Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    સમસ્યા:10 હજાર ઉંડેરાવાસી 4 ગણો વેરો ચૂકવે છે પણ 6 વર્ષથી તળાવની દુર્ગંધ, સાંકડા રસ્તા અને જૂની ગટરોથી પરેશાન

    12 घंटे पहले

    વડોદરાના પશ્ચિમે આવેલા ઉંડેરા ગામનો સમાવેશ 6 વર્ષ પહેલાં જ પાલિકામાં થઈ ગયો હતો. શહેરી વિસ્તારની નવી ઓળખ મળવા છતાં ઉંડેરાવાસીઓ નાખુશ છે. ઉંડેરાની આગવી ઓળખ તેનું તળાવ છે. પાલિકા અને અધિકારીઓ સ્વચ્છ વડોદરાની વાતો કરે છે. પરંતુ હકીકત એ છે કે આજે આ તળાવમાં સેંકડો મકાનોનાં ગટરનાં પાણી છોડાઈ રહ્યાં છે. જેના લીધે ઉંડેરાના લોકોને માથું ફાડી નાખતી દુર્ગંધનો સામનો કરવો પડે છે. શહેરનાં અન્ય તળાવોનાં ડેવલપમેન્ટ થઈ રહ્યાં છે, ત્યારે આ તળાવ પાસેથી જતાં લોકો અચકાય છે. 6 વર્ષ પહેલાં આઇઓસીએલના ઉચ્ચ અધિકારીએ તળાવના વિકાસ માટે રૂ. 6.5 કરોડ મંજૂર કર્યા હતા. તેમ છતાં પાલિકાએ કામ ધરાર ચાલુ ન કર્યું. પાલિકામાં આવ્યા બાદ 10 હજાર ઉંડેરાવાસીઓ પંચાયતની સરખામણીએ 4 ગણો વેરો ચૂકવે છે. તેઓ અગાઉ વર્ષે રૂ. 800 વેરો ચૂકવતા હતા. હવે 3 હજારથી વધુ વેરો ચૂકવે છે. આમ છતાં હજીય આ વિસ્તાર સાંકડા રસ્તાથી હેરાન છે. લોકોએ જણાવ્યું કે, અઢી કરોડ રૂપિયાના ખર્ચે રસ્તા બને છે, પણ ગુણવત્તા નથી. સાંકડા રસ્તાને લીધે સિટી બસ ગામમાં આવી શકે તેમ નથી. આ ઉપરાંત, વિસ્તારમાં નવી ગટર લાઇન નંખાઈ, પણ જોડાણો અપાયાં નથી. પાણીની લાઇનો અપાઈ, પણ ટાંકી સાથે મોટા ભાગનો વિસ્તાર જોડાયેલો નથી. અહીં પંચાયતે રોજગારી માટે ભાડાપટ્ટે 80 જેટલી દુકાનો આપી હતી. પરંતુ તેની આકારણી કરી નથી. જો આકારણી થાય તો પાલિકાને પણ ફાયદો થાય તેમ છે. સ્ટ્રીટલાઇટો પૂરતી નથી, નવી ગટરોનું જોડાણ અધૂરું જેથી હજીય ગામમાં ખાળકૂવા છે વરસાદી ગટર જ ઊંચી રાખી, પાણી કેવી રીતે બહાર નીકળે? રહીશ ચીમન પટેલ કહે છે કે, વરસાદી ગટરની મેઇન લાઇન પાલિકાએ નાંખી છે પણ તે ઊંચી છે. જો નીચે હોય તો પાણી તેમાં પ્રવેશે. જેના લીધે દત્તવિહાર, ભાઇલાલ પાર્ક, અક્ષરધામના પાણી માઇકૃપા સોસાયટીમાં પ્રવેશે છે અને પછી તેનો નિકાલ થાય છે. જેથી 2500 જેટલા લોકો હેરાન થાય છે. જોકે, ગેઇલ સાથે યોગ્ય સંકલન કરવામાં નાપાસ પાલિકાના અધિકારીઓની આળસને લીધે ઉંડેરાના લોકો આપદા ભોગવી રહ્યાં છે. પુષ્પક સોસાયટીના લોકો પણ આ જ પ્રકારની હાડમારી ભોગવે છે. ગટરના જોડાણની સમસ્યાનો આગામી ટૂંક સમયમાં ઉકેલ આવશે ઉંડેરા તળાવના ડેવલોપમેન્ટનું આયોજન છે જ. આગામી મહિનાઓમાં તેને લગતી વહીવટી કામગીરી શરૂ થશે. પાણી અને ગટરના જોડાણની સમસ્યાનો પણ આગામી ટૂંક સમયમાં ઉકેલ આવશે. > પરેશ બ્રહ્મભટ્ટ, સ્થાનિક કાઉન્સિલર.
    Click here to Read More
    Previous Article
    સુરતમાં આપઘાતની બે ઘટના:મોબાઈલ બાબતે માતાએ ઠપકો આપતા ધો-9ના વિદ્યાર્થીએ ફાંસો ખાધો, અવસાન પામેલા પુત્રના વિરહમાં પિતાએ જીવન ટૂંકાવ્યું
    Next Article
    "Don't Need Money": Usman Khawaja Hits Back At 'Financial Gain' Accusation Amid Sandpapergate Row

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment