Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    આર્યને પિતા શાહરુખને 'બીસ્ટ' ગણાવ્યા:કહ્યું- 'નંબર-1 વ્યક્તિ સાથે સરખામણી થવી પ્રશંસાની વાત છે', સલમાનનો મજેદાર કિસ્સો પણ સંભળાવ્યો

    9 hours ago

    શાહરૂખ ખાનના દીકરા અને ફિલ્મમેકર આર્યન ખાનનું કહેવું છે કે, પિતા સાથે તેની સરખામણી થવી તેના માટે મુશ્કેલીની વાત નથી. તે તેને પ્રશંસા તરીકે લે છે. આર્યને આ વાત અમેરિકન મેગેઝિન TIMEને આપેલા ઇન્ટરવ્યુમાં કહી હતી. 19 નવેમ્બરે આર્યનને મેગેઝિનની પહેલી TIME100 Next India યાદીમાં સ્થાન મળ્યું. આ યાદીમાં દેશની 100 ઉભરતી પ્રતિભાઓનો સમાવેશ કરવામાં આવ્યો છે. આર્યન સાથે ફિલ્મમેકર પાયલ કાપડિયા અને થેજા રિયો પણ મેગેઝિનના એક કવર પર જોવા મળ્યા હતા. ઇન્ટરવ્યુમાં આર્યનને પૂછવામાં આવ્યું કે શાહરૂખ ખાનનો દીકરો હોવાના કારણે તેમની સાથે સરખામણી કરવામાં આવે ત્યારે તેને કેવું લાગે છે? આ અંગે તેણે કહ્યું, 'દરેક વ્યક્તિની તેમની સાથે સરખામણી કરવામાં આવી છે. જો હું પણ તે લોકોમાંથી એક છું, તો તેમાં કોઈ મુશ્કેલી નથી. નંબર-1 વ્યક્તિ સાથે સરખામણી થવી મારા માટે પ્રશંસાની વાત છે. તેઓ એક અલગ જ વ્યક્તિત્વ ધરાવે છે.' આર્યને પોતાના પિતા માટે અંગ્રેજી શબ્દ ‘બીસ્ટ’નો ઉપયોગ કર્યો. અહીં તેનો અર્થ કોઈની અસાધારણ ક્ષમતા અને પ્રભાવથી છે. આર્યન એ પણ સમજે છે કે, શાહરુખની ઓળખ અને લોકપ્રિયતાના કારણે તેમની સાથે સરખામણી થવી સ્વાભાવિક છે. જોકે, તે ફિલ્મોમાં પોતાની અલગ ઓળખ બનાવવાનો પ્રયાસ કરી રહ્યો છે. સલમાન ખાન પોતે આર્યનના સેટ પર પહોંચ્યો હતો ઇન્ટરવ્યૂમાં આર્યને પોતાની વેબ સિરીઝ ‘ધ બેડ્સ ઑફ બૉલિવૂડ’માં સલમાન ખાનના કેમિયોથી જોડાયેલો એક રસપ્રદ કિસ્સો પણ સંભળાવ્યો. આર્યને જણાવ્યું કે, સીરિઝના શૂટિંગ દરમિયાન તેને ખબર પડી કે સલમાન પણ એ જ લોકેશન પર હાજર છે. તેણે સલમાનની ટીમને મેસેજ કરીને પૂછ્યું કે, શું તે સલમાનને મળવા આવી શકે છે, પરંતુ સલમાને પોતે આર્યનના સેટ પર આવવાની વાત કહી દીધી. આર્યને જણાવ્યું કે, સલમાનના આવવાના સમાચાર મળતાં જ તેણે પોતાના સિનેમેટોગ્રાફરને એક શોટ તૈયાર રાખવા કહ્યું. સલમાન સેટ પર પહોંચ્યો, ત્યારે તેણે પૂછ્યું, 'પોઝિશન શું છે?' આના પર આર્યને તરત જ એક ડાયલોગ બનાવ્યો અને તેને કેમેરાની સામે ઊભો કરી દીધો. આ રીતે સલમાનનો કેમિયો સીરિઝના યાદગાર દૃશ્યમાં સામેલ થઈ ગયો. આર્યને 2025માં ડિરેક્શન ક્ષેત્રે ડેબ્યૂ કર્યું આર્યને પોતાના પિતાની જેમ એક્ટર બનવાને બદલે કેમેરાની પાછળ કામ કરવાનો નિર્ણય લીધો. તેની પ્રથમ ડિરેક્ટોરિયલ સિરીઝ 'ધ બેડ્સ ઑફ બૉલિવૂડ' 2025માં નેટફ્લિક્સ પર રિલીઝ થઈ હતી. તેમાં બૉલિવૂડની દુનિયા, સ્ટારડમ, નેપોટિઝમ, ફિલ્મ ઇન્ડસ્ટ્રીની રાજનીતિ અને પડદા પાછળ થતી પ્રવૃત્તિઓને વ્યંગ્યાત્મક અંદાજમાં દર્શાવવામાં આવી હતી. સિરીઝમાં લક્ષ્ય લાલવાણી, રાઘવ જુયાલ, સેહર બાંબા, બોબી દેઓલ, મોના સિંહ, મનોજ પાહવા અને રજત બેદી જેવા કલાકારો જોવા મળ્યા હતા. તેમાં શાહરુખ ખાન, સલમાન ખાન અને આમિર ખાન સહિત અનેક સ્ટાર્સના કેમિયો પણ હતા. વિશાલ ભારદ્વાજે આર્યન ખાનના વખાણ કર્યા આર્યનને TIME100 Next Indiaમાં સામેલ કરવામાં આવ્યા સાથે ફિલ્મમેકર વિશાલ ભારદ્વાજે પણ તેના વિશે લખ્યું. વિશાલે જણાવ્યું કે, જ્યારે તેઓ પહેલી વાર આર્યનને મળ્યા હતા, ત્યારે તેમને લાગ્યું હતું કે શાહરુખ ખાનના દીકરા હોવાને કારણે તેનામાં સ્ટાર કિડ જેવો અહંકાર હોઈ શકે છે, પરંતુ આર્યનને મળ્યા બાદ તેમની આ ધારણા બદલાઈ ગઈ. વિશાલના જણાવ્યા મુજબ, આર્યન ખૂબ જ વિનમ્ર છે અને સન્માનપૂર્વક વર્તે છે. તેમણે કહ્યું કે, આર્યનની હ્યુમરની સમજ અલગ છે. તે પોતાના પર અને પોતાની આસપાસની દુનિયા પર પણ હસી શકે છે. વિશાલે એ પણ કહ્યું કે, આર્યનની સર્જનાત્મક વિચારસરણી શાહરુખથી ઘણી અલગ છે. શું છે TIME100 Next India યાદી? TIMEએ 19 નવેમ્બર 2026ના રોજ પહેલી વાર TIME100 Next India યાદી જાહેર કરી. તેમાં મનોરંજન, વ્યવસાય, વિજ્ઞાન, રમતગમત, ટેક્નોલોજી અને સામાજિક પરિવર્તનના ક્ષેત્રમાં કામ કરી રહેલા 100 ઉભરતા લોકોને સામેલ કરવામાં આવ્યા છે. આ યાદીમાં આર્યન ઉપરાંત આલિયા ભટ્ટ, પાયલ કાપડિયા, દિલજીત દોસાંઝ, અનિરુદ્ધ રવિચંદર, સામંથા રુથ પ્રભુ, સાઈ પલ્લવી, વિકી કૌશલ અને વૈભવ સૂર્યવંશી જેવા નામો પણ સામેલ છે. આર્યન, પાયલ કાપડિયા અને થેજા રિયોને એકસાથે મેગેઝિનના કવર પર સ્થાન મળ્યું છે. જ્યારે આલિયા ભટ્ટ અને સ્કાયરૂટ એરોસ્પેસના સહ-સ્થાપક પવન કુમાર ચંદના પણ અલગ-અલગ કવર પર જોવા મળ્યા. આ યાદીનું પ્રિન્ટ એડિશન 7 ડિસેમ્બરે બહાર પડશે. સન્માનિત લોકો માટે 12 ડિસેમ્બરે મુંબઈમાં એક વિશેષ કાર્યક્રમનું પણ આયોજન કરવામાં આવશે.
    Click here to Read More
    Previous Article
    બજાર ખુલતાની સાથે જ સોનું-ચાંદીના ભાવ તૂટ્યાં:સોનું ₹5,000 અને ચાંદી ₹9,058 ગગડી; ખરીદદારો માટે બમ્પર તક અને રોકાણકારોમાં હલચલ
    Next Article
    અમેરિકામાં પતિએ પત્ની અને બાળકોની હત્યા કરી:પછી પોતાને પણ ગોળી મારી; બાળકે આજીજી કરતા કહેતો રહ્યો- 'ડેડી, મને ન મારશો'

    Related Entertainment Updates:

    Are you sure? You want to delete this comment..! Remove Cancel

    Comments (0)

      Leave a comment