Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    અમિતાભ બાદ રાજ કપૂરની બહેનનો પ્રોપર્ટી વિવાદ:નિમ્મીના કેરટેકર પર કરોડો અને સોના-દાગીના હડપવાનો આરોપ; એક્ટ્રેસ માટે દિલીપ કુમારને છોડવા તૈયાર હતા મધુબાલા

    7 hours ago

    દિગ્ગજ એક્ટ્રેસ નિમ્મીના નિધનના 6 વર્ષ બાદ તેમની કરોડોની સંપત્તિને લઈને વિવાદ ઊભો થયો છે. મુંબઈ પોલીસે તેમના પૂર્વ કેરટેકર વિરુદ્ધ 1.77 કરોડ રૂપિયાની FD, જ્વેલરી અને ફ્લેટ્સ હડપવાના આરોપમાં FIR નોંધાવી છે. 50ના દાયકામાં પોતાની સુંદરતા અને અભિનયથી ઓળખ બનાવનાર નિમ્મીનું જીવન પણ કોઈ ફિલ્મી કહાણીથી ઓછું નહોતું. તેઓ દિલીપ કુમારને પસંદ કરતા હતા, જ્યારે મધુબાલાએ એક વખત તેમને કહ્યું હતું કે જો તેઓ દિલીપ કુમારને પ્રેમ કરે છે, તો તે તેમની જિંદગીમાંથી દૂર થઈ જશે. જાણો નિમ્મીના પ્રોપર્ટી વિવાદ, રાજ કપૂરની બહેન બનવા અને દિલીપ કુમાર સાથેના એકતરફી પ્રેમની સંપૂર્ણ કહાણી- સૌપ્રથમ જાણો કે પ્રોપર્ટીને લઈને સંપૂર્ણ વિવાદ શું છે? દિવંગત એક્ટ્રેસ નિમ્મીના સંબંધીએ કેરટેકર વિરુદ્ધ પોલીસમાં ફરિયાદ નોંધાવી છે. ફરિયાદી અને નિમ્મીના સંબંધિ મોહમ્મદ યુનુસ સલીમ દુર્રાણી (48)ના જણાવ્યા મુજબ, જુહૂ સ્થિત નિમ્મીના બે ફ્લેટ્સની કિંમત આશરે 7-8 કરોડ રૂપિયા છે. ઉપરાંત, 1.77 કરોડ રૂપિયાની એફડી, જ્વેલરી અને કાર પણ તેમની સંપત્તિમાં સામેલ હતી. આરોપ છે કે એક્ટ્રેસના નિધન બાદ તેમના કેરટેકરે એફડીની રકમ હડપી લીધી, કારને ભંગારમાં વેચી દીધી અને ફ્લેટ્સ પર કબજો કરવાનો પ્રયાસ કર્યો. નિમ્મીએ સ્ક્રીનરાઇટર અલી રઝા સાથે લગ્ન કર્યા હતા. આ લગ્નથી તેમને કોઈ સંતાન નહોતું. તેથી તેમણે બહેનના પુત્ર અલી સૈય્યદ પરવેઝને દત્તક લીધો હતો અને વસિયતમાં મિલકત તેના નામે કરી દીધી હતી. પતિના મૃત્યુ બાદ નિમ્મી એકલા રહેતા હતા, જ્યારે તેમનો દત્તક પુત્ર પરવેઝ મૅન્ચેસ્ટરમાં રહેતો હતો. અંતિમ સમયમાં કેરટેકર જ તેમના ઘર અને નાણાંકીય બાબતોની દેખરેખ રાખતો હતો. નિમ્મીએ હાઉસહેલ્પ અસ્રાર શેખ સાથે એક સંયુક્ત ખાતું પણ ખોલાવ્યું હતું. 2020માં નિમ્મીના નિધન બાદ તેમના દત્તક પુત્રનું પણ નિધન થયું, ત્યારબાદ કેરટેકરે ઘરમાં રાખેલી સોના-ચાંદીની જ્વેલરી, 2 કરોડની એફડી અને 2 ફ્લેટ પર કબજો કરી લીધો. હાલમાં મામલાની તપાસ ચાલી રહી છે. દિલીપ કુમાર સાથે પ્રેમ અને હોલિવૂડમાં ‘અનકિસ્ડ’ નામથી પ્રસિદ્ધ, કોણ હતાં નિમ્મી- નિમ્મી એક સમયની પ્રસિદ્ધ એક્ટ્રેસ હતાં, જે દિલીપ કુમાર સાથે 5 ફિલ્મોમાં જોવા મળ્યાં હતાં. તેમને 50ના દાયકાની સૌથી સુંદર એક્ટ્રેસોમાં ગણવામાં આવતાં હતાં. તેમને ભારતની ‘અનકિસ્ડ ગર્લ’ પણ કહેવામાં આવતાં હતાં, કારણ કે તેમણે એક હોલિવૂડ એક્ટરને પોતાનો હાથ ચુંબન કરતા રોકી દીધો હતો. જે જમાનામાં દિલીપ કુમાર અને મધુબાલાનો પ્રેમ પરવાન ચઢી રહ્યો હતો, તે સમયે નિમ્મીને પણ દિલીપ ગમવા લાગ્યા હતાં. રાજ કપૂરે બંધાવી હતી રાખડી રાજ કપૂરે ફિલ્મ ‘બરખા’ દ્વારા નિમ્મીનો હિન્દી સિનેમામાં પરિચય કરાવ્યો હતો. નિમ્મી પોતાની માસી જ્યોતિ સાથે ફિલ્મ ‘અંદાજ’નું શૂટિંગ જોવા મહબૂબ સ્ટુડિયો પહોંચ્યાં હતાં. ત્યારે રાજ કપૂર તેમની સુંદરતાથી પ્રભાવિત થઈ ગયા અને તેમને ફિલ્મમાં કાસ્ટ કરી લીધા. સેટ પર નિમ્મી ડરી-ડરીને રહેતાં હતાં, તેથી રાજ કપૂરે તેમને રાખડી બંધાવી પોતાની માનેલી બહેન બનાવી લીધી. 'બરસાત'થી હિન્દી સિનેમામાં પગ મૂક્યા બાદ નિમ્મીએ ‘બાંવરા’, ‘સજા’, ‘આંધિયાં’, ‘દીદાર’, ‘દાગ’, ‘અમર’, ‘શમા’, ‘ચાર દિન ચાર રાહેં’, ‘બડી બહૂ’ જેવી ઘણી મોટી ફિલ્મોમાં કામ કર્યું. દિલીપ કુમાર સાથે અધૂરો પ્રેમ અને ત્યાગ નિમ્મીએ દિલીપ કુમાર સાથે કુલ 5 ફિલ્મો—'આન', ‘અમર’, ‘દીદાર’, ‘દાગ’ અને ‘ઉડન ખટોલા’—માં કામ કર્યું હતું. ઑનસ્ક્રીનની સાથે ઑફસ્ક્રીન પણ નિમ્મી દિલીપ કુમારને પસંદ કરતી હતી. ફિલ્મફેરને આપેલા એક ઇન્ટરવ્યૂમાં તેમણે ખુદ આ વાત કબૂલ કરતાં કહ્યું હતું, “દિલીપ કુમાર એક ચુંબક જેવા હતા, જેમની તરફ દરેક વ્યક્તિ ખેંચાઈ આવતી હતી, હું પણ તેમાંથી એક હતી.” મધુબાલા અને બીજી સુંદર મહિલાઓ તેમને પ્રેમ કરતા હતા, હું તેમની બરાબરી કેવી રીતે કરી શકતી? મારું દિલ ખરાબ રીતે તૂટી ગયું હતું, મેં એવી ઇચ્છા રાખી હતી જે મને ક્યારેય મળી શકે તેમ નહોતી. આ વિચારથી જ હું તેમનાથી દૂર રહી. શૂટિંગ દરમિયાન તલવાર ફેંકતી વખતે દિલીપ કુમારને ઈજા થઈ નિમ્મીએ ફિલ્મફેરને આપેલા ઇન્ટરવ્યૂમાં જણાવ્યું હતું કે ફિલ્મ ‘આન’ના શૂટિંગ દરમિયાન તલવાર ફેંકતી વખતે દિલીપ કુમારને તેમની અણીથી ઈજા થઈ હતી. નિમ્મીએ માફી માગી, તો જવાબ મળ્યો, ‘અમે વિચારીશું, જિંદગીમાં એક ઈજા વધુ સહન કરી લીધી.’ આ સાંભળીને નિમ્મી આખી રાત તેમના વિચારોમાં ખોવાયેલી રહ્યા હતા. આ ફિલ્મનું પ્રીમિયર લંડનમાં યોજાયું હતું. ટીમ લંડન પહોંચતાની સાથે જ હોલિવૂડ એક્ટર એરોલ ફ્લિન પણ નિમ્મી અને દિલીપ કુમારનું સ્વાગત કરવા ઊભા હતા. નિમ્મીને મળતી વખતે એરોલ તેમનો હાથ ચુંબન કરવા લાગ્યા. નિમ્મીએ તરત જ પોતાનો હાથ ખેંચી લીધો અને ગુસ્સામાં કહ્યું, શું તમને ખબર નથી કે હું એક ભારતીય છું? બીજા દિવસે લંડનના અખબારોમાં નિમ્મીની તસવીર સાથે લખવામાં આવ્યું, ‘The un-kissed girl of India’. નિમ્મીને ઘણી હોલિવૂડ ફિલ્મોની ઑફર પણ મળી હતી, પરંતુ તેમણે તમામ ઑફર ઠુકરાવી દીધી. મધુબાલાએ નિમ્મીને કહ્યું, તારા માટે દિલીપ કુમારને છોડી દઈશ ત્યારબાદ નિમ્મીએ મધુબાલા અને દિલીપ કુમાર સાથે ફિલ્મ ‘અમર’માં કામ કર્યું. મધુબાલા પણ દિલીપ કુમારને પસંદ કરતા હતા. સાથે કામ કરતી વખતે મધુબાલાને સમજાઈ ગયું કે નિમ્મી પણ દિલીપ સાહેબને પ્રેમ કરતા હતા. સાથે કામ કરતાં બંને પાક્કી બહેનપણીઓ બની ગયા. એક દિવસ મધુબાલાએ નિમ્મીને કહ્યું, શું હું તમને કંઈ પૂછી શકું? આશા રાખું છું કે તમે મને ખોટું નહીં કહો. જ્યારે નિમ્મીએ હા પાડી ત્યારે મધુબાલાએ પૂછ્યું, શું તું પણ દિલીપ સાહેબ માટે એવું જ અનુભવે છે જેવું હું અનુભવું છું? જો હા, તો તારા ખાતર હું તેમના જીવનમાંથી દૂર થઈ જઈશ. આ સાંભળીને નિમ્મી ભડકી ઊઠી અને જવાબ આપ્યો, મને ખેરાતમાં પતિ નથી જોઈતો. મહબૂબ ખાનનો ઉપકાર ચૂકવવા માટે પલ્લુમાં બાંધીને નોટોના બંડલ લઈ ગઈ નિમ્મીની માતા વહિદાન સિંગર હતા. એક સમય હતો જ્યારે તેમની પાસે રહેવા માટે કોઈ ઠેકાણું નહોતું, ત્યારે મહબૂબ ખાને તેમને રહેવા માટે જગ્યા આપી હતી. તે સમયે નિમ્મી ઘણા નાના હતા. વર્ષો બાદ તેઓ હિન્દી સિનેમાની સ્ટાર બન્યા. જે સમયે મહબૂબ ખાન ‘મધર ઈન્ડિયા’ બનાવી રહ્યા હતા, ત્યારે 40 લાખ રૂપિયા ખર્ચાઈ ગયા બાદ તેમણે ફિલ્મ બંધ કરી દીધી. જ્યારે નિમ્મીને આ વાતની જાણ થઈ, ત્યારે તે નોટોના બંડલ પલ્લુમાં બાંધીને તેમની ઓફિસે પહોંચ્યાં. તેમણે તેમના મેનેજરને પૈસા આપ્યા અને કહ્યું—ફિલ્મ અટકવી ન જોઈએ, પરંતુ મહબૂબ ખાનને ન જણાવશો કે પૈસા નિમ્મીએ આપ્યા છે. મેગેઝિનમાં જોઈને સ્ક્રીનરાઈટર પસંદ આવી ગયા, તેમની સાથે જ લગ્ન કર્યા નિમ્મીએ પોતાની કારકિર્દીની ટોચ પર સ્ક્રીનરાઇટર અલી રઝા સાથે લગ્ન કર્યાં હતાં. રાજ્યસભા ટીવીને આપેલા ઇન્ટરવ્યૂમાં નિમ્મીએ જણાવ્યું હતું કે એક દિવસ ફેમસ સ્ટુડિયોમાં શૂટિંગ દરમિયાન તેમની હેરડ્રેસરે ફિલ્મઇન્ડિયા મેગેઝિનમાં છપાયેલો અલી રઝાનો ફોટો તેમને બતાવ્યો. પહેલી નજરમાં જ તેમને અલી રઝા પસંદ આવી ગયા. ટૂંક સમયમાં જ તેમણે આ વાત અલી રઝા સુધી પહોંચાડી અને ત્યારબાદ બંનેએ પરિવારની મંજૂરીથી લગ્ન કર્યાં. આ લગ્નથી તેમને કોઈ સંતાન થયું નહોતું. લગ્નના થોડા સમય બાદ જ નિમ્મીએ ફિલ્મ ઇન્ડસ્ટ્રી છોડી દીધી અને ઘણી શ્રેષ્ઠ ફિલ્મોની ઓફર ઠુકરાવી દીધી. 25 માર્ચ 2020ના રોજ 87 વર્ષની વયે નિમ્મીનું અવસાન થયું હતું.
    Click here to Read More
    Previous Article
    अपनी गर्लफ्रेंड का जिक्र कर राहुल गांधी ने सुनाया सोनिया और राजीव गांधी की लड़ाई का किस्सा
    Next Article
    અમરેલીમાં રાજ્યનો પ્રથમ, દેશનો બીજો Bio-CBG પ્લાન્ટ બનશે:75 કરોડના ખર્ચે નિર્માણ, નેપિયર ઘાસ અને કૃષિ અવશેષોમાંથી દરરોજ 10 ટન ગેસનું ઉત્પાદન થશે, પ્લાન્ટના અવશેષોમાંથી જૈવિક ખાતર બનાવાશે

    Related Entertainment Updates:

    Are you sure? You want to delete this comment..! Remove Cancel

    Comments (0)

      Leave a comment