Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    બિરસા મુંડા જયંતિ નિમિત્તે સાસણમાં યોજાયેલા કાર્યક્રમમાં માલધારી આગેવાનનો બળાપો:રહેણાંકના પ્લોટ, ભેંસોના વાડા અને જીપગાડીની પરમિટ મળતી ન હોવાનો દાવો, SDMએ કહ્યું- 'અમને કોઈ રજૂઆત મળી નથી'

    9 hours ago

    આદિજાતિ વિકાસ વિભાગ, ગાંધીનગર દ્વારા ભગવાન બિરસા મુંડાજીની 151મી જન્મજયંતિ નિમિત્તે સાસણના સિંહ સદન ખાતે જિલ્લા કક્ષાના 'જનજાતીય ગૌરવ દિવસ'ની ભવ્ય ઉજવણી કરવામાં આવી હતી. આ કાર્યક્રમમાં આદિવાસી અને સિદ્દી સમાજના લોકોએ મોટી સંખ્યામાં ઉપસ્થિત રહી લોકસાંસ્કૃતિક કૃતિઓ રજૂ કરી હતી, તેમજ સમાજના ઉત્થાન માટે ઉત્કૃષ્ટ કાર્ય કરનાર પુરુષો, મહિલાઓ અને વિદ્યાર્થીઓનું સન્માન કરાયું હતું. જોકે, આ ઉજવણી વચ્ચે ગીર અભ્યારણ્યના જંગલ વિસ્તારમાં વસવાટ કરતા માલધારીઓએ પાયાની સુવિધાઓ અને ઘાસચારાની અછત મુદ્દે પોતાની વેદના અને રોષ વ્યક્ત કર્યો હતો. ‘ફ્રી ઘાસ આપવાના દાવા માત્ર કાગળ પર’: માલધારી આગેવાન ચોટીલી વીડીના માલધારી વસાહત અને સર્વ વિકાસ માલધારી ફાઉન્ડેશનના પ્રમુખ ગલાભાઈ ચાવડાએ વ્યથા ઠાલવતા જણાવ્યું હતું કે, જૂનાગઢ જિલ્લાના ગીર અભ્યારણ્યમાં કુલ 26 વસાહતો આવેલી છે અને અંદાજે 350 જેટલા કુટુંબો વસવાટ કરે છે, પરંતુ તેમને પાયાની સુવિધાઓ મળતી નથી. માલધારી પરિવારોને રહેણાંકના પ્લોટ, ભેંસોના કાયદેસર વાડા ફાળવવામાં આવતા નથી અને તેમના પાસ પણ જુદા થતા નથી. વધુમાં તેમણે આક્ષેપ કર્યો હતો કે, ચાલુ વર્ષ નબળું હોવાથી દુષ્કાળ જેવી સ્થિતિ છે ત્યારે પૂર્વ અને પશ્ચિમ ગીરના 350 જેટલા નેશમાં રહેતા માલધારીઓને વિનામૂલ્યે ઘાસ આપવાની વાત જંગલ ખાતા દ્વારા માત્ર કાગળ પર જ બતાવવામાં આવે છે, વાસ્તવિક રીતે નેશ સુધી પૂરતું ઘાસ ક્યારેય પહોંચતું નથી. ‘1972માં 588 પરિવારોના વિસ્થાપન બાદ સિંહો પણ હેરાન થયા’ ગલાભાઈ ચાવડાએ ઉમેર્યું હતું કે, જંગલ વિસ્તારમાં નેશની અંદર કોઈ મજૂરી મળતી નથી અને માલધારીઓ બહાર મજૂરીએ જઈ શકતા ન હોવાથી રોજીરોટી માટે ખાસ કિસ્સામાં જીપગાડીઓની પરમિટ આપવી અત્યંત જરૂરી છે. વર્ષ 1972નો ઉલ્લેખ કરતા તેમણે કહ્યું કે, તે સમયે સિંહ અને માલધારીઓ હળીમળીને રહેતા હતા પરંતુ, 588 જેટલા માલધારી કુટુંબોનું વિસ્થાપન કરાયા બાદ સિંહો પણ હેરાન થયા છે; કારણ કે પૂરતું મારણ ન મળતા સિંહો ગામડાઓ તરફ વળ્યા છે. માલધારીઓ અને સિંહનો જન્મ સાથે થયો છે અને માલધારીઓએ ક્યારેય સિંહને નુકસાન પહોંચાડ્યું નથી, તેથી જો તેમને પૂરતી સુવિધાઓ મળે તો તેઓ જંગલમાં ટકી રહી શકે તેમ છે. ઘાસચારાની પૂરતી વ્યવસ્થા છે, અમને કોઈ રજૂઆત મળી નથી: SDM આ સમગ્ર મામલે મેંદરડાના SDM એ.બી. જોશીએ પ્રતિક્રિયા આપતા જણાવ્યું હતું કે, જંગલમાં વસવાટ કરતા માલધારીઓની ઘાસચારાની અછત કે અન્ય સુવિધાઓ ન મળવા અંગે તંત્ર સમક્ષ સત્તાવાર રીતે કોઈ લેખિત કે મૌખિક રજૂઆત કરવામાં આવી નથી. તેમણે દાવો કર્યો હતો કે, નબળા વર્ષની પરિસ્થિતિ હોવા છતાં સરકાર દ્વારા માલધારીઓ માટે ઘાસચારાની પૂરતી અને યોગ્ય વ્યવસ્થા કરવામાં આવી છે અને અત્યાર સુધી કોઈ ગંભીર ફરિયાદ ધ્યાને આવી નથી.
    Click here to Read More
    Previous Article
    કાલોલના ગેંગડીયા ચોકડી ખાતે ‘જનજાતીય ગૌરવ દિવસ’ની ઉજવણી કરાઈ:પ્રધાનમંત્રીના 170થી વધુ પ્રકલ્પોના લોકાર્પણનું જીવંત પ્રસારણ નિહાળ્યું;વિવિધ ક્ષેત્રે કામગીરી કરનારાઓનું સન્માન
    Next Article
    છોટાઉદેપુરમાં જનજાતિ ગૌરવ દિવસની ભવ્ય ઉજવણી:CM ભૂપેન્દ્ર પટેલના રોડ શોમાં ઉમટી જનમેદની, 1828 જંગલ જમીનની સનદોનું વિતરણ કરાયું

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment