Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    10થી વધુ કૂતરાંએ મહિલાને બચકાં ભરી ભરીને પાડી દીધા:ભાવનગરમાં શ્વાનના ટોળાનો હુમલો, મોતના મોમાથી સ્થાનિકોએ મહામુસીબતે છોડાવી

    7 hours ago

    ભાવનગરના રાણીકા વિસ્તારમાં રસ્તા પરથી ચાલીને જતા એક વૃદ્ધ મહિલા પર શ્વાનના ટોળાએ અચાનક હુમલો કરી પાડી દીધા અને આડેધડ બચકાં ભરી લીધા હતા. મહિલાને ગંભીર ઈજા થતાં તાત્કાલિક સારવાર માટે સરકારી હોસ્પિટલમાં ખસેડાયા હતા. સીસીટીવીમાં જોઈ શકાય છે કે, મહિલા હાથમાં લાલ થેલી લઈને રસ્તા પર ચાલી રહી છે. ત્યારે રસ્તાની બાજુમાંથી એક કૂતરો દોડીને મહિલા પાસે આવે છે. મહિલા પોતાની થેલી વડે તેને ભગાડવાનો પ્રયાસ કરે છે. એટલામાં સામેથી બીજા બે કૂતરા પણ ત્યાં દોડી આવે છે અને હુમલો કરી દે છે. પાઈજામા ખેંચીને બચકાં ભરતાં મહિલા બચવાના પ્રયાસમાં સંતુલન ગુમાવીને પડી જાય છે. કૂતરાઓ હુમલો કરીને ત્યાંથી જતા રહે છે, મહિલા દર્દથી કણસતી જમીન પર જ બેસી રહે છે અને બૂમાબૂમ કરે છે ત્યાં થોડી વારમાં આસપાસથી અન્ય ત્રણ મહિલાઓ દોડીને મદદ માટે આવે છે. જમીન પર પછાડી બચકાં ભરીને લોહીલુહાણ કરી નાખ્યા રાણીકા વિસ્તારમાં એક વૃદ્ધ મહિલા રસ્તા પર પગપાળા જઈ રહી હતી. તે દરમિયાન 10થી વધુ શ્વાનના ટોળાએ મહિલાને ઘેરી લઈ અચાનક હુમલો કર્યો હતો. શ્વાનોએ મહિલાને જમીન પર પછાડી બચકાં ભરીને લોહીલુહાણ કરી નાખ્યા હતા. વૃદ્ધ મહિલાને સારવાર માટે ખસેડાયા આ દરમિયાન મહિલાની બૂમાબૂમ સાંભળી આસપાસના લોકો દોડી આવ્યા હતા અને રખડતા શ્વાનને પથ્થર મારી ભગાડી મહિલાને મહામુસીબતે બચાવી હતી. ત્યારબાદ ઈજાગ્રસ્ત મ સર ટી. હોસ્પિટલમાં ખસેડવામાં આવી હતી. આ સમગ્ર ઘટના સીસીટીવી કેમેરામાં કેદ થઈ હતી.
    Click here to Read More
    Previous Article
    ગેસ એજન્સીધારકના ગળે છરી મૂકી ₹4 લાખની ખંડણી પડાવનાર ઝડપાયો:"તે મારા માણસ પાસેથી ગેસના બાટલાના પૈસા કેમ લીધા?" કહી વેપારીને જાનથી મારી નાખવાની આપી હતી ધમકી
    Next Article
    રાજકોટમાં પતિએ પત્નીને છરીના ઘા ઝીંકીને પતાવી દીધી:હત્યા બાદ પ્રવીણ પણ ઝેરી દવા પીને ઘરેથી ભાગ્યો, ગૃહ કંકાસ અને પત્નીને આડા સબંધ હોવાની શંકા, પોલીસ ઘટનાસ્થળે

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment