Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    ભાજપ ઉમેદવારે જન્મ પહેલાં જ 10 ધોરણ પાસ કર્યું:સોગંદનામામાં જન્મ વર્ષ 1966 અને 1965માં 10 પાસ થયા; કોંગ્રેસની ઉમેદવારી રદ કરવાની માગ

    16 hours ago

    1

    0

    👍 ❤️ 😂 😮 😢 😡 😘 🤐 🥰

    બંગાળની નંદીગ્રામ બેઠક પર પેટાચૂંટણી પહેલાં વધુ એક વિવાદ સામે આવ્યો છે. કોંગ્રેસે BJP ઉમેદવાર હસીરાની રથ વિરુદ્ધ કલકત્તા હાઈકોર્ટમાં અરજી દાખલ કરી છે. કોંગ્રેસનો દાવો છે કે BJP ઉમેદવારે ચૂંટણીના સોગંદનામામાં પોતાની ઉંમર અને અભ્યાસ સંબંધિત ખોટી માહિતી આપી છે. કોંગ્રેસ નેતા અને વકીલ રિત્ઝૂ ઘોષાલે કોર્ટમાં કહ્યું- હસીરાની રથે સોગંદનામામાં જન્મ વર્ષ 1966 જણાવ્યું છે, જ્યારે 1965માં માધ્યમિક એટલે કે ધોરણ 10ની પરીક્ષા પાસ કરી હોવાનો ઉલ્લેખ કર્યો છે. હસીરાનીએ જન્મ પહેલાં ધોરણ 10ની પરીક્ષા કેવી રીતે પાસ કરી લીધી? નંદીગ્રામ વિધાનસભા બેઠક પર 6 ઓક્ટોબરે પેટાચૂંટણી યોજાશે અને 9 ઓક્ટોબરે મતગણતરી થશે. હસીરાની રથની ઉમેદવારીની જાહેરાત 15 સપ્ટેમ્બરે કરવામાં આવી હતી. તેઓ CM શુભેન્દુ અધિકારીના PA ચંદ્રનાથ રથનાં માતા છે. 4 મેના રોજ બંગાળ ચૂંટણીનાં પરિણામો જાહેર થયાના બે દિવસ બાદ ચંદ્રનાથની ગોળી મારીને હત્યા કરી દેવામાં આવી હતી. શાળાની માન્યતા પર પણ સવાલ, દાવો- માત્ર ધોરણ 5 સુધી અભ્યાસ કરાવવામાં આવતો હતો ભાજપના ઉમેદવારે સોગંદનામામાં જે શાળાનું નામ આપ્યું છે, તેના રેકોર્ડ પર પણ કોંગ્રેસે સવાલો ઉઠાવ્યા છે. પાર્ટીના જણાવ્યા અનુસાર, ચૌખાલી ગંગા પદ્મ મિલન કન્યા વિદ્યાપીઠની શરૂઆત 1963માં થઈ હતી. તે સમયે ત્યાં ધોરણ 5 સુધી અભ્યાસ કરાવવામાં આવતો હતો. કોંગ્રેસના જણાવ્યા અનુસાર, શાળાને ધોરણ 10 સુધી ભણાવવાની સરકારી મંજૂરી 1973માં મળી હતી. રિત્ઝૂ ઘોષાલે જણાવ્યું કે ચૂંટણી પંચે સોગંદનામાની તપાસ કરી હતી, પરંતુ ગેરરીતિ અંગે કોઈ કાર્યવાહી કરી નહોતી. કોંગ્રેસે કહ્યું કે જો ભાજપના ઉમેદવારની શૈક્ષણિક લાયકાત સંબંધિત માહિતી ખોટી જણાય તો તેમની ઉમેદવારી રદ કરવામાં આવે. કોંગ્રેસની અરજી પર કલકત્તા હાઈકોર્ટ ગુરુવારે સુનાવણી કરશે. ભાજપે કહ્યું- સોગંદનામામાં માત્ર ટાઈપિંગની ભૂલ બીજી તરફ, BJPએ કોંગ્રેસના આરોપોને ફગાવી દીધા. પાર્ટીએ કહ્યું કે હસીરાનીની ઉંમરને લઈને કોઈ સમસ્યા નથી. BJP મુજબ, હસીરાનીએ 1980માં ધોરણ 10માં અભ્યાસ કર્યો હતો. પાર્ટીએ કહ્યું કે સોગંદનામામાં માત્ર ટાઈપિંગની ભૂલ થઈ છે. હસીરાનીની નંદીગ્રામ સ્થિત ઓફિસે કહ્યું કે તેમનો જન્મ 1965માં થયો હતો અને તેમણે 1980માં ધોરણ 10નો અભ્યાસ કર્યો હતો. તેમણે તે સમયે બંગાળમાં અમલમાં રહેલી માધ્યમિક પરીક્ષા પદ્ધતિ હેઠળ મેટ્રિકની પરીક્ષા પાસ કરી હતી. હવે આગળ શું થઈ શકે? 1. હાઈકોર્ટ BJP ઉમેદવાર પાસેથી જવાબ માંગી શકે છે: હસીરાની રથ તરફથી દસ્તાવેજો દ્વારા સમજાવવામાં આવી શકે છે કે 1965 અને શૈક્ષણિક લાયકાતની માહિતી કેવી રીતે નોંધાઈ. 2. મૂળ દસ્તાવેજોની તપાસ થઈ શકે છે: જન્મ પ્રમાણપત્ર, શાળાના રેકોર્ડ, પરીક્ષા/પ્રમાણપત્ર અને નામાંકન દસ્તાવેજો તપાસવામાં આવશે. ખાસ કરીને એ તપાસવું પડશે કે 1965 ખરેખર ધોરણ 10 પાસ કર્યાનું વર્ષ છે કે પછી સોગંદનામામાં ખોટી રીતે નોંધાયું છે. 3. ચૂંટણી પંચનો જવાબ પણ મહત્વપૂર્ણ રહેશે: કોંગ્રેસનું કહેવું છે કે પંચે સોગંદનામાની તપાસ કરવા છતાં આ વિસંગતિ અંગે કોઈ કાર્યવાહી કરી નથી. તેથી હાઈકોર્ટ ચૂંટણી પંચ પાસેથી પણ જવાબ માંગી શકે છે. 4. જો માહિતી ખોટી સાબિત થાય, તો ઉમેદવારી પર અસરનો પ્રશ્ન ઊભો થશે: કોંગ્રેસે આ જ આધાર પર ઉમેદવારી રદ કરવાની માગ કરી છે. પરંતુ માત્ર ભૂલ સામે આવવી અને કાયદેસર રીતે ઉમેદવારી રદ થવી- આ બે અલગ પ્રશ્નો છે. કોર્ટને એ પણ જોવું પડશે કે ભૂલનું સ્વરૂપ શું છે અને ચૂંટણી કાયદા હેઠળ તેનું શું પરિણામ આવશે. નંદીગ્રામથી શુભેન્દુએ મમતાને હરાવ્યા, ભાજપ સતત બે વખત જીતી નંદીગ્રામ લાંબા સમયથી TMC અને ભાજપ વચ્ચેના રાજકીય સંઘર્ષનું મુખ્ય કેન્દ્ર રહ્યું છે. આ વિસ્તારમાં 2007ના જમીન અધિગ્રહણ વિરોધી આંદોલને મમતા બેનર્જી અને TMCને 2011માં સત્તા સુધી પહોંચાડવામાં મોટી ભૂમિકા ભજવી હતી. 2021માં મમતા બેનર્જીએ અહીંથી બંગાળના વર્તમાન સીએમ શુભેન્દુ અધિકારી સામે ચૂંટણી લડી હતી, પરંતુ તેઓ હારી ગયાં હતાં. 2026ની વિધાનસભા ચૂંટણીમાં શુભેન્દુ અધિકારીએ નંદીગ્રામ ઉપરાંત ભવાનીપુર બેઠક પરથી પણ ચૂંટણી લડી અને બંને જગ્યાએ જીત મેળવી. બાદમાં અધિકારીએ ભવાનીપુર બેઠક પોતાની પાસે રાખી અને નંદીગ્રામમાંથી રાજીનામું આપી દીધું. ત્યારબાદ નંદીગ્રામ બેઠક ખાલી થઈ. TMC ઉમેદવારે નામ પાછું ખેંચ્યું, મમતાએ કોંગ્રેસને સમર્થન આપ્યું નંદીગ્રામ પેટાચૂંટણીમાં મમતા બેનર્જીના TMC જૂથે સંચિતા પ્રધાન ડેને ઉમેદવાર બનાવ્યા હતા. 18 સપ્ટેમ્બરે તેમણે CM શુભેન્દુ સાથે મુલાકાત કર્યા બાદ ચૂંટણીમાંથી નામ પાછું ખેંચી લીધું. તેમના નામ પાછું ખેંચ્યા બાદ મમતા બેનર્જીએ કોંગ્રેસના ઉમેદવાર મિલન પ્રધાનને સમર્થન આપવાની જાહેરાત કરી. સમર્થનના થોડા કલાકો બાદ કોંગ્રેસના ઉમેદવારની ધરપકડ મમતા બેનર્જીએ સમર્થનની જાહેરાત કર્યાના થોડા જ કલાકો બાદ કોંગ્રેસના ઉમેદવાર મિલન પ્રધાનની 2007ના એક જૂના ગુનાહિત કેસમાં ધરપકડ કરવામાં આવી. આ મામલો નંદીગ્રામના જમીન સંપાદન વિરોધી આંદોલન સાથે જોડાયેલો છે. બાદમાં પ્રધાનને અલગ-અલગ કેસોમાં ન્યાયિક કસ્ટડીમાં મોકલી દેવામાં આવ્યા. 23 સપ્ટેમ્બરે અદાલતે તેમને 2007ના અન્ય એક કેસમાં 7 ઑક્ટોબર સુધી ન્યાયિક કસ્ટડીમાં મોકલી દીધા, જ્યારે નંદીગ્રામમાં મતદાન 6 ઑક્ટોબરે થવાનું છે. કલકત્તા હાઈકોર્ટ 24 સપ્ટેમ્બરે પ્રધાનની અરજી પર પણ સુનાવણી કરશે. --------------------------- આ સમાચાર પણ વાંચો: નંદીગ્રામ પેટાચૂંટણીમાં CM શુભેન્દુના PAની માતા ઉમેદવાર:બંગાળના ચૂંટણી પરિણામના બીજા દિવસે ચંદ્રનાથની હત્યા થઈ હતી; CMએ આ બેઠક છોડી ભાજપે પશ્ચિમ બંગાળની રેજીનગર અને નંદીગ્રામ વિધાનસભા બેઠક પર પેટાચૂંટણી માટે પોતાના ઉમેદવારોના નામ જાહેર કર્યા છે. પાર્ટીએ રેજીનગરથી શાશ્વર સરકાર અને નંદીગ્રામથી હસીરાણી રથને ટિકિટ આપી છે. હસીરાણી રથ CM શુભેન્દુ અધિકારીના PA ચંદ્રનાથ રથના માતા છે. બંગાળ વિધાનસભા ચૂંટણીના પરિણામોના બે દિવસ પછી, 5 મેની રાત્રે નોર્થ 24 પરગણાના મધ્યમગ્રામમાં 42 વર્ષીય ચંદ્રનાથની ગોળી મારીને હત્યા કરવામાં આવી હતી. વાંચો સંપૂર્ણ સમાચાર…
    Click here to Read More
    • Share:
    ઈરાની રાષ્ટ્રપતિ ખામેનીની તસવીર લઈને ભાષણ આપવા પહોંચ્યા:મીનાબ હુમલામાં માર્યા ગયેલી બાળકીની તસવીરો બતાવી, કહ્યું- અમે આતંકના શિકાર છીએ
    Previous Article
    ઈરાની રાષ્ટ્રપતિ ખામેનીની તસવીર લઈને ભાષણ આપવા પહોંચ્યા:મીનાબ હુમલામાં માર્યા ગયેલી બાળકીની તસવીરો બતાવી, કહ્યું- અમે આતંકના શિકાર છીએ
    Next Article
    વેરાવળમાં સખી મંડળની બહેનો ઘરે-ઘરે સ્વચ્છતાનો સંકલ્પ લેવડાવશે:ભીનો-સૂકો કચરો અલગ રાખવા નાગરિકોને સમજાવશે, સંકલ્પ પત્ર પણ ભરાવશે
    વેરાવળમાં સખી મંડળની બહેનો ઘરે-ઘરે સ્વચ્છતાનો સંકલ્પ લેવડાવશે:ભીનો-સૂકો કચરો અલગ રાખવા નાગરિકોને સમજાવશે, સંકલ્પ પત્ર પણ ભરાવશે

    Related National Updates:

    Are you sure? You want to delete this comment..! Remove Cancel

    Comments (0)

      Leave a comment

      Send