Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    આર્મીના વરિષ્ઠ અધિકારીઓનો ડ્રેસ ફરી બદલાશે:1 ડિસેમ્બરથી ગોરખા હેટ, મેરૂન-બ્લેક બેરેટ અને રેજિમેન્ટલ ઓળખ ફરી પરત ફરશે

    3 days ago

    ભારતીય સેનાએ વરિષ્ઠ અધિકારીઓના ડ્રેસમાં 2023માં કરાયેલા ફેરફારો પાછા ખેંચવાનો નિર્ણય લીધો છે. આ આદેશ 1 ડિસેમ્બરથી લાગુ થશે. 13 નવેમ્બરના પત્ર પર આધારિત આંતરિક આદેશ મુજબ, ગોરખા રાઇફલ્સના જનરલ ફરીથી તેમની ઓળખવાળી ટોપી પહેરી શકશે. સ્પેશિયલ ફોર્સિસના વરિષ્ઠ અધિકારીઓ મેરૂન બેરેટ અને બખ્તરબંધ રેજિમેન્ટના અધિકારીઓ બ્લેક બેરેટ પહેરી શકશે. વરિષ્ઠ અધિકારીઓ અધિકૃત યુનિફોર્મ સાથે તેમની પરંપરાગત રેજિમેન્ટ અથવા કોર સાથે જોડાયેલા ચિહ્નો પણ લગાવી શકશે. આ ફેરફાર બ્રિગેડિયર અને તેનાથી ઉપરના અધિકારીઓ પર લાગુ થશે. 2023માં સેનાએ વરિષ્ઠ નેતૃત્વ માટે એકસમાન ઓળખ ઊભી કરવા માટે યુનિફોર્મની ઘણી વસ્તુઓ એકસરખી કરી દીધી હતી. તે નીતિ હેઠળ અધિકારીઓની મૂળ રેજિમેન્ટ અને સર્વિસની ઓળખ દર્શાવતા ચિહ્નો હટાવી દેવામાં આવ્યા હતા. ગયા અઠવાડિયે NSG કમાન્ડોની યુનિફોર્મ બદલવાનો નિર્ણય લેવામાં આવ્યો હતો બ્લેક કેટ કમાન્ડોની પ્રખ્યાત કાળી વર્દી હવે બદલાવા જઈ રહી છે. કારણ છે- ભયંકર ગરમી. નેશનલ સિક્યોરિટી ગાર્ડ (NSG) એ પોતાના VIP સુરક્ષામાં તૈનાત કમાન્ડો માટે નવી શ્વાસ લઈ શકાય તેવી યુનિફોર્મ બનાવવાની ભલામણ કરી છે. આ યુનિફોર્મ નાયકો કાપડમાંથી બનાવવામાં આવશે, જેમાં નાયલોન અને કોટન હોય છે. આ કાપડ હવા અને ભેજને સરળતાથી બહાર નીકળવા દે છે. એપ્રિલમાં વિજયવાડામાં આંધ્ર પ્રદેશના મુખ્યમંત્રી ચંદ્રબાબુ નાયડુની સુરક્ષામાં તૈનાત કમાન્ડો આશરે 44 ડિગ્રી તાપમાનમાં બેભાન થઈ ગયો હતો. ત્યાર બાદ જ આ નિર્ણય લેવામાં આવ્યો. NSGને આશા છે કે પાંચ રાજ્યોમાં વિધાનસભા ચૂંટણીની જાહેરાત થાય ત્યાં સુધીમાં કમાન્ડો નવી યુનિફોર્મ પહેરવા લાગશે. અત્યાર સુધીમાં 6 દળોની યુનિફોર્મ બદલાઈ ચૂકી છે આ જ વર્ષે ભારતીય સેનાના ઔપચારિક ડ્રેસમાં બંધી જેકેટનો સમાવેશ કરવામાં આવ્યો આ જ વર્ષે જૂનમાં ભારતીય સેનાએ 174 પાનાની નવી ‘આર્મી યુનિફોર્મ-2026’ બુકમાં કોલોનિયલ યુગના નિયમોમાં પણ ફેરફાર કર્યો હતો. નવા નિયમો હેઠળ રિવ્યૂઇંગ ઓફિસર માટે પરેડમાં તલવાર રાખવી વૈકલ્પિક કરવામાં આવી છે. કેટલાક મેસ ડ્રેસ સાથે ઉપયોગમાં લેવાતી પાઉચ બેલ્ટ દૂર કરવામાં આવી છે. આ ઉપરાંત રોયલ જેવા જૂના શબ્દોનો ઉપયોગ બંધ કરવામાં આવ્યો છે. પ્રથમવાર ફોર્મલ સિવિલ ડ્રેસમાં સ્વદેશી બંડી જેકેટનો પણ સમાવેશ કરવામાં આવ્યો છે. બંધ ગળાવાળી બંડી જેકેટ ફુલ સ્લીવ શર્ટ, ફોર્મલ ટ્રાઉઝર અને બંધ જૂતાં સાથે પહેરી શકાશે. સેનાએ આ પહેલાં ફેબ્રુઆરી 2023માં પણ અનેક જૂની પરંપરાઓ બંધ કરી દીધી હતી. તેમાં સમારંભોમાં ઘોડાગાડીનો ઉપયોગ, નિવૃત્તિ દરમિયાન ‘પુલ આઉટ’ ઇવેન્ટ અને ડિનરમાં પાઇપ બેન્ડની પરંપરાનો સમાવેશ થતો હતો. સેનાએ કોમ્બેટ યુનિફોર્મની પેટન્ટ કરાવી, નકલ કરશો તો દંડ ભારતીય સેનાએ 2025માં પોતાના નવા કોમ્બેટ યુનિફોર્મની ડિઝાઇન (ડિજિટલ પ્રિન્ટ)ની પેટન્ટ કરાવી લીધી હતી. એટલે કે કોઈ પણ વ્યક્તિ સેનાની મંજૂરી વિના આ ડિઝાઇનવાળો યુનિફોર્મ ન તો બનાવી શકશે, ન વેચી શકશે કે ન તેનો ઉપયોગ કરી શકશે. આવું કરવા પર કાયદેસરની કાર્યવાહી અને દંડ થશે. સેનાએ જાન્યુઆરી 2025માં નવો કોમ્બેટ યુનિફોર્મ રજૂ કર્યો હતો. આ ત્રણ-સ્તરીય યુનિફોર્મ સૈનિકો માટે દરેક ઋતુમાં આરામદાયક છે.
    Click here to Read More
    Previous Article
    વાવાઝોડું તોફાન અકવાન આંધ્ર પ્રદેશ તરફ આગળ વધ્યું:110 કિમી પ્રતિ કલાકની ઝડપ; તેલંગાણા-ઓડિશામાં ભારે વરસાદની ચેતવણી, તમિલનાડુમાં પણ અસર
    Next Article
    પત્નીના ત્રાસથી બોપલના યુવકનો સાબરમતી નદીમાં કૂદીને આપઘાત:વાઈફના આડા સંબંધ અને દાગીના-રોકડની માંગણીથી કંટાળ્યો'તો

    Related National Updates:

    Are you sure? You want to delete this comment..! Remove Cancel

    Comments (0)

      Leave a comment