Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    દિવાળી વેકેશનમાં જૂનાગઢનું સક્કરબાગ ઝૂ પ્રવાસીઓથી ઉભરાયું:રોજની 10 હજારથી વધુ જનમેદની, 52 હજાર પ્રવાસીઓએ માણ્યો વન્યજીવોનો નજારો

    एक दिन पहले

    દિવાળીના મીની વેકેશન નિમિત્તે લોકો હજુ પણ રજાના મૂડમાં છે અને પરિવાર સાથે વિવિધ પર્યટન સ્થળો પર ફરી રહ્યા છે. આ દરમિયાન ગુજરાતનું સૌથી જૂનું અને નવાબી કાળનું જૂનાગઢ સ્થિત સક્કરબાગ પ્રાણીસંગ્રહાલય પ્રવાસીઓ માટે આકર્ષણનું મુખ્ય કેન્દ્ર બન્યું છે. અહીં ગીરના ડાલામથા સિંહ, દીપડા, વાઘ, શિયાળ, હરણ, ઝરખ, કાળિયાર, જંગલી બિલાડી અને મગર સહિત વિવિધ પક્ષીઓ નિહાળવા માટે દૂર-દૂરથી નાના બાળકોથી લઈને સિનિયર સિટીઝન્સ મોટી સંખ્યામાં ઉમટી રહ્યા છે. વેકેશનના દિવસોમાં ઝૂ ખાતે રોજની સરેરાશ 10,000 જેટલી જનમેદની જોવા મળી રહી છે. 8 તારીખ બાદ 38 હજારથી વધુ પ્રવાસીઓ નોંધાયા સક્કરબાગ પ્રાણીસંગ્રહાલયના રેન્જ ફોરેસ્ટ ઓફિસર એલ. એસ. સુત્રેજાએ વિગતો આપતા જણાવ્યું હતું કે, વેકેશનના પ્રથમ સપ્તાહમાં એટલે કે 1થી 7 તારીખ દરમિયાન અંદાજે 14,000 જેટલા પ્રવાસીઓએ ઝૂની મુલાકાત લીધી હતી. ત્યારબાદ 8 તારીખથી ગઈકાલ સુધીના આંકડા તપાસતા લગભગ 38,000 જેટલા પ્રવાસીઓ આવ્યા છે, જે દર્શાવે છે કે તહેવારો પૂરા થયા પછી પણ રોજિંદી મોટી સંખ્યામાં લોકો ઉમટી રહ્યા છે. પ્રવાસીઓને ટિકિટ લેવામાં ટ્રાફિક ન નડે તે માટે પાર્કિંગ અને મુખ્ય એન્ટ્રી પાસે કુલ ત્રણ ટિકિટ બારીઓની વ્યવસ્થા કરાઈ છે, તેમ છતાં ભારે ઘસારાને કારણે લાંબી કતારો જોવા મળી રહી છે. વાંસની કુટીરો, માહિતી બોર્ડ અને ગોલ્ફ કાર્ટની સુવિધાથી પ્રવાસીઓને રાહત ઝૂની મુલાકાત લેતા પ્રવાસીઓ માટે તંત્ર દ્વારા વિશેષ સુવિધાઓ ઊભી કરવામાં આવી છે. પ્રાણીઓ અને પક્ષીઓના પાંજરા બહાર બાળકોને તે વિશે યોગ્ય જાણકારી મળી રહે તે માટે માહિતી આપતા બોર્ડ મૂકવામાં આવ્યા છે, જેનાથી આનંદની સાથે જ્ઞાનમાં પણ વધારો થાય છે. આ ઉપરાંત, ઝૂની અંદર મુલાકાતીઓને છાંયો મળી રહે તે માટે વાંસમાંથી બનાવેલી સુંદર કુટીરો તૈયાર કરવામાં આવી છે અને સમગ્ર પ્રાણીસંગ્રહાલયની મુલાકાત આરામદાયક બને તે હેતુથી ગોલ્ફ કાર્ટની સુવિધા પણ ઉપલબ્ધ કરાવવામાં આવી છે. મીની સફારી પાર્કમાં સિંહ-વાઘ નિહાળવા પ્રવાસીઓમાં ભારે ઉત્સાહ સક્કરબાગ ઝૂમાં આવેલો મીની સફારી પાર્ક પ્રવાસીઓ માટે સૌથી વધુ આકર્ષણ જમાવી રહ્યો છે. અહીં બસ અને ઇલેક્ટ્રિક કાર્ટની અંદર બેસીને પ્રવાસીઓને લઈ જવામાં આવે છે, જ્યાં સિંહ, વાઘ અને રીંછ જેવા વન્ય પ્રાણીઓ ખુલ્લામાં વિહરતા જોવા મળે છે. સફારીમાં ફરવા માટે મુલાકાતીઓમાં ભારે ઉત્સાહ હોવાથી ત્યાં પણ લાંબી લાઈનો લાગી રહી છે. પ્રવાસીઓને સફારીની મજા માણવામાં કોઈ અગવડ ન પડે તે માટે તંત્ર દ્વારા ગોલ્ફ કાર્ટ અને બસ એમ બંને પ્રકારની ઉત્તમ વ્યવસ્થાઓ સુનિશ્ચિત કરવામાં આવી છે.
    Click here to Read More
    Previous Article
    PM મોદીની બેઠકમાં સૌરભ દલાલની સરપ્રાઇઝ એન્ટ્રી:ગુજરાતમાં મહાદેવ એપ પર CBIની તવાઈ, લાભપાંચમે ધમધમ્યા બજારો; કર્ણાટક બોટ દુર્ઘટનામાં સુરતના દંપતીનો કરૂણ અંત
    Next Article
    જૂની ટીપાઈનો વિવાદ પોલીસ સ્ટેશને પહોંચ્યો:વરતેજમાં બે પાડોશી પરિવારો વચ્ચે મારામારી, એકને માથામાં ચાર ટાંકા આવ્યા; સામસામે પોલીસ ફરિયાદ નોંધાઈ

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment