાન્ચે દબોચ્યો, 3 ગુનાનો ભેદ ઉકેલાયો; અગાઉ 23 ગુનાઓ નોંધાયેલા
    Next Article
    House Democrats Seek Records On Nvidia Sway Over Megaspeed Probe

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment