Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    આકાશમાં રોમાંચક કરતબ કરાશે:વાયુસેનાની 11 સ્ક્વૉડ્રનની પ્લેટિનમ જ્યુબિલીની ઉજવણી, 12થી 15 નવેમ્બર દરમિયાન વડોદરા એરફિલ્ડ ખાતે હવાઈ શો યોજાશે

    6 hours ago

    ભારતીય વાયુસેનાની અતિ પ્રખ્યાત અને વિશ્વભરમાં નામના મેળવનાર સારંગ હેલિકોપ્ટર એરોબેટિક ડિસ્પ્લે ટીમ વડોદરાના આકાશમાં પોતાના અસાધારણ કૌશલ્ય, વિહંગમ દ્રશ્યો અને રોમાંચક એરોબેટિક્સના પ્રદર્શન માટે સંપૂર્ણપણે તૈયાર થઈ ગઈ છે. ભારતીય વાયુસેનાની 11 સ્ક્વૉડ્રનની પ્લેટિનમ જ્યુબિલીની ઐતિહાસિક ઉજવણીના ભાગરૂપે આ ભવ્ય હવાઈ શોનું આયોજન કરવામાં આવ્યું છે. 12થી 15 નવેમ્બર 2026 દરમિયાન વડોદરા એરફિલ્ડ ખાતે યોજાનારા આ ચાર દિવસીય કાર્યક્રમમાં સારંગ ટીમના અત્યંત કુશળ પાઇલટો તેમની નિર્બાધ એકતા, અસાધારણ શિસ્ત અને ઉચ્ચ કક્ષાની હવાઈ ચોકસાઈ દ્વારા ઉપસ્થિત તમામ પ્રેક્ષકોને મંત્રમુગ્ધ કરવા માટે ઉત્સાહિત છે. સારંગ ટીમ વિશ્વભરમાં પોતાની રીતે વિશિષ્ટ ભારતીય વાયુસેનાની આ સારંગ ટીમ વિશ્વભરમાં પોતાની રીતે વિશિષ્ટ ગણાતી ખૂબ જ જૂજ પાંચ-હેલિકોપ્ટર સૈન્ય એરોબેટિક ડિસ્પ્લે ટીમો પૈકીની એક હોવાની અનોખી ગરિમા ધરાવે છે. આ ટીમ સંપૂર્ણપણે સ્વદેશી રીતે ડિઝાઇન, વિકસિત અને ઉત્પાદિત કરવામાં આવેલા ‘એડવાન્સ્ડ લાઇટ હેલિકોપ્ટર’ (ALH) ધ્રુવનો ઉપયોગ કરીને પોતાની હવાઈ કલા રજૂ કરે છે. અત્યંત નજીકના અંતરે ક્લોઝ-ફોર્મેશન બનાવીને ઉડાન ભરવી એ ખૂબ જ જોખમી હોય છે, જેમાં પાઇલટ્સની સર્વોચ્ચ કક્ષાની ક્ષમતા, એકાગ્રતા અને ચોક્કસ ટાઇમિંગ અતિ આવશ્યક રહે છે. આ હવાઈ પ્રદર્શનો માત્ર વાયુસેનાના પાઇલટોની અદ્ભુત કુશળતા જ નથી દર્શાવતા, પરંતુ ભારતની આત્મનિર્ભરતા અને તેના વધતા જતા સ્વદેશી એરોસ્પેસ સંરક્ષણ ઉદ્યોગની અદ્યતન તાકાતનું વિશ્વ સમક્ષ જીવંત ઉદાહરણ પૂરું પાડે છે. રાષ્ટ્રીય પક્ષી મોરનું આકર્ષક પ્રતીકના આધારે નામ તેના સ્થાપના કાળથી જ ‘સારંગ’ ટીમે દેશ તેમજ વિદેશના અનેક પ્રતિષ્ઠિત રાષ્ટ્રીય અને આંતરરાષ્ટ્રીય એર શોમાં ભાગ લઈને ભારતીય વાયુસેનાનું ગૌરવપૂર્વક પ્રતિનિધિત્વ કર્યું છે. ભારતનું રાષ્ટ્રીય પક્ષી મોરનું આકર્ષક પ્રતીક ધરાવતા આ રંગબેરંગી હેલિકોપ્ટર જે રીતે આકાશમાં વાઇબ્રન્ટ કળા દર્શાવે છે, તેના પરથી જ ટીમનું નામ ‘સારંગ’ રાખવામાં આવ્યું છે. આ હેલિકોપ્ટર ભારત દેશની શાન, અપ્રતિમ સાહસ અને રાષ્ટ્રીય ગૌરવનું પ્રતિક બની ચૂક્યા છે. વડોદરા ખાતે યોજાનારા પ્રદર્શન માટે ઉત્સાહ વડોદરા ખાતે યોજાનારું આ પરફોર્મન્સ સામાજિક અને સાંસ્કૃતિક દૃષ્ટિએ પણ વિશેષ મહત્વ ધરાવે છે, કારણ કે તે સૈન્ય ઉડ્ડયનની સર્વોચ્ચ શ્રેષ્ઠતાને સામાન્ય લોકો સુધી ખૂબ નજીકથી પહોંચાડે છે. આ કાર્યક્રમમાં વિવિધ શાળાઓ અને કોલેજોના મોટી સંખ્યામાં વિદ્યાર્થીઓ તથા યુવાનો ઉપસ્થિત રહેશે. યુવા પેઢી માટે આ રોમાંચક પ્રદર્શનો જોવું એ માત્ર મનોરંજન નથી, પરંતુ ઉડ્ડયન ક્ષેત્ર, વિજ્ઞાન, ટેકનોલોજી અને ભારતીય સશસ્ત્ર દળોમાં ઝળહળતી કારકિર્દી બનાવવા માટેનો એક પ્રેરણાદાયક પરિચય બની રહેશે. બીજી તરફ, ભારતીય વાયુસેનાના નિવૃત્ત સૈનિકો અને વાયુ યોદ્ધાઓ માટે આ આયોજન માત્ર એક હવાઈ શૉ નથી, પરંતુ એક અદ્ભુત ભાવનાત્મક અનુભવ છે. આ દ્રશ્યો તેમનામાં અપાર દેશભક્તિ, ગર્વ, સન્માન અને વાયુસેના પરિવાર સાથેના ઊંડા જોડાણની ભાવનાને પુનઃજીવંત કરશે. વડોદરાના આંગણે સારંગ ટીમ પોતાના અદભુત કારનામાઓથી ફરી એકવાર યુવા પેઢીને પ્રેરણા આપવા, દેશમાં આવિષ્કાર અને સાહસની ભાવનાને પ્રોત્સાહિત કરવા તથા ભારતીય વાયુસેનાની અપ્રતિમ કાર્યકારી ક્ષમતાનું ભવ્ય પ્રદર્શન કરવા માટે આતુર છે.
    Click here to Read More
    Previous Article
    રાજ્યમાં દિવાળી પર 5934 ઈમરજન્સી કેસ નોંધાયા:સામાન્ય દિવસોની સરખામણીએ 56.54 ટકાનો ઉછાળો, સુરતમાં આગના સૌથી વધુ 119 બનાવ, જુઓ જિલ્લા વાઇઝ કેસ
    Next Article
    Usman Khawaja Refuses To Name Individuals, Urges Australian Team To Share Sandpapergate Burden

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment