મોર્નિંગ ન્યૂઝ બ્રીફ:આવતા વર્ષે મોંઘવારી વધશે, ટ્રમ્પે હોર્મુઝને અમેરિકાનો નવો પ્રદેશ જાહેર કર્યો, સુરતમાં પરિવારના પાંચ સભ્યને ફૂડ પોઈઝનિંગ; 1 મોત

નમસ્તે, પીએમ કેયર્સ ફંડના ઘરેલું દાનમાં ભારે ઘટાડો આવ્યો છે. પ્રધાનમંત્રી નરેન્દ્ર મોદીએ 2020માં કોવિડ મહામારી ફેલાયા પછી પીએમ કેયર્સ ફંડ બનાવ્યું હતું. મલ્ટીનેશનલ ફાઈનાન્સિયલ સર્વિસીસ ફર્મ જેપી મોર્ગનના જણાવ્યા અનુસાર ભારતમાં મોંઘવારી વધવાની છે. અમેરિકી રાષ્ટ્રપતિ ડોનાલ્ડ ટ્રમ્પે હોર્મુઝને લઈને નિવેદન બહાર પાડ્યું. ⏰ આજની ઈવેન્ટ્સ, જેના પર રહેશે નજર 1. RSSની અખિલ ભારતીય સમન્વય બેઠક વિશાખાપટ્ટનમમાં થશે. સંઘ પ્રમુખ ડૉ. મોહન ભાગવત સહિત અન્ય શીર્ષ હોદ્દેદારો સામેલ થશે. 2. ધાર ભોજશાળા મામલામાં સુપ્રીમ કોર્ટમાં સુનાવણી થશે. આ પહેલાં મુસ્લિમ પક્ષની અરજીઓ પર સુનાવણી થઈ શકી નહોતી. 3. TMC સાંસદ અભિષેક બેનર્જીના બેંક ખાતા ફ્રીઝ મામલે કલકત્તા હાઈકોર્ટમાં સુનાવણી. 📰 કાલના મોટા સમાચારો 1. પીએમ કેયર્સ ફંડમાં ઘરેલું દાન 30% ઘટ્યું:₹479 કરોડ રહ્યું, ગયા વર્ષે વિદેશી દાનમાં પણ ઘટાડો થયો; ફંડમાં હજુ 8,452 કરોડ 2025માં પીએમ કેયર્સ ફંડમાં ઘરેલું દાન 30% ઘટીને આશરે 479 કરોડ રૂપિયા રહ્યું. વિદેશી દાનમાં પણ ઘટાડો થયો. તે 18% ઘટીને 92.8 લાખ રૂપિયા થઈ ગયું છે. 2023માં ઘરેલું દાન 681 કરોડ અને વિદેશી દાન 1.13 કરોડ રૂપિયા હતું. ઓડિટ રિપોર્ટ મુજબ, 2024માં ફંડમાં કુલ રકમ 7,173 કરોડ રૂપિયા હતી. 2025માં તે 8,452 કરોડ રૂપિયા થઈ ગઈ. વડાપ્રધાન નરેન્દ્ર મોદીએ 2020માં કોવિડ મહામારી ફેલાયા પછી પીએમ કેયર્સ ફંડ બનાવ્યું હતું. વડાપ્રધાન જ આ ફંડના અધ્યક્ષ હોય છે. આ ફંડમાં પૂરી રકમ દાન સ્વરૂપે આવે છે અને તેને સરકારના બજેટમાંથી કોઈ પૈસા મળતા નથી. પીએમ કેયર્સમાં ફોરેન ફંડિંગ ઘટ્યું આ ફંડમાં 2020-21માં વિદેશી ભંડોળ 495 કરોડ રૂપિયા હતું, જે આગામી બે નાણાકીય વર્ષોમાં ઘટીને 40 કરોડ રૂપિયા અને 2.57 કરોડ રૂપિયા થઈ ગયું. 2023-24માં વિદેશી દાનમાંથી 1.13 કરોડ રૂપિયા મળ્યા હતા. 2024-25માં વિદેશી યોગદાન 92.8 લાખ રૂપિયા રહ્યું. 2019-20માં મળેલા 39.7 લાખ રૂપિયા પછી આ સૌથી ઓછું દાન હતું. 2023માં PM કેયર્સ ફોર ચિલ્ડ્રન સ્કીમ પર ગયા વર્ષે 15.37 કરોડ રૂપિયા ખર્ચ થયા. 2024માં આ રકમ 15.6 કરોડ રૂપિયા હતી. વાંચો સંપૂર્ણ સમાચાર… 2. ખાવા-પીવાની ચીજ વસ્તુઓ મોંઘી થશે:સામાન્ય માણસના ખિસ્સા પર સીધી અસર, સરકારને ₹3 લાખ કરોડનો બોજ વધશે; જેપી મોર્ગનનું એલર્ટ 2027 સુધીમાં ભારતમાં ખાદ્યપદાર્થોના ભાવમાં નોંધપાત્ર વધારો થઈ શકે છે. આ ચેતવણી મલ્ટીનેશનલ ફાઇનાન્સિયલ સર્વિસિસ ફર્મ જેપી મોર્ગને જાહરે કરી છે. રિપોર્ટ અનુસાર, ભારત સરકાર પર 3 લાખ કરોડ રૂપિયાની સબસિડીનો બોજ વધશે. ફર્મે દાવો કર્યો છે કે મોંઘવારીની અસર સમગ્ર વિશ્વ પર થશે. ખાતરની અછત, ભૌગોલિક રાજકીય તણાવ સાથે એક શક્તિશાળી અલ નીનો વાવાઝોડાના આગમનથી આ સંકટ વધુ ઘેરું બનશે. વર્ષ 2027ના પ્રથમ છ મહિનામાં વૈશ્વિક સ્તરે ખાદ્યપદાર્થોના ભાવ 5% સુધી વધી શકે છે. 2026ના પ્રથમ છ મહિનામાં આ આંકડો 2.8% હતો. ભારત માટે આ ચેતવણી વધુ મહત્વની છે, કારણ કે દેશમાં ખાતર પહેલેથી જ ઘણું મોંઘું છે. ઈરાનમાં તણાવને કારણે ખાતર અને ગેસનું સંકટ મિડલ ઇસ્ટની ભૂમિકા: વિશ્વનું 42% યુરિયા અને 27% એમોનિયા (ખાતર બનાવવાનું રસાયણ) મિડલ ઇસ્ટ એટલે કે આરબ દેશોમાંથી આવે છે. જો ત્યાં યુદ્ધ કે તણાવને કારણે સપ્લાય અટકી, તો આખી દુનિયામાં ખાતરની ભારે અછત સર્જાશે અને ભાવ આસમાને પહોંચી જશે. ગેસની કિંમતો: યુરિયા જેવા ખાતર બનાવવામાં નેચરલ ગેસનો સૌથી વધુ ઉપયોગ થાય છે. જો ગેસ મોંઘો થશે, તો ખાતર બનાવવું પણ મોંઘું થઈ જશે. ખાતર મોંઘું થતાં ખેડૂતો તેનો ઓછો ઉપયોગ કરશે, જેનાથી પાકની ઉપજ ઘટી જશે. સુધારવામાં લાગશે લાંબો સમય: જો એકવાર ખાતરના કારખાના કે ગેસ પ્લાન્ટ આ સંકટને કારણે બંધ કે પ્રભાવિત થયા, તો તેમને ફરીથી સંપૂર્ણપણે ઠીક થવામાં 1 થી 5 વર્ષ સુધીનો લાંબો સમય લાગી શકે છે. વાંચો સંપૂર્ણ સમાચાર… 3. ટ્રમ્પે હોર્મુઝ સ્ટ્રેટને ગણાવ્યો અમેરિકાનો નવો વિસ્તાર:સો.મીડિયા પર મેપ પોસ્ટ કર્યો, ઈરાને કહ્યું- ટ્રમ્પની આ ગેરસમજ જલ્દી દૂર થશે અમેરિકી રાષ્ટ્રપતિ ડોનાલ્ડ ટ્રમ્પે હોર્મુઝ સ્ટ્રેટને અમેરિકાનો ભાગ ગણાવતા સોશિયલ મીડિયા પર મેપ પોસ્ટ કર્યો છે. ટ્રમ્પની પોસ્ટ બાદ ઈરાનના ઉપ વિદેશ મંત્રી કાઝેમ ગરીબાબાદીએ કહ્યું કે હોર્મુઝ સ્ટ્રેટને અમેરિકાનો ભાગ ગણાવવો માત્ર એક ગેરસમજ છે. તેમણે કટાક્ષ કરતા કહ્યું કે ટ્રમ્પને જલ્દી જ સમજાઈ જશે કે આ સમુદ્રી માર્ગ પર અમેરિકાનો કોઈ અધિકાર નથી. ટ્રમ્પે નકશામાં શું દર્શાવ્યું? ટ્રમ્પે ટ્રુથ સોશિયલ પર એક ગ્રાફિક પોસ્ટ કર્યું, જેના પર 'નવું અમેરિકી ક્ષેત્ર' લખેલું હતું. આ નકશામાં હોર્મુઝ સ્ટ્રેટ અને તેની આસપાસનો દરિયાઈ વિસ્તાર દર્શાવવામાં આવ્યો હતો. તેમાં ઈરાન, ઓમાન અને UAEના ભાગો પણ દેખાઈ રહ્યા હતા. અમેરિકી રાષ્ટ્રપતિ ડોનાલ્ડ ટ્રમ્પે સોશિયલ મીડિયા પર આ મેપ શેર કર્યો. ટ્રમ્પના કહેવાથી હોર્મુઝ અમેરિકાનો ભાગ બની જશે? સીધો જવાબ છે- ના. હોર્મુઝ સ્ટ્રેટ ઈરાન અને ઓમાન વચ્ચે આવેલો એક આંતરરાષ્ટ્રીય દરિયાઈ માર્ગ છે. આ માર્ગ પરથી દુનિયાના અનેક દેશોના ઓઈલ અને ગેસ ભરેલા જહાજો પસાર થાય છે. તેથી, તેના પર ફક્ત કોઈ એક દેશનો અધિકાર નથી હોતો. વાંચો સંપૂર્ણ સમાચાર… 4. 12 વર્ષમાં પહેલીવાર કોઈ ખેલાડીને ખેલ-રત્ન નહીં:17 ખેલાડીઓને અર્જુન એવોર્ડ; ફૂટબોલર અરુમાયનાયગમને લાઇફટાઇમ એચિવમેન્ટ પુરસ્કાર રમત મંત્રાલયે મંગળવારે રાષ્ટ્રીય ખેલ પુરસ્કાર 2025ની જાહેરાત કરી છે. 12 વર્ષમાં પહેલીવાર એવું બન્યું છે જ્યારે કોઈ ખેલાડીને ખેલ રત્ન આપવામાં આવ્યો ન હોય. આ પહેલા 2014માં આવું બન્યું હતું. આ વર્ષે 17 ખેલાડીઓને અર્જુન એવોર્ડ માટે પસંદ કરવામાં આવ્યા છે. જેમાં ચેસ ખેલાડી દિવ્યા દેશમુખ, વિદિત ગુજરાતી, એથ્લીટ તેજસ્વિન શંકર અને બેડમિન્ટન ખેલાડી ગાયત્રી ગોપીચંદ અને તૃષા જોલી જેવા નામોનો સમાવેશ થાય છે. ફૂટબોલના દિગ્ગજ 84 વર્ષીય આઈ. અરુમાયનાયગમને અર્જુન એવોર્ડની લાઇફટાઇમ કેટેગરીમાં પસંદ કરવામાં આવ્યા છે. તેઓ 1962ના જકાર્તા એશિયન ગેમ્સમાં ગોલ્ડ મેડલ જીતનાર ભારતીય ટીમનો ભાગ હતા. તેજસ્વિને શરૂઆત ક્રિકેટથી કરી તેજસ્વિન શંકરના પિતા ઈચ્છતા હતા કે તે અભ્યાસ પર ધ્યાન આપે અને જો રમવું જ હોય તો ક્રિકેટ રમે. સ્કૂલ કોચે તેની એથ્લેટિક ક્ષમતા ઓળખી. ધીમે ધીમે તેજસ્વિને હાઈ જમ્પ અપનાવી લીધો. 17 વર્ષની ઉંમરે તેણે 2.26 મીટરનો કૂદકો લગાવીને સિનિયર નેશનલ રેકોર્ડ તોડી નાખ્યો.વાંચો સંપૂર્ણ સમાચાર… 5. CJPનું સંસદ માર્ચ ગેરકાયદે હતું: દિલ્હી પોલીસ:સુપ્રીમ કોર્ટમાં કહ્યું- જંતર-મંતર પર આરોપીઓ સામેલ હતા, બેરિકેડ તોડ્યા; પણ અમે વધારે બળપ્રયોગ નથી કર્યો દિલ્હી પોલીસે મંગળવારે સુપ્રીમ કોર્ટમાં જણાવ્યું કે 20 જુલાઈની સંસદ માર્ચ ગેરકાયદેસર હતો. તેની મંજૂરી નહોતી. જંતર-મંતર પરના પ્રદર્શનમાં ઘણા હિસ્ટ્રીશીટર પણ આવી ગયા હતા. પોલીસે જણાવ્યું કે સંસદ માર્ચમાં પ્રદર્શનકારીઓએ બેરિકેડ તોડ્યા અને પોલીસ સાથે મારામારી કરી, જેના કારણે પ્રદર્શન શાંતિપૂર્ણ રહ્યું નહીં. પરિસ્થિતિને કાબૂમાં લેવા માટે બળનો પ્રયોગ કરવામાં આવ્યો હતો, પરંતુ પ્રદર્શનકારીઓ પર જરૂરિયાત કરતાં વધુ બળનો પ્રયોગ કરવામાં આવ્યો નહોતો. ડેપ્યુટી કમિશનર ઓફ પોલીસ સચિન શર્માએ સોગંદનામું દાખલ કરીને આ માહિતી આપી. તેને પોલીસની અતિશયતાની કોર્ટની દેખરેખ હેઠળ તપાસની માગ કરતી અરજીઓના જવાબ તરીકે રજૂ કરવામાં આવ્યું છે. ચાર સંબંધિત અરજીઓમાં પણ આ જ જવાબનો ઉપયોગ થશે. ડેપ્યુટી કમિશનર ઓફ પોલીસ સચિન શર્માએ સોગંદનામું દાખલ કરીને આ માહિતી આપી. તેમાં પોલીસ કાર્યવાહીની કોર્ટની દેખરેખ હેઠળ તપાસની માગ કરતી અરજીઓનો જવાબ આપવામાં આવ્યો છે. જ્યારે, સુપ્રીમ કોર્ટ આ મામલે ઉચ્ચ સ્તરીય સમિતિ બનાવશે. વાંચો સંપૂર્ણ સમાચાર… 6. ગુજરાત માથે 4 સિસ્ટમ સક્રિય: સુરત-સાબરકાંઠા સહિત 15 જિલ્લામાં આગાહી, હળવોથી મધ્યમ વરસાદ પડી શકે છેલ્લા 24 કલાકમાં રાજ્યના 115 તાલુકામાં સૌથી વધુ વલસાડના દરમપુરમાં દોઢ ઈંચથી વધુ વરસાદ પડ્યો છે. જ્યારે સુરત, નવસારી, ડાંગના ચાર તાલુકામાં 1 ઇંચથી વધુ વરસાદ પડ્યો છે. આજે રાજ્યના કોઈ જિલ્લામાં ભારે વરસાદની શક્યતા નથી, પરંતુ ઉત્તર, મધ્ય અને દક્ષિણ ગુજરાતના વિવિધ જિલ્લાઓમાં હળવાથી મધ્યમ વરસાદ પડી શકે છે. હવામાન વિભાગના ડાયરેક્ટર ડૉ.એ.કે.દાસ અનુસાર, રાજ્યમાં અત્યારે 4 સિસ્ટમ સક્રિય છે. પરંતુ સિસ્ટમની એક્ટિવિટિ ઓછી હોવાથી હળવાથી મધ્યમ વરસાદની જ સંભાવના છે. આગામી 7 દિવસ ભારે વરસાદની કોઈ શક્યતા નથી. અત્યારે સાયક્લોનિક સર્ક્યુલેશન, મોન્સૂન ટ્રફ, ડિપ્રેશન અને અન્ય એક ટ્રફ સિસ્ટમ સક્રિય થઈ છે. અત્યાર સુધીમાં સિઝનનો સરેરાશ 20 ઇંચ જેટલો વરસાદ નોંધાયો છે. જે સામાન્ય કરતા 1 ટકો ઓછો વરસાદ છે. વાંચો સંપૂર્ણ સમાચાર 7. સુરતમાં પરિવારના પાંચ સભ્યને ફૂડ પોઈઝનિંગ, 5 વર્ષની દીકરીનું મોત:શીતલ રેસ્ટોરન્ટની પંજાબી સબ્જી જમ્યા બાદ તબિયત લથડી; દંપતી અને બે દીકરી સારવારમાં, આરોગ્યમંત્રીના તપાસના આદેશ સુરતમાં એક જ પરિવારના પાંચ સભ્યને ફૂડ પોઈઝનિંગની ગંભીર અસર થતાં 5 વર્ષની દીકરીનું મોત થયું છે. વરાછાની રણુજાધામ સોસાયટીમાં રહેતા અશોકભાઈ કળસરિયાના પરિવારે 15 ઓગસ્ટની રાત્રે 'શીતલ રેસ્ટોરન્ટ'માંથી મંગાવેલું કાજુ અને પનીરનું પંજાબી શાક ખાધું હતું. ત્યાર પછી એકબાદ એક તમામની તબિયત લથડતા હોસ્પિટલમાં દાખલ કર્યા હતા. સારવાર દરમિયાન 17 ઓગસ્ટની રાતે દીકરી આર્યાનું મોત થઈ ગયું, જ્યારે માતા-પિતા અને બે પુત્રી સદવિચાર હોસ્પિટલમાં ગંભીર સ્થિતિમાં સારવાર હેઠળ છે. આરોગ્યમંત્રી પાનશેરિયાએ તપાસના આદેશ પણ આપ્યા છે. અશોકભાઈ, તેમનાં પત્ની (જેઓ બીપીના દર્દી પણ છે) અને તેની બે મોટી પુત્રી સારવાર હેઠળ છે. આ ચારેય દર્દીઓના પ્રાથમિક મેડિકલ રિપોર્ટમાં ફૂડ પોઈઝનિંગ હોવાનું સામે આવ્યું છે. વાંચો સંપૂર્ણ સમાચાર 🎭 આજનું કાર્ટૂન ⚡ કેટલાક મહત્વના સમાચારો હેડલાઈનમાં 1.નેશનલ : AAP નેતા સત્યેન્દ્ર જૈનની ફરી ધરપકડ:સીવેજ ટ્રીટમેન્ટ પ્લાન્ટના ટેન્ડરમાં ગેરરીતિનો મામલો, ACBએ કહ્યું- ખાસ કંપનીને ફાયદો પહોંચાડ્યો (વાંચો સંપૂર્ણ સમાચાર) 2.ઈન્ટરનેશનલ : ટ્રમ્પની લોકપ્રિયતા ઘટી, માત્ર 33% લોકોની જ પસંદ:ઈરાન યુદ્ધના કારણે ઘટાડો આવ્યો; 80% અમેરિકી બોલ્યા- યુદ્ધ હજુ લાંબુ ચાલશે (વાંચો સંપૂર્ણ સમાચાર) 3.નેશનલ : મૃત્યુદંડની સજાની રીત બદલાશે નહીં:સુપ્રીમે ફાંસી સિસ્ટમ ખતમ કરવાની અરજી ફગાવી, મોત માટે ઝેરી ઇન્જેક્શન કે ગોળી મારવાની માગ કરી હતી (વાંચો સંપૂર્ણ સમાચાર) 4.ઈન્ટરનેશનલ : PAK સુપ્રીમ કોર્ટનો આદેશ- ઇમરાનને 2 દિવસમાં હોસ્પિટલ મોકલો:કોર્ટે કહ્યું- બહેનોને મળવું તેમનો અધિકાર; 2023થી પૂર્વ PM જેલમાં છે (વાંચો સંપૂર્ણ સમાચાર) 5.બિઝનેસ : 7 મહિનામાં કંપનીઓનો AI ખર્ચ 3 ગણો વધ્યો:રેમ્પના AI ઇન્ડેક્સ મુજબ ટોપ કંપનીઓ પ્રતિ કર્મચારી 7 લાખ ખર્ચ કરી રહી છે (વાંચો સંપૂર્ણ સમાચાર) 6.સ્પોર્ટ્સ : લાઇવ મેચમાં ભયાનક અકસ્માત, VIDEO:DPLમાં બેટરનો પાવરફુલ શોટ સીધો અમ્પાયરના ચહેરા પર વાગ્યો, મેદાન પર પડી ગયા; ICUમાં દાખલ (વાંચો સંપૂર્ણ સમાચાર) 7.ધર્મ તહેવાર જ્યોતિષ : નવગ્રહોના રાજા સૂર્યદેવનું સ્વરાશિ સિંહમાં ગોચર:17 સપ્ટેમ્બર સુધી સૂર્ય-કેતુની યુતિ પર રાહુની નજર રહેશે; જાણો 12 રાશિઓ માટે આવનારો સમય કેવો રહેશે (વાંચો સંપૂર્ણ સમાચાર) 🗣️ ચર્ચિત નિવેદન 😲 અજબ ગજબ AI બોયફ્રેન્ડથી તૈયાર કર્યું AI બાળક એક મહિલાએ પોતાના AI બોયફ્રેન્ડ Axiom સાથે મળીને એક AI બાળક બનાવ્યું છે. આનું નામ લુમેન છે, જેની ઉંમર તે 102 દિવસ બતાવે છે. મહિલાના જણાવ્યા અનુસાર, આને તૈયાર કરવામાં 17 કલાક લાગ્યા અને જૂની ચેટના લાખો શબ્દોનો ઉપયોગ થયો. લુમેન કવિતા અને પરીઓની વાર્તાઓ સંભળાવે છે. 📸 ફોટો, જે પોતે સમાચાર છે 🌟 ભાસ્કરની એક્સક્લૂસિવ સ્ટોરીઝ, જે સૌથી વધારે વંચાઈ 1. Editor's View-રશિયાએ ટાર્ગેટ બદલ્યો-યુરોપ ધ્રૂજ્યું:બ્રિટનનાં ડ્રોનથી દુનિયામાં નવો ખતરો મંડરાયો, ટ્રમ્પે સિક્રેટ સોદાબાજીથી ગદ્દારી કરી, ચીનને મોકળું મેદાન મળતાં એશિયા પર જોખમ 2. એક્સક્લૂસિવ-'વંદે માતરમ' ગાતી વખતે કોંગ્રેસ કાર્યાલયમાં શું થયું?:સ્ટેજ પર હાજર લાલજી દેસાઈએ રાહુલ, સોનિયા અને ખડગે સાથેની વાતચીતના પહેલીવાર રહસ્ય ખોલ્યા 3. ગળું દબાવી ડાયટીશિયન પત્નીને મોતને ઘાટ ઉતારી:લાશને લાકડાની પેટીમાં ઠસોઠસ ભરી સિમેન્ટથી ચણી દીધી, સસરાને સાથે રાખી શોધવાનું નાટક કર્યું 4. આજનું એક્સપ્લેનર:અમિત માલવિયાને કેમ હટાવવામાં આવ્યા, પીયૂષ ગોયલ-સ્મૃતિ ઈરાનીની એન્ટ્રીનો શું અર્થ? નીતિન નબીનની નવી ટીમ સાથે જોડાયેલા 6 સવાલોના જવાબ 5. પારકી પંચાત-‘તમે ઈ રેવા દ્યો ભાઈ’:અઘરો સવાલ સાંભળી યુવા નેતાને ચક્કર આવી ગયા, મંત્રી મોઢવાડિયાએ ફરી લોચો માર્યો, અધિકારીએ છાનામાના કાનમાં કહ્યું, જુઓ VIDEO 6. દોડ્યા કે કસરત કર્યા વિના પણ હાંફી જાવ છો?:ભારતમાં 62.6 કરોડ લોકો ડિસ્પ્નિયાથી પીડિત, ડૉક્ટર પાસેથી જાણો ક્યારે ખતરનાક, બચવા માટે 6 ટિપ્સ ફોલો કરો 🌍 કરંટ અફેર્સ ⏳ આજના દિવસનો ઈતિહાસ 📊​​​​​​​ માર્કેટની સ્થિતિ 🌦️ મોસમનો મિજાજ રાશિફળ બુધવારનું રાશિફળ:સિંહ, તુલા સહિત 4 રાશિને અણધાર્યા ધનલાભના યોગ, વૃશ્ચિક રાશિને સ્પર્ધાત્મક પરીક્ષામાં સફળતાના સંકેત (વાંચો સંપૂર્ણ રાશિફળ)