Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    વિજયનગરની આશાપુરી ખાડીમાંથી નવજાત શિશુનો સડી ગયેલી હાલતમાં મૃતદેહ મળ્યો:તપાસ કરવા ગયેલા SMCના સુપરવાઈઝરની નજર પડી'તી, હોસ્પિટલમાંથી ફેંકી દેવાયાની શંકા

    6 hours ago

    સુરતના વિજયનગર વિસ્તારમાં આવેલી આશાપુરી ખાડીમાંથી એક નવજાત શિશુનો મૃતદેહ મળી આવતા સમગ્ર પંથકમાં ચકચાર મચી ગઈ છે. આશાપુરી ખાડી પાસે કચરામાં આગ લાગી હોવાની જાણ થતાં SMCના ડોર-ટુ-ડોર સફાઈ કર્મચારીઓ ઘટનાસ્થળે દોડી ગયા હતા, જ્યાં વિજયનગર ડોર-ટુ-ડોર વિભાગના સુપરવાઈઝર જીતેન્દ્ર પાટીલની નજર ખાડીમાં પડેલા નવજાત શિશુના મૃતદેહ પર પડી હતી. તાત્કાલિક ફાયર બ્રિગેડને જાણ કરાતા ફાયરના જવાનોએ ખાડીમાં ઉતરી અત્યંત ખરાબ અને ચહેરો સડી ગયેલી હાલતમાં રહેલા મૃતદેહને બહાર કાઢી પોલીસને સોંપ્યો હતો. સુપરવાઈઝર જીતેન્દ્ર પાટીલે આ મૃતદેહ કોઈ હોસ્પિટલમાંથી ફેંકી દેવામાં આવ્યો હોવાની આશંકા વ્યક્ત કરી છે, ત્યારે હાલ પોલીસે આ નવજાત શિશુનો મૃતદેહ ખાડીમાં કોણ અને કેવી રીતે ફેંકી ગયું તે દિશામાં તપાસ હાથ ધરી છે. ફાયર બ્રિગેડની ટીમે મૃતદેહ બહાર કાઢ્યો આગ બુઝાવવા માટે પહોંચેલા ફાયર બ્રિગેડના જવાનોને આ અંગે જાણ કરવામાં આવતા, અધિકારીઓએ પહેલા આગ પર કાબૂ મેળવવાની સૂચના આપી હતી. આગ બુઝાવી લીધા બાદ ફાયરના જવાનો ખાડીમાં નીચે ઉતર્યા હતા અને તપાસ કરતા ખરેખર નવજાત બાળકનો મૃતદેહ મળી આવ્યો હતો. આ ઘટના અંગે સુપરવાઈઝર જીતેન્દ્ર પાટીલે જણાવ્યું હતું કે, "બાળકની હાલત બહુ જ ખરાબ હતી. તેનું આખું મોઢું પણ સડી ગયું છે અને કોઈ હોસ્પિટલમાંથી જ ફેંકી દેવામાં આવ્યું હોય તેવું દેખાઈ રહ્યું છે." પોલીસે ઘટનાસ્થળે પહોંચી તપાસ શરૂ કરી ફાયર બ્રિગેડના જવાનો દ્વારા માસૂમ બાળકના મૃતદેહને ખાડીમાંથી બહાર કાઢીને ઉપર મૂકવામાં આવ્યો હતો. ત્યારબાદ ફાયર સ્ટેશનના કર્મચારીઓ દ્વારા જ તાત્કાલિક સ્થાનિક પોલીસને આ સમગ્ર બનાવની જાણ કરવામાં આવી હતી. ઘટનાની ગંભીરતાને ધ્યાનમાં રાખીને પોલીસ કાફલો સ્થળ પર દોડી આવ્યો હતો. હાલ પોલીસે મૃતદેહનો કબજો મેળવી આગળની કાર્યવાહી હાથ ધરી છે અને આ નવજાત બાળકને કોણે, ક્યારે અને શા માટે ખાડીમાં ફેંકી દીધું તે દિશામાં આસપાસની હોસ્પિટલો અને સીસીટીવી ફૂટેજના આધારે વધુ તપાસ શરૂ કરી છે.
    Click here to Read More
    Previous Article
    પ્રોહીબીશનના ગુનામાં બે આરોપી પાસા હેઠળ જેલમાં:ટંકારા પોલીસે રાજકોટથી અટકાયત કરી, એકને વડોદરા અને બીજાને જૂનાગઢની મધ્યસ્થ જેલમાં મોકલ્યા
    Next Article
    રતનપર ખાતે ભાગવત સપ્તાહ જ્ઞાનયજ્ઞ યોજાયો:વઢવાણના ધારાસભ્ય જગદીશભાઈ મકવાણાએ કથા સાંભળી, સમસ્ત ખાંદલા પરિવારના આયોજનમાં મોટી સંખ્યામાં ભાવિકો જોડાયા

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment