Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    પાટણના શિક્ષકોએ સ્માઈલ યોજનામાં જોડાવાની ખાતરી આપી:ટ્રસ્ટના સ્નેહમિલનમાં ભિક્ષાવૃત્તિ કરતા લોકોને આશ્રય અને રોજગાર તાલીમની માહિતી અપાઈ

    7 hours ago

    શ્રી બ્રહ્મ સમાજ સેવા ટ્રસ્ટ, પાટણ દ્વારા ૨૨ નવેમ્બર, ૨૦૨૬ના રોજ પાટણમાં શિક્ષક સ્નેહમિલન યોજાયું હતું. શિક્ષકોએ ‘સ્માઈલ’ યોજનાને સફળ બનાવવા સક્રિય ભાગીદારીની ખાતરી આપી હતી.કાર્યક્રમ શ્રી પાટણવાડા ઔદિચ્ય બ્રહ્મસમાજ બોર્ડિંગમાં યોજાયો હતો. આ સ્થળ દત્તાત્રેય સોસાયટીની બાજુમાં અને જનતા હોસ્પિટલની સામે છે. સવારે ૯ વાગ્યે દીપ પ્રાગટ્ય સાથે કાર્યક્રમ શરૂ થયો હતો. તેમાં મોટી સંખ્યામાં શિક્ષકો હાજર રહ્યા હતા.ટ્રસ્ટની પ્રવૃત્તિઓ વિશે માહિતી આપતાં નરેશકુમાર દવેએ જણાવ્યું કે સામાજિક ન્યાય અને અધિકારીતા મંત્રાલય, દિલ્હી દ્વારા અનુદાનિત અને જિલ્લા સમાજ સુરક્ષા યોજના, પાટણના માર્ગદર્શન હેઠળ ‘સ્માઈલ’ યોજના ચાલે છે. આ યોજના હેઠળ પાટણમાં ભિક્ષાવૃત્તિ કરતા લોકોને ૬ મહિનાથી ૩ વર્ષ સુધી આશ્રય અપાય છે. આ સમય દરમિયાન લાભાર્થીઓને બંને સમયનું ભોજન, ચા-નાસ્તો અને બે જોડી કપડાં વિનામૂલ્યે આપવામાં આવે છે. યોજનાનો હેતુ આશ્રય આપવા ઉપરાંત લાભાર્થીઓને સ્વમાનથી જીવન જીવવા સક્ષમ બનાવવાનો છે.દરેક લાભાર્થીની નોંધણી કરીને તેમની વ્યક્તિગત અને પારિવારિક વિગતો, ભણતર, આર્થિક સ્થિતિ, ભિક્ષાવૃત્તિ તરફ દોરી જનાર કારણો, રુચિ અને ક્ષમતાની માહિતી લેવામાં આવે છે. તેના આધારે તેમની જરૂરિયાત મુજબ આગળની દિશા નક્કી કરાય છે.લાભાર્થીઓને પગભર કરવા સિક્યુરિટી ગાર્ડ, સિલાઈકામ, બાગાયત, હસ્તકલા અને હાઉસકીપિંગની તાલીમ અપાય છે. તાલીમથી તેઓ સ્વરોજગાર કે નોકરી મેળવી શકે અને સમાજના મુખ્ય પ્રવાહમાં જોડાઈ શકે તેવો પ્રયાસ થાય છે. GCERT, ગાંધીનગરથી આવેલા પુલકિતભાઈ જોશીએ શિક્ષકોને નૂતન વર્ષાભિનંદન પાઠવ્યા હતા. તેમણે ટ્રસ્ટની સામાજિક અને સેવાકીય કામગીરીની પ્રશંસા કરી અને શિક્ષકોને ટ્રસ્ટની પ્રવૃત્તિઓમાં સક્રિય રીતે જોડાવા કહ્યું હતું. સમારોહમાં શિક્ષકો પાસેથી સૂચનો લેવામાં આવ્યા હતા. શિક્ષકોએ યોજનાને વધુ સફળ બનાવવા પોતાની ઉપયોગિતા અને સક્રિય ભાગીદારી નોંધાવવાની ખાતરી આપી હતી. કાર્યક્રમનું સંચાલન સંસ્થાના અલ્પેશભાઈ, ચેતનાબેન અને અન્ય સ્ટાફે કર્યું હતું. અંતે સૌએ સાથે સ્નેહભોજન લીધું હતું.
    Click here to Read More
    Previous Article
    ભૂતેડી કમલ વિદ્યામંદિરમાં ભૂતપૂર્વ વિદ્યાર્થીઓનું સ્નેહમિલન યોજાયું:ઓફિસ રૂમ અને કોમ્પ્યુટર લેબનું ઉદ્ઘાટન; 1980થી 2020 સુધીના 3,400 ભૂતપૂર્વ વિદ્યાર્થીઓને આમંત્રણ
    Next Article
    સરકારી દસ્તાવેજોના કેસમાં ફરાર આરોપી કચ્છમાંથી ઝડપાયો:હરિયાણાના નવીન યાદવને બે વર્ષ બાદ પશ્ચિમ કચ્છની પેરોલ ફર્લો સ્કોડે ઝડપ્યો

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment