મોર્નિંગ ન્યૂઝ બ્રીફ:ઈઝરાયેલે કહ્યું- ઈરાની સિક્યુરિટી ચીફ માર્યા ગયા; બાળક દત્તક લેવા પર માતાને 12 અઠવાડિયાની રજા, ગીર સોમનાથમાં ‘સફેદ ઝેર’નું કારખાનું પકડાયું

નમસ્તે, ગઈકાલના મોટા સમાચાર ઈરાની સિક્યુરિટી ચીફના માર્યા ગયા હોવાના દાવા સાથે જોડાયેલા રહ્યા. બીજા મોટા સમાચાર સુપ્રીમ કોર્ટની જાહેરાતના રહ્યા. હવે બાળક દત્તક લેવા પર માતાને 12 અઠવાડિયાની રજા મળશે. ⏰ આજની ઈવેન્ટ્સ, જેના પર રહેશે નજર 1. સંસદમાં બજેટ સત્રના બીજા તબક્કાનો આજે આઠમો દિવસ છે. 2. નવી દિલ્હીમાં ભારત ટ્રાઈબ્સ ફેસ્ટ 2026નો શુભારંભ થશે. 📰 કાલના મોટા સમાચારો 1. ઈઝરાયલનો દાવો- ઈરાનના સૌથી શક્તિશાળી અધિકારી લારીજાની માર્યા ગયા: બસીજ ફોર્સના કમાન્ડર સુલેમાનીનું પણ મોત, ઈરાને હજુ સુધી પુષ્ટિ કરી નથી અમેરિકા-ઈઝરાયલ અને ઈરાન વચ્ચેના યુદ્ધનો આજે 18મો દિવસ છે. આ દરમિયાન ઈઝરાયલના રક્ષામંત્રી કાત્ઝે દાવો કર્યો છે કે ઈરાનમાં રાત્રે કરવામાં આવેલી એરસ્ટ્રાઈકમાં દેશના સિક્યોરિટી ચીફ અલી લારીજાની માર્યા ગયા છે. તેઓ ઈરાનના સૌથી શક્તિશાળી અધિકારી માનવામાં આવે છે. આ પહેલા ઈઝરાયેલી સેના (IDF) એ પુષ્ટિ કરી હતી કે તેણે લારીજાનીને નિશાન બનાવ્યા હતા. આ સાથે જ IDF એ જણાવ્યું કે એક અલગ હુમલામાં ઈરાનની બસીજ પેરામિલિટ્રી ફોર્સના કમાન્ડર ગોલામરેઝા સુલેમાનીને પણ મારી નાખવામાં આવ્યા છે. રક્ષામંત્રી કાત્ઝે નિવેદનમાં જણાવ્યું હતું કે લારીજાની અને બસીજ કમાન્ડરને ખતમ કરી દેવામાં આવ્યા છે અને તેઓ એવા લોકોની સાથે જઈ મળ્યા છે, જેમને ઈઝરાયલ પહેલા જ મારી ચૂક્યું છે. વાંચો સંપૂર્ણ સમાચાર 2. બાળક દત્તક લેવા પર માતાને 12 અઠવાડિયાની રજા:3 મહિનાથી ઓછી ઉંમરનો નિયમ હટાવ્યો, સુપ્રીમ કોર્ટે કહ્યું- પિતાને રજાનો પણ નિયમ બને જસ્ટિસ જે.બી. પારડીવાલા અને જસ્ટિસ આર. મહાદેવનની બેન્ચે આ વાત તે કેસની સુનાવણી દરમિયાન કહી, જેમાં આ સોશિયલ સિક્યુરિટી કોડની તે કલમને પડકારવામાં આવી હતી જેમાં દત્તક લેનાર માતાને ત્યારે જ પ્રસૂતિ રજા મળશે જ્યારે બાળક 3 મહિનાથી ઓછી ઉંમરનું હોય. હંસાનંદિની નંદુરીએ આ અંગે જનહિત અરજી દાખલ કરી હતી જેમાં કહેવામાં આવ્યું હતું કે ઉંમર આધારિત પ્રતિબંધ મનસ્વી અને બંધારણના અનુચ્છેદ 14નું ઉલ્લંઘન છે. કોર્ટે આ જોગવાઈમાં સુધારો કરતા કહ્યું કે જે મહિલા કાયદેસર રીતે બાળકને દત્તક લે છે, તેને બાળકની ઉંમર ગમે તે હોય, 12 મહિનાની મેટરનિટી લીવ મળશે. વાંચો સંપૂર્ણ સમાચાર 3. મમતા ભવાનીપુરથી ચૂંટણી લડશે, અહીં ભાજપના ઉમેદવાર સુવેન્દુ:તૃણમૂલે તમામ 291 બેઠકો પર ઉમેદવારોની જાહેરાત કરી; મમતાએ કહ્યું - બંગાળ જીતશે, દિલ્હીનો લાડુ હારશે તૃણમૂલ કોંગ્રેસ પાર્ટી (TMC)એ મંગળવારે પશ્ચિમ બંગાળ વિધાનસભા ચૂંટણીમાં 294 બેઠકોમાંથી 291 બેઠકો માટે પોતાના ઉમેદવારોની જાહેરાત કરી. બાકીની ત્રણ બેઠકો સાથી પક્ષ BJPMને આપવામાં આવી છે. મમતા બેનર્જી ભવાનીપુરથી ચૂંટણી લડશે. તેમનો મુકાબલો ભાજપ નેતા સુવેન્દુ અધિકારી સાથે થશે. પત્રકાર પરિષદમાં મુખ્યમંત્રીએ કહ્યું, "હું ભાજપને કહેવા માંગુ છું કે તેઓ કેમ ડરે છે. જો તમારે લડવું હોય તો મેદાનમાં આવો અને મુકાબલો કરો. મુખ્યમંત્રીએ કહ્યું કે ચૂંટણી પંચ ભાજપ વતી સ્માર્ટ ગેમ રમી રહ્યું છે. બંગાળમાં બે તબક્કામાં 23 અને 29 એપ્રિલે મતદાન થશે, પરિણામ 4 મેના રોજ આવશે. વાંચો સંપૂર્ણ સમાચાર 4. ક્રિકેટર કુલદીપ યાદવ દુલ્હન સાથે વિન્ટેજ કારમાં પહોંચ્યો:CM યોગીને પગે લાગ્યો, અખિલેશને ભેટ્યો; રિસેપ્શનમાં ગંભીર-ધવન અને જાડેજા પણ પહોંચ્યા ભારતીય ક્રિકેટ ટીમના સ્ટાર સ્પિનર કુલદીપ યાદવનું લખનઉમાં રિસેપ્શન શરૂ થઈ ગયું છે. કુલદીપ પોતાની દુલ્હન વંશિકા સાથે રોલ્સ-રોયસ વિન્ટેજ કારમાં સવાર થઈને હોટલ ‘ધ સેન્ટ્રમ’ પહોંચ્યા છે. 1960 મોડલની આ કાર ખાસ દિલ્હીથી મંગાવવામાં આવી છે. વર-કન્યા પરંપરાગત લુકમાં જોવા મળ્યા હતા. ટીમ ઈન્ડિયાના હેડ કોચ ગૌતમ ગંભીરે સૌથી પહેલા સ્ટેજ પર પહોંચીને કુલદીપ અને વંશિકાને આશીર્વાદ આપ્યા હતા. કુલદીપે ગૌતમ ગંભીરના ચરણ સ્પર્શ કર્યા હતા. યુપીના મુખ્યમંત્રી યોગી આદિત્યનાથ પણ રિસેપ્શનમાં પહોંચ્યા છે. કુલદીપે યોગીના ચરણ સ્પર્શ કરીને તેમના આશીર્વાદ લીધા, જ્યારે વંશિકાએ હાથ જોડીને નમસ્તે કર્યા હતા. વાંચો સંપૂર્ણ સમાચાર 5. કમિટીએ CMને UCCનો ફાઈનલ રિપોર્ટ સોંપ્યો, 25મીએ ગૃહમાં રજૂ કરાશે:લગ્ન માટે યુવતીની લઘુત્તમ વય 21 વર્ષ કરવા ભલામણ થઈ શકે, લિવ-ઇન માટે ફરજિયાત રજીસ્ટ્રેશનની સંભાવના ગુજરાતમાં UCC બિલ લાવવા અંગે તૈયારીઓ શરૂ થઈ ગઈ છે.રાજ્યમાં સમાન નાગરિક સંહિતા (UCC) લાગુ કરવાની દિશામાં મહત્વપૂર્ણ પગલું ભરાયું છે. UCC માટે રચાયેલી કમિટીએ પોતાનો ફાઈનલ રિપોર્ટ મુખ્યમંત્રીને સુપ્રત કર્યો હતો. મુખ્યમંત્રી નિવાસ સ્થાને આ રિપોર્ટ સોંપવામાં આવ્યો હતો. નોંધનીય છે કે આ કમિટી 4 ફેબ્રુઆરી, 2025ના રોજ રચવામાં આવી હતી અને વિવિધ મુદ્દાઓ પર વિસ્તૃત અભ્યાસ કર્યા બાદ હવે અંતિમ ભલામણો સાથે રિપોર્ટ રજૂ કર્યો છે. હવે રાજ્ય સરકાર દ્વારા આ રિપોર્ટના આધારે આગામી કાર્યવાહી હાથ ધરવામાં આવશે. વાંચો સંપૂર્ણ સમાચાર 6. દિયોદરમાં ધોરણ-12ના વિદ્યાર્થી પર છરા વડે જીવલેણ હુમલો:જીવ બચાવવા ATMમાં ઘૂસ્યો તો હુમલાખોરોએ ત્યાંથી બહાર ખેચી આડેધડ ઘા માર્યા, માથાના ભાગે ગંભીર ઈજા વાવ-થરાદ જિલ્લાદર તાલુકાના સોની ગામે પરીક્ષા આપીને બહાર નીકળેલા એક 18 વર્ષીય વિદ્યાર્થી પર જૂની અદાવતમાં બે શખ્સોએ છરા વડે હુમલો કર્યાની ઘટના સામે આવી છે. આ અંગે દિયોદર પોલીસ મથકે ભારતીય ન્યાય સંહિતાની વિવિધ કલમો હેઠળ ગુનો નોંધવામાં આવ્યો છે. ફરિયાદી 18 વર્ષીય યુવક મહેશ રામજીભાઈ ચૌધરી ડીસા તાલુકાના નેસડા ગામનો રહેવાસી છે. હાલ ધોરણ-12ની બોર્ડની પરીક્ષા આપી રહ્યો છે. ગઇકાલે 16 માર્ચે બપોરે 2:30 વાગ્યે તે સોની ગામની શ્રી બી.વી.પટેલ વિદ્યામંદિર ખાતે સંસ્કૃતનું પેપર લખવા ગયો હતો. પરીક્ષા દરમિયાન આરોપીઓ દ્વારા ફોન કરવામાં આવ્યા, પરંતુ પેપર હોવાથી મહેશે ફોન ઉપાડ્યા નહોતા. ત્યારબાદ ફોન પર થયેલી સામાન્ય બોલાચાલીમાં આરોપીઓએ મહેશને જાનથી મારી નાખવાની ધમકી આપી. વાંચો સંપૂર્ણ સમાચાર 7. ગીર સોમનાથમાં ‘સફેદ ઝેર’નું કારખાનું:રોજ 6000 લીટર નકલી દૂધ ડેરીઓમાં સપ્લાય થતું, યુરિયા-પામ ઓઈલથી બનતું ઝેરી દૂધ; ડાયાબિટીસથી કેન્સર સુધીનું જોખમ ગીર સોમનાથ જિલ્લામાં લોકોના આરોગ્ય સાથે ચેડાં કરતી નકલી દૂધ બનાવવાની ગેરકાયદે પ્રવૃત્તિ સામે પોલીસે લાલ આંખ કરી છે. ગુંદરણ ગામ નજીક આવેલા પ્રેમનગર નેસ વિસ્તારમાં કાર્યરત નકલી દૂધની ફેક્ટરી પર દરોડો પાડી પોલીસે કુલ 4,68,140 રૂપિયાનો મુદ્દામાલ જપ્ત કર્યો છે. આ દૂધ તાલાલા પંથકની ડેરીઓમાં સપ્લાય કરવાનું કૌભાંડ હોવાનું પ્રાથમિક તપાસમાં બહાર આવ્યું છે. અહીં 6 હજાર લીટર દૂધનું રોજ ઉત્પાદન કરાતું હોવાનું પોલીસ તપાસમાં સામે આવ્યું છે. નકલી દૂધમાં વપરાતા હાનિકારક પદાર્થોને કારણે સેવન કરનારને કેન્સર, ડાયાબિટિસ, આંતરડામાં ચાંદા, તેમજ પાચનતંત્રને લગતી અનેક ભયંકર રોગ થઈ શકે છે. વાંચો સંપૂર્ણ સમાચાર 🎭 આજનું કાર્ટૂન ⚡ કેટલાક મહત્વના સમાચારો હેડલાઈનમાં 1.નેશનલ : LIVE કેમેરા પર યુવકે છાતીમાં ગોળી મારી:મિત્ર વીડિયો બનાવતો રહ્યો, 'ચલાવતો નહીં ભાઈ...' કહ્યું પણ હસતા મોઢે ગોળી ધરબી; ચોંકાવનારો VIDEO વાંચો સંપૂર્ણ સમાચાર 2.ઈન્ટરનેશનલ : પાકિસ્તાને અફઘાનિસ્તાનની હોસ્પિટલ પર એરસ્ટ્રાઈક કરી:400નાં મોત, 250 ઘાયલ; PAKએ નશા મુક્તિ સેન્ટર પર બોમ્બ ફેંક્યા હોવાનો તાલિબાનનો આરોપ વાંચો સંપૂર્ણ સમાચાર 3.નેશનલ : લોકસભામાંથી વિપક્ષના 8 સાંસદોનું સસ્પેન્શન રદ:સ્પીકર બિરલાએ સાંસદોને કહ્યું- પોસ્ટરો અને AI-જનરેટેડ તસવીરો ન બતાવો; પ્રિયંકાએ કહ્યું- ખૂબ ખુશી થઈ વાંચો સંપૂર્ણ સમાચાર 4.ઈન્ટરનેશનલ : 'એકલા ચાલો રે' ટ્રમ્પ:'NATOનું ભવિષ્ય ખરાબ થશે'ની ધમકી, છતાં સાથી દેશોએ હોર્મુઝ મુદ્દે સાથ ન આપ્યો; કહ્યું- આ અમારું યુદ્ધ નથી વાંચો સંપૂર્ણ સમાચાર 5.બિઝનેસ : ચાંદી ₹5 હજાર વધીને ₹2.54 લાખ પર પહોંચી:સોનું ₹300 વધીને ₹1.56 લાખનું થયું, આ વર્ષે કિંમત ₹23 હજાર વધી ચૂકી છે વાંચો સંપૂર્ણ સમાચાર 6.સ્પોર્ટ્સ : IPL 2026: ગુજરાત ટાઇટન્સે ટિકિટોનું ઓનલાઈન વેચાણ શરૂ કર્યું:હોમ મેચની ટિકિટો 1000 થી 25 હજારની રહેશે; દર્શકોને મોબાઈલ પર ક્યુઆર કોડવાળી ટિકિટ મળશે વાંચો સંપૂર્ણ સમાચાર 7.ધર્મ તહેવાર જ્યોતિષ : બે દિવસ રહેશે અમાસ:18 માર્ચે પિતૃઓ માટે ધૂપ-ધ્યાન અને દાન-પુણ્ય કરો; 19 માર્ચથી ચૈત્ર નવરાત્રિનો પ્રારંભ વાંચો સંપૂર્ણ સમાચાર 🗣️ ચર્ચિત નિવેદન 😲 અજબ ગજબ ઈંડા પર લખવી પડશે મરઘીના ઈંડા આપવાની તારીખ 1 એપ્રિલ 2026થી ઉત્તર પ્રદેશમાં ઈંડા પર 'લેઈંગ ડેટ' એટલે કે મરઘીએ ઈંડા આપ્યાની તારીખ અને ઈંડાની એક્સપાયરી ડેટ લખવી અનિવાર્ય હશે. તેનાથી દુકાનદારો જૂના ઈંડાને ફ્રેશ કહીને વેચી શકશે નહીં. 📸 ફોટો, જે પોતે સમાચાર છે 🌟 ભાસ્કરની એક્સક્લૂસિવ સ્ટોરીઝ, જે સૌથી વધારે વંચાઈ 1. વાજપેયીને સ્ટેજ પર નચાવ્યા, મોદીએ આશીર્વાદ લીધા: PM બનાવવાની ક્રેડિટ લેનારા આસારામનો અસલી પાવર શેમાં હતો? 2008ની એક ઘટનાએ બધું બદલી નાખ્યું 2. આજનું એક્સપ્લેનર: અરબ દેશોએ અમેરિકાને કહ્યું- ઈરાનની 'બરબાદી' સુધી હુમલા કરતા રહો; પોતે યુદ્ધમાં કેમ નથી ઉતરી રહ્યા સાઉદી-UAE? 3. એક્સક્લૂસિવ : 2 દેશોની બોર્ડર અને બસમાં 1500 કિમીનો જોખમી પ્રવાસ: યુદ્ધ વચ્ચેથી બચ્યા ગુજરાતીઓ, કહ્યું- જો BAPSના સંતો ન હોત તો અમે આજે અહીં ન હોત 4. 25 વર્ષની ડ્રામા આર્ટિસ્ટ પ્રાચીની બીજા દિવસે સવારે લાશ મળી: ગળા પર ટૂંપો અને મોં પર ઉઝરડાના નિશાન હતા, 17 લોકોના ગ્રુપે ખંભાતમાં કરેલો શો છેલ્લો બની ગયો 5. બંગાળમાં મમતાની મંદિર રાજનીતિથી શું બદલાશે: એક વર્ષમાં ત્રણ મંદિરોનો શિલાન્યાસ-ઉદ્ઘાટન, લોકો બોલ્યા- મંદિર બનાવવાથી શું થશે 6. ભાસ્કર એક્સપ્લેનર : ભાજપે રાજ્યસભાની ચૂંટણીમાં 2 એક્સ્ટ્રા બેઠકો કેવી રીતે જીતી: હવે રાજ્યસભામાં મોદી સરકારને બહુમતીથી 17 સીટ વધારે, આની શું અસર પડશે 🌍 કરંટ અફેર્સ ⏳ આજના દિવસનો ઈતિહાસ 📊​​​​​​​ માર્કેટની સ્થિતિ 🌦️ મોસમનો મિજાજ બુધવારનું રાશિફળ: કર્ક રાશિના પૈતૃક સંપત્તિના વિવાદો ઉકેલાશે, વૃશ્ચિક અને કુંભ રાશિના જાતકોની આર્થિક સ્થિતિ મજબૂત થશે વાંચો સંપૂર્ણ રાશિફળ