સુરત-અમદાવાદમાં ગરમીના ડામથી ડામર ઓગાળવા લાગ્યો:દીવમાં માર્ચની ગરમીએ 100 વર્ષનો રેકોર્ડ તોડ્યો, રાજકોટ-સુરેન્દ્રનગરમાં રેડ તો 11 જિલ્લામાં ઓરેન્જ એલર્ટ

રાજ્યમાં માર્ચ મહિનાની શરૂઆતમાં જ આકાશમાંથી 'અગનજ્વાળા' વરસતા લોકો તોબા પોકારી ઉઠ્યા છે.માર્ચ મહિનાના શરૂઆતના 10 દિવસમાં જ તાપમાનનો પારો 40 ડિગ્રીને પાર પહોંચતા છેલ્લા ત્રણ વર્ષના તમામ રેકોર્ડ તૂટી ગયા છે. દીવમાં તો માર્ચની ગરમીએ 100 વર્ષનો રેકોર્ડ તોડી નાખ્યો છે. રાજ્યના મોટાભાગના શહેરોમાં ગરમીનો પારો 40 ડિગ્રીને પાર જવા લાગ્યો છે. હવામાન વિભાગે આજે રાજકોટ અને સુરેન્દ્રનગરમાં ગરમીનું રેડએલર્ટ આપ્યું છે. જ્યારે 11 જિલ્લાઓમાં ઓરેન્જ એલર્ટ અપાયું છે. અમદાવાદની વાત કરીએ તો અમદાવાદમાં આજે ગરમીનો પારો 42 ડિગ્રીએ પહોંચી શકે. દિવસે આકરી ગરમીનો સામનો કરનારા અમદાવાદીઓને રાત્રે પણ રાહત નહીં મળે. હવામાન વિભાગે આજે વોર્મ નાઈટનું એલર્ટ પણ આપ્યું છે. દીવમાં માર્ચ મહિનાની ગરમીએ 100 વર્ષનો રેકોર્ડ તોડ્યો સામાન્ય રીતે દીવમાં માર્ચ મહિનામાં 37 ડિગ્રી આસપાસ તાપમાન નોંધાતું હોય છે. પરંતુ, હવામાન વિભાગના જણાવ્યા પ્રમાણે,0 આ વર્ષે અહીં 100 વર્ષનો રેકોર્ડ તૂટ્યો છે. દીવમાં તાપમાનનો પારો 41 ડિગ્રીએ પહોંચ્યો છે. હવામાન વિભાગના ડાયરેક્ટર એ.કે. દાસના જણાવ્યા અનુસાર, માર્ચ મહિનામાં છેલ્લા 100 વર્ષમાં રેકોર્ડ બ્રેક ગરમી દીવમાં નોંધાઈ છે. ખાસ કરીને સમર વેકેશનમાં લોકો સૌથી વધારે દીવ ફરવા જવાનું પ્રિફર કરતા હોય છે. ત્યારે આ વખતે દીવમાં માર્ચ મહિનામાં જ 41.3 ડિગ્રી સેલ્સિયસ મહત્તમ તાપમાન નોંધાતા ગયા સો વર્ષનો રેકોર્ડ તોડી દીધો છે. અમદાવાદમાં આજે વોર્મ નાઈટનું એલર્ટ ખાસ કરીને આજે રાજકોટ અને સુરેન્દ્રનગર જિલ્લામાં રેડ એલર્ટ સાથે હીટવેવની આગાહી કરવામાં આવી છે. જ્યારે બનાસકાંઠા, પાટણ, સુરત, વડોદરા, પોરબંદર, જુનાગઢ, અમરેલી, ગીર સોમનાથ, બોટાદ, કચ્છ અને દીવમાં ઓરેન્જ એલર્ટ સાથે હીટવેવનું એલર્ટ આપવામાં આવ્યું છે. મહેસાણા, સાબરકાંઠા, ગાંધીનગર, અમદાવાદ, આણંદ, ભરૂચ, જામનગર અને ભાવનગરમાં યેલો એલર્ટ સાથે હીટવેવનું એલર્ટ આપવામાં આવ્યું છે. અમદાવાદની વાત કરીએ તો, અમદાવાદમાં રાત્રે પણ વોર્મ નાઇટનું એલર્ટ આપવામાં આવ્યું છે. ઉત્તર-પશ્ચિમ દિશાથી 15થી 20 કિમી પ્રતિ કલાકની ઝડપે પવન ફૂંકાશે જ્યારે આજે અમદાવાદ, ગાંધીનગર, બનાસકાંઠા, આણંદ, પાટણ, કચ્છ, સુરેન્દ્રનગર અને દીવ જિલ્લામાં વોર્મ નાઈટ એટલે કે રાત્રે પણ ઉકળાટભર્યું વાતાવરણ રહેવાની આગાહી કરવામાં આવી છે. દરિયાકાંઠાના વિસ્તારોમાં 13 માર્ચ સુધી દરમિયાન ગરમ અને ભેજવાળું વાતાવરણ રહેવાની શક્યતા છે અને ઉત્તર-પશ્ચિમ દિશાથી 15થી 20 કિલોમીટર પ્રતિ કલાકની ઝડપે પવન ફૂંકાશે. અમદાવાદમાં ડામરમાં બુટ-ચંપલ ચોંટવા લાગ્યા અમદાવાદના વટવાના ધારાસભ્ય બાબુસિંહ જાદવના નિવાસ સ્થાન પ્રણામી બંગલોઝને અડીને આવેલી તનમન ચોકડી અને માધવ સ્કૂલની બન્ને તરફ જતો રસ્તો થોડા સમય પહેલા જ બનાવ્યો હતો. આ ગરમીમાં તેનો ડામર પીગળી ગયો હતો. આ દોઢેક કિલોમીટરના માગઁ પર રાહદારીઓના બુટ-ચંપલ ડામર સાથે ચોંટતા જોવા મળ્યા હતા. સુરતમાં થોડા સમય પહેલાં જ બનેલો ડામર ઓગળી ગયો સુરતના રામપુરા વિસ્તારમાં ગરમીને કારણે ડામર ઓગળવાની ઘટના સામે આવતા તંત્રની કામગીરી સામે સવાલો ઉભા થયા છે. મળતી માહિતી મુજબ, રામપુરામાં કબીર મંદિર બીઆરટીએસ સ્ટેન્ડ પાસેનો રોડ થોડા સમય પહેલા જ તૈયાર કરવામાં આવ્યો હતો. જોકે, દિન-પ્રતિદિન વધતા તાપમાન સામે આ રોડ ટકી શક્યો નથી. ભરબપોરે પડતી ગરમીને કારણે રોડ પરનો ડામર નરમ પડીને ઓગળવા લાગ્યો હતો. 3થી 4 દિવસમાં તાપમાન 43 ડિગ્રી સુધી પહોંચવાની સંભાવના હવામાન નિષ્ણાત એ.ટી. દેસાઈએ જણાવ્યું હતું કે, હાલમાં વાતાવરણમાં ભેજનું પ્રમાણ ઘટીને 10%થી 20% નીચે ગયું છે, જે સામાન્ય રીતે 50%થી 60% રહેતું હોય છે. જેથી ચામડી બાળી નાખતી ગરમીનો અનુભવ થાય છે. આ સંજોગો જોતાં આગામી 3થી 4 દિવસમાં તાપમાન 43 ડિગ્રી સુધી પહોંચવાની પૂરી સંભાવના છે. અમદાવાદમાં માર્ચ મહિનાની શરૂઆતમાં જ છેલ્લા ચાર વર્ષના ડેટા પર નજર કરીએ તો, વર્ષ 2026માં ગરમીએ તમામ રેકોર્ડ તોડી નાખ્યા છે. પ્રથમ 10 દિવસમાં જ તાપમાનમાં આશ્ચર્યજનક ઉછાળો અમદાવાદમાં આ વર્ષે ગરમીનો પારો સતત ઉપર જઈ રહ્યો છે. પ્રાપ્ત માહિતી અનુસાર, માર્ચ મહિનાના પ્રથમ 10 દિવસમાં જ તાપમાનમાં આશ્ચર્યજનક ઉછાળો જોવા મળ્યો છે. માર્ચ 1ના રોજ જે તાપમાન 34.2°C હતું, તે માર્ચ 8 સુધીમાં વધીને 39.4°C પર પહોંચી ગયું છે. 2024 અને 2025ની સાપેક્ષમાં 2026માં ગરમીનું પ્રમાણ ખૂબ જ વધારે નોંધાયું છે. જોકે માર્ચ 9 અને 10ના અંદાજ મુજબ આગામી દિવસોમાં ગરમીનો પારો 40 ડિગ્રી સેલ્સિયસ અને 41 ડિગ્રી સેલ્સિયસને વટાવી જવાની પૂરેપૂરી શક્યતા છે. મ્યુનિ. હોસ્પિટલોમાં 10 બેડ રિઝર્વ રાખશે, લોકો માટે માર્ગદર્શિકા દિવસે તીવ્ર ગરમી પછી રાતે તાપમાન ન ઘટે તે જોખમી દિવસે તીવ્ર ગરમી રહ્યા બાદ રાત્રે પણ તાપમાન ઓછું ન થાય તો જોખમી સ્થિતિ મનાય છે. અગાઉનાં વર્ષોમાં આવું બન્યું છે. માર્ચ મહિનાથી રાત્રે ગરમી વર્તાવાનું શરૂ થઈ ગયું જ્યારે વાતાવરણમાં હાઈ પ્રેશર રચાય છે ત્યારે વાતાવરણમાં નીચલા સ્તરેથી ગરમ પવન સીધા જમીન તરફ આવે છે. આ પ્રક્રિયાથી આકાશ સ્વચ્છ રહેવાથી સૂર્યકિરણો સીધા જમીન પર પડતાં ગરમીનો પારો અચાનક ઊંચકાય છે. ક્રોંકીટ, રોડ અને મોટી બિલ્ડિંગ ગરમીને શોષી રાખે છે, જેથી શહેરોમાં આસપાસના ગ્રામ્ય વિસ્તારો કરતાં વધુ ગરમી અનુભવાય છે. લઘુતમ તાપમાનમાં પણ 5.2 ડિગ્રીનો વધારો થતાં માર્ચ મહિનાથી રાત્રે ગરમી વર્તાવાનું શરૂ થઈ ગયું. હીટ એક્શન પ્લાનના નામે દર વર્ષની જેમ મ્યુનિ. ORSનું પાણી પીવડાવશે ઇન્ફ્રા રિપોર્ટર | શહેરમાં બુધવારે ઓરેન્જ એલર્ટ એટલે કે સિવિયર હીટવેવની આગાહીને પગલે મ્યુનિ.એ તેનો જૂનો હીટ એક્શન પ્લાન જાહેર કર્યો છે. શહેરમાં 350 સ્થળે પાણીની પરબ તૈયાર કરી છે. 1 હજાર સ્થળે મ્યુનિ. ઓઆરએસ આપશે. ગયા વર્ષે 20 લાખ જેટલા ઓઆરએસ પેકેટનું વિતરણ કર્યું હતું. આ 4 કારણોસર ગરમીમાં વધારો થયો લૂ કે હીટવેવ શું છે? જવાબ- IMD (ભારત હવામાન વિભાગ) અનુસાર, જ્યારે મેદાની વિસ્તારોમાં મહત્તમ તાપમાન 40 ડિગ્રી સેલ્સિયસ અને પહાડી વિસ્તારોમાં તાપમાન 30 ડિગ્રી સેલ્સિયસ સુધી પહોંચે છે, ત્યારે ગરમ હવા ફૂંકાવા લાગે છે. જો કોઈપણ વિસ્તારમાં તાપમાન 47 ડિગ્રી સેલ્સિયસ સુધી પહોંચે છે, તો તેને હીટવેવની ખતરનાક શ્રેણી માનવામાં આવે છે. હીટ સ્ટ્રોકનું કારણ શું છે? આપણા શરીરનું સામાન્ય તાપમાન 37 ડિગ્રી સેલ્સિયસ છે. પરંતુ ઉનાળા દરમિયાન આસપાસના વાતાવરણનું તાપમાન 40 થી 45 ડિગ્રી સુધી પહોંચી જાય છે. આવી સ્થિતિમાં જ્યારે આપણે તીવ્ર સૂર્યપ્રકાશ અથવા ગરમ હવામાં બહાર જઈએ છીએ, ત્યારે આસપાસનું વાતાવરણ આપણા શરીરનું તાપમાન વધારી દે છે. જ્યારે આપણા શરીરનું તાપમાન સામાન્ય શરીરના તાપમાન એટલે કે 37 ડિગ્રી સેલ્સિયસ કરતાં વધી જાય છે, ત્યારે આ સ્થિતિને હીટ સ્ટ્રોક કહેવામાં આવે છે. હીટ સ્ટ્રોકના કિસ્સામાં કયા પ્રકારના ઘરગથ્થુ ઉપચાર કરી શકાય? હીટ સ્ટ્રોકના કિસ્સામાં, સૌ પ્રથમ શરીરના વધેલા તાપમાનને કંટ્રોલ કરવાની અને ડિહાઇડ્રેશન દૂર કરવાની જરૂર છે. આવી સ્થિતિમાં આ ઉપાયો અપનાવી શકાય છે. જેમ કે- જો કોઈ વ્યક્તિ માનસિક સમસ્યાઓથી પીડિત હોય, જેમ કે સ્ટટરિંગ, બેભાન થવું અથવા માનસિક ધ્રુજારી. આ સ્થિતિ ખતરનાક લેવલના હીટ સ્ટ્રોકની છે. આવી સ્થિતિમાં દર્દીને તાત્કાલિક હોસ્પિટલમાં લઈ જવો જોઈએ. કારણ કે આમાં શરીરનાં અંગોને નુકસાન થવાનું જોખમ રહેલું છે. વ્યક્તિએ પોતાની જાતે કોઈપણ પ્રકારની સારવાર ન કરવી જોઈએ. કારણ કે આવી સ્થિતિમાં થોડી બેદરકારી પણ દર્દીના મૃત્યુનું કારણ બની શકે છે. હીટ સ્ટ્રોકથી બચવા માટે કેવા પ્રકારની સાવચેતી રાખવી જોઈએ? જો તમને કોઈપણ પ્રકારની સમસ્યા લાગે તો તરત જ ડૉક્ટરનો સંપર્ક કરો. હીટ સ્ટ્રોકથી બચવા માટે કેવો આહાર હોવો જોઈએ? નિષ્ણાત તબીબના જણાવ્યા મુજબ, હીટ સ્ટ્રોકથી બચવા માટે ઘરની બહાર નીકળતા પહેલાં કંઈક ખાઓ. દાદા અને દાદી કહે છે કે ઘરની બહાર ક્યારેય ખાલી પેટ ન નીકળવું જોઈએ, તેની પાછળ વિજ્ઞાન છે. જ્યારે તમે ખાલી પેટે બહાર જાઓ છો, ત્યારે તમે ઝડપથી થાકી જાઓ છો અને ઇલેક્ટ્રોલાઇટ્સ ગુમાવો છો, જે ડિહાઇડ્રેશનનું કારણ બને છે. ગરમી અને સનસ્ટ્રોકથી બચવા માટે તમે નારિયેળ પાણી પી શકો છો. આ ઉપરાંત, તડકામાંથી આવ્યા પછી અથવા વધુ પડતો પરસેવો આવ્યા પછી તરત જ ઠંડું પાણી પીવું જોઈએ નહીં. ઉનાળામાં પાણીમાં લીંબુ અને મીઠું ભેળવીને દિવસમાં બે-ત્રણ વાર પીવું જોઈએ. આ હીટ સ્ટ્રોકનું જોખમ ઘટાડે છે. જે લોકો હીટ સ્ટ્રોકથી પરેશાન છે તેઓ માટે જવનો લોટ અને ડુંગળી પીસીને પેસ્ટ બનાવો અને તેને શરીર પર લગાવો, તેનાથી તેમને ઘણી રાહત થશે. તડકામાંથી બહાર આવ્યા પછી ડુંગળીનો થોડો રસ મધમાં ભેળવીને ચાટવાથી હીટ સ્ટ્રોકનું જોખમ ઓછું થાય છે. ઉનાળાની ઋતુમાં જમ્યા પછી ગોળ ખાવાથી હીટ સ્ટ્રોકનું જોખમ પણ ઓછું થઈ જાય છે. ઉનાળામાં હળવો ખોરાક લેવો જોઈએ અને ડાયટમાં દહીંનો સમાવેશ કરવો જોઈએ.